قصه ما ينجر قلب على قلب

""""الجـــزء الاول""""
من قال لك اني فالبعد مرتاح جذاب خذ مني العلوم الاكيده مهموم و طول الوقت و الحال ياصاح كل يوم في ناقص ولا شي يفيده

لطيفه: عنبوه يا فطيم ما بغيتي تيــــــــين.... ماظني نلحق على الامتحان
فاطمه: ركبي ركبي انتي الحينه خلاف بنتفاهم..
دشت لطيفه السياره و سكرت الباب وراها
لطيفه: السلااااااااااااام عليكم ...
فاطمه + ضبابه + أنيسه + إبراهيم : و عليكم السلام
فاطمه: هلاااااااااااااا...ضبابه الغرشوبه هنيه .... خشمج
ضبابه: هههههههه....غرشوبه مرررره وحده..شحالج بنت الخال
لطيفه: يسرج حاليه.....نشقح على قولت بنات السكن
ضبابه: يعلني بلاهن ...اشوفها رمسكتن امررره خلفـتنها ألا نشقح و أمبيه و مادري شوه...امف عليكن
لطيفه: هههههههه...حرام عليج و الله انه سوالفهن حلوووه...اقول بنت العمه وين بها ؟
ضبابه: و الله عندي مووعد أسنان . يبالنا انزّر ( انشد ) الضريسات قبل لا انسافر
لطيفه: غربلات عدوج فجوجج طاحن من كثر ما يزروولج هالتقويم بس عاد عقيه حَلـْين في ثمج
فاطمه: بس عاااااد صخّن شوي..كلمتين ما رمت اقرآهن من حشرتكن..شوه اول مره اتشوفن بعض؟؟!!!!
لطيفه: و سكنهم في مساكنهم....شعندج؟؟؟
ضبابه: لا تخبرين امررره الدخان يضهر من خشمها...مواصله من البارحه ما رقدت و ألحينه متأخرة
لطيفه: انزين انتن شعنه متأخرات؟؟؟
فاطمه و بإستهزاء: الكونتيسه بخيته ( أمها) لازه السياره و سايره اتسلم على حرمه مربي
لطيفه: فديتها عموه....انزين انتي شعنه ما قلتي جان خطفت عليكن بالسياره
فاطمه: تراها هاي ذبابه عليها موعد ولازم اتسير ويانا....و بعدين امرررره ما تحلالهن السيرة الا الضحى حشا ما يرومن ايقرّن فالبيت يوم كامل
ضبابه: ذبابه تقرصج قولي امين ....الله يغربل الساعه اللي سموني فيها ضبابه..حشا و الله اني تعقدت....و بعدين الحبيبه راااقده طول اليوم و ناشه انصاص الليالي اتذاكر شدرانا انه عندكن امتحان؟؟؟ نسيتن انه اليوم الخميس
لطيفه: ههههههه...اسميكن اتجنن و انتن تتغزلن في بعض شرايكن اتقابضن بالكشيش بعد...بعدين إيه ضبووووب بس عليج مسمايه على البوووسBoss العود جان زين سموني على يدووه ضبابه يعلني ما اخلا منها يارب
ضبابه: خلاص عيل بنتبادل بالاسماء امبونه اسم لطيفه ما يناسبج
لطيفه: شرايج امره انخطف الحينه على المحكمه و انغير الاسامي...
فاطمه: شوه هالجامعه المتخلفه حد يمتحن يوم الخميس...بتخبرج لطوف خلصيته الكتاب كله؟
لطيفه: امرررره لا تخبرين الكتاب عدي به من يوم الميد تيرم
فاطمه: غربلات عدوج شوه بتسوين اليوم فالفاينل...عنبوه متعنيات و ماخذات صيفي عشان نرسب؟؟؟
لطيفه: هبي هبي ....يا بوي فال الله ولا فالج ارسبي انتي جان تبين... بعدين منوه غيرج معزر ناخذ صيفي بصايرج هاي
ضبابه: و الله انكن مالكن خص فالجامعه ....ولا انتن اشكال جامعيات ؟؟؟؟؟ و مهلكات عماركن عنبوكن الا توكن مخلصات الأساسي يا بوي بالدوب ادرسن... هب كله خبط لزق
لطيفه: و الله هاي شويرات اختج ولا انا مالي خص فالجامعه ولا غيره امبوني بيلس فالبيت ابركلي
فطيم: عنبووج يايبه 89 و علمي و ما تبين اتدشين جامعه ...عيل شوه اتقولين عني انا 71 و ادبي بعد زين يوم قبلوني فالجامعه
لطيفه: بتخبرج وين الامتحان ؟؟
فاطمه: فالعين مول
لطيفه: منووووه يقول ؟؟؟ يابوي انتي امررره راقده على عمرج جني سمعت انه فال 66...صبري بسوي حق سلاموه
ضبابه: شوه هاذا بعد العين مول؟؟؟
فاطمه: هاذا مبنى يديد فالجامعه يشبه العين مول من برا
ضبابه: وااااايه ...تراكن وايد متخققات بهالجامعه اللي يسمع داشات الامريكيه ولا كامبردج
فاطمه: عاد و الله الجامعه مسونها بوخليفه ....و ايسدنا اننا نتخرج من الجامعه اللي هوه مسونها
لطيفه: بنشوف انزين ضبوب اي جامعه بدشين
ضبابه: و منوه ايقولكن اني بدش جامعه...انا ضبابه بنت سيف اكرف فالجامعه من سابع المستحيلات
فطيم: عيل شوه ناويه اتسوين بنت سيف .... بتشتغلين مرجبي فالعزبه؟
ضبابه: ماشي ....اممممم....بعرس
فطيم: شوه شوه شوه ما سمعت .....دخخخخخيلكم ..
ضبابه: هيه بعرس عندج مانع
فطيم: لا دواس
ضبابه: دمج ثقيل ..تعرفين ولا لا ؟
فطيم : لا ...توني اعرف معلومه يديده
لطيفه: و اقوووول ضبوب...اشوفج وايد واثقه منوه تعيس الحظ ...اوه سوري الشيخ اللي بياخذج...؟
ضبابه و بإرتباك: شوه ....اممممم...نصيبي بعد منوه
لطيفه: سبحان الله و هالنصيب ما يشوف غيرج انتي ....ما يشوفنا نحن جدامج
ضبابه: و الله انتن رقيه و سبيجه منوه يباكن ؟؟!!!
فطيم: بس عاد جنا ما نعرف عاااااد لمنوه تلمحين....لطوف تراه هاذا كله دهان سير ..فهميها عاد
لطوف( حابه ترفع ضغط ضبابه): لا و الله ...ثرها جيه السالفه عنبوه يا بنت العمه ما يرزا ...يوم في خاطرج خلوووف جان من زمان قلتي
فطيم: ههههههههههههههههههههههه....اشكر فنج لطفين
ضبابه: اووووهووووو...غلسات حشا ما شفت حد بغلاستكن و انا خلوووووف هاذا ما باخذه..لو ايبيض الديج ما باخذه..بس عاد مب كل شوي اتقوللي خلووف و خليفه
فطيم: عدال عدال
لطيفه: عاد اللي يسمع هوه اللي بيموت فيج...بعدين هوه خاطب وبيرد ان شالله من بريطانيا و بيعرس و بتعذرين عنه
فطيم: يابوي القلب مب عند خليفه ...القلب عند ناااااس ...لطوف الله يخليج خطبوها و فكونا منها هالخقاقه
لطيفه: و الله سلطان بعده صغير ...و نحن يوم بنخطب له ...افكر اخطبله وحده من سويحان
ضبابه: لا و الله ....يعله بلاهن بوميـــــــــــــــــــــــــــــد بنات سويحان
فطيم: بس بس الله يخليج لطوف البنت شوي و بتعق عمرها من الدريشه...مايرزا الا سلطان هوه مناك
ضبابه: اكريمنا بسكوووتج .... ثره على التراب انتي ماتسوينه
لطيفه و هي تكلم سلامه على التيلفون: صصصصصصصصصصصصه ...خلني اسمع البنت شوه اتقول....هيه متأكده؟؟؟ قلت انا هالخريش اللي عندي ما تعرف وين تضوي..انزين سلامه بخليج ..سمحيلنا غثيناج....شعليج فالبيت امبونه الا الجامعه فره حصاه عن بيتكم هب نحن ...مالت على حظنا نص ساعه عشان نوصل ..ههههه..انزين الغاليه فداعت الله..باي
فاطمه: وين؟؟
لطيفه: فال66
فاطمه: عزات اليوم ما دشيناه الامتحان ... متا بنوصل بعدنا هناك..ايه إبرااااهيمووه انقفض ما تشوفنا متأخرات
إبراهيم : شوووه هاداااا انتي زياااده جنجال ..كل يوم كل يوم ...توم فاجل
فاطمه: فاجل محد غيرك يالهرم ....حط شريط اسود
ضبابه: و لج بارض تسمعين اغاني بعد
فاطمه: لمي ثمج لو سمحتي ..مافي هاذا شريط ما تفهم انته هاذاك اسود
ضبابه: ههههههههههههههههههههههههههههههاي...يوم اقولكم يعــــّيب الريال محد صدقني ...و الله انه ما فيج حيله يا لطوووووووووف امررره الريال طاح طيحه في هواج...
لطيفه: ضبوب ردينا على طير يللي ...تراها تفهم رمستنا.( تقصد براهيم)
ضبابه: عيل شله كل ما نركب ايحط شريطج ؟؟
فاطمه: براااااااعيم ...يعل ما من براااعيم فالدنيا...حط هاذا الشريط تراهن زيراني اليوم نازلات
ابراهيم .....تحرطم كم كلمه بالهندي ....بس لا حيات لمن تنادي
ضبابه: براهيم حط شريط مال فاطمه ما يشوف انته كيف هيه زياده جنجال
براهيم: ما يريد....هاذا كاسيت في فاااجد سووت ( صوت) ما يروم انا مخ مالنا زياده مشكله
خطفن عشر دقايق و فطيم غاديه غوووووري امره اتفووووور اتفووووور شافتها لطيفه ..
لطيفه: براهيم ....الله يخليك خله هاليوم يعدي على خير...حط شريط اسود مال فاطمه
ابراهيم: ان شالله ماما لتيفه....انتي تمامم ما في هادا بنات كل يوم زنجال
لطيفه: بس عاد من الرمسه ...انقفض ورانا امتحان نحن و انته تمشي 80 متا بننوصل
ابراهيم : ان شا الله
++ عاد هاذا ابراهيم روووحه سالفه..الله يسلمكم هاذا دريولهم صغير فالسن ..يمكن عمره جيه 27 سنه و لا كله كوم و شكله كوم يشابه الممثل الهندي المعروف أمير خان ... هاذا اذا تعرفون امير خان و اذا ما تعرفونه تراه يعني انه حليو...بس اسمر مثل كل الهنود بالتأكيد..الشي الغريب في براهيموه انه من يشوف لطيفه ينجلب حاله يستوي رقيق و ما يداني حد ايعاند لطيفه ...شوه السالفه و الله مادري ؟؟؟ جنه يحبها!! يمكن تراه لطيفه مافيها جمال اماراتي بحت تراها بيضا و عيونها خضر عشان جيه الريال انغرم بها ...يستويله^_^
و طرّب عاد الجسمي ...و صوته شال الدنيا المهم انه فطيم ترتاح شوي و تفجج عن راسها...فاطمه و ضبابه خوات و هن يصيرن بنات عمت لطيفه ...لطيفه و فاطمه هاي اول سنه لهن فالجامعه خلصن الاساسي و الحينه ياخذن صيفي..حبوبات ..و متعلقات ببعض وايد...وايد شوي عليهن بصراحه الى درجه الخبال احيانا.. رغم انه شخصياتهن عكس بعض تماما..فاطمه بنت هاديه مسالمه و مالها خص في حد بس اذا عصبت خوزو عنها ...طبعا شي مب غريب لانه هالعايله كلها تشب ضو على اتفه الاسباب...اما لطووف بنت شوووووه اقولكم عنها ....قويه ما توصفها..مشاغبه مشااااااكسه و رومانسيه لابعد الحدود...بإختصار حريجه متحركه..اما ضبوب ملكت جمال العايله تدرس فالثانويه بتروح صف ثالث ثانوي علمي ....نص بنات المدرسه معجبات..بس اسمها معقدبها عشان جيه ما تروم تتخقق وايد...يعني هالاسم كاسر خشمها...هاذا وصف مختصر لشخصياتهن اما اشكالهن فهن بنات عاديات يعني مب جمال خارق للعاده بس كل وحده فيها شي ...امممم ...شوه اقولكم ..مادري جذاااب يعني..يعني فاطمه حنطاويه عيونها صغار بس مطاطيات يعني مرتفعات علة فوق شوي..خشمها صغير...او بالاحرى كل شي في ويهها صغير.. بس أحلا ما فيها غمازاتها..صدق اذا ضحكت ما تروم اتشل عينك عنها..اما الحريجه...اوه سوري قصدي لطيفه ( و الله مادري كيف سموها لطيفه ....العكس تماما) فهي بيضا عكس العايله كلها ...خمشها حاد شوي و عيووووووونها
شوه اقولكم عن عيونها صح مب كبار بس احلا شي فيها ....لونهن عسلي و يوم تضرب فيه الشمس يرد على الخضر!!!!!....بشكل عام اللي يشوفها ايقول حليوه بس عيوووونها ايصكتن ^_^
لطيفه: اقول ضبوب ؟
ضبابه: هلا
لطيفه: لاحظتي الغلاسه
ضبابه: هيه بس قلت يمكن انا اللي اتوهم
فاطمه: اقول نزلن الغشاوي احسن...انا من شفته ايجاوز نزلتها الغشوه...و انته ايه براهيم خله ايخطف لا تيلس اتجاوز
لطيفه: و انتي متعمعمه من الصبح عسبه...وايه مالقيتي مووونه طبنه الحين بيزوول
ضبابه: لا ياختي ما بيزول من دوارالمسعودي ألين الديوان و هو يلحقنا ؟؟؟ حشا اليوم الخميس عبالي باخينها الشباب رقده .... شوه موعنه هاذا الساعه تسع و نص الصبح؟؟
لطيفه: عنبووه محد غيركن واعي فهالدنيا...يابوي العالم تقضي اشغالها ...براهيموه لا تسرع خله يخطف
ضبابه: اسميني ما دانيها السياره من دوون مخفي ... متا بيتكرم أحمد و بيوديها
لطيفه: وااااااايه جانكن اترين الديج ايوديها ...يوم اتعقص الرخمه تعرفنها ولا لا ..
فاطمه: وابويه عليكن عنبوه توها السياره امظهره من الوكاله اسبوع ماكملت بيوديها بو شهاب ما يقصر
لطيفه: ألحينه الديج تزقرينه بوشهاب...ماعندج مووونه
ضبابه: بتخبرج لطيفه شوه اتشوفينه اخويه يهووودي...حشا امررره مب مالي عينج
لطيفه: لا و الله مب مالي عيني جان تعيبج الرمسه بنت سيف....أحمدووه طول حياته بيتم ديج في عيني
ضبابه: الديج على قولتج ريال بلحيته...داق الست و عشرين ...بعدين انا ابا اعرف انتي شله تبغضينه سارق حلالج يعني ؟؟؟ و لا عشان ما خطبج
فاطمه: ذبابه لمي ثمج اوكي و انتي البنت مالج خص فيها...اقول لطوف ماعليج منها هالياهل تعق الرمسه الا جيه
لطوف: و الله ما حفلتها رمستها....و بعدين ايه انتي ضبوب تراج على هالخقه الزايده ما بتوفقين في حياتج زينت الحرمه تواضعها و اخلاقها
ضبابه: مب محتاجه نصايح
فطيم: جـــــــب ضبوب...يالله لطيفه هجووم على الامتحان
لطيفه: يالله


مطعنون قلبي فالهوا كله اجراح ادواه عندك عالجه لا تزيده طعنات ماهي مثل سكاكين و ارماح بسيف حبك من مسافه بعيده


++ دشن لطيفه و فاطمه الجامعه و سارن سيده ألين المبني اللي فيه امتحانهن...سارن؟؟؟ الا ركضن ركض لانهن بالاساس متأخرات و بعدين المبني بعيد شوي ...و اي تأخير ممكن يحرمهن من الامتحان...و الله على الاشكال الشيل اتطير اتقول اعلام ...و العبايا مشلولات على فوووق لازم لزووم الركض..لو الود ودهن يركضن حافيات
فاطمه: اييييييييييييييييييييه لطفين شوي شوي ماروم ألحقج شوه فاجينج فالريس انتي؟؟
لطيفه: لا حبيبتي بس انتي ما تعرفينه خيرالدين و الله ما يدخلنا ...هالدكتور حاط دوبه و دوبنا من اول يوم
فاطمه: الله يغربل هالتنووره الضيقه ... حاط دوبه و دوبي انا مب انتي ....
لطيفه: بتخبرج اي قاااعه
فاطمه:اكيد المتعدده
لطيفه: خييييييييييييييييييييييييبه قدهن البنات امتحنن...شوفي شوفي شيبتج واقف على الباب
الدكتور: أيه أيه يا بنات متأخرات كده ليه؟؟
فاطمه: و الله يا دك.....
لطيفه: لمي ثمج من يسمع حسج بيستلبس علينا.....دكتور و الله ظروف شوي عندنا
الدكتور: اه بس ربع ساعه كتير اوي...ما أادرش اخليكم تخشوا الامتحان
لطيفه : و لو يا دكتووووور ... و الله كان عندنا طوارئ شوي حرام عليك دكتور بتحرمنا من الفاينل
الدكتور: خير كفالله الشر ..مالك يا لتيفه حصل ايه؟؟
فاطمه: حوووووه بتيلس انته اتدق سوالف ورانا امتحان نحن
الدكتور: و فاطنه كماااان...لأ لأ ما ادرش اخليكم تخشو
لطيفه: شوه قلتلج انا ما قلتلج لا ترمسينه!!!!!! دكتور حرام عليك ماخذين صيفي و بعدين نحن ساكنين برا العين و الوالده تعبانه فالمستشفا و نحن من البارحه مش نايمين عمالين نزاكر( كله جذذذذذذب) ... يالله دكتور الله يخليك
الدكتور: اممممم..خلاص مش مشكله بس ديه اخر مره
فاطمه: اكيد اخر مره ...ليش في مره جايه
الدكتور: ايه يا فطنه...مش عاقبك كلامي
فاطمه: اخسي ما يعيبني كلامك.... انته دكتورنا
الدكتور: اه اخسي ...يعني ايه
لطيفه: كبر راسك تراه ...خوز خوز و الله يامتحن
دشت لطيفه و فاطمه لاصقه فيها ......
لطيفه: عنلات صداه المصيري ذل عارنا ...شوي و ببووس ايديه
الدكتور: لتيفه انتي اووووعدي ( اقعدي) على الكرسي اللي فالاخر هناك و انتي يا فطنه اوعدي اودام عنيــّه
فاطمه: ليش ان شالله ؟؟ تتحراني بغش
الدكتور: بس بلاش تزودي فالكلام ...خدي الورأه
++ راحت لطيفه للكرسي اللي قالها الدكتور تيلس عليه...يالله توبه توبه اتأخر مره ثانيه حشا ذلنا ذل....بعدين شكل القاعه و هيه متروسه تخووووووووووووووف....كل البنات ايحلن ..ِ شوفو انتو هاي شوي و بتاكل الورقه ..مالت علينا نحن اللي ما نضوي فايده...ولا هاي يالسه ترسم نقوووش على الورقه ..الله لا تبلانا...الله يغربله فرقنا ...عاد لو فطيم عدالي بتغش لها كم كلمه و بتغششني الصح و الخطا ...الخام متعمد ايفرقنا ايحيدنا ما نخوز عن بعض..هيه و الله انا و فاطمه وايد كلووز معا بعض.مادري ما تخيل الدنيا بلاها..من دشينا المدرسه و هيه معايه ما نتفارق و اذا فصلونا فالصفووف ما تقصر عموه بخيته اول وحده اتداوم فالاداره و ما تطلع ألين ما ينقلونا عند بعض...عاد حليلها فطوم ناقه الله و سقياها لا تهش ولا تنش ...بس من تشوفني اشاغب ما تقاوم .. انا يوم اشرد من الكلاسات اشردها معايه لانها هيه كانت ادبي و انا علمي، بس انا اروم ادبر عمريه و ألقالي اي حجه..مثلا كنت فالحمام...او كنت اودي الدفاتر عند الابله اي شي اي شي.... بس هيه بقررررره تنكشف...بصراحه هالبنت طبجتيه و احبها وايد و كنت اتمنا انه امايه تخطبها حق خليفه اخويه بس... خليفه راسه يابس و حب انه ياخذ وحده تقربلنا من صوب ابويه شافها مره يوم كان في سويحان ايسلم على يدتيه...على العموم ماشي نصيب...و بعدين خلووف اخويه شوي عصبي..شوي؟؟!!! لا بصراحه خلوف و أحمدوه ولد عموه اوه قصدي الديج جباريت ..حشا على اتفه شي ايولعووون ..و عاد فاطمه فيها رقه و حساسه زياده عن اللزوم و اخاف خلوووف يـيلس ايخشعها بطبعه الناري...بس ما عليكم ما ينخاف عليها احسبها قريب بتنخطب لانها بصراحه ست بيت ...يعني حرررررررررررررررمه ..و طبعا هواياتها غير الاعجاب فالمعلمات الطططططبخ و تصميم الازياء..عاد انتو لا يغركم كلمت ازيااااااااء...يعني هيه ترسم موديلات جلابيات بس بصراااحه موديلات اتخبللللللللل لدرجه انه واحد من الخيااااييط مسوي صفقه معاها بحيث انها ترسم حقه بس و هوه ايسويلها بأرخص الاسعار .. شفتو عاد انتو المخ التجاااري...اوووووه ألتهيت عن الامتحان ..يالله ما بقى غير نص ساعه خلوني اشوف شغلي......
++ الحمدلله خلصت قبل الوقت يالله بسلم الورقه و بطلع بصراحه حاسه بخنقه من يوم ماطرتلي ضبابه أحمد...الديج الخام....أكرهه ..و الله الكره شوي عليه..يالله ما بكدر عمري على سالفه صارت من خمس سنين..


لا جيت هم القلب و الروح ينزاح و تعودلي احلام الليالي السعيده نفسي تجي و نعوض العمر لي راح و تبدا معي فالحب رحله جديده

الدكتور: أيه يا لتيفه خلصتي؟
لطيفه: شوه رايك...اكيد خلصت دووك الورقه و هالله هالله يا دكتور فالتصحيح
الدكتور: انتي ما ينخفش عليكي
لطيفه: ياربي اتسلمني من عينك
الدكتور: اولتي ايه؟؟
لطيفه: ما شي يالله مع السلامه دكتور و سامحنا عاد
الدكتور: لا و الله دنتو كنتو زي العسل فالمحادره ( المحاظره) بس الشأآوه مش حتنفعك يا لتيفه ركزي على دراستك
لطيفه: ان شالله ....ظهرت لطيفه ويلست على الدري بعيد شوي لانها تبا اتسوي حق ابراهيم تتأكد اذا موجود ..تراه هاذا يستغل الفرصه من ايفر البنات فالجامعه ما يخلي بقعه مايسيرلها...و الموبايل طبعا فالشنطه و هيه يالسه اتدق على اساس محد ايشوف..عن لا ننفصل بعد ...ما حست الا حد ايدق على جتفها!!!!!
------: لو سمحتي تعالي معايه الاداره ...ما تعرفين انه الموبايل ممنوع
++ مادري بشوه حسيت .... و الله اني تبريدت.. يمكن قلبي وقف اعتقد اني مت من الخووووووووف...مت اظنيه.. لا لا مادري اشوف الدنيا اسودت جدامي...هيه يمكن اغمي عليه..ثره جيه يوم يغما على البنات حشا شعور كريه..قصووووري مفصوووله من الجامعه...عشان تطلع الاشاعات عليه ...مادري حسيت انه ريولي اتشللن..مارمت ارفع عيني ..أحس ببروده و بيده في عظامي...ايديه ما يتحركن..شقاوه هيه بس انفصل من الجامعه؟؟!!! شوه بيقولون هليه ..بيذبحوني..بس ألتفتت شوي شوي...هيه قدرت احرك راسي يعني ما اغمي عليه
لطيفه: الله يغررررررررررررررررررربلكن ,,,,,يعلكن الماحي قولن امين ...طارت حمامت فوادي
يمنى + فاطمه + سلامه : هههههههههههههههههههههههههههههههههههههه
يمنى: و شحااااااالش
لطيفه: شوه حاليه ....و تربع لطوووف وراهن اللي لحقته بإيدها شافت شغلها فيه و اللي ما لحقته بالشنطه على روووووسهن...و الله انهن يستاهل ....
يمنى: يعني ما ذوووق حزنننش...عيني خير اشياش
لطيفه: يعلكن ما تعرسن قولن امين
يمنى و هيه رافعه عيونها صوب السما: لا يا ربي لا تسمع دعوتها ذي حسووده ...يا ربي فديتك لا تسمعها
فاطمه: هههههههه....
سلامه: شوه سويتي لطفين فالامتحان
لطيفه: شدراني ...و الله انه ما فيني ذهن اتذكر شوه سويت
يمنى: و الله اني رقيييييييييييييييص...ما خليت سوال ما حليته
فاطمه: و الله انه ما فيج حيله ... امررره محطمه التيمات
يمنى: الله يسلمني من عينش....يالله عيل شي في خطركن من صوبنا؟؟
لطيفه: وين بها ؟
يمنى: اسمع سليم تنهمني....يابوي بسير اوطي راسي ورانا سيرة للعراد باكر
لطيفه: عنبوه العراد في هالحر ...
يمنى: يختي مقطوع قلدنا هناك ...ونتو متا بتسيرون العمره؟
فاطمه: الاسبوع الياي ان شالله ..
يمنى: اقووولش ...فدديتش يا فطووم ادعيلي بالريل
فاطمه: لا و الله بدعي حق عمريه انا وين تبين انتي
لطوف: ما عليج انا مرررره بدعيلج هناك عند الكعبه
يمنى: ني ماباااش تدعيلي انتي ...
لطووف: عنلات صداااج يالهرمه...
يمنى: هههههههههههه...ني خاف دعوتش ما توصل السما ذيك مسودت الويه دووم اتصلي...و اتأشر على فاطمه
لطيفه: و انا شوه اتشوفيني كااافره
يمنى: لا هندوووسيه...خخخخخخخ...عنبوش اتخزل عليش انا
++ و سارن سلامه و يمنى صوب البوابه .....اما فاطمه و لطيفه سارن عند ثلاجت الايس كريم بياكلن شي ايبردن فوادهن...عند الثلاجه
لطيفه: اقول فطيم...شوه عزم اخوج عمير ايسير ولا لا؟؟
فطيم: لا ....عندج خرده
لطيفه : دوووووج....عيل منوه محرمكن؟؟؟
فطيم: تبين ايس كريم كاكاو لو فرواله؟
لطيفه: كافي....و شله عمير ما بيسير؟
فطيم: شوه كافي انتي بعد..الناس اطوروا قولي كاوكاو شوكولا...ما بيسير لانه شمسه حامل
لطوف: حلللللللللللللللللللللفي.....الخامه ولا قالتلي ...عنلاتها عشووه خوات عيل ماعليه دواها عندي
فاطمه: لا تلومينها ياختيه...تراه بيني وبينج امهاتنا ما يعرفن ...و هيه ما تبا حد يدري ألين ما توصل شوي
لطيفه: هيه و الله صدقها امهاتنا بيشعنها ( بينشرنها) فالفريج كله ...و هيه ما صدقت اتحمل عقب العلاج
فاطمه: تراه حتا ضبابه ما تدري لا تقوليلها...عاد الله يعينها من السيافي و حشرته ( السيافي = سيف ولد شمسه اخت لطيفه..و هاي شمسه الله يسلمكم ماخذنها عمير اخو فاطمه)
لطيفه: فددددددديته و الله اني تولهت عليه ....ياختيه ما شفت ولد بهالغلاه...طرشنه اليوم العصر عندنا
فاطمه: لا و الله و ليش انتي ما تيينا ؟؟؟ شوه بلاه بيتنا
لطيفه: لا تزيد المواجع خلني قد نسيت..لا تقلب بقلبي صفحت الذكريات
فاطمه: لطوف غناتيه شوه بلاج على احمد...خلاص عاد ما يرزا هالزعل عسب شي تافه..بعدين هوه اللي بيودينا العمره شوه بتسوين يعني؟؟؟؟
لطيفه: حلللللللللللللفي...و الله ما سرت عيل
فاطمه: حوه حوه عيني خير....مايزرا كل هالحلايف عند منوه ان شالله الشيخه بتيلسين
لطيفه: بسير عند يدتيه سويحان
فاطمه: خبرج عتيج ...البارحه امايه شاورت العيوز و عزمت على السيره ويانا
لطيفه:ياااااهي حاله....برايه بيلس عند ابويه
فاطمه: بتخبرج انتي وين عايشه عن العالم...مادريتي خاليه اللي بيودينا و سعيد اخوج كنسل
لطيفه: بتخبرج من وين تبينها علوم بيتنا انتي؟
فاطمه: مراسلتنا...الله يسلمج أختج شمسووووه
لطيفه: خير ألين الاسبوع الياي ناس تحيا و ناس اتموت
وقفت فاطمه عن المشي و مسكت لطيفه من جتفها: لطيفه.....بعدج اتحبينه؟؟
لطيفه: منوه
فاطمه: عن الاستهبال ...
لطيفه: الديج؟؟؟؟؟ وايه مالقيت مووونه
فاطمه: عيل شعنه ما طحتيه بيتنا من خمس سنين..و أن تكرمتي و خطفتي على اختج شموس تخطفين على السريع و جان احمد فالدار ماتحولين من السياره
لطيفه: و انتي حضرتج تراقبيني
فاطمه: الكل يعرف انج تحبينه من ايام المراهقه
لطيفه: الله ينور عليج قبرررج..انتي قلتيها من ايام المراهقه يعني حب مال مراهقه و انا نسيته..حشا ولا نسيتي ايام فهد النويس
فاطمه: دخيلج لا تذكرينيه بهاذيج الايام السووودا ...مالقيت الا لاعب كوره احبه ..صدق اني عنز
لطيفه:تحيدين يوم ايدش علنا اخوج عمير و ايشووف الصوره معلقه و الجرايد و ايهزبج
فاطمه: ههههههه...دخيلج لا تذكرينيه...اول مره ايهد عليه عمير..حشا ذاك اليوم قلت ما بيعدي على خير
لطيفه: ههههههههههههه...انسير لا نتأخر على ضبوب
فاطمه: على طاري ضبوب...سلطان بيسير؟
لطيفه: من درا ان ضبابه بتسير ..اول واحد حجز هوه
فاطمه: ههههههههههههههههههه ...محد هيــــّـــن
لطيفه: بس بصراحه تراهم زودووها شوي ..تراه ما بيسكتون عليهم دووم.. رمسيها اختج انتي
فاطمه: دخيلج دوووم الهزاب فيها ولا يفيد ... امررره ماتخيـــّل من تدري انه سلطان فالبيت تنقز بلا حاسيه ..غربلاتها لو يدري بسواياها احمد بيعقرها
لطيفه: و هالديج متدخل في كل شي.!!!! ياختيه برايهم ولد خالها و حتا اهليه يدرون انه بينهم شي و هم يتريون سلطان ايخلص من الثنويه السنه اليايه و بيخطبووونها رسمي...حتا يمكن ابويه ايوزهم سيده
فاطمه: شدراني..بس عاد مب جيه عيني عينك..نشي اشوف براهيم وصل
فاطمه : يالله



مذبوح لك مشتاق و الشوق فضاح و القلب ما به غير كلمه وحيده كلمة احبك عطرها من زمن فاح و النفس غيرك ترفضه ما تريده

++ سارن البنات و خطفن على ضبابه عيادة الاسنان ....طبعا اليوم اخر يوم فالصيفي و عقب اسبوع بتسافر العايله العمره ...كل سنه تقريبا اتسافر عايلت حمد العمره و كل سنه ايوديهم ولدهم العود سعيد ..بس السنه سعيد اتعايز عن السيره و بالتالي بيسير حمد و عياله سلطان و البنات لطيفه عايشه و وضحه و حرمته عفرا..اما من عايلت المرحوم سيف فاللي بيسير البنات فاطمه ضبابه و امهم بخيته و احتمال اتسير اختهم فاخره اللي معرسه طبعا اذا ساروا اهل ريلها....و بيسر أحمد على اساس ايكون محرمهم و اخوهم الصغير اخر العنقود عمران..اما عمير ريال البيت فكنسل لانه حرمته حامل في شهورها الاولي و هم يتريون هالشي من اربع سنين خصوصا انها ما يابت حد بعد ولدها سيف اللي يبلغ من العمر خمس سنوات..
فاطمه: اقول لطووف اشوف البي اتش اس مسوي تنزيلات اشرايج انحول
لطيفه: ما شالله عليج بنت سيف .... امررره ثمانيه سلندر عنبوج امواصله من البارحه و توج ممتحنه وين فيج هبه على السوق بعد؟؟
فاطمه: تف تف تف عليه ...و من شر حاسد اذا حسد...حولي يالله اشوف القمصان اللي على الفاترينا حلوات حولي بناخذلنا كم لبسه
لطيفه: ياختيه مافيني
فاطمه: بتحولين ولا لا ...ان ما حولتي الصمامه اللي جدامج ما بتحول بتيلس حارستنج ( تقصد الدريول ابراهيم)
لطيفه: لا حووووول ... يالله بحول احسلي لا اجابل هالصمبي
و هن محولات شافتهن ضبابه
ضبابه: ايه ايه وين سايرات ؟
فاطمه: بي اتش اس
ضبابه: لا و الله ... لو يدري أحمد و الله...
لطيفه: ادري بيعقرنا ...بيذبحنا ...بيدوس في بطونا ...عنبوه مقصب فاتح احمدووه هاذا..
ضبابه: عيل منوه ايفججلكن روسكن انتن رواحكن فالسوق
فاطمه: شوه اتشوفينا من هالخايساات ..تبين يالله ما تبين سيري ارتزي فالسياره ولا تصدعيلنا روسنا
دشن البنات المحل و قعدن يتنقن ...في اشياء حلووه.. طبعا ضبابه الجسم حدث ولا حرج...رهيب..اما لطيفه و فاطمه الله لا يرويكم..مساويط...هلكانات..
فاطمه: اقول لطوف شوه رايج بهالقميص؟
لطيفه: حلوه الوانه... رويان...ما شي سموول
فاطمه: لا بس ميديم ...بس اتصدقين الميديم بيي عليج انتي زين.. بس الداعي انا بضييع فيه
لطيفه: ما عليج خذيه ... خليفه اخويه واعدنيه ايبلي حبوب فتح الشهيه من بريطانياا ..و مرره بنحط الضو عليهن
فاطمه: هزرج...ياختي سوينا المستحيل بس ما شي فايده
لطيفه: خذيه لا تخلينه في خاطرج..اقول فطيم
فاطمه: هلا
لطيفه: مب جنه هاذا يتبع ضبوب
فاطمه: هيه و الله ..عنلاتها و من الصبح يالسه تهزبنا ..صبري بزقرها
لطيفه: حوووووه ايه لا تزقرينها بيعرف الاسم...خلينا بنأشر لها
أشرلها بس الحبيبه مندمجه و رافعه الغشوه بس مغطيه اطراف ويهها و يالسه تشتري...اول ما لاحظتهن يتهن على طول
ضبابه: ااااايييييه بسم الله منكن ما تعرفن تزقرن زين... اتقول قروود من بعيد يالسات اتأشرن لي
لطيفه: حبيبتي اذا نحن قروود فانتي الشيخه من نفس الفصيله ..ما تشوفينه هاذا الزفت من الصبح يلحقج
ضبابه: ادري اصلا هاذا يتبعني من يوم ما كنت فالعياده
فاطمه: يا سلااااااااام فرحانه وايد بعمرج .... و انتي عادي عندج..لا يكون شاف ويهج
ضبابه: هيه شافنيه ...شدراني انه في حد فالعياده انا فجيت الغشوووه..و بعدين طز فيه لا تعطنه ويه
فاطمه: و يوم بيلحقج الشيخه و بيشوووف رقم السياره هاذيج الساعه شوه بتسوين ؟؟؟؟
ضبابه: ياختي حشا انتن متعقدااااات..لا تكبرن السالفه و هيه ما ترزا!!!
لطيفه: و الله انا اشوف انه السالفه ترزا ...ولا شوفيه شوه يالس ايسوي وراج الحينه؟؟؟؟
فاطمه: دخيييييييييييييييلكن الشرده ...اللهم اني بريئه...وين بنطس و بنشرد عنه الحينه؟؟
لطيفه و عيونها فيها لمحت خبث: اييكن الشور...تبعني
ضبابه: يالله لطفين انتي و من وراج الطوفان..
لطيفه اتموووت على المغايض...و يوم ايعدي على لطوف يوم من دون لا تسوي شي غريب ولا اتشاكس فيه معناها لطيفه اتكون مب صاحيه فيه...مب طبيعيه ..
++ الخام وين يبا يلحقنا...ولا بعد بصراحه نستاهل بنات ارواحهن فالمحل و حضرت الاميره ضبابه كاشفه عن ويها جدامه عيل ما ينلام يلصق فينا...بس شوه فيها و الله انا حشام و مستورات ولا يبين علينا انا رواعي حركات و السوق تقريبا فاضي خاصه انه اليوم الخميس و الساعه الحينه تقريبا 12 الظهر ...بس و الله يا يرويه ..تمت لطوف كل شوي اتروح مكان تبا تتأكد اذا هوه بالفعل يلحقهن ولا لا ...بعد حرام نظلم الريال جاد عنده حايه وياي يقضيها...طبعا القافله كلها ورا لطفين ...بس بالفعل طلع الريال مب ناوي ايفارج ..اوكي اوكي دواك عندي بشوف شوه بسوي...
سارت لطيفه بالبنات صوب قسم الملابس الداخليه ..شوووفوو المكر انتو...
ضبابه: ااااايه لطوووف غربلات عدوج وين تبين ....يالفضييييحه
لطيفه و هيه ترفع وحده من القطع اللي موجوده فالقسم حق فاطمه و ضبابه...طبعا الريال من شافهن في هاذا القسم بصراحه احترم حاله و استحا على ويهه و فارج
لطيفه: شوه رايكن حلو الاسود لاه؟
ضبابه و ويها طمامه: لطفين عاد قلنا بتتصرفين بس مب جيه ...فضحج الله نزليه و لا و الله تراني يا سير عنكن الحينه
فاطمه: اشكر فنننج و الله قفططططططط....سر سر ألقط ويهك هااكووه متناثر على الارض
لطيفه: ما تبيهم غير العين الحمرا
حاسبن البنات و طلعن ....ركبن السياره و اول ما تحركت السياره...مرت عدالهم سياره مرسيدس كوبيه عنابي و عليه عاكس رقم ثنائي أخضر..بالاحرى شخطه عدالهن ووووويل ألين ما غبرت سيارتهن عدل و عقب روح
لطيفه: يعلها طرشتك
فاطمه: ههههههههههههه...حشا من الضيقه حليله ارتفع الضغط عنده
ضبابه: حرام عليكن و الله انه حليو
فاطمه: هو نفسه اللي كان فالمحل؟
ضبابه: هيه
فاطمه: شدراج؟؟؟
ضبابه: شفته منزل الدريشه
لطيفه: ضبوب جنج قمتي تخووورين...وين سلطان عنج
فاطمه: امررره ما عليج التقرير اليوم بيوصله
ضبابه و قدها بتدمع عينها: بس عااااد حرام عليكن..و الله اني ما قصدت فديتكن ما تيبله طاري
فاطمه: هههههههههههههه..مستحيل و اخيرا لقينا شي انهددج به
لطيفه: تيكي ما عندي مانع بس اتخطفيني على البيتزا هت و على حسابج
ضبابه: ما عليه ما عليه بس سلطان مايوصله شي
لطيفه: بفكر ...بشاور عمريه
ضبابه: يعلللللللللللللللللني ما احلمكن قوولن امين لطفين و يههههههههد....حرام عليج
لطيفه: انزين شوي شوي على عمرج شوي و بتموتين ..امره قيس وليلي ..خلاص مابقوله بس اصطلبي ولا تيلسين اتبصبصين مره ثانيه ولا تراه و الله بزوالج
ضبابه: من اليوم مشتغله عليه حماه
لطيفه: بغيتي حياج ما بغيتي اتعرفيهن عراقيب الجبيب ( احدى المناطق) سيري خمسي ويلات فيهن لين مايدور راسج





انتهي هاذا اليوم و اخيرا ..عدى على خير..حشا و الله اني قلت انه حد داعي علينا من ظهرنا و نحن ما نسير بزياده..من مشكله ألين ثانيه...بس الصراحه كان يوم حلووووووو، يعيبني اليوم اللي اتكون فيه مخالفات وايد مادري جيه استانس من الخاطر ..اهم شي الصيفي و خلصناه وعقبال النتيجه ان شالله ...انا مادري احس اني بنجح لاني دووم ما ادرس بس الله يوفقنيه ...اكيد الوالده داعيتلي...اما المصيبه هناك عند فطوم ياخوفي ترسب امرررره مالها خص هالبنت فالدراسه و مادري ليش معزره اندش الجامعه..يالله تنجح و تفكنيه لاني مستحيل اخذ اي مساق فالجامعه من دوونها...حتا افكر ادش كليه و تخصص ادبي عشان ما نتفارق..ظاهريا فاطمه هيه اللي ما تقدر تصبر عني...بس اللي ما يعرفه الكل انه انا اللي ماقدر اصبر عنها...علاقتيه بأهليه فالبيت محدوده...يعني سعيد اخويه العود هوه الوحيد اللي علاقتيه به وايد قويه بعد ابويه طبعا..بس ابويه الله يهديه طول السنه ما نشوف زوله فالشتا مقناص و الصيف سفر ويا الشيوخ...و اخويه خليفه طول فترت مراهقتيه ما شفته طبعا مب لانه مختفي... بس لاني انا اللي ما اقر فالبيت يا اكون في سويحان عند يدتيه و عمي مبارك او اكون في بيت عموه بخيته و عقب ما انتهت فترت مراهقتيه الذهبيه سافر الاخ الي نوتنجهام-بريطانيا دراسه...اما عايشه اختيه هاذي كائن فطري يعني ايعيش على النت بس ... الله يسلمكم تدرس فالتقنيه و حياتها كله سوالف اعجاب ما اعجاب و فلانه سوت و علانه انخطبت...طبعا سوالف بنات التقنيه معروفه!! يعني حش في حش عشان جيه اتجنبها ..اما وضحوووووووه..فديت الوضيحي انا جاني ما صبر عنها ...وضحه صف خامس بتروح سادس...دلع في دلع...الكل يحبها و الكل ايدلعها..طبعا ماروم انسا اختيه العوده شمسه اللي هي عقب سعيد اخويه حبوبه العايله معرسه ماخذنها عمير ولد عمتيه بخيته و عندها ولد واحد بس و هو سيف و ان اشا الله الحينه هيه حامل الله يوفقها و الله اني احاتيها هالانسانه بسيطه و ماخذه الدنيا كلها ايزي ...و اخيرا سلطان اخويه و الله بصراحه شوه اقولكم...ابدووووووووووووي....يعني الريال راعي عزب ورجاب و مراكيض...هيه صح و عشق بعد .... العالم كله اتعرف باللي بينه وبين ضبابه..حتا البشاكير ...و الكل مسمنهم العقيلي و ميا...اغلب الوقت ما شوفه بس الفتره الاخيره شاد حيله لانه وراه ثانويه عامه السنه اليايه....الشيخ راسب سنه اول ثانوي..يعني اكبر عن ضبابه بسنه..هيه صح فييه انسانه نسيتها...اصلا شي طبيعي انساها ...أمايه ( عفرا) ... مادري ايام احسبها اتحبنيه انا اكثر وحده من خواني و اتحن عليه بشكل غريب و احيانا احسبها بعيده عني ولو انها لحظات نادره...مادري بتقولون اصلا ما فيه ام تكره عيالها بس والله انها هاي الحقيقه مرات احسبها انها بعيده عني...بس ماشي من دووون سبب؟؟؟ اكيد فيه سبب ...اكيد



""""الجـــزء الثاني""""


أحبــــــــــك ليه انا مادري ..ليه اهواك انا مادري..لو مرت علي ذكراك..يفز النبض في صدري..


عاد هاذا الاسبووووووع مر بسرررعه....طبعا البنات كل يوم فالسوق عشان ايخلصن مستلزمات السفر..يعني نعال عشان العمره ..يشترن قطع عشان الاحرامات و ايفصلهن..شيل ..عبايا مسكره..يعني اتعرفون مستلزمات البنات وايد ما تخلص
++ أول مره بنسير من دون أخويه سعيد، فديته مادري ليش مكنسل كل ما نسأله ايقول بس.. المهم انه ابويه و سلطان اخويه بيوديكم، عاد هاذا بو عسكور اخويه له معزة خاصه في قلبي..مادري جيه دوم ايدافع عني و احسبه وايد يحن عليه من دون كل خواتيه، ليش مادري؟؟!! المهم تجهيزات السفر جاريه على قدم وساق...
في المطبخ التحضيري...دشت لطيفه و حبت راس امها
لطيفه: شمسيتي..بنت راشد؟
عفرا ( ام لطيفه) : بخير و نعمه...تعالي لطوف هاتي الجدر اللي هناك
لطيفه: و شعنه شوه تبينه؟؟
عفرا: بنشله ...في شوه بنطبخ فالعمره عيل؟؟؟
لطيفه: خليه امايه هالجدر عوود ما بيدش فالشنطه ...برايه بنشتري مناك.. هناك الاسواق وايد.
عفرا:هزرج؟؟؟
لطيفه: هيه ..عيل تبين ابويه و سلطان ايسحبون هالشنط اللي هالكبر فالمطارات؟؟؟...مافيه بويه على التسحيب
عفرا: عيل اقولج هاتي دلتين من الستور وحده حق القهوه و الثانيه حق الحليب
لطيفه: ان شالله
و دشت في هاللحظه عليهن عايشه.....محتشره
عايشه: امااااااايه؟؟؟؟ وين اللي بيوديني السوق؟؟؟؟
عفرا: خيبه اتخيب العدو ...نسيت ..عاد الحينه شوه بيفججني من حشرتها هاي....انزين انتي شوه تبين من السوق عنبوج البارحه يايه؟؟
عايشه: امايه تراني قلتلج شوه ابا... كم مره عاد بعيد؟؟؟
عفرا: انزين انا الحينه هب متفجيه لج ...سيري خلي سلطان ايوديج.
عايشه: سلطان محد ..
عفرا: و ابويه عليج انتي..الحنيه شايفه سيارته فالكراج
لطيفه: الخنفسانه اللي فالكراج...سلطان ساير ايودي سيارته النيسان الصناعيه
عفرا: في ذمتج؟؟؟؟ يا ويليه من هالولد محد بــيــــبليه الضغط غيره..اكيد انه ساير ايركبلها مكينه
عايشه: عاد هاذا سليطين يربع ورا الموت بريوله
لطيفه: عويش لمي ثمج...هب اتمين اتحطين الضو في فواد أمايه
عفرا: ادريبه يبا ايسير يسابقبها في العراقيب...شوه يباه مرعي هاذا كم مره قلتله انا لا تسيرعنده.. محد غيره مخرب الشباب مرعي هاذا يبا حد ايبلغ عليه الشرطه؟؟
لطيفه: ههههههه أمايه لا لا ...مررررررررعب ... مسابقة تل مرررررعب يعني عرقووب يتسابقون عليه الشباب و اللي يوصل سيارته فوق هوه اللي يفوز
عفرا: و ااااابووووويه...
عايشه: هيه امايه و اللي ما توصل سيارته فوق اتردبه نكس و الله يعلم عااااد وين ايوقع بها
عفرا و هيه حاطه ايدها على صدرها: في ذمتج؟
عايشه: و الله هاذا اللي انشوفه فالتلفزيون
عفرا: لطوووف..اربعي هاتي تيلفونيه من الحجره بسويله هاذا مسود الويه ..يبا اينفد عمره بعد
عايشه: شووووه امايه بتوديني ولا لا ؟؟
عفرا: يا من عاف حياته من هالبنات ...جنكن امرررره ماعندكن شي ..و الكباته اتزووع من الثياب سيري سوي حق مجيد خليه اييب السياره
عايشه: مجيد و السياره برا انا مسويتلهم من قبل
عفرا: ياااااي هااا جانكن ترامن ..سيري هاتي عباتيه و البوك
عايشه : يالله ....هب تبطين لاحقه عليه القشار.. ولا أقول خلي لطيفه اتحطه
دش عليهن سعيد في هاللحظه...
سعيد: و عنبوووه لطيفه بشكارتج تأمرين عليها....و الله اللي بيقول حق لطيفه شي بزواله
عايشه: و شوه مستوي عليها الاميره لطيفه ....
سعيد: جب جب عن هالرمسه اللي ما لها معنى و لطوف هب خادمتج ولا عبدتج تهبينها و تسندينها
طلعت عايشه متضيقه كالمعتاد...اي نقاش تكون فيه لطيفه لازم سعيد ايدافع عنها
عفرا: هلا الغالي فديتك متا ييت من بوظبي؟
سعيد: من شوي؟ عيل وينها حمده و العيال؟؟؟
عفرا: و الله يابويه حمده عند اهلها شله هيه ما قالتلك؟؟!!!
سعيد: مادري
عفرا: ابويه ...شي يعورك ؟؟ اشوفك و الله انك؟؟!!!
سعيد: لا لا ما شي بس راسيه يعورنيه ...
عفرا: فديتك يا بو عسكور...شي بلاها حمده؟؟ شي مستوي بينكم؟؟؟
سعيد: لاحوووووووووول...ردينا على طير يلللي...أميه فكيني من الصدعه الله يخليج
عفرا: فديتك يا بويه ... و الله اني ابا مصلحتك ..يا بوي هاي حرمتك و ام عيالك مب زين جيه ..كل يوم شاله العيال و رابعتبهم بيت اهلها...
سعيد: ذلفتها
عفرا: يابويه لا تقول جيه...لا تقطعليه فوادي
سعيد: اميه اميه ....ياي من بوظبي و تعبان و داير راسي و من هبطت استلمتيني... عنبوها حياة
و نش سعيد مضيق...شغل السياره و طلع من البيت...سعيد البجر في عايلت حمد..هذا بعد قصته قصه...

حكايه عمرها اعوام انا ما ودي اذكرها..ولا ودي ليالي الجرح ترجع لي و اسهرها



من خمس سنوات بعد...الله يغربل هذاك العام اللي نزلت فيه البلاوي علينا وحده ورا الثانيه...انا و سعيد اخويه انصدمنا بصدمات قويه ..دمرتنا ..هزت كيانا...و بالاحرى كرهنا فيها حياتنا...انا كنت صغيره و اي ضربه في حياتي ممكن انساها بسهوووووله ... بس اللي اكتشفته دمر حياتي ..غير مجرى حياتي..و خلاني اجتل احلام وايد كنت راسمتنها في خيالي..بس اتم القضيه اني بنت ..في حين انه سعيد اخويه ريال و اذا دمرت حيات ريال المفروض انه يوقف من يديد و ينسا...بس سعيد ما وقف بالعكس كل سنه عن سنه يطيح اكثر..و السبب بنت!!!!
من خمس سنوات تقريبا..سعيد اخويه كان شاب موقـــّف عن الدراسه لانه مب فالح فيها ..وصل ألين الثانويه العامه بس ما قدر يطلع منها عادها سنتين بس بعدين طبها...على قولته و في شوه بتفيدني الدراسه يعني..تراني عايش بها ولا بلاها و الحمدلله انا مب ناقصني شي...بس الشي اللي ما كان يعرفه انه هوه ناقص في عيون الناس..لانه لا درس ولا اشتغل يعني كان بطالي بعد..و سعيد في هاذيج الفتره مشاكله كانت وايد توصل مراكز الشرطه مرات..بس هاذا مب معناه انه انسان مجرم..يعني كان صايع اوكي...بس مب هاذيج المشاكل ..يعني مشاكل اي ولد ممكن ايسويها في سنه..
سعيد كان يحب مريم بنت عمي مبارك...و هاذا الشي كان واضح وضوح الشمس..ياليته لو كان حب عادي..شوه يوصفونه حب اسطوري ولا خرافي..مادري ...انا استغربت انه في ولد من عايلتنا اللي هي عوايل محافظه و قبايل ما قبايل ممكن ايحب بهالطريقه..يعني حب بجراءه..حب علني..و حب عذري..حب جلب المشاكل وراه..مشاكل لا لها اول ولا لها تالي..
في هاذيج الفتره كان اخويه سعيد يبات في بيت عمي مبارك لانه مطر ولد عمي تقريبا من نفس السن..بالاحرى كان بيت عمي هوه بيت سعيد اخويه.. ما كنا انشوفه ابدن فالعين من تيي الاجازه سيده سويحان..سعيد كان ييلس مع مريم بدون اي اعتبار للعادات و التقاليد..مادري كيف اهليه و عمي تغاضوا عن هالشي..يمكن كانو يعرفون انه مريم من نصيب سعيد و سعيد من نصيب مريم..كانوا عادي يسهرون ألين الصبح ايشوفون افلام طبعا مطر ولد عمي معاهم..يطلعون مشاوير مع بعض و كنت انا الرزه وياهم...لانه من سابع المستحيلات ايخلونهم يطلعون رواحهم..
أذكر مره كنت صغيره و شلنا انا و مريم بوظبي ايحوطنا..مشانا شوي على الكورنيش و شوي في شوارع بوظبي و بعدين خذنا عشا اتعشينا على الكاسر و ردينا..اي عشا الله يخليكم المغرب اتقولون دياي.. ذاك اليوم كنت ادعي ربيه انه يعدي على خير..مادري كيف ما فيهم مخوخ هالاثنينه و ايسوون سواياهم..ردينا ذاك اليوم و الله ستر انه محد فالبيت عمي وحرمته سايرين عزا عند ناس فالعين..و مطر كان ايودي سيارته الكراج ايصلحونها..ردينا البيت و كان فاضي..
لطيفه: الحمدلله الحمدلله محد فالبيت ...فديتك يا ربي لي نجيتنا
مريم: هههههههههههه..اسميج يا لطووف ديايه
لطيفه: ديايه ولا ديج...اتخيلي لو دروبنا ...ياويلي بيجتلونا
مريم: ههههههههههههههههههه...خليهم يدرون يعني انتي طالعه مع اخوج و جيه خايفه عيل انا شوه اقول؟؟
لطيفه: مريووووم بس عاد من هالطلعات خلاص انتي حرمه و سعيد ريال شوه بيقولون عنكم العرب بينقدوونكم
مريم: خلي اللي يدري يدري ..و اللي ما يدري ايوطي راسه..ولدي عميه يعني شوه فيها..و بعدين ..
لطيفه: و بعدين؟؟؟ شوه
مريم: ماشي ما شي انتي صغيره على هالسوالف ..سمعي لطوف ان حد تخبرج و ين سرنا قوليلهم عند موزه بنت سالم اوكي؟
لطيفه: لا و الله تبيني اجذب...المعلمه اتقولنا الجذب حرام
مريم: ما عليه لا تجذبين ...انتي قولي انا سرت ويا مريووم و انا بتصرف
لطيفه: يعني انتي بتجذبين
مريم: اووهوووو... ياربي من هالبنت ..ماماتي لطوف نحن ماسوينا شي غلط..رحنا اتكشتنا و ردينا صح ولا لا؟
لطيفه: صح ...بس و الله اني اخاف من اخوج مطوور..
مريم: ماعليج منه انتي لاترمسين اوكي؟
لطيفه: انزين مريم
مريم: يا هي حاله شوه شكلنا اليوم ما بنخلص
لطيفه : انزين اخر سؤال؟
مريم: سألي
لطيفه: ليش سعيد اخويه ما يخاف
مريم: اممممم...سأليه شوه اللي في قلبه؟؟ و بتعرفين ليش ما يخاف
لطيفه: شوه في قلبه بعد دم احمر وشريان الارررررطططررري
مريم: شوه هاذا الاررطرري بعد؟؟
لطيفه: مادري درسونا في العلوم
مريم: خلاص ...انسير نيلس فالصاله انشوف اي شي
لطيفه: يالله
يعني انا كنت مقصه بينهم...او بالاصح شاهد حب..مادري...الطلعات و اليلسات بينهم كانت خطا في خطا..بس وربي الشاهد انه ما بدت زله منهم ...ولا كلمه ...ولا حركه..ولاغلطه..ألين ما صار ذاك اليوم...طلعو سعيد و مريم العزبه رواحهم...و ردوا العصر من دون لا يشلوووني معاهم..و يوم درا مطر عصب ...يالله الشرار يظهر من عيونه ...هـــــــــــدّ على مريم ...الا غسلها غسال...و حرم عليها الطلعات ويا سعيد تحريم..و منعها حتا اذا يا سعيد البيت عندهم انها تطلعله...بصراحه ما ينلام يعني شاب بو 22 سنه يطلع مع وحده19 سنه وين الصح اللي فيها...غلط في غلط..حتا لو ما صار شي بينهم..حتا لو عيال عم ..حتا لو لو لو لو لو ..اتم العادات و التقاليد سيدت الموقف!!!!
مطر: و الله و الله يا مريم ان شفتج ويا سعيد مره ثانيه لا تلومين الا عمرج..و ان يا لا تظهريله
مريم: انزين نحن ما سوينا شي غلط شوه فيها سرنا العزبه بس
مطر: جااااااااااااااب ولا كلمه....نصخج ماريد اسمعه
مريم: شوه هالحااااله...
مطر: مريم...لمثي ثمج دام النفس راضيه...و الرمسه اسمعيها و لا ترا الله بتشوفين شي ما شفتيه
ظهر مطر معصب و رقع الباب و راه و يلست مريم اتصيح.
بعد ما مر كمن يوم اتكلم مطر مع سعيد و لمحله على اللي صار
سعيد: ثرنا شوه سوينا نحن...مطر هاي بنت عميه و اللي ما يرضيكم ما بيرضيني انا قبل ...
مطر: ندريبك انك ريال ...ولا انه في خاطرك شي من صوبها بس يا سعيد ما فينا على رمسات الناس
سعيد: و ليش الناس ترمس اصلا.؟
مطر: بو عسكور العرب اتدور سبب على الرمسه و انته ما يرضيك انه حد يرمس في شرف مريم
سعيد: يخسون الا هم ...
مطر: المهم ...ظهرات مالها معنى طبها...و مريم بنت عمك و العالم كلها اتعرف انها من نصيبك.و انته شله مستعيل ؟؟
++ انتها الوضع بين مريم و سعيد على هالحاله..بعد هالرمسه سعيد ماحب انه يحط مريم في مواقف محرجه مع اهلها ولا حب انه الناس تتكلم على شعره من مريم..فحب انه يبتعد..وسيله الاتصال بينهم كنت انا...تخيلوا كنت مرسال الحب بينهم..مريم تمووت على شي اسمه أصيل ابو بكر و تموت على اغانيه فكانت اتسجل اغاني اصيل على شريط و تعطيني اياهن على اساس اوصلهن لسعيد..و اذكر مره نسيت الشريط اللي عاطتني اياه مريم لسعيد و كانت غنيت اصيل ( أحبك ليه انا مدري) جلسه بصوت اصيل.. و اول ما سألني سعيد و قلتله نسيت ..حشرني حشره و هزبني هزاب..و فهمته انه الاغنيه موجوده فالسوق روح و اشتر الشريط يعني لازم ايكون الشريط من أيد الشيخه مريم؟؟؟!!!! و طرشني بشريط ( ردي الزياره) جلسه بصوت اصيل.. و استمر الوضع على هالحال..رغم كل الظروف رغم كل البعاد تم الحب بينهم صامد ...بالعكس يمكن اقوى..و مادري بصراحه كيف كل واحد كان ايصبر عمره عن شوفت الثاني..مريم كانت اتقولي انها كل عيد تترياه ايي و تترشاني اني اقوله انه يروح سويحان حتا لو ما يكلمون بعض المهم انها اتشوفه..بس سعيد كان يرفض و كان ايقول انه عطا مطر رمسه و هوه ما بيرد فيها...
دارت الايام بسرعه و بعد مرور شهر ... طرشو اهل محمد بن سالم اللي هم اهل أم مريم..على شمسه بنت حمد اللي هيه اخت سعيد...كانوا يبون يخطبون شمسه حق اخو ام مريم( يعني خال مريم)..ماشالله ريال دارس برا و دكتور...شي غريب فالعايله انه يطلع منها دكتور..العيب الوحيد

لطيفه: و عليكم السلام و الرحمه..
+++أحمد.. و الله و كبرتي يا لطيفه..عنبوه خمس اسنين اتكبر جيه؟؟ و متغشيه بعد شوه يمكن ما عرفتني..
أحمد: لطيفه ولا عايشه؟
لطيفه: لا لطيفه...شحالك احمد؟
+++أحمد.. لا و الله طلعت لطيفه..انزين دام قالت شحالك احمد معناها اكيد عرفتني..عيل ليش متغشيه؟؟؟..انزين انته شوه يخصك برايها تتغشا..لا و الله ما اتغشت من الهندي و انا ولد عمتها تتغشا عني..هاي شوه سالفتها على فكره انا من خمس سنين ما شفت ويهها...و كل ما تشوفني تشرد..شوه يونها تستحي..مستحيل العالم كلها بتستحي الا لطوف ما عرفها انا..خبز ايديه
احمد: بخير و نعمه..و من صوبج
لطيفه: بخير الحمدلله

+++أحمد.. مرت لحظة صمت، شوه يالس تسوي مجابلنها انته..ولا اول مره تتعرفون على بعض؟..بصراحه هيه ..لانه لطيفه اللي جدامي غير تماما عن لطيفه اللي احيدها..هاي اطول و اضخم و اهدى، مستحيل لطوف الخريش تكبر بهالطريقه، على الاقل لطيفه اللي اعرفها كانت عنيفه و دفشه..يعني لول اول ما تشوفني عطول تنغز بالكلام اما اللي جدامي بصراحه شي ثاني...مب يمكن ما تبا اتشوفني اصلا..و ليش ان اشالله انا شوه سويت بها يعني؟؟ بشوف شوه ردت فعلها اذا تقربت منها..لازم اعرف شوه السر اللي يخليها تختفي كل ما تشوفني..شوه السر اللي خلاها تختفي من حياتي خمس سنوات..اعرفها لطوف ما تستحي مني ..عيل شوه السالفه؟؟..بالفعل اتجدمت عدالها و ما خليت مسافه بينا..بتستحي يعني؟؟ خلها ..وقفت جدام القفص تماما..

عن سوالفك و كلامك ما تعوضني السوالف لك تشد القلب همسات و مشاعر داخليه روحك وروحي يجمعهن على اللقيا تآلف كل ما شفتك تجدد دافع الاشواق فيه


احمد: شوه هاذا؟؟
++ لطيفه...خيبه وين يبا هاذا معفد جيه...يالله ..هاي اول مره اشوف احمد فيها بهالقرب من خمس سنين..
لطيفه: شوه اتشوف انته؟؟ بقره
+++احمد..ايوا هاي لطيفه اللي اعرفها ...ظهر اللسان الطويل..اوكي الهجوم خير وسيله للدفاع
احمد: اكيد بقررره..لانج شراتها
++لطيفه..لا و الله في بيتنا و يعايب بعد...شوه يتحرا عمره هاذا...بس احسلي ما ارد عليه..
احمد: يعني اللي انا اعرفه انه البنات ايربن قطاو ..عصافير...اذا بالغن جلاب...بس فيران شي غريب و الله
لطيفه و هيه اتشل صحن الاكل: طبعا لاني غير عن البنات....و بعدين هاذا هامستر مب فار!!
+++احمد و عشان يكسر الصمت اللي بينهم...بصراحه لطيفه ما دري كيف صايره..ما عرفتلها يبتها بالسياسه قلت خلاص البنت الحينه حرمه ولازم يعني شوي نحترمها..مافاد...عاملتها بالدفاشه مثل ما كنت اعاملها طول حياتي ما فاد شوه بلاها؟؟؟
احمد: لا و الله ...ليش ان شالله..فيج ايد ولا لسان زياده عنهن
لطيفه: ولاشي ....بس انا غير انا همباة ( مانجا) باكستان...
++ بس يا احمد شوه لزوم اتقلب المواجع..خلاص انته نفسك امررره ما تغيرت..نفس الطبع ..نفس الاسلوب..نفس الازدراء..اذا انته مثل ما انته يا احمد..فانا خلاص انسان ثاني..انسان ثاني غير عن هاذاك الكائن الغبي اللي كان يركض وراك بلا احساس..غير عن هاذاك الانسان اللي كان سفيه و هو يعبر بحبه لك بكل براءه..انسان جرحك له خلاه ما يطيق حتا يسمع طاريك..ظاهريا احمد مثل ما هوه ما غيرته السنين..بإستثاء انه لحيته استوت اغلظ..اما ملامح الويه نفس ما هيه..و يمكن فتح لون بشرته شوي..اكيد على هاذيج الايام ما كان ييلس فالبيت بالمره..اما ملامح ويهه هيه هيه نفسها ما تغيرت..نفس الملامح اللي مرسومه في قلبي!! نفس العيون الخبيثه..عيونه نفس عيون فطوم اخته بالظبط..وطواطيات..اتزيد من شره..نفس الخشم نفس الضحكه..و نفس الحواجب..اللي كان مميز احمد عن خوانه هوه حواجبه..حياته مقارين..اه من هالحيات كم و كم ذوبني..و الاهم
نفس الضربه...في حاجبه الايسر.. اللي تقسم حاجبه نصين..الشاهد الوحيد على حبي الغبي لأحمد!!!!

و الله اني من غيابك يا اعز الناس ذالف ما تعرف انه ابتعادك يالغلا يأثر عليه لان قلبي يا وليفي عند غيرك ما يوالف اشعر براحه اذا شفتك و احس بجاذبيه


و سارت لطيفه عن احمد مخليتنه في ذهوول كامل..شِوه بلاها هالبنت!!! دشت لطيفه البيت..و سارت صوب المطبخ تغسل ايديها..
++همبات باكستان...بهالاسم كان يزقرني احمد يوم كنت ابات عندهم..ادري اسم غريب..بس شوه معناه؟؟؟ مادري ...كنت احب هالاسم وايد ..اكيد لانه احمد الغالي كان يزقرني به..كنت اتخيل انه يدلعني ..فالوقت اللي كان هوه يستخدم هالاسم عشان يتطنز عليه
+++ ..دش احمد البيت ..عنلاتها خلتني وسارت عني..اصلا انا مب ياي عشانها..بسير اشوف منوه فالبيت عشان اشل الجوازات عنه!!! دشيت البيت هودت...بس ماحد ايرد...اصلا انا يوم دشيت ما شفت الاسيارة سلطان الاكس فايف..اما سيارة البيت و سيارة سعيد مش موجودات..بس اكيد سلطان فالبيت..دشيت ماحد فالبيت فااضي..ما عليه بيلس شوي فالصاله اكيد هالخبله بترد مره ثانيه...وين سارت البقره ما تشوفني ياي البيت ؟؟ شوه ياي اسوي انا يعني اتمنظر فيها!!! سرت و يلست على واحد من كراسي الصاله..بيت خالي حمد يمتاز بالفخامه زياده عن اللزوم..و هالشي يحسسني بالضيق في كل مره ادشه...اما بيتنا نحن غير..كل شي بسيط بس انيق و مرتب..يلست على الكرسي..بسوي حق سلطان بشوفه وين...اسويله بس ما يرد و ين سار هاذا بعد؟؟!!! بشوف وين سارت هالهبله؟؟
احمد: لطيفه ....لطيفه
+++بس مافي حد يرد..شفت جريدة الاتحاد.. شليتها...يالله فرصه ما قريت الملحق الرياضي اليوم..في هاللحظه دشت عليه لطيفه و هيه اتمش ايديها بالكلينكس..و اول ما شافتني اتفاجئت...حاولت تتغشا....عنلاتها شوه شايفه جدامها يني ولا ياثووم..
احمد: لطيفه وين خاليه؟
لطيفه: و الله مب هنيه في بوظبي..
++ هذا بعده ماسار شوه يالس ايسوي؟؟نشيت و صبيت كوب جاهي بالحليب حق احمد..بعد مهما كان ايتم ضيف..و بعدين اعرفه انا احمد ما يداني القهوه...يالله الحينه كيف بعطيه الكوب...اولا انا متغشيه..ثانيا الكوب حار..و اخاف احطه جدامه اجبه؟؟!!! مشيت شوي شوي ..و احمد يالس ايجلب الجريده..حطيته على طرف الطاوله..لاحظ احمد الصعوبه اللي كنت امشي بها..
احمد و بنبرت استهزاء: و انتي شعنه متغشيه؟؟؟!!!!
لطيفه: كيفي
احمد: كيفج كيفج...بس لا تخافين ما بخطبج انا ..ويهج و اعرفه اللي يسمع ملكت جمال الكون
++يالله منه هاذا متا بيكبر على هالطبع..طول حياته طبعه ناري..الا يتطنز و يتمصخر...اووف منه
لطيفه: لا و الله ...صدقك يا بوشهاب ما شي رياييل فالدنيا غيرك..امرره انقرضوا
احمد:عيل فجيها الغشوه و خلي عنج المستحا ..يوني ما عرفج من متا انتي تستحين؟؟؟
لطيفه: انا استحي منك ؟؟؟ اللي يسمع هزاااع بن زااايد يالس جدامي و انا مادري
++بصراحه احرجني...و هوه شوه يخصه..استاهل انا اللي حطيت نفسي في هالموقف..يعني معروف اننا متربين مع بعض ..و خواتي ما يتغشن جدام اي واحد من عيال عمتيه..و العكس صحيح..حتا خليفه خوويه اللي هوه مب وايد فالبلاد و ما يخالط وايد..بنات عمتيه ما يتغشن منه..حبكت علي انا؟؟؟ انزين انتي اللي مسببه لعمرج كل هالبلا..و الله انا ما باه ايشوف ويهي..ما ريده ما ريده..مب كفايه طنازته عليه يوم انا كنت صغيره..كل ما يشوفني يونه تلوع جبده من ويهي..بصراحه يوم كنت صغيره كان ويهي ناقع حب شباب بصووووره فظيعه..و شكله بصراحه ايخرع..بس ولو هاذا ما يعطيه الحق انه ييلس يستهزء بي!!! بس ما عليه خليه ايشوف ويهي الحينه و ايشووف انه الطب ايسوي المعجزات..بشرتيه الحينه اصفا من بشرت الياهل!!!!!
احمد: ما تنرامين امرررره..وين سعيد اخوج ولا سلطان
لطيفه و هيه تعق الغشوه...بس التفتت الصوب الثاني: محد كلهم ظاهرين السوق..سعيد فالقهوه و سلطان فالصناعيه



احمد: انزين ما طلبت تقرير منج انا...ابا الجوازات من عندهم..ما تعرفين متا بيردون؟
لطيفه: مادري...لحظه بسوي حق سلطان اخويه بشوفه
سارت لطيفه و دقت حق سلطان...
لطيفه: الوه ...السلام عليكم
سلطان: و عليكم السلام ..هلا لطوف شوه بلاج
لطيفه: اقولك احمد ولد عمتيه اهنيه و يبا الجوازات
سلطان: خيبه..نسيت اوديهن
لطيفه: انزين الجوازات وين انا بعطيه اياهن
سلطان: لا لا الجوازات في سدة الاكس فايف و انا قافلنها و المفتاح عندي
لطيفه: خلاص انزين
سلطان: اقولج لطيفن
لطيفه: هلا الغالي
سلطان: قوليله لا يروح خلاص انا مخلص..
لطيفه : ان شالله ..يالله مع السلامه
سلطان: باي
ردت لطيفه عند احمد الصاله...
لطيفه و هيه تلعب بصبوعها: ايقولك سلطان الجوازات عنده..بس الحينه هوه ياي فالدرب
+++اول ما رفع عينه احمد..منوه هاي اللي جدامي؟؟؟..الصوت صوتها الصدعه منوه غيرها..بس الشكل مستحيل..مستحيل هاي لطوف اللي احيدها..شت كيف اتغيرت ..180 درجه..بصراحه صخت بي الدنيا من شفتها..معقوله هاي لطوف لطوف ما غيرها..يخرب بيتها كيف اتغيرت..و الله و حلويتي يا لطوف..بصراحه ما حلوت بس الا غدت ظبي...غربلاتها أحس بقلبي يرقص رقيص.. ما روم اشل عيني عنها!!!!! الحينه هاي شوه بتقول من الصبح ايبحلق فيني..اغير السالفه احسن..
احمد: اوكي...هاذا الحليب منوه مسونه
لطيفه: كشميرا
احمد: شوه هاي كشميرا بعد؟؟؟ البشكاره؟
لطيفه: هيه عيل منوه ...الثلاجه
احمد: سيري سويلي غيره..تعرفينيه اني ما شرب جاهي البشكارات
++لطيفه...لا و الله شوه فاكر نفسه هاذا...خقاق و متعنطز عليه..يبا جاهي ايروح بيتهم يتشرط..و الله بيتنا مب مطعم...اففف منه..ما بسويله ..و يروح يصطفل مب مشكلتيه..فهاللحظه رن موبايل احمد...انا ما تحركت..شفت احمد شاف الرقم بس طنش..امممم ..منوه اللي داقله..اذا الشيخ يتحرا نفسه بخليه عشان ايرد على التيلفون على راحته ذا بعده..يالله بشوف رد جان فيك خير..اكيد و حده من هالخايسات اللي يرمسهن و مستحي على ويه ايرد عليها جدامي!!!!! عيل و الله و الله ما تحرك...احمدوه احسلك رد..ولا ترا و الله برد و بسبها الخامه!!!! صك التيلفون ..بس رد ايرن مره ثانيه...
+++أحمد و هو ايقول في خاطره..ادريبها الحينه هيه و اقفه حارستني..هههههه...عيل الا ارفعلها الضغط...انا اصلا من شفت رقم البيت قلت مابرد هاي اكيد وحده من البنات ..ما فيني على حشرتهن..بس دام لطوف جدامي و شكلها اتفوووور..عيل انا بلعب نفس اللعبه..خيبه كيف ويهها احمر....و الدخان يضهر من خشمها..هههههههه
احمد: الوو
فاطمه: مرحبا
احمد: مرحبتين الساااااع..هلا و الله بالغلا كله
فاطمه: هههههه...ثرني غاليه عندك و انا مادري
احمد: اذا تدرين بكيفج ..و اذا ما تدرين تراه ....حبكم وسط الحشا سادي
فاطمه: ههههههه...شوه ما شالله اليوم المووود رايق...ما شالله جني ارمس الشاعر الجمري
احمد: و الله الجمري ما يوصف اللي في قلبي من صوبج
فاطمه: حوووه احمدووه شياك...
احمد و هوه يرفع عيونه صوب لطيفه: و الله ما شي...بس من اسمع صوتج مادري جيه احس بنفضه في قلبي
فاطمه: الله يهديك..بتخبرك انته وين...في بيت عموه ولا سرت
احمد: لا بعدني هنيه..شوه تآمرين
فاطمه: انا امر...لا و الله يا خويه انك مب طبيعي..المهم اتقولك امايه يوم تخلص خطف على راعي التيلفونات و خذلها تيلفون يديد..ولا صلح مالها الجديم
احمد: خلاااص ما عليه باخذلج اللي تبينه !!!! كم قلب نحن عندنا
++ عنلااااته الخاااام ..الديج ..بو البنيات يغازلهااا جدامي...الود ودي ازغده من حلجه..و الله و الله لو مب الحشمه جان راويته زين هالخام..يون كم قلب نحن عندناااا...فقدتك و فقدتها فوووقك قول امين...تيس ...خام ..اكرههه!!
لطيفه: كشميراااا.....كشميرااا
فاطمه: احمد...اسمع صوت لطووف عندك
احمد: هيه هاذيه تنعش جدامي بلا مدخن
فاطمه: هههههههه...فديتها عطني اياها
احمد: لا و الله..يالله يالله فارجي ...
فاطمه: احمدوووه...فديتك..شوي شوي بس ابا ابشرها
احمد: فطيم ...فكيني من الصدعه سويلها على تيلفون البيت
فاطمه: شوي عاااد..و رفجت بوخليفه
احمد: لا حووووووول....لطيفه
++التفتت لطيفه صوبه بس ما ردت عليه,,,,,يعني ألحين هوه من الصبح يرمس فطيم...اوكي اوكي يتحراني اغار عليه...مالت على هالشيفه
احمد: دوووج فطيم تباج؟؟
لطيفه: منوه انا؟؟
احمد: لا الياااعده اللي عدالج..انتي بعد منوه غيرج
++لطيفه..مستحيل اني اشل الموبايل من ايده...سابع المستحيلات..لا و ارمس في تيلفونه بعد..ايخسي..ايخسي ولا انتي اصلا ما ترومين تتقربين منه!!! و الله مب مهم المهم اني مابرمسها من تيلفونه و احط السماعه في اذني عقب ما كانت في ذنه..لا لا
لطيفه: برايها برمسها من تيلفون البيت
احمد: اتقولج سكري و بتسويلج من تلفون البيت
فاطمه: لا لا لا ..دخيلك شوي بس شوي
احمد: اوهووووو..و الله انكن ما تنعطن ويه...بس سكري يالله سكري
فاطمه: احمد ..حرام عليك تراني ارفقت ببو خليفه
احمد: انزين اندووووج...و مد احمد ايده بالتيلفون,,,,بس انا نحسه مستحيل اشله ...طنشته و صديت الصوب الثاني...حط احمد على السبيكر...و رفع التيلفون على فوق شوي...خلني افتك من حشرتهن
احمد: دووج هاذي سبيجه رمسيها
الغبيه فاطمه رمست على طول ما تدري انه الشيخ حاطنه على الميكرفون
فاطمه: لطفييييييييييييين...الخامه....احمدووه عندكم فالبيت و ظاهرتله...و شمعنا بيتنا ما طيحينه؟؟ ما عليج دواج عندي يالخامه...و الله مشتائين يا ألبي للحب الاديم...عندج اه...ما عليه ما عليه...اقولج نتايج الفكر الاسلامي طلعت..عنبوج ياللوتيه يايبه B و انا C+ و يمنوووه D
++الله ياخذ بليسج يا فاااطمه...خلاص دوروني ..خلاص شكلي بختفي عن الكون كله من القفففطه...طول حياتها هالبنت هاديه بس من تكلمني ما دري شوه اييها تخترش..صدق ان الدفاشه عدوى..خيبه قفططططططططططططططت...انحرق ويهي الا تبخر...و هاذا الخام يضحك بعد
+++ضحك احمد بصوت خفيف...و نزل راسه و خلى عمره ما سمع شي يونه يالس يقرا الجريده..لان بصراحه حالت لطوف ما تسر العدو....خيبه يا فاطمه الحب الاديم مررره وحده..!!!!
نشت لطووف و شلت الموبايل من ايد احمد بسرعه..قبل لا تقول هالبدله شي ثاني ....خلاص خلاص مالي ويه اصلا..ياناااااس اريد انتحر....الحقووووووني
لطيفه: هلا هلا بفاطمه بنت سيف شحالج؟؟
فاطمه: تمام و الله...مبروك على النجاح
لطيفه: الله يبارك فيج....خلاص لطيفه تذوب تذوب ببطء من الفشله
لطيفه: اقول فاطمه سلطان اخويه يزقرني باي....و رقعت التيلفون في ويه فاطمه...تستاهل الخامه
بالفعل انه سلطان توه ايوقف سيارته النيسان برا...نشيت و حطيت الموبايل جدام احمد..وعع يا طعم الفشله..ابا ازووع ياناااااس و احس بدواااااخ...يا لوعت الجبد
سلطان: السلام عليكم...
احمد: هلااااا بو مييد و عليكم السلام و الرحمه...و توايهو الشباب
سلطان: و شحااااالك..ربك بخير

احمد: بخيرو نعمه و من صوبك
سلطان: و الله ما نشكي باس...اقول لطوف هاتي ماي
احمد: عنبوه شوه اتسوي فالصناعيه؟؟
سلطان: و الله ما شي ازود المكينه مالت النيسان تعرف تل مرعب بيــــــبدا جريب
احمد: النيسان قصدك ولا المدررررعه....ههههههه
و تموا احمد و سلطان ايرمسون بعض..سرت عنهم المطبخ بأييب حق سلطان ماي..و اتذكرت انه احمد ما شرب الحليب ماله..و الله هالانسان غريب...ما يطيع يشرب من ايد البشكاره ابد..لازم حد من خواته ايسويله..المهم دامني فالمطبخ بسويله...بسير اشرب ماي احس بحلجي امرره يابس عقب القفطه..الله يغربل بليسج يا فطووووم..يالله يالله ما اقدر اتذكرالموقف..شكلي ما ببات اليوم من الفشله..و الله عادي عادي؟؟؟ شوه يعني هوه ما يعرف..يدري اني كنت احبه مثل ما يدري اني اكره كره الحينه!!! و الله مب عادي عن الجذب ..عادي و انتي ترتجفين جنج ورقه في مهب الريح...عادي و انتي غاديه طماطه..عادي و قلبج بيظهر من حلجج!!!! ما اعتقد انه احمد بكبره عادي...احمد طول حياته ما كان شخص عادي!! خلصت الحليب و حطيت كوب ماي عداله و طلعت بوديه عند الشباب...انه ماحد فالصاله..وين سارو..لحظه اسمع حسوس فالحوش اكيد هم...طلعت الحوش و حطيت الصينيه عدالي انه احمد يالس في سيارته و فاتح الباب و توه ايشغلها و سلطان واقف على الباب و يعطي احمد الجوازات....وين بيسير و انا مسويتله الحليب...
لطيفه: احمد,.....احممممممممد
++رفع احمد عيونه و هو لابس النظاره الشمسيه...بس ما ظهر راسه من السياره..الله يغربل عدوه محلاته..اففف منه...دقات قلبي اتخف شوي شوي ..ياويلي ...بس بس يا لطيفه هاذا الا الديج شوه اول مره اتشوفينه...رفعت كوب الحليب فوق عشان ايشوفه و كأني اقوله...شوه ما تبا حليب؟؟؟ طلع احمد راسه من السياره
احمد: شربيه ارررررروحج...ولا اقول اعطيه فيرانج يشربنه
اففففففف....افين ....و الف...هالريال بييبلي الخبال...اوكي اوكي...شلت لطيفه الكوب و رفعته فوق بطول ايدها و جبته على الزراعه اللي عدالها.....طالعها احمد و هو رافع حواجبه..و سلطان عادي عنده..متعودين على لطوف و قواتها...

بعد هاذا اليوم ما نبغي صدود ولا تخالف خلنا نهنى سنين الحب يا حلو السجيه يا حبيبي ما يكلفنا على البعاد كالف والدورب اللي سلكناها انا و انته سويه


ا"""لجـــزء الرابــــــــــع""""

+++ما توقع احمد انه لطيفه بتشغل باله هالكثر..منوه يعني لطيفه؟؟؟ لطوووف الهمباه ما غيرها...بصراحه اتغيرت وايد وايد..بالنسبه له كانت مجرد مخلوق صغير يركض وراه وين ما يروح..اما الحينه فلطيفه شخصيه ثانيه..مادري..مادري يوم اتدور على بالي جيه احس بقلبي يفز..خل عنك مالقيت الا لطوف؟؟؟ بصراحه شفت اللي احلا عنها..و رمست اللي ارقى عنها...بس هيه غير؟؟؟ شوه غير انته بعد..صح انها حلوت و تغيرت بس شخصيتها الا هيه..قويه قويه قويه..و هاذا الشي اللي يقهرني فيها..ماداني البنت القويه..الوحيده اللي اتروم اتقولي لا !!!! الحق...لطيفه جميله...و كل ما تدور على بالي احس برجفه..الله يغربلها ما لقيت الا لطووف!!
~~~~~
++باجر السفر...أو بكره السفر على قولت علي عبدالكريم...مادري حاسه بضيجه ماريد اسافر..اول مره ما كون متحمسه للسيره لهدرجه..رتبنا الاغراض كلها ..و جهزنا الشنط كلها..عدا شنطتيه طبعا...و شنطة عايشه اختيه..انا متعوده اني ارتب شنطتيه ليلت السفر لاني انسا اشياء وايد..اما عويش اختيه لانها ما تعرف اترتب شنط اصلا...دايما انا اللي ارتبلها الشنطه!!! ادري شي غريب بس على الرغم من ان عايشه اكبر مني بس هيه تعتمد عليه بأشياء وايد!!! اصلا البيت كله معتمد عليه..مب خقه او كبر..بس هاي الحقيقه ..اهتمامي بالبيت اعتبره شي مهم في حياتي لانه ينسيني همومي..همومي اللي ما قدر اشاركبهن اي حد..بسير اشوف عايشه و برتبلها الشنطه يا خوفي لا تكون رقدت لانه الساعه الحينه 11 و نص فليل و السفر باجر الساعه 12 الظهر مطار دبي...
فجيت الباب بلا احم ولا دستور..يعني اختيه شوه فيها اذا دشيت عليها من دون لا ادق الباب!!! بس عايشه اضايجت وايد من هالحركه و حسيتبها مرتبكه و متنرفزه...
عايشه و هيه يالسه من ورا اللابتوب: ما تعرفين ادقين الباب قبل لا ادشين؟؟؟؟
لطيفه: و ليش ادق الباب؟؟؟ تراني يايه ارتب الشنطه ولا ما تبين؟؟؟
عايشه: لا لا خلاص الشنطه ورا الباب و الثياب في غرفة الملابس..روحي رتبيها
لطيفه: متأكده من انه كل شي موجود ما برد ثاني مره تراني
عايشه: لطوف ما تفهمين الكلام انتي...قلتلج كل شي في غرفت الملابس زولي من جدامي عاد
حسيت انه عويش مرتبكه..و صوتها مخنوق...مادري جنها كانت اتصيح!!! المهم انا ما يخصنيه...عويش شعارها فالحياه " انا مالي خص في حد و محد له خص فيه" و الله لو هاذا شعاري...بنتحر احسلي ليش عايشه فالدينا ؟؟؟
رحت غرفة الملابس..مشكلة عايشه فالترتيب انه لو رتبت شنطتها بتحتاج عشر شنط عشان ثيابها..يلست ارتب الاغراض...سمعت عايشه اتشغل اغنية عيضه " بي ضيجه ودعت انا اليوم غالي" سكت ما قلت شي، عايشه انسانه غاامضه وايد..ما نعرف بشوه اتحس..شوه مشاكلها؟؟..مادري احسبها وايد بعيده عنا..المهم اخلص شغلتيه احسلي و ازول قبل لا تحتشر عليه ...خلصت سكرت الشنطه بس خلتيها فالحجره سبحان الله تتذكر شي و ترد اتحطه فيها..فجيت باب غرفة الملابس ..لقيت ليت الغرفه مسكر و الاباجوره بس اللي تشتغل و عايشه راقده..طلعت شوي شوي..بس سمعت شهقه!!!! و انا شوه لي خص افارج احسلي..بس و الله ما هانت عليه عايشه ...يمكن شي يعورها..و انا شوه لي خص؟؟!!! حرام حرام .اتجدمت منها شوي..وخيت عليها..
لطيفه: عويش عويش
عايشه: شوووو
لطيفه: شي يعورج؟؟
عايشه: لا لا ما فيني شي ...اذا خلصتي طلعي و صكي الباب وراج
لطيفه: اللي يريحج..انا ما ببند تيلفونيه اذا عورج شي سويلي..
++طلعت سكرت الباب ورايه...مابيدي حيله...بس انه عويش اتصيح!!!! بصراحه شي غريب..اللي اعرفه انه عويش قاسيه و بارده ...الله يعينها بصراحه الظاهر انه الشي جايد؟؟؟ بس هيه كانت على اللابتوب يعني منوه زعلها؟؟
سرت الحجره...اول ما دشيت مالقيت وضووووح...وين سارت هاي بعد انصاص الليالي؟؟؟ طلعت بسرعه ادورها..وضحه شمعة البيت و اي شي يستويلها بيجتلني...وين سارت؟؟؟طلعت اركض احيدها متسبحه ولابسه بجامتها و بترقد!!! رحت الصاله اللي عدال غرفنا ماحد؟؟؟ رحت المطبخ التحضيري اللي فوق بعد محد؟؟نزلت تحت..اخاف اقول حق امايه اخوفها اكثر!!! نزلت الصاله اللي تحت..المطبخ..الميالس..محد...ياررررربي..بسير اشوف كشميرا...اول ما فجيت الباب على كشميرا لقيت وضحه عندها...و يالسه اتغشل الفيديو و ماسكه افلام عندها
لطيفه: وضحووووووووووه
وضحه: ها شوه
لطيفه: و ضرررررررررريس...وين انتي
وضحه: انا هنيه بعد وين..
لطيفه: و شوه محولنج اهنيه....و شوه اتسوين تبيني اجتلج ؟؟
وضحه: بس اراوي كشميرا كيف اتسجل
لطيفه: اتسجل شوه؟؟؟ افلام شوه هاذيلا....قولي يالله و لا و الله تراني بخبر سلطان عليج
وضحه: و الله و الله ما فيهن شي فاضيات طرشت عباس ايبلي اياهن من الدكان
لطيفه: حق شوووه ان شالله ...ماحيد ايبيعون افلام ديزني فالدكان؟؟
وضحه: ابا اعلمها كيف اتسجلي البرايم؟
لطيفه: اي برايم
وضحه: مال ستار اكاديمي...شوه نحن بنسير مكه اكيد ما شي هناك القناة مالتهم وانا ابا اشوووفهم
لطيفه:لااااااااااو الللله؟؟؟؟ عنلااااااتج...انتي اللي بعدج ما ظهرتي من البيضه هاي سواياج..تدرين لو يعرف سعيد انج اتشوفين هاذيلا المفاصيخ شوه بيسويبج؟؟
وضحه: برايه سيري سيري قوليله انا ما خاف( طبعا سعيد ما تخاف منه مدلعنها..اوكي اوكي انتي ما اييبج الا سلطان)
لطيفه: اوكي بقول حق سلطان وضووح اتشوف هاذيلا اللي البنات و الاولاد في بيت واحد و انتي تفاهمي معاه..ولا انتي الياهل شوه فهمج بسوالف التسجيل و الفيديو..شوه بيستوي عليج لو ما شفتيهم اسبوعين؟
وضحه: حرام عليج لطووووف...اخاف بهاء تطلع وانا احبها
لطيفه: حبج بوبريص قولي امين...يالله فوق جدامي يالله..
وضحه: خلاص كشميرا...معلوم انتي كيف سجل..شوفي كل يوم ساعه تسعه روحي هاذا قناه اسم مالها ازرق..بعدين دقي هاذا فص..بعدين كل يوم جمعه روحي سيم سيم قناه ساعه عشر و نص بعد سجل خلاص
كشميرا : اجييييييييه فهم انا فهم يالله روح يريد نوم انا
--------------------------------------------------------------------------------



يالله من هالبنت سوينا المستحيل عشان نمنعها من انها اتشوف هالبرنامج ما شي فايده..قفلت القناه في حجرتنا ( انا ووضوح في نفس الحجره) قامت تنزل الصاله و تشوفهم..هزبتها و قالتلي مابتشوووفهم بس كله خريط اتقولي كشميرا انها من ترد من المدرسه سيده عليهم..حتا ثيابها ما تبدلهن...الحين هاي ام 11 سنه و هاي سواياها و مب قادرين انسيطر عليها...استوا كل شي عادي عندها ..ربايعها اللي فالمدرسه ايسجلن لها البرايم و يعطنها اياه و اتشوفه يوم نحن فالجامعه!!! و الله بنات اخر زمن...لا و اتصوت من تيلفون امايه و توصل الفاتوره اخر الشهر بهاذاك المبلغ..بس ماحد ايقولها شي..اخر العنقود
المهم رديت الحجره و يلست ارتب اغراضي..الين ما وصلت الساعه وحده و نص فليل...سمعت تيلفوني ايدق..ركضت بسرعه بشووف منوه اللي مسوي يا خوفي عايشه استوا عليها شي...طلعت فاطمه
فاطمه: الووووو
لطيفه: النمره غلطت
فاطمه: ههههههههه..شوه بعدج ما رقدتي؟
لطيفه: شوه رايج منوه عيل يالس ايرمسج الحينه؟
فاطمه: شوه اتسوين؟
لطيفه: فطيم تراج فاااايجه...جان ما عندج سالفه بصك
فاطمه: لطفين شوه بلاج؟؟؟
لطيفه: لا سلامتج بنت سيف ما سويتي شي حاشاج...الرقاد ما طاع اييني من الفشله؟؟
فاطمه: اي فشله
لطيفه: اتعرفين انج البارحه يوم كنتي ترمسيني من تيلفون اخووج انه الديج كان حاطنه على السبيكر؟؟؟
فاطمه: شووووووووووه؟؟؟؟ حلفي حلفي
لطيفه: شوه يونج ما تدرين يعني؟؟
فاطمه: و راس السيافي اني مادري بشي..يااااربي شووه سويت
لطيفه: لا الغاليه ما سويتي شي بس فشلتيني جدام اخوج..و حرقتي ويهي...و قفطيني..و خليتيه يتحراني احبه الين يومج هاذا..بس ما شي
فاطمه: بس عاد لطوف لا تلومينيه اكثر عن جيه..شدراني انا من ارمسج اخترش ما دري شوه ايني...و الله اني متلومه فيج...و بتخبرج هوه شوه سوا يوم سمعني اقول جيه؟؟
لطيفه: طااااعو الخامه...و تتخبر بعد..ما بقولج
فاطمه: فديتج يا تقولين
لطيفه: ماشي يلس يضحك
فاطمه: و الله
لطيفه: لا عيل نش يزغرط...اقول متا بتظهرون باجر من البيت؟
فاطمه: نحن بنظهر جيه على تسع و نص
لطيفه: خيبه شوه عايلنكم؟؟؟
فاطمه: الله يسلمج بنسير انا و احمد سويحان و بنشل يدتيه..اما امايه و ضبوب و عمران بييبهم عمير
لطيفه: اها...نحن بنظهر جيه علىعشر و نص
فاطمه: يااااحظج بترقدين شوي..
لطيفه: الله يخليج اي رقاد انا يوم يكون باجر شي سفر مارقد
فاطمه: خيبه عيل بتواصلين
لطيفه: شوه اسوي تعالي سهري عندي
فاطمه: لا والله انصاص الليالي ...خليني يا بوي بسير ارقد..يالله شي في خاطرج
لطيفه: لا تصبحين على خير
فاطمه: هيه صح لطووف اتذكرت..اليوم سمعت احمد اخويه ايرمس شمسوه اختج و يقوولها...انج...
لطيفه: شوووو
فاطمه: مادري نسيت
لطيفه: طمااااطوووه بترمسين ولا لا ؟؟
فاطمه: ما برمس شوه بتسوين يعني؟؟....
لطيفه: فطيم و يههههههد...قولي
فاطمه: ياختيه ما سمعج فيني رقاد شوه اتقولين...احمد..احبك...شوه؟؟!!!
لطيفه: اوكي اوكي فطيم مب منج من اللي..
فاطمه: يونج ما تحبينه بعد؟؟؟؟ على منوه تقصين...يوم انج ما تحبينه ليش متحرقصه تبين تعرفين شوه قالج عنج
لطيفه: حبتج القراده انتي و خوج فوووووقج...و علومج خليهن حقج
فاطمه: ايقول انج اتغيرتي وايد و انه ما عرفج فالبدايه...
لطيفه: كيف تغيرت يعني؟
فاطمه: شدراني انا... باجر بتشوفينه و سأليه
لطيفه: اقولج اتشوفين الكوميدينو اللي عدالج
فاطمه: هيه شوه بلاه
لطيفه: دقي راسج فيه و انطبي باي
فاطمه: هههههههه..بايات ولا تنسين احلام سعيده مع
++ما خليتها اتكمل صكيت في ويهها..ادريبها بتقول الحب الاديم...كيف بسير باجر؟؟ ما بقدر اتحمل احمد طول السيرة..اف منها حالة..لطيفه لازم تتعودين على وجوده..شوه بيستوي عليج يعني؟؟..وليش اتعود على وجوده انشالله!!! خلاص احمد انا شليته من بالي..و ماله في قلبي اي محل..دشيت اتسبح..و لبست بجامه و يلست اتابع فلم اجنبي الين صلاة الصبح صليت ووطيت راسي..ما واحت امايه ساعه و انها داقه عليه...
عفرا: لطوووووف...لطوووووووف نشي نشي الصلاه
نقزززززت لاني اعرف اذا ما فجيت الباب عادي امايه تكسر الباب
لطيفه: هاه امايه...صليت خليني ارقد شوي
عفرا: شوه رقااااده الضحى هاذا
لطيفه: الله يهديج يا امايه شوه الضحى توها ست الفير
عفرا:منوه يقول..ثمان الحينه.. نشي نشي يالله سلطان اخوج ايقولكن يالله حولن الشنط...و ابوج متفيزر تحت ما طاع يتريق الين ماتحوليله انتي
لطيفه: انشالله ماعليه ببدل و بنزل
عفرا: هب تردين ترقدين...و وضحه وعيها خليها اتنش هالبزيا ارووحها يبالها ساعه الين ماتلبس
لطيفه: ان شالله
++نشيت ...اتغسلت غيرت ثيابي و لبست جلابيه الاحرام ...خيبه اذا الطايره 12 و الين ما نوصل جده يبالنا ساعتين يعني بنوصل هناك الظهر و مشوار مكه بعد ساعه و نص يعني بنوصل يا القايله يا العصر كيف بنطوف في هالحر؟؟؟؟؟ اسميهم سلطان و احمد من تعبلوا بهالسيره خربووها..لول سعيد اخويه يحجزلنا العصر و نوصل هناك فليل لا حر ولا شياته...لفيت شعريه على السريع ذيل حصان اصلا من طوله هو؟؟ من يوم انا صغيره ماداني الشعر الطويل..عكس بنات عمتيه...ضبابه و فاطمه شعورهن وايد طويله ما شالله..اما انا دووم اقصه كاريه يوم انا صغيره بس من دشيت الثانويه بديت اطوله الين تحت جتوفي شوي و دوم اقصه مدرج احلا عليه خاصه انه شعريه وايد غليظ...يالله المهم بنزل
نزلت تحت لقيت سلطان اخويه متسبح و شعره رطب و يالس يشرب جاهي و عداله بويه حاط على التلفزيون مسلسل جواهر.. و يتابع...صبحت عليهم و وايهته
حمد: هلا هلا بالشيووخ...ماشالله ماشالله على الخضر اسميج ما خربتي بنت حمد..شصبحتي امايه
لطيفه: بخير الحمدلله..شوه بويه ما تريقت؟
سلطان: لا يترياج الاميره تحولين ما يروم يتريق بدووونج
لطيفه: فديته انا...لازم ما يصبر عني جانه مصبح على شيفتك اكيد انه لاعت جبده...ما تقول الا عادل محمود( المغني البحريني)
سلطان: لا و الله جب جب اصلا انا شيخ المزايين ...مب انتي ما تقول الا سوريه بتخبرج متأكده انج مب من البوسنه؟؟ ( عاد سلطان يعرف انه جميل و دوووم يتخقق)
لطيفه و هيه اتصب فنيان قهوه حق ابوها : قالولي بوسنيه و محصلينا انا و انته عدال الزباله
حمد: بس بس من هالرمسه اللي مالها معنا....لطيفه حطيليه شويه خبز و لبن وشويت دهينه
عفرا و هيه توها تيلس: لا لا هب اتصيبله دهن...عنبوه التكسرول مرتفع عندك
سلطان: اوب اوب اوب البوس هنيه...بعدين اميه شوه اسمه ؟
عفرا: شوه هوه
سلطان: هاذا اللي في ابويه؟
عفرا: التكسرول...عيل شوه
سلطان و لطيفه: هههههههههههههههههههههههههه
لطيفه: الكولستروووووووول
سلطان: و الله يا اميه انج عجيبه...انزين شوه اسمها سيارتيه؟
عفرا: الخنفسانه؟
سلطان: لا لا الثاني
عفرا: اخس فايو
سلطان+حمد+لطيفه: ههههههههههههههههههه..و الله انج طماشه
عفرا: يالله بالستر جانكم تضحكوون عليه...ثرنيه شوه قلت انا
حمد: عنبوه يا عفرا مخليه العيال يلعبون عليج
عفرا: وايه يعلني ما خلا من بوومييد و من سويلفاته ..ابويه سر شوف جان عباس حمل الشنط...و انتي لطوف نشي طاعي عويش جانها نشت ادق عليها و ماترد
حمد: وين الوضيحي عيل...سيرو وعوووها
و انه وضحه توها داشه عليهم..و الحبيبه لابسه بنطلون جينز وبدي
حمد: مرحبا مرحبا الساع بالوضيحي..تعالي بنتي هنيه مره عدال ابووج..
سلطان: وضحووه شوه هاللبس..نشي بدليه بسرعه ما فينا انترياج
وضحه: شوه بلاه
حمد: بنتيه وين احرامج ... ما يوز اتسيرين العمره جيه
وضحه: باباتي ما با مابا البس كندوووره
سلطان: شوووووه...نشي يالله متزرزره بهاللبس اتقولين رقااااصه نشي..
تمت وضحه اتصيح
حمد: لا اله الا الله ...ِشياك عالبنت دووم اتخشعها
سلطان: ما تشوووفها شوه لابسه...عنبوه حرمه هاي شراتها لابسه شيله و عباه
لطيفه: عندك اياها مره ما تنرام ...يعريه و بعدها ببناطلينها...بتشوفج هناك هيئه الامر بالمعروف و بتزخج
وضحه: تسمعهم ابويه شوه يقولون؟؟
حمد: ياعيال الحلال خلو البنت...حتا العيشه ما حطتها في ثمها...سيري بنتيه و بدلي ثيابج ما بتسافرين لندل(لندن بس بالبدوي) انتي.. العمره بتسيرين لازم الحريم يلبسن احرامات

نشت وضحه و لحقتها انا بسير اشوف عايشه شوه فيها...رحت الحجره لقيت وضحا اتبدل ثيابها..طلعت العباه بعطيها كشميرا اتكويها و بسير اشوف عايشه مره وحده...دقيت دقيت بس ما حد يرد..ياربي لا يكون شي عورها البارحه...فجيت الباب شوي شوي...ماحد فالغرفه؟؟ لقيت اللابتوب يشتغل..و النت بعد!!! شوه هاذا تتريق على النت الله يهديها...دشت عليه عايشه في هاذيج اللحظه..مستحيل انه هاي عايشه اختيه اللي اعرفها..عيونها متنفخات..ويهها احمر..و مبهدله...عايشه اختيه مستحيل تهمل عمرها...حتى اذا بترقد تتكشخ اتقول سايره عرس...
لطيفه: صباح الخير عويش
عايشه: مرحبا...شوه متا بنسير؟
لطيفه: يالله الحينه يايه اقولج تزهبي جيه عقب ساعه بنسير...عويش
عايشه رفعت عيونها صوبي..و كأنها تترجاني اني ما اسألها شوه فيها..بس ما قدرت اقاوم هاذي اختيه!!!
لطيفه: امممم..عايشه شي يعورج
عايشه: لا ... اذا ما شي في خاطرج طلعي ببدل ملابسيه
لطيفه: اللي يريحج..
طلعت...بالاحرى انسحبت..غرفه عايشه كانت مثل ساحت الحرب..فيها ناس تتعذب..ناس تقاتل..ناس اتمووت..عمري ما تمنيت اني اكون قريبه من عايشه اختيه كثر اللحظه اللي خطفت!! عمري ما حسيت انها اختيه مثل اللحظه اللي فاتت..حسيتها محتاجتني...بس عزة نفسها...اخ من عزة نفسها و عنطزتها..دايمن مسويه حاجز بيني و بينها!!!!
تلبسنا و اتزهبنا و اتأكدنا من الغرف انها مسكره و بأمان..
سلطان: اماااااااايه...يالله عاااد بتسيرن عرس انتن يالله انقفضن
حمد: من جيه مادانيها سيرة الحرمات اممرررره انحوشهن تحويش
يالله منهم...سلطان محتشر...و ابويه من معاليه..شوه عندهم انزين توها عشر و الطياره 12..عايشه اختيه ووضحا ركبن السياره..الا انا و امايه ..امايه يالسه اتجيك و تاخذ نظره اخيره على البيت
عفرا: شوفي كشميرا...ما في يفتح باب حق ناس انتي ما فيه معلوم..و شوفي ارباب سعيد يوم يجي خلي عباس ايسويله عشا تمام...
لطيفه: و هاذا مفتاح مال حجره سوي نظيف تمام بعدين قفليها..
سلطان وهو يطلع راسه من السياره: اوووووهوووو...بتركبن ولا انسير عنكن
عفرا: وااااابويه يا سلطان عين من الله خير..خلنا انشووف اشغالنا و حلالنا..امرره ما يخلون فيك ذهن
يوم توها امايه بتركب...
عفرا: يابتها كشميرا دلة القهوه؟؟
وضحه: لا ماماتي
عفرا: اوهووووو من هالبشكاره السنيانه...و طلعت تبا اتسير اتييب الدله
سلطان: اميه و الله مادبرين ...شوه تبونها القهوه..الحنيه تراكم متقهوييين اركبي يالله خلونا نظهر
عفرا: لطيفه سيري هاتيها بسرعه
سلطان: اووهوووو
حمد: ياهاذي ما سنت
و الله اني رديت اركض اركض..شوه هاذا الله يهديهم سيرتهم امرره سيرة خبال..المهم يبت دلة القهوه و ركبنا..عاد ابويه و سلطان مزنفخين...مرت نص ساعه ما حد رام يفج حلجه بكلمه.. سلطان الدخان يظهر من خشمه..و حاطه ريله على الباب ..ايعرف انه هالحركه تقهر امايه..نش و شغل الشريط..( خالد عبدالرحمن)
عفرا و بصوت هادي: سلطان ابويه
سلطان: شووووووو
عفرا: ابويه عين من الله خير ...حاطلنا هاذا يطرب و نحن بإحراماتنا..
سلطان: تبن اسمعن ما تبن سدن ذنيكن
عفرا: انزين بويه برايك حط اللي تباه...بس ريلك الغالي نزلها
سلطان: لا حوووووول..
عفرا: فديتك الغالي شقايل اتسووق جيه و انته راكز ريلك لو تظهرلك الحينه شاحنه
استحى سلطان من امايه ..خاصه انه من الصبح و هوه رافع صوته عليها...و سلطان بالذات ايعز امايه وايد
حمد: سلطان بويه ...غير عنه هاذا من الصبح يطنطن...حطلنا بروووغه جان عندك
وضحه: شوه هاذا باباتي شوه بررووغه ما احبه انا
حمد: فديتج بنتيه عيل شوه تبين؟
سلطان و هو يحط شريط اللي يباه ابوه: جب ما عندنا بنات يتشرطن...
حمد: سلطان.. الوضيحي لحد يقولها شي..عنبوه ثرني لو بموت بتولاهن انته...
بعد فتره
حمد: ما عندك هاذيج الغنيه اللي يقول فيها احوري كالبدر لونه؟؟
سلطان: لطوف
لطيفه: لبيه
سلطان: فجي السدة و بتلقين شريط اخضر ظهريه
نشيت و طلعت الشريط و عطيته سلطان..وضحه يالسه عند ابويه جدام وانا يالسه فالنص بين امايه و عويش..اللي ما نطقت بكلمه من ظهرنا..!! و اخيرا وصلنا المطار على الساعه 11 وربع..طبعا سلطان مطيرنها السياره و الشواب مب حاسين المهم اننا وصلنا بخير و سهاله ^_^..حول سلطان وبويه
سلطان: امايه لا تحولن بنسير انا و بويه و بندخل الشنط..انتن يلسن اهنيه اترين قوم عمتيه الحنيه سويت حق عمير و يقولي اهنيه دون دوار بوكدره...لا حد يحول تسمعن بنات و لا لا ؟؟؟
عقب عشر دقايق...انه عمير و عمتيه و ضبابه وشمسه و عمران واصلين..حولو وسلمو علينا فاضطرينا انا انحول و انسلم عليهم ..ماشالله علينا جنه المطار مطارنا...خليناه ميلس...بغينا اندش داخل .. بس قلنا بنتريا يدتيه بنسلم عليها و بندش مره وحده...
خطفت ربع ساعه و انه احمد واصل
ضبابه: هاذوه وصل احمد
لطيفه: وينهم ما شوفهم؟
ضبابه: هاذيه البي ام السودا
لطيفه: حلفي
ضبابه: و الله ليش
لطيفه: خيبه و انا من الصبح ما شليت عيني عن هاذا راعي الاستيشن الذهبيه عبالي هوه
ضبابه: غربلات بليسج اشوفه الريال من الصبح مصوب علينا...و لو كان احمد انتي شوه تبين اطالعينه؟؟
لطيفه: عدال عاد..اللي يسمع....بتخبرج من كم يوم كان عندنا فالبيت و كان عنده استيشن ذهبيه
ضبابه: عنده استيشن و بي ام....الله يطول عمر الديوان مشرغنه..شوفي شوفي فطيم يوم هيه اتنزل يدتيه الله يعينها
نزلت يدتيه ضبابه...عفوا الملكه...هههههههه..حليلها فطيم من الصبح اترشاها تمسك ايدها عشان ما طيح بس ضبووب نحسسسسسه مستحيل اتخلي حد يمسكها يون انا قويه ما با حد يمسكني...اتجمعو الشبيبه على يدتيه..يدتيه محبوبة الجماهير و خاصه الشباب..عمير..سعيد اخويه..ابويه..سلطان..يالله كيف تلوي عليهم...شوه هاذا فلم هندي على الهواء مباشره..ولا داقين وياها سوالف مب جنهم محتشرين علينا يونا متأخرين!!!! المهم سلمنا عليها و سرنا سيده قاعه الانتظار..و خلونا الرياييل سارو ايخلصون الجوازات و الشنط...سلمنا على عمتيه و البنات و اتجمعن عمتيه بخيته و امايه يلسن على طرف و يالسات يتقهوين..اما ضبوب الصغيره و وضحا يالسات عند يدتيه يلبسنها زليغات...عشان ما يتورمن ريولها فالطياره..اما انا فيلست عن توأم روحي فطيم
لطيفه: اتصدقين فطيم مسسسسسسسسسسسسطله عيوني متلاصقات
فاطمه: ههههه ما رمتج يوم قلتلج ارقدي ما طعتي..اقولج شوه بلاها عويش اختج
لطيفه: ما شي بلاها ...بس يمكن حازه في خاطرها انه شمووس ما بتسير ؟
فاطمه: اها...هيه و الله اول سنه انسير بدون شمسه..حليلها ..اتصدقين مارمت اوادعها يلست اصيح
لطيفه: ههههههههههه..فديتهاو فديت السيافي..
شمسه: اقول فطيم؟
فطيم: هلا
شمسه:سيري ودي سيف الحمام ورانا خط و اخافه ايعلوزني فالدرب..
فطيم: ما عليه...يالله لطفين نشي ويايه
لطيفه: لا و الله سيري اروحج اتعرفيني ما داني اليهال و صدعتهم
فطيم: يالله عاد
لطيفه : زوووووولي ...بوطي راسي شوي قبل لا انسير
سارت فاطمه اتودي سيف الحمام...مرت نص ساعه...و سمعنا نداء طيارتنا..و الحبيبه فطيم الين الحينه ما هضلت..
سلطان: يالله حرمات...انسير الطياره
نشن حرماتنا كلهن
شمسه: بتخبرج وين سارت فطيم الين الحينه مايت؟؟
لطيفه: شدرانيه؟؟ حد ايطرش هالسنيوحه؟؟
شمسه: شدراني السيافي متعود عليها..قلتله خل ضبوب اتوديك ما طاع
اتحركو كلهم ما تم حد فالقاعه و الحبيبه بعدها ما يت..
شمسه : بسير اشوفهم
لطيفه : خلاص عيل انا بيلس اترياها اهنيه
شمسه: يالله عيل فداعت الله
لطيفه و هيه خانقتنها العبره: الله يحفظج...حطي بالج على عمرج و البيبي..
شمسه: ان شالله لا تنسينا من دعاؤج
لطيفه: ان شالله...اقول شمسوووه..ما وصيج على الحليان تراه عباسوووه متحلفله
شمسه: هههههه...فالج طيب
سارت شمسه...و فاطمه بعدها ما ظهرت...طلعلي احمد
احمد: هاه فاطمه شوه اتريين يالله انقفضي لا اتطير الطياره عنا




مارمت ارد عليه لاني اعرفه انه مغلط و يتحراني اخته فاطمه..انا و فاطمه نفس الطول و لابسات نفس العبايا و نفس الغشاوي..ما ينلام...هزيت راسي لانه لو درا انه فاطمه مب هنيه بيحشر الدنيا...عاد كيف يوم احمد يعصب..ايشل الدنيا ؟!!! اتجدم احمد صوبي وايد...يالله لا يكون شك فيني؟؟؟ شوه ايسوي هاذا؟؟ مسكني من ايدي ....وااااااااااااااااي..الله يغربل بليسه...عمره ما قد مسك ايد فطوم شمعنا اليوم!!!! حشا لمست ايده حرقتني اتقولون يمره..بغيت امط ايدي لانه بيحس اني ارتجف من فوق الين تحت..بس هو حط في ايدي الجوازات
احمد: دووووج الجوازات و حطيهن في شنطتج...لا تضيعينهن..يوم بنوصل جده باخذهن عنج اوكي
هزيت راسي مرررررره ثانيه...سبقني و اشرلي اني اتبعه...في هاي اللحظه ظهرت الاميره النائمه فاطمه
لطيفه و هيه تهمس:طماااااطووووه ويهد وين كنتي؟؟؟
توها بتتكلم فاطمه حطيت ايدي على ثمها..ما فيني يلتفت احمد و ايشوفها بيقولها وين كنتي؟؟؟ و تحقيق ما تحقيق..سرنا وراه بكل هدووووء...دشينا الخرطوم...و انه يدتيه شاله الدنيا بحسها؟؟؟ الله يهديها ..يدتيه و طياره....اتخيلواا الوضع و كله فووووق راس احمدوووووه..احسن يستاهل..اصلا معروف انه احمد روح يدتيه اتمووت فيه...لازم تراه نسخه من يدي الله يرحمه..
اليده: ما باها هالطياره صغيره...مادانيهن الصغار يختضن و يخضن جبودنا وياهن
سلطان: لا لا يدتيه هاي مب صغيره...هاي الطياره العووده مالت الشحن
اليده : خيـــــــــــــــــــــــــــــــبه لا عيل ردووونيه ماباها هاي مالت القشار بطيحبنا
احمد: لا حووووول ولا قوه الا بالله...يدتيه هاي هيه طيارتنا العاميه..ما تحيدين عام لول يوم انسير
اليده: متى؟؟؟ لا لا ماذكر....ردوني ردوني ماباها هالطياره ادريبكم تبون اتنفدونيه
احمد: عنبوه يا يدتيه جانج بتنفدين ترانا نحن بننفدج وياج؟
اليده : لا لا لا لا تقول جيه...يا بويه وين ولديه حمد زقروووه خلوه يكلم هالشرطي يفتحلنا الباب مال الطياره الثانيه..و جانه ما طاع قولوله هاذا يعرف الشيوخ
احمد حب يدته على راسها: ههههههههه...يدتيه ايقولولج ما شي غير هالطياره اتسير العمره..تبونها حياكم ما تبونها بيردونا البلاد
اليده: انزين روودني خلووو عمير ايشلنيه ...ردووني سويحان
احمد: يدتيه جانج انتي ما سرتي انا ما بسير...و بنكسل كلنا
اليده: يا بوووووويه فكنيه من الصدعه اتوكل انته و هلك و سيرو ...انا برقب عمير هنيه
احمد: ورفجت يديه انج اتردين
اليده: حمااااده ...عنبوك زاد يدك فالقبر شوه تبابه
احمد: ههههههههه....يوم انه فالقبر انسيرعيل عيني خير و اعتمري عنه جاد الاجر يوصله
اليده: هزرك؟؟
احمد: عيل شووووه...من يحطونك فالقبر شوه ينفعك؟؟
اليده: عيل قوم و ازقرلي لطووف خلها تقبضنيه من ايديه
احمد: وشوه انا ماسد
اليده: زقرلي لطووف اقولك ..لا تزقرها فطيم ماباها بارده هاذي...ازقر لطوف حرجه ابا تيلسني فالكرسي اللي اباه ماحد يعرفليه غيرها...
احمد: ان شالله ...لطيفه لطيفه
لطيفه: شوووو
احمد: تعالي العيوز تباج
لطيفه : ما عليه ما عليه
++لطيفه..سرت و اتجدمت و مسكت يدتيه من ايدها و احمد من الطرف الثاني ,,,, اول ما تقربت عيون احمد كانت مصوبه سيده صوبي..مادري حسيت بنبض قلبي بيظهر...شوه يطالع هاذا بعد ...اتقربت من الصوب الثاني..يالله كيف احمد جريب منيه خاصه انه جسم يدتيه ضيئل وايد..حاولت اتحمل بس ما رمت احس بضيجه في نفسيه..اووف يا احمد رووح الله يخليك ...روح و ارحمنيه!!!
~~~~~
+++أحمد..يالله....ماروم اشل عيني عنها و هيه تتقرب مني...يعني لازم لطيفه من بد كل البنات..مادري ..جنها تمشي في فواديه...لفيت ويهي الصوب الثاني..بس من مسكت ايد يدتيه استوا راسها جريب وايد من راسيه..عنلاتها شوه اتسويبيه من تتقرب عداليه..لطوف لطوف ما غيرها اللي طول حياتها جدامي..اليوم تلعب بقلبي لعب..و الله و الله اني آنس طبول تغني في قلبي!!!! و هم يا احمد و هم لا اكثر ولا اقل....


"""الجـــزء الخامـــــــــــــــس""""


المهم تمت الرحله على خير و دشينا الطياره...تـأخرت الطياره ألين الساعه 1 بسبب اعطال ...و احتشرن الحرمات ...يالله يالله سكتناهن..يونهن يبن ايردن ولا يبدلولهن الطياره..شوه هو سوبرماركت!!! وصلنا جده على ثلاث الظهر نزلنا ....زربونا مره ثانيه في وحده من القاعات و قالولنا كل وحده تمسك جوازها و اتسير التفتيش النسائي...ألين ما يخلصون الرياييل الشنط..دخلنا نحن البنات و الحرمات كلنا غرفت التفتيش..فجينا الغشاوي و وقفنا بالدور..
فاطمه: خيبه بتخبرج شوه هاذا؟؟
لطيفه: هاذا الله يسلمج جهاز بيخطفونه على جسمج كامل ...بيطالعون جان حاطه سلاح ولا شي
فاطمه: اتخسي اتحطه على جسميه...شوه ارهابيه انا
لطيفه: اص لا تبين طاري الارهاب لا ايشلووونج بوزعبل ولا نشووف زولج مره ثانيه
فاطمه: هههههههه...ياختي ماروم استحي شوه هاذا؟؟
لطيفه: ضبابه يالله الدور دورج
ضبابه: انزين مب عميا...
لطيفه: حشا يهالعايله كلكم حرايق...بتخبرج شوه بلاها
فاطمه: هههههههه..معصبه على سلطان
لطيفه: ياويل سلطان...شوه سوا بعد حليله؟
فاطمه: ما شفتيهم هو و احمد ما طاعت المضيفه تفارجهم من ركبنا ألين ما حولنا
لطيفه: انزين و سلطان شوه يخصه
فاطمه: شوه شوه يخصه!!! هم غلامين يلسوا يناغونها...وهيه ما صدقت
لطيفه: ما تنلام شافتهم مزايين
فاطمه: عاد تعرفين انتي ضبوب ما تبا البقره اتشوف سلطان وين عيل هالشقرا
لطيفه: عنلاتها الغبرا .....شوه تباهم ..الله يغربلها يعلها الماحي
فاطمه: هاه هاه شعندج انتي بعد
لطيفه: يا سلام اشوفها تراوش اخويه وانا بسكتلها
فاطمه: بصراحه ما تنلامين تراوش شوقك و اخوج
لطيفه: فطيم....لمي ثمج
فاطمه: سمعا و طاعة مولاتي
اليده: طاااعووو ضبوب انتو تتضحك ...ايه شيضحكج؟؟
ضبابه الصغيره: الله يغربلها يدتيه ...هاي المكينه تقرقطني
اليده: امممممممف...شوه هالطفاسه هاي بعد؟؟؟ ايه انتي مسودت الويه شوه تبينهن بناتنا تتهيسينهن
بخيته: امايه لازم ايفتشوون
اليده: اتهبي ... عيل تيلس تتلمس بناتكن وانتن اتشوووفنها اسميكن ما تفهمن ألحقن على بنيّكن بتنفدهن
بخيته: يا أمايه...شوه اتنفدهن..حتا انتي بحطونها عليج
اليده: اتهبي الخامه...سرنا الحي و العمره قبل ما سوا هالخريط كله..عطنيه جوازيه بظهر
عفرا: يا عمتيه عيني خير...
حليلها ضابطت التفتيش ظحكت و هزت راسها...جنها اتقول برايها العيوز
بخيته: اسميحلنا اختيه..عاد هاي عيوز و عوده فالسن هب تحطين في خاطرج عليها
اليده: عاز حيلج...امف عليكن زقرلي احمد ولا سلطان ايوديني السياره...
فاطمه: خلاص انسير نحن خلصنا يالله يدتيه
اليده: فاطمه؟
فاطمه: لبيه يدتيه؟
اليده: سيري هاتيلي مويهه...امررره ريجي يابس
فاطمه: ما عليه...بس يدتيه هب تسيرين مكان انزين؟
اليده: وين بسير....ماروم اشل ريولي انا

حطت فاطمه يدتها على واحد من كراسي الانتظار و سارت صوب ثلاجه الماي، شافت سلطان واقف عدال الهندي اللي يحمل الشنط و أحمد واقف عدال المكان اللي يطلعون منه الشنط ، و هيه راده شافت كشك ايبيع مجلات...سارت صوبه فاطمه تبا تشتري مجله فواصل..

فاطمه: السلام عليكم
العامل: و عليكم السلام...
الله يسلمكم العامل اندونيسي بس رخو و ماصخ، مادري كيف يعني مايع يرمس من طرف ثمه
فاطمه: لو سمحت ابا مجله فواصل اذا عندك العدد الاخير؟
فاطمه ما انتبهت انه في ريال غيرها واقف عند الكشك
قام العامل و عطاها مجله ثانيه
فاطمه: شوه هاذا انا ما قلتلك المختلف...قلتلك فواصل
العامل: ما في
فاطمه: لا و الله عيل شوه هاذيج اللي معلقه اهناك
العامل: ما يبغا بيع انا
فاطمه: لا و الله ...عيل ليش عارضنها؟
العامل: مدام انتي شو في...
فاطمه: شو شوه في ..الله يسقمك يالرخو...خلاص خلاص هات المختلف
مد العامل المجله حق فاطمه
فاطمه: اقولك انا عندي فلوس امارات بس... ما في مشكله؟
العامل حب انه يطول السالفه و يتميصخ على فاطمه,,,,خاصه انه اسلوب فاطمه فيه نعومه و دلع طبيعي
العامل: نو نو مدام ما يقدر انا...اذا ما فيه فلوس سعودي رجع مجله؟
فاطمه: ليش فلوس مال امارات سيم سيم مال سعوديه؟؟ يالله هات
قام العامل و مط المجله من ايد فاطمه بعد ما حاول انه يمسك ايدها....عصبت و طلعت
العامل: مداااام مدام خلاص خلاص ارجع...شيل اي مجله انتي يبغا بلاش
فاطمه: خلها حقك...لف بها سندويجات براتا و بيض
سمعت فاطمه ضحكه...من وين ؟؟ من الطرف الثاني من الكشك..استغربت منوه اللي كان يسمع باللي صار بينها و بين العامل و قعد يضحك؟؟؟ ..اكيد هاذا واحد من عمال المطار...لا لا هاذا واحد مواطن و طاوي السفره!!! من الفشله ردت فاطمه صوب المجله ....بس سبقها الريال و خذ مجله فواصل و فرّ الفلوووس على العامل
-----: خل الباجي حقك؟؟؟ و ثاني مرره لا تسوي قرقر زياده ولا لسانك بينقص..عنبو ذا الشيفه...دواك حد يشتكي عليك
العامل: سير سير ...ما في يشتكي انا ما سوي غلط
-----: الا الغلط راكبنك من ساسك الين راسك يالخديه
العامل: سير سوووري سير ما في يشتكي
لف الريال صوب فاطمه اللي كانت شاهد ما فهمش حاجه..مد الريال بالمجله صوب فطيم
-----: اندوج اختيه المجله، و هالاشكال ما تنعطا ويه زياده لانهم يخورونها...
فاطمه مارامت ترمس، فشششششششششششششششله
++ياللله من وين طلعلي هاذا؟ يالله ياالله لا يكون سمع كل شي، اكيد الحينه يتطنز عليه و ايقول هاي مقصه، او انه ايقول انه هاي ماصخه و راعيت حركات ويالسه اتزودها مع العامل....بصراحه بصراحه احس انه اريد الارض تنشق و تبتلعني!!! طلعت فاطمه من الكشك خطفت على ثلاجة الماي...و قالت بسير اشوف احمد اكيد انهم حجزوا سيارات و بركب يدتيه بالمره...اتجدمت شوي شوي..بس احمد مب واقف ارووحه واقف عداله ريال...نفسه نفسه اللي كان فالكشك من شوي...اكيد يعرف احمد اخويه ولا كيف يالس ايكلمه و يضحك معاه!!! يالله كملت بعد هاذا اللي ناقص يوصل خبريه عند احمد..ياربي سترك سترك زقرت احمد شوي شوي..الحمدلله انه سمعني..و تقرب صوبي
احمد: شوووه بلاج؟؟
فاطمه: هاذيه يدتيه..حاشره الدنيا تبا تركب السياره
احمد: انزين سيري هاتيها...
فاطمه: ليش انتو حجزتو سيارات؟
احمد: لا
فاطمه: عيل؟؟
احمد: علي حاجز جماسي...ثنينه واحد حق قوم عمتيه و واحد حقنا
فاطمه: منوه هاذا علي؟؟
احمد: وابويه عليج يونج ما تعرفينه...اخو سهيل ريل فاخره
فاطمه: هاذاك اللي واقف هناك؟
احمد: و انتي شوه يخصج؟؟ يالله سيري اشوف سلطان ايقود يدتيه...مب تطلعن ألين ما سويلكن تيلفون
فاطمه: ما عليه
ردت فاطمه بسرعه الصاروخ صوب استراحه الحريم...مب قادره اتحمل..انتفض...ياويلي جاك المووت ياتارك الصلاه..احس انه نهايتي قربت؟؟ و انا شوه مودني اهناك..اوف اوف يا قلبي..اسمه علي بعد
فاطمه: لطفين لطفين تعالي اباج
لطيفه: هاه شوه بلاج؟
فاطمه: تعالي يونا بنسير الحمام
لطيفه: فاطمه...عيني خير تونا واصلين وين بتسيرين بعدج؟؟
فاطمه: يالله تعالي شوي...دخليج المسأله مسأله حيات او موت
لطيفه: ياربي من هالبنت...بتخبرج شوه بلاج انتي اليوم؟
سارت فاطمه و لطيفه تتبعها...فالحمام:
فاطمه: آآآآآآآآآآه يا لطيفه...أأأأأأأأه
لطيفه: بسم الله عليج شياج استلبستي
فاطمه: شفتتتتتتتتتتته.....و ليتني ما شفته...
لطيفه: منوه هووووو؟؟؟ فطيم بترمسين ولا اظهر
فاطمه و هيه حاااطه ايدها على قلبها: ريحااااااااااااااااااااااانة فواديه...و اخيرا و اخيرا حصلته
لطيفه: ليش امبونه هو ضايع...بترمسين ولا لا..تراهم بيسيرون و بينسونا اهنيه فالمطار...
فاطمه: و الله اني ما روم ارمس..فواديه بيظهر ...
لطيفه: غربلات بليسج...تنتفضين من فوق ألين تحت..حد سوابج شي...قولي؟؟؟
فاطمه: هيه هيه ...سوابي العجب...شل فواديه ولا رده
لطيفه: يا هي طويله ولها ذيل...فطامي اصطلبي ولا تراني بسير و بخليج
فاطمه و هيه تمسك ايدين لطيفه: شفت....مادري مادري...اتعرفين علي؟
لطيفه: منوه علي...البيدار اللي فالمزرعه؟؟
فاطمه: اوهووووو...لطفين..علي اخو سهيل ريل فاخره
لطيفه: نسيبكم ؟؟
فاطمه: هيه هيه هيه ...أحبه أحبه أحبه
لطيفه: ياللواته...شوه اتحبينه انتي بعد؟؟...مب اول مره اتشوفينه انتي؟؟
فاطمه: ادري اني اول مره اشوفه...بس حبيته..و الله انه هوه ريحانه فوادي
لطيفه: مب هينه بعد...شوه ريحانه ولا خنفسانه ...في محل ورود نحن؟؟ يون احبه..غربلات عدوج انتي اي واحد اتشوفينه بتقولين احبه؟؟ امره انتي يبالج مراقبه ولا بتنفدين
فاطمه: ما سمعتي ميحد يوم ايقول" عرفتك قبل لا اتعرف عليك" ياربي يالحب يالحب ....و الله اني احبه
لطيفه: انزين ممكن اعرف وين شفتيه
فاطمه: شفته شفته ؟؟ وين مادري شفته في واحه فوادي ...فديته اشترالي المجله..و هزب العامل
لطيفه: ماماتي فاطمه..انسير حبيبتي رويني فارس احلامج...ولا تراه والله اذا طلع جذب لا تعرفيني ولا اعرفج
فاطمه: بس خايفه
لطيفه: من شو؟
فاطمه: من الفرح....و الله انه دش قلبي احبه و الله اني احبه...و خايفه من احمد؟
لطيفه: و شوه دخل الديج فالسالفه؟
فاطمه: تراه علي رمسني فالكشك اللي يبيع المجلات..و اخاف يخبره
لطيفه: بذذذذذذذذذذذذذذذذذذمتج؟؟؟؟ ياخراب بيتك يا فطنه...يا سواد ليلك يا فطنه
فاطمه: و الله؟؟؟ تتوقعين انه احمد ايسوي شي؟ لا لا ما توقع انه علي يرمس...اصلا شوه صار ماصار شي..بس اشترالي المجله و عطاني اياها
لطيفه: بس....وما صار شي من وجهت نظرج؟؟؟ اترمسين ريال غريب و يشتريلج مجله و يعطيج اياها..كل هاذا و ما صار شي!!!!
فاطمه: لطفين فديييييتج قوليلي شوه اسوي
لطيفه: لا تسوين شي خلينا الحينه نروح لا ينسونا اهنيه..
طلعن البنات...لقن سلطان ايدورهن..
سلطان: غلااااامتين...وين انتن من الصبح؟؟؟ غربلاتكن لو سرنا الحين عنكن؟
لطيفه: انزين وينهم ؟
سلطان: شوه وينهم فالسيارات ...ليتنا لو سرنا و خليناكن اهنيه...
لطيفه: وابويه عليك انته...انهون عليك
سلطان: مابستوي عليكن شي بتاخذن سعوديين و بتعيشن في جده و بيكدونكن كد شوه تبن بعد...و بيعشونكن و بيرقونكن خرفان ...و بتغدن كبر الدرام
لطيفه + فاطمه: ههههههههههههههههههههههه
سلطان: مستانسات بعد...صدق انكن بقر..يالله جدامي جدامي
لطيفه: ادري انا غاليات عندك...ولا ما بترد اتدورنا
سلطان: وايد شايفه عمرج تراج...رديت اجيك على شنطتيه
لطيفه: ليش شوه بلاها شنطتك؟ لا تقولي ضاعت
سلطان: هيه ضاعت..
فاطمه: لاو الله...جان سألت فالشحن؟
سلطان: ما خليت مكان ما سألت عنها...عطيتهم الاسم و التيلفون و اذا لقوها بيدقولي


++ طلعنا من المطار ...و الله و يا فاطمه عقيتي عمرج في ورطه..فاطمه و اتحب؟؟!! ادري انه الحب ايدش من دون لا يستأذن..و ادري انه الحب حق مشروع لاي واحد عنده احساس و مشاعر..بس اللي اعرفه بعد انه الحب عذاب و جحيم..و انا ماريد فاطمه تتعذب..خصوصا انه اختيارها خطأ..انها تتعلق في شخص يمكن ما يبادلها نفس اللي تحسبه بيدمرها و انا اعرف فاطمه زين..رقيقه و حساسه وايد..يمكن تبني احلام و تصدقهن و تعيشهن..و لو ما تحققن ممكن تتدمر.. في فترة مراهقتنا الذهبيه انا و فاطمه حبينا..حب طفولي..حب نتيجه للهفتنا انا نكبر و انصير بنات كبار لا اكثر ولا اقل..حبيت احمد..و فاطمه حبت خليفه اخويه..رسمنا احلام ورديه عمرنا ما فكرنا فالعرس..كنا نتخيل انهم يعطونا ورود..هاي احلامنا..و في هاذيج الفتره خطب خليفه خويه..و بدت معاناة فاطمه..صاحت و صاحت...بس نست بسرعه..حب طفولي مثل الطفل كل ما يكبر ينسا..بس حبي لاحمد كان غير..و الدليل انه عايش..عايش؟؟لا لا مستحيل انا اتوهم بس...لفيت صوبها اشوفها..معقوله هالانسانه اتحب و بهالسرعه؟؟ كانت ماسكه المجله بإيدها و حاطتنها على صدرها و ايدها الثانيه في ايدي ..و الله انها ترتجف؟؟ الحين معقول هاي تحب صدق؟؟ حب في اقل من ساعه!! منو يعلم يمكن هالحب اللي انولد في اقل من ساعه ايعيش اكثر عن حبي اللي عاش سنين..و مات مختنق على ايد محبوبه!!
بالفعل كانو الاهل كلهم فالسيارات..فالسياره الاولي ركب ابويه و وضحه و امايه و عايشه اختيه و عموه بخيته، اما فالسياره الثانيه اللي كانو يتريونا فيها فكان فيها يدتيه و ضبابه و عمران بس، ركب سلطان من جدام طبعا جدام نصخ قلبه " ضبوبي" على قولته، و ركبنا انا و فاطمه ورا فالدبه عشان ما نفترق، اما اللي ما شفناه هو احمد؟
لطيفه و هي تصاصر فاطمه: اقولج وين عاد ريحانة فوادج اللي حاشره به الدنيا؟
فاطمه: و انا شدرانيه؟ يمكن عند احمد اخويه
لطيفه: و الديج وين بعد؟
فاطمه: لحظه بتخبر سلطان....سلطان؟
سلطان: هلا فاطمه شوه بلاج؟
فاطمه: اقولك احمد اخويه وين؟
سلطان: احمد ركب مع علي التاكسي؟
اليده ضبابه: وابوووويه يركبون التكسي و السياير محد فيهن؟؟
سلطان: يدتيه علي بيرد فالتكسي و استحى منه احمد و قال بيرد وياه؟
اليده: و شعنه علي ما يركب عندنا؟
سلطان: عنبوه وين بتحطينه ريال في نص البنيات
اليده: وابويه عليك هاذيلا الا شرات خواته
سلطان: لا و الله مب شرات خواته ولا الله قاله...لو ايي الحينه ايخطب لطوف ولا فطيم بتردينه
لطيفه: و شمعنا ضبابه ما قلتها؟؟
سلطان: جب انتي..ضبابه مب للعرس
اليده: لو اييهن هيه نعم بيوزه..و اول وحده هاي اللي ما تنرام ضبابه بيوزها
ضبابه: لا والللللله يدتيه...سميتج انا اهون عليج
سلطان: لا لا يدتيه ضبوبي لا حد ايي صوبها ... محيره
اليده: و اخيبتيه ... منوه محيرنها؟؟ عنبوه ياللي ما تستحن ايخطبونكن ولا تقوليليه
سلطان: يدتيه ضبوب محد بياخذها غيري...شوه بعد اخلي الغريب ياخذها انا ولد خالها اولى بها
حليلها ضبابه الصغيره انكمممممممممممممممشت، اما انا و فاطمه ضحكنا
سلطان: يتضحكن غلامتين وايه فقدتكن...جب الحين بيركب الدريول و بعمرها اللي بتـــــــيــّر النصخ
لطيفه: خيبه بتفطسنا من الحينه ...ساعتين ما تبانا نرمس
سلطان: عيل الدريول سعودي و بتيلسن تحيسن ثاميتكن جدامه...
فاطمه: اشتغل عاد سلطان علينا...ما تسمعينه يدتيه شوه ايقول
اليده: شوه ايقول بومييد
سلطان: ما قلتلهن شي يدتيه...قلتلهن بس لا تيلسن تضحكن بصوت عالي عيب الدريول ريال من البلاد
اليده: صدقه
لطيفه: خلاص ما عليه ما بنضحك بس بنرمس
تحركن السيارات من المطار بعد ما حملنا الاغراض و الشنط كلهن..مب سيارات حشا موكب رئاسي الجمس الاول اللي في اهليه جدام و عقب نحن و ورانا التكسي، مرت ساعه و نحن فالدرب..و نحن كله ضحك و سوالف حتا سلطان ما رام يمسك عمره..طول الوقت فالدرب و نحن نسابقهم..لا كله كوم و الحرمات كوم..يحتشرن..يوم نوصل عندهم ايفج سلطان الدريشه و يطول على المسجل و حاط خالد عبدالرحمن..مب جنا سايرين العمره يتحرون عمارهم في صلاله.. و ييلس عمران ايسوي باي باي حق وضحووه...و اتصيح وضحوه عند ابويه ...و يسرعون ...
بخيته: حمد اخويه؟
حمد: هاه بخيته شوه بلاج؟
بخيتة: سو تيلفون حق سلطان لا تخليهم يسرعون...بينفدوون البنات
حمد: وين ما شي سرعه
عفرا: و الله انه يسرعبهن و ايشلبهن تايرين بعد...بينفد البنات غربلات بليسه..الحقو عليهن
حمد: يا بنات الحلا ل لا تفاولن عليهن
عفرا: ما عليه يوم ينفدن هاذيج الساعه ...بتقول رمسه غيرها...حسبي الله على بليسك يا سلطان البنيات كلهن اهناك حليلهن...ياويليه على بناتي
حمد: ما بيستوي عليهن شي خلنهن مستانسات و يضحكن
و خطف الوقت بسرعه ما حسينا الا انهم واقفين عند شيشة البترول
وقفن السيارتين ايعبن بترول...
ضبابه: اقول فطيم وين البرنجلز
فاطمه: ما شي عبرناه انا و لطوف
ضبابه: يا سلام .... عكيفكن ..
لطيفه: شوه انسوي عاد ما صدقنا نشتهي العيشه نحن قضينا عليه...سلطان
سلطان: خير
لطيفه: بليز حول و اشترلنا شي نتقرض به
سلطان: حشا ما تشبعن من الاكل انتن...بطاطا ضبابه و عبرتنه شوه تبن بعد
لطيفه: فديتك سلطان و الله انه فينا يوع
سلطان: مووووتن يوع عيل...ضبابه ما تبين شي؟؟

ضبابه: ابا برنجلز الازرق
اليده: سلطان ابويه حول اشتر لخوياتك شي...عنبوه هاي لطيفه و فاطمه خايسات ان ما ذاقن العيشه بيطيحن علينا هناك فالحرم
حول سلطان و شل عمران وسار المحل اللي عدال الشيشه...و انه امايه منزله الدريشه من السياره الثانيه تبا اترمسنا
عفرا: ضبابه
ضبابه: هلا خالوه
عفرا: بنتيه هب اتخلنه يسرعبكن .... بتنفدن تراكن
نشيت انا من ورا و طلعت راسي من الدريشه شوي و بنقز منها
لطيفه: هاذا كله من سليطين ولدج
عفرا: تسمعهن شوه ايقولن حمد
لطيفه: ابوووويه الحق علينا بينفدونا و نحن بعدنا ما عرسنا ...ما بتشوووف احفادنا بووويه
حمد: هههههههههههههههههههههههههه...هالبنت امرره لسانها ايي من معاليها
عفرا: ايه عيب عليج اتباغمين بطول حسج يالله خشي راسج داخل...
بخيته: ضبابه
ضبابه: لبيه امايه
بخيته: بييكن اخوج احمد الحنيه و عطنه دلت الجاهي و القهوه
ضبابه: ان شالله
بعد خمس دقايق انه التكسي موقف حول منه احمد و ريال ثاني...
فاطمه: وااااااااااي
بس بسرعه اتداركت عمرها و حطت ايدها على ثمها...و قامت تقرص لطووف على ريلها..
لطيفه: اااااااااااااااااااي
اليده: شعندكككككن؟؟؟ كل شوي اتباغمن؟
فاطمه: ما شي يدتيه بس جنه شي لدغ في هالسياره؟؟ الله يغربله مررره مب نظيفه
لطيفه و بصوت واطي: حرام تتبلين على الريال شعندج؟
فاطمه و هيه اتأشر على الدريشه: شوفي منو ياي
لطيفه: احمد و ريال
فاطمه: هاذا هووووووووو...علي علي
لطيفه: البيدار؟
قرصت فاطمه لطيفه مره ثانيه: ما عليه ما عليه مب منج من اللي يخبرج
لطيفه: بس بس عاد حشا ماحد يمزح وياج...هاذا ريحانة فوادج؟
فاطمه: هيه هيه ..دخيلج يا لطوووووف المووووت المووووت و الله اني بمووت
لطيفه: اهبي حد يدعي على عمره بالموت؟؟ بصراحه يعني
فاطمه : شوه اللي يعني؟؟
لطيفه: ييعني يعني؟؟؟ امممم حليو مب ذاك الجمال...بعدين تعالي بتخبرج هاذا شكله عووود
فاطمه: صخي صخي اشوووفهم يايين صوبنا
تقرب احمد من الدريشه اللي صوب يدتيه و نزلت يدتيه الدريشه..
احمد:ما هقيت انه البراقع يفتنني..لين شفت ظبا النفوذ امبرقعاتي.. هلا هلا يعلني ما خلا من هالبرقع؟
اليده: وابويه عليك انته يالطفس؟؟ اتفدا البرقع و راعيت البرقع؟
احمد: هههههههههه...اشهد انه البرقع و راعيت البرقع غلاها في قلبي ماله قياس
اليده: ياللوتي انته امررره ...بويه شربت جاهي عن لا يعورك راسك؟
احمد: يدتيه ..هاذا علي بن حارب بيسلم عليج؟
اليده: وين علي؟
احمد: عنبوه وحالج نسيتي ... علي اخو سهيل ريل فاخره
اليده: هـــــــــــــــــــــــيه ..وايه يعلني افداه
و دخل علي راسه مضطر من الدريشه عشان ايسلم على يدتيه طبعا لانها ضيئله وايد وين اتقولون ياهل و سلم عليها
علي: و شحالج يا ضبابه...شوه هباتج؟
اليده: و الله بخير و ما نشكي باس و شحالك بويه و شحال عربانك
على : بخير و عافيه و ايردون السلام عليج
اليده: الله يسلمهم من كل شر...وينهم الحينه هلك بويه؟
علي: و الله يا خالتيه فمكه من اسبوع نحن معتمرين... الا بويه مايا فالبلاد مفاحيم و مراكيض
اليده: هيه ...ايه بنات وين دلت القهوه؟
نشت ضبوب و عطت يدتيه الدله..
اليده: هاه بويه احمد شلوها الدله عندكم؟
احمد: بس يدتيه علي و اتقهوي ما فينا نيلس انشلل
اليده: وابويه عليك انته مزرتها الكرشه...ولا حاتيت رفيجك؟
احمد: عنبوه كل هالعذاب و التمارين و اتقوليلي كرشه؟؟
علي: لا و الله ياخالتيه بس ما نشربها القهوه نحن وايد
اليده: هيه الشباب مايدانونها القهوه طايحين الا على هاذا الفـــيــــــسي ( البيبسي)و هالاخضر
احمد+ علي: هههههههههههههههههههههههههههه
اليده: هاه شوووفووو سلطان يسعط عمره من هالاخضر هاذا...خمر هاذا و غشووكم به
احمد: امرره خمر مره وحده…. ديو يدتيه هاذا اسمه
اليده: و العثرتين...
احمد: انزين يدتيه يالله بنسير نحن
اليده: حافظنكم الله بويه و هب تسرعون امررره هاذيلا ما يحاسبون، العام قوم بن خليفه منجلبين اهنيه في هالدرب
احمد: ما عليه
و سارو احمد و علي ...و الانسه فاطمه طول الوقت و هيه حاطه ايدها على قلبها
فاطمه: خلااااااص خلاااااص
لطيفه: شوه
فاطمه: شل قلبي ولا رده يعل الله يحفظك
لطيفه: ياااااي هاااا ...ثرج امررره
ضبابه: شعندكن تتصاصرن
فاطمه: جب انتي ما يخصج
ضبابه: يدتيه تسمعينها...؟؟؟ اتقولي جب
اليده: فطيممممووه...شو جب هاي بعد قطوه اتشووفينها جدامج
فاطمه: رزه الفيس من طبايع التيس
ضبابه: وايه اللي يسمع عاد الحينه انا بمووت...طز فيكن
++ وصلنا الحمدلله مكه بسلامه تقريبا خمس العصر..نزلنا الاغراض و دخلنا الفندق..كل سنه كنا نحجز في ابراج مكه..بس دام السالفه فيها سلطان و احمد..اعرفوا انه كل شي مب مثل اول..يعني الصيف و الحجوزات فول..و غلامين ما احجزوا و نحن فالامارات عبالهم اول ما بنوصل بنحجز و خلاص..رحنا ايلاف كنده..المهم انه فندق و مب بعيد عن الحرم..و بصراحه الفندق ما عليه كلام خاصه انه سوله صيانه..


صرت اغلا شي و اغلا من نفسي علي..مالك بقلــــــــــبي شريك بعدما فكرت فيك



""""الجـــزء الســــــــــــابع""""

أنتي و انا ما همنا غدر الازمان..ترا الوفا اللي داخلك من طباعي..اذا زعلتي لو رضا كل زعلان..ما حس قلبي للرضا به داعي

خلصنا المناسك كلها و ردينا الفندق مدوخين على الاخير...على طول اتعشينا من العشا اللي اشتراه سلطان و احمد..اي عشا الله يخليكم سندويجات..المهم شي احسن عن لا شي...بصراحه حاسه بتعب و ارهاق..و تعذيب نفسي..نظرته..آآآه من نظرته..أحمد...بس تراني و الله اني تعبت من اللي يصير..ادري انه ما بينا شي..ادري بشوه اتحس صوبي..ادري و ادري و ادري بوايد اشياء..بس كل ما شوفك تجدد دافع الاشواق فيه..ياناس ما شي دوا...ما شي علاج ايفكني من اللي فقلبي صوبه؟؟!!!
طبعا كالعاده اول يوم لازم انش من صباح الله خير..ياناس غير عن العالم كلهم رقود الا انا..واعيه و يالسه فالصاله اتأمل اللي ساير و اللي ياي من الدريشه..مليت.. فطيم في سابع نومه..و ضبابه و عايشه في نفس الغرفه و ما فتحن الباب الين الحينه..شوه اسوي؟؟..البارحه اشترالي اخويه سلطان بطاقة تيلفون..بطرش مسج حق شمسه اختيه بالرقم اليديد عشان اتكلمني..بعدين الحينه الساعه تسع اهنيه يعني عشر بتوقيت الامارات..اكيد شمسه واعيه..طرشت الرقم و عقب عشر دقايق لقيت الرد...فديت شموووووووس
شمسه: السلام عليكم
لطيفه: و عليييييييييييييييييييييكم السلاااااااااااااام...فديت شماسي...تولهت عليج
شمسه: لووووووتيه...امبين الوله عنبوه البارحه انتريا تيلفون اطمنونا ما حد سوالنا..عالعموم عمره مقبوله
لطيفه: تقبل منا و منج صالح الاعمال..شحالج شمسه و شحال عمير و شحال السيافي و شحال الحليان و شحال كشميرا و شحال ..
شمسه: بس بس بس...ما شالله عليج...اتحاتين العالم كلها...كلنا بخير و سهاله و عن الهذره الفاتوره بتيي علي انا مب انتي
لطيفه: حشاااا يالبخل...ما حيد عمير ايقصر عليج بشي...تعالي اسمع سيفووووه ايصيح شوه سويتيبه؟
شمسه: انا اسوي بالشيخ سيف شي.؟؟؟ ليش انا اتأجرأ امدي ايدي عليه عشان ايقصووونها من الكوع..البزا كله من البزا...طلب كورن فيلكس يبناله، قال لا ابا بني يبناله بني ،قال لا ابا اسود...الله يعيني عليه
لطيفه: وااااااايه فديت هالحس...طلبيله خليهم ايبووووله السوبرماركت كامل و قوليلهم على حسابي يا بويه هاذا سيف بن عمير اول حفيد لحمد ال...... يعني اول حفيد فالعايله تفهمين ولا لا ؟؟
شمسه: ايوااا هاذا الخراب انتو تخربووون و انا اللي اعاني...الله يعيني على تربيته..محد مساعدني عليه غير احمد...مخلنه يمشي على الصراط المستقيم..
لطيفه: ليش في حد ايروم ايقول حق احمد لا ....العالم كلها تمشي على الصراط المستقيم من اتشووووفه.. عطيني غناة الروح برمسه
++ حست لطيفه انه في صوت وراها..الباب انفتح و اتسكر..طبعا نحن مب قافلين الباب..عشان ما يدقون جرس و ما يوعون يدتيه..يعني كان شوي مفتوح..بما اني واقفه على الدريشه قدرت اشوف الانعكاس على الزجاج خاصه انه اللي دش لابس كندوره بيضا و طاقيه بس.كان احمد.هذا بعد شوه موعنــــّه من صباح الله خير؟؟ طنشته..و يلست اكلم سيف..و كأني ما شفته ولا حسيت به
لطيفه و بصوت رقيق: هلا هلا بالغالي..هلا ملايين ولا يسدن
سيف: كالوه..انتي وين؟
لطيفه: هلا حبيبي شوه ما تولهت عليه...شوه تباني اييبلك من اهنيه؟
سيف: كالوه
لطيفه: لبيه
سيف: اريد فليكس اسود
++ مثل ما لعبي من اسبوع انا بلعب عليه نفس اللعبه..بخليه ايشك..و بشوف شوه بيسوي
لطيفه: بس ما طلبت..عيوني عيوني لو تباهن..حبيبي؟
سيف: شو
لطيفه: اسميه فكركم دوم على بالي...ليتني ما سافرت عشان ما تغيب عن عيوني و ما يغيب صوتك عني ولا دقيقه..بس بينا التيلفون لا تقطعني توكي ( اوكي بلغه سيف الخاصه)؟؟ اتعرف اني ما صبر عنك
سيف: توكي ..باي
لطيفه: بحفظ الله الشيخ ..فداعت الرحمن
+++أحمد..ما شاالله عليها هالسكنيه..واعيه..و تقرقر فالتيلفون..لطيفه مب من النوع اللي يمسك التيلفون وايد..لاحظت عندها موبايل بس ما تستخدمه وايد..بصراحه ما ياني الرقاد من التعب احس بريولي ايعورني..و ما بت البارحه من التفكير..متلوم فيها..

و مادام عينك راضيه هان ما كان لو تزعل الدنيا لها ما براعي..يا صابره و الصبر للناس ميزان لي خان صبري ثبتيلي شراعي

بس ما شالله عليها اليوم شكلها عال العال اكيد نست..لطيفه لابسه بيجامه قطعتين لونهن ابيض و وردي ولابسه شيلت صلاه فوقهن..بس و الله شكلها بيبي..بريئه..كانت اقرب للملاك من شخصيه لطوف الخريش اللي اعرفها..بصراحه بغيتها تلتفت ابا شووف تقاطيع ويهها و هي لابسه هالبجامه..اكيد ياهل..اول ما دشيت سمعتها تقول غناة الروح..و الحين يالسه تتفدا..و لبيه ..و الصوت ناعم..هاي منوه اترمس على الصبح..منوه اترمس بهالطريقه..ما في بنت اترمس ربيعتها او اي بنت ثانيه بهالاسلوب و بهالالفاظ..يلست بقو على الكرسي و حطيت ريولي على الطاوله بقو بعد الين ما حست اني موجود..التفتت..و طالعتني بنظره من فوق الين تحت..جنها اتقولي انته شوه اتسوي اهنيه..عنلاتها!!!
احمد و الشرر يتطاير من عيونه: ايه انتي... منوه اترمسين ؟؟؟؟
++ لطيفه..هههههههههههههه..احسن هاذا اللي اريد اوصله..التفتت صوبه و كملت و كأن شيئا لم يكن
لطيفه: حبيبي...يالله ما بتأخر ..
احمد: ارمممممسج انا؟؟؟ منوه اترمسين
لطيفه: سيف
احمد: منوه سيف؟
لطيفه: سيف سيف...منوه سيف يعني البنقالي.؟؟؟؟ السيافي ولد شمسه
++ انقهر .. عصب..فوّل..احس اني لو كنت جدامه عادي يقبضني من شعريه..كالمعتاد..احمد شراني و عوف اذا حد استفزه..و انا ما قصرت..نظرته كانت قاسيه ..احتقار..او شوه اسميها..مادري..شك..بس ما اعتقد غيره..ولو انه هاذا اللي حسيتبه فالبدايه..
لطيفه: تبا اترمسه؟؟
ألتفت احمد الصوب الثاني و كأني ما قلت شي..حطيت على السبيكر..عشان اريحه و ارتاح..مب ناقصه شكوك احمد
لطيفه: السيافي حبيبي؟
سيف: كالوووووه...عندنا سبيس توون انتو ما عندكم
لطيفه: و الله؟ نحن عندنا مكه...سيف قول شحالك عمي احمد؟
سيف: وين عمي احمد..راح داخل تياره
لطيفه: انزين قوله شحالك؟
سيف: شحالك؟؟
++ بس احمد نحس ما رد عليه و خلا عمره يلعب بموبايله..برايه يصطفل اهم شي عرف اني ما اغازل..حشا مب تفكير عليه..يعني الحرم جدامي و انا بغازل على صباح الله؟؟!!! و الله هالانسان غريب..دشت علينا يدتيه في هاللحظه..سلم عليها احمد و سلمت انا عليها عقبه..
أحمد: شصبحتي يدتيه؟
اليده: بخير و عافيه...و انته بويه وين رقدتو البارحه؟
أحمد: نحن يدتيه الا تحتكم..ما حصلنا حجز..سكنا عند علي بن حارب..حجره و صاله لكن ما عليه اتشلنا
اليده: هيه اهله هنيه هم؟
احمد: لا اهله فالفندق اللي عدالنا..حتا هو ما لقا حجز اول ما وصلوا ..
لطيفه: يدتيه اطلبلج ريوق من تحت؟؟
اليده: ايهبووون اكل من اكلهم ...ما دري شوه ايحطون فيه..ما حد ياب خبز ولا عسل؟
لطيفه و هي اتطالع احمد: لا و الله يدتيه ... محد غيرنا واعي..تبين بنسير نيبلج من السوبرماكت
اليده: حصلتيه انتي الشامبر مالج اللي حاشره عليه الدنيا؟
لطيفه: لا يدتيه عادي استخدمت الشامبو مال فاطمه
اليده: هيه زين...بويه احمد شل لطوف و سيرو الدكان..هاتو ريوق و خبز هاذا البني لطوف تعرفه..و خلها تشتري شامبر

احمد: شووووو...يدتيه ما عرف انا شوه تبون؟
اليده: انزين شل لطوف وياك..هيه تعرف..
احمد: لا لا ما فيني..برايه انا بسير اتشرالكم
اليده: وابويه عليك...البنت ناسيه قشارها فالبلاد شلها خلها تقضي حايتها
لطيفه: لا برايه يدتيه..بطرش سلطان اييبلي اياه
+++احمد.. لا حوووووول...لومتني فيها مره ثانيه..
احمد: سيري هاتي عباتج...و هب تبطين بسير اييب البوك و برد
لطيفه: برايك احمد جان بتسير..برايه حاياتي بييبهن عقب
احمد و بعصبيه....ألين الحين مب قادر انسا موقفها البارحي: يالله اقوووولج..كم بعيد الرمسه انا..بعدين مب شالنج انا عشان سواد عيونج..بشلج تشترين ريوق حق يدتيه..بسرعه بترياج عند اللفت
++ الخااااام...و الله ما عطاني فرصه ارد عليه..مب عشان سواد عيونج؟؟؟ اصلا انا عيوني مب سود..شوه ماتذكر؟؟ مابسير ما بسير...يصطفل و ايدق راسه فاليدار
اليده: يالله لطوف هبابج تلحقينه
لطيفه: ما بسير...سمعتيه شقايل ايرمسنيه..جني بشكارته
اليده: هههههه...امبونه هاذا احمد جيه امرره ملبق..ظاهر على حياة المرحوم يدج
لطيفه: برايه خليه يرتز تحت يترياني الين ما يخيس
اليده: لطوووف بنتيه عيل شقايل باخذ دوا السكري اذا ما تريقت
++ اه و الله نظرة يدتيه تكسر الخاطر..هالعيوز اتقولون عصفووور...صغيره...فالحجم..و كبير غلاها فقلوبنا كلنا
لطيفه: الا عشان خاطرج..و لا هالهيز والله ما سرت وياه
اليده: وابوووويه..شعندج اتهندقين عليه..هاذا باجر لو بياخذج شوه بتسوون؟؟
لطيفه: لا ووووووووووووووالله...يدتيه لو ما تم ريال غيره ما باخذه
اليده: سيري سيري انتي ...
++ قصوري ماخذه احمدووه..لو تنطبق السما على الارض ما خذته..عشان اعيش حياتي هموم و كدر..يا رب اول مايرد يخطب و افتك منه..قولو امين..!! لبست عباتي و يبت النقاب و طلعت..لقيته يترياني جدام اللفت..اول ما دشينا اللفت..صديت صوب المنظره عشان اعدل النقاب
احمد: بتخبرج شوه اتسوين انتي؟؟
++ طنشته
احمد: و الله ما تلبسينه عقيه يالله اقولج..و تغشي و الله ما دبرين معايه و انتي جيه .
وصلنا تحت فتح اللفت..ظهر احمد بس انا ما ظهرت..انا النقاب ما بشله..و هو حلف اني ما البسه اوكي خلاص ايسير اروحه.
احمد: يالله شو اتريين
لطيفه: روح انته انا ما بسير...الا منقبه
احمد: همباة بتيين ولا لا ؟؟؟
++ اوووف ...همباة؟؟؟..حسيت جنه حد طعني في قلبي..من متا هالاسم ما زقرني به؟؟!! معناها صدق معصب
لطيفه: لا ...الله يحفظك..لا تنسا يدتيه اتحب الخبز الاسمر
+++ احمد..حسبي الله على عدووها الف شيطان راكبني الحين..عادي اصفعها..ما تظهر القواة الا جدامي..اوكي..مسكتها من ايدها و سحبتها برا اللفت
احمد: يالله جدامي ...فاضلج انا
++لطيفه..يا ناس اتلووووومووني اذا قلتلكم اكرهه...ودي ازغده من حلجه..و اعصره شرات الحَـلَـجَه..طلعت امري لله ..ماسكني من ايدي شوه اسوي يعني؟؟!!! استسلمت للامر الواقع حطيت النقاب داخل الشنطه و اتغشيت الشيله خفيفه و الويه كله امبين كيفه..مب هو للي زن على جيه !! طلعنا مشا جدامي و انا وراه..عنلاته بشكارته ايشوفني جدامه..اوكي بتأخر بشوفه يفتقدني..لقيت وحده من الصوماليات فارشه اغراض جدامها و اتبيع..عيبتني الاشياء اللي عندها..وخيت شوي ويلست اتنقا و نسيت انه احمد معايه..مرت عشر دقايق يلست اكاسر الصوماليه على السعر..كانت اتبيع بيجامات..و كنت ابا اشتري حق الخدامات..كنت محتاره بين الوردي و الازرق..عاد كشميرا سيلانيه .. شوه اخذلها

و انتي معي يبقىالزمن كله احسان..للعز يدعيني من الوقت داعي..و ان غاب زولك يا عسا ما به شر بان ألقا الزمن يلقا وجوده بضياعي

احمد و بكل هدوء: انتي اهنيه و انا جالب الدنيا ادورج
++ احلا مثل في حياتي سمعته " طنش تعش"
احمد و بعد فترة صمت: الورديه احلا
++ لطيفه..اوب اوب اوب..شكله راق و هدا...و يعطي رايه بعد..سبحان مغير الاحوال حاسبت و نشيت..مشينا صوب اسواق بن داوود بس هالمره....مع بعض يعني عداله مب وراه ....انقرص شكله...خخخخ
دشينا و تمينا نشتري..ما فارقني ثانيه..حتا و انا اشتري الشامبو واقف عدالي..بس ما نطق ولا بكلمه..تحركت بس ما تحرك..كان ماسك شامبو..و يالس يقرا شوه مكتوب عليه..استنيت واستنيت..بس شكله مندمج..اول ما التفت احمد
احمد: اقولج لطفين شوه احسن الاخضر ولا الازرق؟؟
++ لا تعليق..
لطيفه: انته شوه نوع شعرك؟
احمد و هو ايحرك ايده في شعره من ورا..بصراحه خبلتبي هالحركه..و ذكرتني بوايد اشياء: جاف اظني
لطيفه: خلاص خذ الازرق للشعر الجاف..و الاخضر للشعر الدهني
احمد: يالله خلصتي؟؟
لطيفه: لا بس باقي الخبز
احمد: يالله انزين..انسير عند الخبز..ولا اقولج سبقيني انتي وانا بسير اشتري جرايد..بس مب اتغيبين و تخليني ادورج بلا حاسيه شرات مساعه؟
++ لطيفه..ادورج بلا حاسيه؟؟ سمعتو اللي سمعته..اعتقد انه يمزح..سار احمد..و انا سرت وقفت عدال الخبز..بس اللي لاحظته انه في واحد ما طاع ايفارج..اممم يمكن يشتري بعد هالريال..ياويلي من احمدوووه..رحت للجانب الثاني من الرف..لحقني...ياخراب بيتي..شوه اسوي الحين؟؟ رحت حطيت الخبز بسرعه بس هوه اتقرب مني..يااااوووووووووويلي...شكلي بنفد اليوم..وقف عدالي و حط ورقه صغير على الرف اللي جدامي و اصطفل.. ما مسكتها لانه احمد شاف كل شي..مسك احمد الورقه و قطعها..فيها رقم .. ما قال ولا كلمه..بس عيونه قالت كلام وايد..كلام قاسي..رحنا للكاشير انحاسب..طلعت الفلوس..و طلع احمد فلوس في نفس الوقت بس هو شكله ما صرف و انا عندي فلوس سعوديه قلت خلاص انا اللي بدفع
العامل: ما في فلوس سعودي؟
احمد: لا
جدمت انا ايدي بالفلوس..طالعني احمد بنفس نظره الاحتقار
احمد: شوه ما تشوووفني ريال جدامج

يا اعز و اغلا ما خلق ربي انسان..لو غض جفني خافقي بك واعي..لجلك ذراعي صارعت كل ثعبان..و اقطع عصبها لو تقصر ذراعي

++ انطميت و بلعت لساني..ليش اروم اقول شي عقب اللي قاله؟؟!!!!شليت الاكياس و طلعنا..حرام عليه ما شل ولا كيس..و بصراحه الاكياس كانت وايد ثقيله..بس انا مستحيل اني اترشا احمد و اطلب منه انه ايشلهن عني..اذا هو من خاطره ما شلهن..اصلا هو معصب..غريبه ما قال ولا كلمه..ما علق..!!طلعنا من السوبرماركت..و سرنا صوب الفندق..عاد هو خفيف و خطوته عن عشر خطوات..و انا متغشيه و شاله الاكياس في ايدي الثنتين..بس الحمدلله وصلنا..الله رحمني..ركبنا السلم اللي جدام باب الفندق..هانت يالله هانت..بس فجأه..
دست على طرف العباه...و طرباااااااااااااااااااخ..على ويهي..الله لا يرويكم طحت طيحه على ركبيه..حسيت انهن خلاص انسحقن..طاحت الاكياس بس الحمدلله كل شي موجود داخلهن ما ظهر شي منهن..مادري اول مارفعت راسي..ما حسيت بالدنيا..الم الم الم..و طنين في اذني..بس بعد شوي عقب ما رفعت راسي زين و بديت استوعب..اكتشفت انه العالم كلها اتشووووفني بما فيهم احمدووووه..و بصراحه النظره اللي كانت في عيونه نستني كل آلامي..فديته خاف عليه!!!!
أحمد و هو موخي عليه: لطووووووف...ايه لطووووف..شي عورج؟؟
لطيفه: لا الحمدلله سليمه...بس الفشلللللله حارقه ويهي
نش احمد و نقققققققققققققققققققققققققققققققققققققع من الضحك و ألتقت الصووووب الثاني مب قادر يمسك عمره..اتشوووووفوون..يوم اقولكم اكرهه محد صدقني..ياربي اشوف فيك يوم يالديج..طالعو اول مره اشووفه يضحك جيه..اوكي اوكي اتغشيت طبعا عشان الناس ما اتم اتبحلق فيني و نظره الشفقه في عيوونهم..دشيت الفندق بسرعه ..و الله حتا العامل في الريسبشن الخام كان يضحك..الله يغربل الريااييل كلهم من طينه وحده!! التفتت صوب العامل وانا ادق اللفت.
لطيفه: و انته شووه ايضحك بعد؟؟ ضحكت بلا ضروس قول امين
دشيت اللفت و خليت احمدوووه اييب الاكياس كلهن..امحق اتيكيت احيد الريال ايسوي حق الحرمه كل شي..بس الديج كل شي عنده بالعكس!! لحق علي احمد و هو مخلي واحد من عمال الفندق ايشل الاكياس..بعد ما يحق ايشل..طول الوقت ما حد نطق فاللفت..وصلنا الشقه..حسيت انه احمد يبا ايقولي شي..بس ما عطيته فرصه دشينا على طول..الباب كان مفتوح و الكل كان واعي..و يالس فالصاله..يالله الحين اكيد بيقولهم و بيفشلني كالمعتاد..ما عطيته فرصه على طول دشيت و حاطه في بالي اني بسير الغرفه..اصلا احس انه ريولي تنزف..


لطيفه + احمد : السلااااام عليكم
اليده: مرحبا مرحبا..يالله يعلني اشوووفكم معاريس
++ ما قدرت اخلي هالموقف ايعدي على خير خاصه انه احمد ما علق..
لطيفه: يدتيه...لا انشالله لا تدعين بهالدعوه..اخاف على خطفت ملك و الله يستجيب
++ دشيت على طول الغرفه .. بصراحه الدمعه كانت على طرف عيني..بس انا حالفه انه عيني ما تدمع بسبب احمد..
فاطمه: بسم الله شوه سويتبها انته
عفرا:شوه بيسويبها يعني؟؟امبونها لطيفه ما تنرام،و لا في حد يرمس برمستها اسميها الا ضيعت المذهب هالبنت
حمد: لا اله الا الله..شوه بلاكم عالبنت
احمد: ما بلاها شي..بس جنها امدووخه من الحر..مشينا وايد تحت الشمس..فطيم؟
فاطمه: هلا
احمد: تعالي شوي
سار احمد صوب المطبخ و مسك فاطمه من جتفها
احمد: اقولج..تراه لطيفه طاحت على الدري و اخاف شي عورها..
قاطعته فاطمه: شووووه؟؟؟
احمد: عنبوه انزين خليني اخلص رمستيه.. اقولج انا لاحظت انها تعري..فديتج سيري طالعيها..و ان عورها شي و تبا دوا خبريني انا بييبلها من الصيدليه
فاطمه: لا و الله من متا لطفين اتهمك
احمد: و الله انه فوادي عندها
فاطمه: لا و الله من متا ؟ فديتك احمد خبرني انا أختك و بسعالك بالخير
احمد: جب انتي..شوه ايخصج سوي اللي قلتلج اياه و بس
فاطمه: ان شالله

اخوض بحر يرسل للموج طوفان لجلك تزايد في المحيط اندفاعي..ولا زبنت بلجة البحر شطآن يعجبني اوفي في مسارك صراعي


""""الجـــزء الثـــــــــــــــــــــــــــامن""""

عليك اغار من لمس الهبايب.و جلاسك و اهلك و القرايب..عليك اغار من عمري عليكم..و اغار بسبة وبلا سبايب

مرت الايام بسرعه و نحن فالعمره..ايام حلوه..كنا نقضيها بين الحرم و الفندق و السوالف اللي ما تخلص..قدرت اتجنب احمد طول الاسبوع و الاربعت الايام اللي فاتن..انا اتجنبته؟؟ ولا هوه اللي ما بغا ايشوفني؟؟ اعتقد انه كل واحد منا مب طايق الثاني..يالله ما بقا الا باجر و بنرد البلاد..
بخيته: ضبابه....ضبااااااااااااااااااابه
ضبابه: هاه امايه؟؟ شوه تبين؟
بخيته: بنتيه سويتي الجاهي حق احمد؟
ضبابه: هيه بس اترياه ايفور و بصبه فالدله
بخيته: انزين بنتيه ... ايقولكن طرشن عدساته بعد
ضبابه: شوه عدسات عيووونه؟؟؟ هاذيلا عند فطيم تخبريها انتي
بخيته: انزين سيري هاتيهن انتي امررره ما ترومين اتسوين شي ؟
ضبابه: الله يسامحج يا امايه....مب كفايه اني مسويتلكم الريوق اليوم؟؟ و بعدين انا ما عرف ارقام عدسات احمد اخاف اشل عدسات فطيم بالغلط...
بخيته: ياربي عيالي كلهم مررره ما يشوووفوون..سيري خلي فطيم اتظهرهن هو ايقول انه عطاهن فطيم عشان تحفظهن مع عدساتها..و قوليلها اليوم الغدا عليها هيه و لطوف
ضبابه: ما عليه
سارت ضبابه عندهن و دقت الباب
ضبابه: ليش قافلات الباب بعد؟؟؟ فجن بسرعه
فاطمه: خير خير...قافلات نبا نرتاح شوي
ضبابه: ترتاحن ولا ترقدن...اقولج ايقولج احمد طلعي عدساته و تقولج امايه ودي دلة الجاهي حقه بعد..
فاطمه: لا و الله الريوق عليج انتي، يعني انتي سيري
ضبابه: سوري..انا بسير اتسبح باي
فاطمه: ذبابه بتردين ولا لا .؟؟
ضبابه: هيه صح اتذكرت السلطات العليا اتقولكن انتي و سبيجه انه الغدا عليكن انتن..يالله تشاو
لطيفه: شعندها اختج هاي..دووم رابطه راسها بلا ويع
فاطمه: نشي امهاتنا ايقولن الغدا علينا انا و انتي..يالله هبابنا ندش المطبخ الساعه 11 الحين
انجلبت لطيفه الطرف الثاني و حطت المخده على راسها
فاطمه: يالله عاااااد لطوووف نشي...هاذا كله من السهر البارحه و الكابتشينو اللوعه اللي شربناه..يالله انا بسير اودي عدسات احمد و برد بلقاج امودنه الدياي انزين
لطيفه و هيه تتلحف و اتأشر حق فطيم انها تطلع: سيري يالله سيري
طلعت فاطمه عدسات احمد..و شلت دلة الجاهي..اتحجبت بشيلة صلاتها و طلعت
فاطمه: امايه كم رقم شقتهم؟؟
بخيته: خيبه و الله مادري احيدهم فالدور السابع..بس الشقه مادري..صبري بسوي حق احمد
فاطمه: هاه شوه ما يرد عليج؟
بخيته: لا ...سيري انتي يمكن انها 702 مادري سمعت ضبابه اتقول رقم ما تذكره
فاطمه: ما عليه..ما يبون ريوق
بخيته: لا احمد ما يبا...و سلطان ما ينش الين صلاة الظهر..يالله انقفضي من الصبح حاشر الدنيا
فاطمه: ما عليه ما عليه...ما فينا على احمدووه و زنفخته
نزلت فاطمه اللفت الدور السابع..اول ما طلعت شافت كل الحجر يتشابهن الحين اي غرفه هم؟؟ بسير على الرقم اللي قالته امايه...يالله فرصه لانه باب هالغرفه مش مقفول..اكيد هم..منوه غيرنا ايخلي بيبان الغرف مشرعه..فجيت الباب شوي شوي..يحليلهم شقتهم صغيره..يالله الثياب معقوقه في كل مكان..و صينية العشا من البارحه ما ظهروها...و الشراشف في كل مكان..صدق انه غرف العزابيه زباله!! الله يعين الهاوس كيبنج يبالها شهر عقبهم عشان اتنظفها و اتطهرها ..الليتات مسكره..التفتت صوب غرفه النوم بشوف احمد..محد..و سلطان راقد و متلحف..خلاص انا بحط الدله فالصاله و العدسات عدالهن اسمع صوت فالحمام اكيد انه احمد يتسبح..دشيت صالتهم..حطيت الدله..بس
ماكنت بروحي فالصاله..ياربي ياربي..شوه بسوي الحين..اتغشا..ولا اشرد..ولا شوه اسوي دخليكم قولولي..اول شي انا بقولكم شوه شفت او منوه شفت؟؟؟ علي ما غيره..يالله صدق اني بقره كيف ما تذكرت انهم في نفس الشقه!!! علي كان لابس كندوره و يرمس فالموبايل و شكله مندمج وايد و ايناقش..و كل شوي ايدخل صبوعه في شعره..مادري شو سالفته..بس هوه انتبه اني موجوده..ألتفت صوبي..رفع عيونه ...و اتخيلو شوه سوا؟؟؟؟ ابتسم و رفع ايده يونه ايسلم عليه..لا لا اكيد اني اتوهم..رافع الكلفه ما شالله عليه..غربلات بليسي الحينه لو يظهر احمد و ايشوفني يالسه اتنمظر فالريال من دون لا استحي عادي اودع الدنيا الي عالم المجهول..و الله اني صدق ما استحي تغشيت بسرعه..سكر علي التيلفون..
على : السلام عليكم اختيه؟؟ تبين احمد ؟؟
لا جواب...الله يغربل بليسه يون اختيه..وانا من اسبوع متخيلتنه فارس احلامي
علي و هو ايأشر صوب الحمام: أحمد يتسبح
فاطمه: هاذيلا العددد...العدسات حق احمد..باي
++يون باي..مالت عليه و على اسلوبي البايخ..مفروض اقول فداعت الله ولا اي شي..و طلعت ارررررررررررركض اتقولون وحش يركض ورايه..و قلبي ايدق..و ما سمع غير كلام علي يتردد في بالي..استاهل و الله اني استاهل اللي بييني من احمد..اعترف اني خديه..و اعترف اني ما ستحي.بس و الله و الله انه هالحاله ما تيني الا اذا شفت هالريال..و بعدين يعني...لي متا هالحاله..شوه النهايه؟؟!!
بخيته: هاه فطيم وديتيهن العدسات؟

فاطمه: هيه..وين بتسيرن انتن؟
عفرا: بناتيه نحن بنسير السوق..و الغدا تراه اليوم عليكن انتي و لطيفه بنيته
فاطمه: ان شالله
فاطمه: لطوووووووووووووووووووووووووف
لطيفه: شووو
فاطمه: وين انتي
لطيفه: انا اهنيه ..في مملكة المرأه على قولتهم أمحق مملكه زهورها البصل و عبيرها الزفر..تعالي انا فالمطبخ
فاطمه: لطوووف حبيبتي ...نور عيوني..
لطيفه: هلا يا بعد جبد لطووف..هلا يا ريول لطوف..هلا يا قرون لطوف
فاطمه: هههههه...مالت عليج و على قروونج..
لطيفه: خير انسه طماطه اشووف الابتسامه شااااقه الحلج..حتا نغاغتج اشوفها اتوايج
فاطمه: خلي عنج عاد...من كبر ثميه
لطيفه: لا تغيرين الموضووووع...بسرعه قولي ورانا طباخ
فاطمه: شوه بنسوي
لطيفه: مجبوس دياي...اقولج يالله انا طبخت الدياي و قطعت البصل و بعدين شوه اسوي
فاطمه: يالله سلمت يداك يا مولينكس...الباجي عليه..لطفين
لطيفه: يالله ....قررتي تعترفين؟
فاطمه: نزلت تحت شقة احمد..و شفت علي
لطيفه: في ذمتج؟
فاطمه: عنبوج زاد..مجذبتني يعني..و الله اني شفته تحت
لطيفه: علاووووووووي...علاووووي دخيلك خلاص تعال خطبها لا تسويلي شاروخ خان و تتعنتر على فطومه خان
فاطمه: هههههههه..ايه جب..خالي راقد داخل
لطيفه و بهمس: فطووم و بعدين يعني؟؟ شوه النهايه
فاطمه و ويها محمر: و انا شدراني
لطيفه و هي تتطنزو شاله الملاس بين ايدينها يونها عروس: تن تن تناااااا تن تن تنااااا ...
فاطمه: ههههههههه..لطوف امممم بقولج سر
لطيفه: سرج في طوي
فاطمه: احبه..احبه..احبه
لطيفه: هاذا مب سر..يارب البيت و الحرم انك اول ما نرد البلاد نسمع انه ريحانة فواد فطوم ( و هي تهمس) علي ....بتخبرج شوه اسم ابوه
فاطمه: حارب
لطيفه: علي بن حارب ايخطب فطامي و افتك منها و من حشرتها
فاطمه: هههههههههههه
و اندمجن البنات فالطبخ..لطوف واقفه على الجدر و اتضيف المقادير اللي اتقولها فاطمه..و كل شوي ترفع الملاس صوب فطوم عشان اتذووق الطعم..و فاطمه يالسه على الكاونتر فوق..و مر الوقت بسرعه...لطوف يالسه اتغني..اغنيه خالد عبدالرحمن ( ودعت جرحك للابد)
فاطمه و بهمس: لطيفه
بس لطيفه مندمجه ما سمعت..
فاطمه: لطووووف
رفعت لطوووف عيووووووونها..و هيه شاله السجين و اتأشر بها صوب فاطمه: لطيفه:أدري...أحــــــــــــــــــــبه..أحبه..أحبه. ..بس تراني مليت من هالموال..خلاص حفظته
احمرررت فطوم....و نظراتها صوب الباب مب صوب لطيفه...اضطرت لطوف اتشوف اللي اتشووووفه فاطمه..كان احمد واقف على الباب!!!!!!!!!!!!!!!!!!!!!!!!!!!!!!!!!!..



وش راح يصير لاحمد لما سمع فطوم تقول هالكلام
هل راح يعتقد ان الكلام عنه او عن غيره
؟؟؟؟؟؟؟؟؟؟؟؟؟؟؟؟؟؟؟؟

++ هاذا من متا وااااقف اهنيه؟؟ وشوه سمع من الكلام اللي قلته؟؟!!! انا كنت اقلد فطوم..ليكون سمع اللي قلته اخر شي؟؟!! لا لا لا لا يا ربي..ألحينه هاذا شوه بيقول؟؟ بشوه بيفكر فيني.؟؟ لا يالله ما لقا الا هاللحظه عشان ايدش؟؟!!
~~~~~~~~~~~~~~~~~~~~~~
+++ احمد...و دوامه اتدور في راسه..احبه؟؟ لطوف اتحب؟؟؟ اتحب منوه؟؟ منوه هاذا اللي خذ قلب لطوف و خلاها اتهاذي به؟؟ اخ..مادري احس بطعنه في قلبي..بنت خالي لطوف..ما غيرها..اتحب؟؟ منوه؟؟ اموووت و اعرف منوه اللي اتحبه لطوف؟؟ بذبحها اتعرفون شوه يعني اذبحها..مادري حسيت انه الدم ايفور و مخي بينفجر..شوي و كنت بمسكها من حلجها..لازم اعرف من تحب مسودة الويه..بجتلها و الله ثم و الله برتكب فيها جريمه وبشرب من دمها بعد..بس مسكت ايديني و طلعت قبل لا اسوي شي اندم عليه..سمعت الاذان ايأذن..تعوذت من بليس و قلت احسلي اروح الحرم مباشره!!
لطيفه: ياوووووووووووووووويلي يا فاطمه..ياويلي..شوه قلت..شوه سويت..خربت بيتي بإيدي
فاطمه: بس لطيفه..لاتكبرين الموضوع
لطيفه و هيه يالسه على الشبريه و حاطه راسها بين ايديها: كيف ما اكبر الموضوع؟؟ تدرين انه احمد سمع اللي قلته؟؟؟
فاطمه: انزين عادي بيتحرانا نمزح
لطيفه: فطيم ادريبج انتي تحاولين تهديني..بس انتي شفتي نظرت اعيونه و انتي تعرفين اخوج اكثر عني صح و لا انا غلطانه؟؟
هزت فاطمه راسها...لانها اتعرف انه كل اللي تقولها لطيفه صح..و اتعرف اخوها زين و اتعرف انه خذ فكره غلط عن الموضوع كله؟؟!! و من كثر ما اتأثرت لطيفه ما طاعت تنزل الحرم للصلاه..
غرفن البنات الغدا..و اتجمعو الكل فالصاله..الجو كاان ربشه..خاصه انه اليوم 6-8 يعني عيد جلوس الشيخ زايد..و كانو حاطين على قناة دبي وكله اغاني وطنيه..و الشباب شالين الدنيا باليواله..بس لطيفه حابسه عمرها فالحجره ما طاعت تظهر..
فاطمه: لطووف عاد بس ...اطلعي الصاله تعالي شووفيهم ربشه و صدعه و انتي حابسه عمرج اهنيه؟
لطيفه: راسي ايعورني..فديتج طلعي و سكري الباب
فاطمه: شوه هاذا ما طعتي تتغدين؟؟ و ما تبين تطلعين خلاص لطوف ما صار شي..اطلعي من هالغرفه
لطيفه:-----
فاطمه: و الله و الله يا لطيفه انه احمد فالصاله و عادي كأنه شي لم يكن..بالعكس ايسولفون هو و خالي و سلطان ايول..و امهاتنا يسولفن حرام لا تفوتينها القعده
لطيفه: فاطمه...ماروم فهميني ما روم احط عيني في عينه
فاطمه: يدتيه ما طاعت تاخذ دوا السكر...تترياج..يالله قومي ولا تحسسينه انج غلطانه جذيه بتزيدين الشكوك في راسه..و بعدين احسن خليه يشك انج تحبين حد...خليه ايحس على دمه شوي و يتلحلح
لطيفه: لا حول ولا قوة الا بالله

ولا ارتاح الا بشوف عينك.متا بتعود يا مجفي و غايب..انا وش حيلتي كيف اسوي.و انا في حبكم مخطي و صايب

طلعن لطيفه و فاطمه الصاله..و الجو كااااااااااااااااان رهيب..ربشه عالاخير..كان بو سعيد و سلطان ايولون..و وضوح ترقص في نصهم..امايه و عمتيه بخيته كانن يالسات على طرف و امايه اتصفق حق سلطان اللي كان كل شوي ييلس عند ريولها و ايبس..اما احمد فكان يالس على طرف و يالس يعلم عمران اليواله..اهم شي انه يدتيه كانت يالسه على طرف بعيد على كرسي منفصل..رحت عدالها و عطيتها الدوا..انتبه احمد اني موجوده بس ما حط عينه في عيني بالعكس اتجاهلني و كأني مش موجوده..يلست على مسند كرسي يدتيه..اوكي انا مب غلطانه..صدقها فاطمه ليش احسسه اني سويت شي غلط؟؟!!
و بعدين حطوا اغنية " الله يا دار زايد" و زادت الربشه، و تم ابويه مصر على احمد انه اينش و ايول وياهم..ما شالله اتحولت الصاله الى صالة احتفالات..ابويه ماسك ايدين وضوح اللي تنعش..سلطان الحبيب ايلف لفات و يوم ايمر جدام ضبابه يبطئ فالمشي..و الله الغزل عيني عينك..و نش احمد..و تم ايول هو و سلطان و ايسووون حركات..و ايتقابضون بالايادي..بصراحه بصراحه قلبي كان ايدق بسرعه و خوف..حسيت جنه الحياه من اول و يديد تبث فيني..الحياه ولا شي ثاني؟؟!! مادري و الله اني مادري..اتجدم احمد جدام يدتيه اللي زقرته..و يلست اتصفقله و هو يالس عند ريولها و ايبس
اليده: عاش عاااااااش بو شهاب..وايه يعلني ما خلا من هاليوله
سلطان: يدتيه شوه رايج بالكندوره السعوديه عليه اتخبل؟؟
احمد: يالغيريه...لازم اترز بالفيس
سلطان: عيل انته بتستحرز الغلا كله...خلنا نورث شي
اليده و هيه تضرب سلطان على جتوفه: بويه سلطان هب جنها ضويقه الكندوره شوي عند جتووفك..عنبوه شوي و بتنطر
سلطان: ههههههههههههههه...يخرررررررررررررب بيت الشيطان..يدتيه ايدج قب..منوه يقول انه كل هالقوه فيج انتي ..صدق انه الله يحط قوته في اضعف خلقه...بعدين مخصره احلا( و هو ايهز جتوفه جنه يرقص)...شرات ما البنات يلبسن عبايا فرنسيه.الرياييل سولهم بعد كنادير فرنسيه.
اليده: واااابويه انا..نش ارقص شرات المصريات بعد..
بخيته و هيه خانقتنها العبره: يالله يارب اتطول في عمر بوخليفه و اترده سالم للبلاد..يالله يعل خيره دايم و ما ننحرم من هالشوف
الجميع: آآآآآآآآآآآآآآآآآآآآآآآآآآمين
عفرا: شوه الحينه عزمتو على طواف الوداع ولا ؟؟
حمد: انشالله ..بس جانكن بتمن اتأخرنا و تبطن ما بنسير انطوف ورانا طياره
اليده: لا لا ما يستوي عمره من دون طواف الوداع
حمد:لا لا اميه ما بتسيرين انتي ما ترومين في هالحر اطوفين برايج انتي و العيال تمو فالفندق الين ما نرد عليكم
اليده: لا انا ما عليه من الحر ...بس ما با سلطان ايطوفبيه شرات هاذيج المره
احمد: شعنه يدتيه؟
اليده: خلوني ميا و العقيلي افهم شي؟؟...امرررره ما خلوني ادعي..ولا خلو فيني ذهن

ضبابه الويه غادي احمر..و سلطان ماسك عمره لا ينقع من الضحك..احمد يائس من الوضع بينهم..عفرا متعوده على ولدها و حركاته الارعا..بخيته اتعرف بنتها زين..خلاص مصيرهم هالاثنينه العرس..ليش ايعورون راسهم؟؟

+++ أحمد..جدامي و مب قادر اسوي شي..الين الحينه احس بدمي ايفوور..و الله لو ابيدي جان ذبحتها..مب قادر اركز..احس بمخي ايدور..و الف شي و شي يخطر على بالي في نفس الوقت..عرفت انها ما نزلت للصلاه..و عرفت انها ما تغدت..و عرفت انها كانت حابسه عمرها فالحجره.كل شوي تقدملي دليل على انها مذنبه..هيه مذنبه..مب عوايلنا اللي اتحب فيها البنت بكل هالجراءه؟؟ ماعرف حاير بين قلبي اللي ايقولي صارحها ووقفها عند حدّها..فهمها انها مب بكيفها اتحب؟؟!! و حاير بين عقلي اللي ايقولي انه ما في داعي اني اكبر هالموضع لهدرجه..لطيفه اولا و اخيرا بشر..ولازم في يوم من الايام بتحب..حتا لو ما كان في قصه حب..بيكون حب من طرف واحد..ادري بس ما باها اتفكر في غيري!! في غيرك؟؟ ليش؟؟ على اي اساس..مادري مادري احس براسي بينفجر من كثر التفكير..طول عمري و انا اشوف لطيفه تتبعني..طول عمري و انا اشوف الحب في عيونها صوبي..حتا لو ما كنت ابادلها نفس الشعور..بس لطيفه كانت شي من ممتلكاتي..لا اريد اي حد ايشوفها ولا اريدها تشوف اي حد!! بس احمد انته اللي فرطتها من ايدك..شوه يالس اخربط انا..اصلا انا عمري ما حبيتها ولا قد فكرت او حسيت بشي صوبها..و عمري ما بندم على اني رفضتها..عيل شوه اللي احسبه ألحين..شوه القهر و الضيق و الهم اللي يقبض قلبي كل من طاحت عيني عليها..ماريد افكر انها في يوم من الايام بتكون لغيري!! هاذا الشي الوحيد اللي متأكد منه الحين..

محبي يالغلا بالله هيد..ترفق و ارحم اللي فيك ذايب..تملكني ودادك دون مادري..تمكن لين صاب القلب صايب


لطيفه.. مارمت اتحمل الوضع..كل شوي ييلس عدال يدتيه و انا انتفض من فوق الين تحت..شوه هالفوضا العاطفيه اللي انا فيها..لطيفه خلي في بالج فكره وحده..احمد عمره ما حطج في باله..و عمرج ما قد شغلتي افكاره..انسيه ما في داعي اتحاتين بشوه هو ايحس ولا شوه هيه الفكره اللي حطها في باله عنج..ما قدرت اتحمل بروح المطبخ اشرب ماي و اشوف فطيم وين سارت..دشيت المطبخ..عقيت الشيله حاسه بخنقه..وقفت جدام المغسل و غسلت ويهي بالماي البارد الين ما حمّر..فجأه دخل علي أحمد؟؟؟
أحمد: وين الكوبات؟
++ طلعتله كوب من الخزانه و غسلته و طلعت ماي من الثلاجه و صبيتله..مديت ايدي بس ما دري شوه اللي استوا..يمكن لاني كنت ارتجف من شوفته و دخلته علي جيه و انا من الصبح كنت افكر فيه..ما انتبهت و انا امد ايدي ان الكوب ما وصل ايده يوم انا فجيته...طاح الكوب و انكسر..و انجب على كندوره احمد..ياربي شوه اللي سويته!! ناقصه انا.. نزلنا مع بعض تحت انشل الزجاج المكسور..
لطيفه: فدوى عن راسك
طالعني احمد...و بنبرة استهزاء..الاحتقار فيها كان اكثر من الاستهزاء
احمد: خميه قبل لا ايدش حد و ايدوس عليه....
و طلع بكل هدوء..
+++ احمد...ادريبها مرتبكه..وين ابا انا داش المطبخ وراها..احمد خل البنت في حالها..دامك من البدايه ما بغيتها..كمل على القرار اللي انته خذته من سنين..مادري الشي الوحيد اللي كان في بالي اني ألحقها..اشوفها شوه اتسوي؟؟ و اشوف ملامح ويهها..بس هاذا اللي كنت اريده في هاذيج اللحظه..
~~~~~~~
++ اعتقد انه الوضع بينا متأزم لدرجه كبيره..اثبتلي احمد انه ظن بي ظن السوء..كيفه..هو حر..بس قلبي يعورني..ماريده ياخذ عني هالفكره..نزلنا صلاة المغرب للحرم و كنا مقررين انا نقعد اهناك الين ما بعد صلاة العشاء..خاصه اننا بنتلاقى اهناك مع فاخره بنت عمتيه بخيته و اهل ريلها اللي هم هييرة- ام علي - و خواته الثنتين على حسب علمي من فاطمه..حسنا و عذيجه....بعد السلامات و التعارف بينا نحن البنات..قعدنا كلنا لمه وحده نتعرف عليهن..بصراحه حسنا كانت خقاقه و الحق كانت اسم على مسما يعني صدق حسنا..ما بلعتها و يلست عند الحرمات الكبار رغم ان سنها من سنا..اما عذيجه بصراحه فهي نكته متحركه..شوه اتضحكنا ضحك خلتنا نتمنا أننا ما ضحكنا في حياتنا
عذيجه: بصراحه اريد اقولكم شي..بس مستحيه
لطيفه: خلاص بعد شوه مستحا رفعنا الكلفه نحن بسوالفنا الماصخه
عذيجه: فديتهن سوالفنا ماصخة بنحطلهن ملح بيعتدلن
الكل: هههههههههههههههههههههههههههههه
عذيجه: بصراحه عمران اخووج ايجنن...بس شوه هالاسم اسم زلماوي..ما لقيتو غير هالاسم؟؟
ضبابه: اسميه ويهج لوووح.
عذيجه: ادري لوح و مدقوق بمسامير بعد..بس بصراحه شوه هالاسم الغريب؟؟!!
ضبابه: الله يسلمج امايه يوم كانت حامل به...حلمت بمريم بن عمران رضي الله عنها..و قالت جان يبت ولد بسميه عمران و جان يبت بنت بسميها مريم
عذيجه: الحمدلله انه ما يا بنت..اسميني اكره البنات
لطيفه: ليش ان شالله و انتي شوه
عذيجه: ياختي شوه اسوي حكمت الله..بس ياويلي على الشباب..لو تشوفيني كل اعراس المرموم عندي..و ابات لج فليل الا ازفن و شوي ايول وشوي اشل شلات
فاطمه: انتي حاله ميؤوس منها
عذيجه: ادري...علي اخويه ايقولي اول واحد بيخطبني بيقربه....خخخخخ شوه اسوي انا بكون ام؟؟!! لا لا
فاطمه: علي اخوج..عقب ولا قبل سهيل ريل فاخره؟؟
عذيجه: لا علي اصغر...وين اصغر اللي ايشووووفه و ايشوف سهيل ايقول انه سهيل اصغر..
فاطمه: ليش
عذيجه: من الشغل..مهلك عمره
فاطمه: ليش هو شوه يشتغل؟
لطيفه و بهمس: بس عاد فضحتي عمرج
فاطمه: جب انتي..خليني اعرف عنه كل شي..قبل لا اخذه..عشان ايكون مثل الخاتم في صبعي
لطيفه: غربلات عدوج البنت بتسمعج
فاطمه: اقول..ما قلتي شوه يشتغل علي اخوج؟
عذيجه: الله يسلمج بو حسن يشتغل في القنصليه..بس مب مستقر يعني كل سنتين في بلد..من سنتين كان في مسقط..و الحينه كمل سنه فالرياض.. و المره اليايه شكله المغرب، باقي سنه له اهنيه..اقوله المره اليايه بيودونك الهند..ههههه..ما يعول العميمي.
فاخره: اهبي هباج الرب يالمطيوعيه...عينج اطيّح الطير من السما..ردي الشهاده على ويهج.
عذيجه: عادي ...عادي..العرس ما رمناه ايعرس بيدق 28 الشهر الياي...و الله اخويه سالم يبا ايعرس قبله..
فاخره: خليه يعرس سويلم و نفتك من حشرته..
عذيجه: حليلها فخوور .... عافته بيتنا..عادي فخور جان بتردين بيت اهلج..
فاخره: شوه ان شالله تبيني ارد مطلقه ولا ارمله؟؟؟
عذيجه: هههههههههههههههههه...خلااااااص انزين خلااااااص يهالسهيل اللي مخبلبج..ما شالله سبع اسنين و جنهم الين الحين في شهر العسل
فاخره: عذوووووج..بتردين الشهاده و لا اخش راسج في خزان ماي زمزم
الكل: هههههههههههههههههه.
ضبابه: فخووور..دخيلج..حشرت عيالج ما تحملها..حشا مب عيال قرود هاذيلا يلسيهم راسي دار
فاخره: عيالي تاج راسج اتعرفين ولا لا ؟؟
ضبابه: ادري تاج راسي...ما شالله عليهم ما خلو حد ايصلي بخشوووع..الا واحد واقف و الثاني يالس..ايه حصوووه يلسي..فخوور قولي حق بنتج؟؟!!
فاخره:هيه عشانهم عيالي اتوذون منهم..لو السيافي ما بتقولن شي..عمرااان حبيبي تعال شل حصووه عندكم عشان تلعب... لطوف وين تيلفونج؟
لطيفه: و الله ما يبته احيده على الجرج
فاخره: شوه هاذا انا تيلفوني و تيلفون فطوم مفضيات..اريد اسوي حق لين بشوف حرووووبي شوه مسوي اخافه ايصيح
ضبابه: حشا ما ادفش التدليع عليكم...حرووووبي.زقريه حربي على الاقل
فاخره: ان شالله عموه ضبابه.
لطيفه: بسير اييبلج تيلفون امايه..
نشت لطيفه..و سارت صوب الحرمات الكبار..يلست عدال امها و شلت التيلفون..من نشت الين يلست و هييره ام علي ما شلت عينها عنها!!
هييره: ما شالله لطيفه كم عمرج...احيدج يوم ايعرس سهيل صغيره
لطيفه: 20 خالوه
هييره: هيه ما شالله سنينت حسنا...ما شالله تدرسين ولا خلصتي
لطيفه: لا خالتيه..ادرس فالجامعه مع فاطمه
هييره: هيه زين بنتيه الله يوفقكن و يرزقكن بعيال الحلال
لطيفه: شي في خطركم بسير عند البنات؟
الحريم: لا سلامتج
عذيجه: لا لا لا لا ...مش طبببببببببببببببببببببعيه امايه..حشا من شافتج شغلت الرادارات...اكيد سين جيم
لطيفه: هههههههههه...عادي كل الامهات جي..
عذيجه:الا امايه مستويه جلب بوليسي من تشوف بنت فصفصتها كله عشان علي، محد غيرها ياب عيال في هالعالم
الكل: ههههههههههههههههههههه
ضبابه و هيه تهمس حق لطيفه: جان ما يخطبووونج حق علي
فاطمه: و انتي شوه ايخصج اتخطبين حق الناس
لطيفه و هي اتطالع فاطمه: و الله ما خذته..بسوي سابع المستحيلات ولا اني اخذه
ضبابه: ليش شوه فيه..ما شالله فالجيش و رتبته عاليه..و يشتغل فالقنصليه..شوه تبين بعد
فاطمه: ذبابه جب ...اكريمنا بسكووتج
فاخره: يالله اشوفهن بيروحن..يالله قومن شلن اغراضكن..اقولكن حد رمس شمسه اليوم؟؟؟
لطيفه: لا بس نحن من الصبح انسويلها ما ترد..يا خوفي شي استوالها
فاخره: لا لا انا رمست عمير ما قالي شي..بس هيه غريبه ما ترد
ضبابه و هي صاده صوب لطيفه و فاطمه: شوفي شوفي حسنوووووه...ما فارقت الحريم دقيقه..حاطه احمد في بالها..بتبطين انتي اتضوين بوشهاب
لطيفه: ليش ان شالله شوه فيها البنت؟
ضبابه: تبين الصدق..حسنا هيه المرشحه الاولي حق احمد..بس ياختي ما بلعها هالبنت..دمها ثجيل
فاطمه: ضبابوووووووه و يهد..ما يخصج في هالسوالف انتي..لطوف النصيب عند الله لا تفكرين وايد
لطيفه: و منو قالج اني افكر؟؟ اصلا انا ما احق اني اكون مرشحه حق احد..انا الناس هم اللي يترشحولي
ضبابه: شوي شوي على عمرج من الخقه
لطيفه: بنت حمد ايحقلي ..اقول عمران و وضحه وينهم؟؟
فاطمه: سارو ايبون النعول؟؟
لطيفه: خلاص سبوقنا و انا بسير اييبهم..

++ اليوم الخميس..و الحرم كان تقريبا متروس..امة لا اله الا الله ..طلعت و وانا ماسكه بإيدي عمران..و وضحا تمشي عدالي..وصلنا البوابه مالت الحرم..زحمه بدرجه فظيعه..ثواني ثواني بس..و اختفى عمران و وضحا..و الله العظيم في غمضت عين ضاعو..مستحيل انهم ايضيعون..ادري انهم مندسين عني يبون يخوفوني..التفت يمين ..يسار..ما في حد..و الزحمه ما تساعدني اني القاهم..مادري شوه اسوي؟؟ كيف اتصرف؟؟ مستحيل ايكونون ابتعدوا..اكيد انهم في مكان..عيوني اتدور و اتدور..و مخي احسبه بينفجر..ما حس بقلبي..معقوله ضاعو!! مستحيل..يالله شوه سويت انا؟؟ كيف ضيعتهم و هم امانه عندي؟؟ لا و المشكله انهم كانو اليوم عمران و وضحا بيقعدون فالفندق مع يدتيه و عايشه و ما بينزلون بس انا اللي زنيت انهم ينزلون ويانا...شوه سويت نفدت العيال من بين ايديني..لطوف عدي الين العشره و اكيد بتلقينهم..اصلا ما خطف وقت طويل عشان يبتعدون..اتجدمت من البوابه و طلعت..وين بلقاهم الحين؟..سألت الحارس..ما عطاني جواب..رجعت للمكان اللي كنا فيه..ما في حد..رحت عند خزانات الماي..ما في حد..رجعت و سألت الحارس مره ثانيه..ما يعرف شي..منوه يعرف يعني..وين بحصلهم الحينه..على الله ايكون عمران مع وضحا..لانه اكيد وضوح بتتصرف..يالله يالله..وينج يا وضوح..كله مني انا ..كله مني..ما حسيت الا النقاب خايس من الدموع..يا ناس احس اني ادور في حلقه مفرغه..شوه اسوي دخيلكم؟؟ بــــــــيــّــن..خلاص..كيف بعيش من دون وضحه..كيف برقد في هاذيج الحجره بدونها..كيف بعيش من دون ضحكتها..كيف بصحا من النوم مره ثانيه من دون لا اشوف ويهها راقد عدالي!! و لا عمران..عمراني الصغير..يسوا نظر امه..يالله يالله ارحمني..لطيفه..بس شوه هالتفكير الاسود..الدار امان..و ان اشالله بتلقينهم لو ايبلغون الشرطه..بيطلعونهم من تحت الارض..طلعت برجع للفندق يلستيه اهنيه ما فيها فايده لازم اخبر حد او اتصل في عموه او اي شي..اول ما طلعت شفت ضبابه..
لطيفه: ضبابه....ضبابه...حد شاف وضوح و عمران؟
ضبابه: كانو معاج؟؟
لطيفه: ادري بس ضاعو
ضبابه: شوووو..كيف ضاعو
لطيفه: امايه و عموه وين؟
ضبابه: امايه و خالوه عفرا و فطيم سارو عند فخور بيتعشون عندهم
لطيفه: حلفي؟؟
ضبابه: و الله و انا يلست اترياج انتي و عمران و ضوح عشان انرد مع بعض
لطيفه: يالله يالله شوه سويت انا؟؟؟ ضيعتهم ضبابه شوه اسوي..و الله انهم كانو عندي ما دري كيف اختفوا؟؟
ضبابه: بس لطوووف لا تصيحين..جذيه ما بنحصلهم..سألتي البواب اذا شافهم؟
لطيفه: هيه بس ايقول ما شاف حد وين بيشوف في كل هالزحمه
ضبابه: المشكله ما عندنا موبايل اندق حق اي حد و نسأله او نخبره..شوفي لطوف انا بسير الحرم داخل و بدورهم في نفس المكان..انتي هدي اعصابج ولا تصيحين..سيري الفندق و يلسي فاللوبي او اقولج و قفي جدام الباب احسن سبحان الله ايكون حد شافهم او شي و يابهم..انا اذا ما لقيتهم برد
لطيفه: لا لا ما روم اسير ما روم بموووت يا ضبابه شوه سويت كله مني انا
ضبابه: لطوف لا تكبرين المشكله سوي اللي قلتلج اياه وسيري خبري سلطان هو بيعرف يتصرف
لطيفه: ما عليه ما عليه
++ رجعت الفندق..و الله ما عرف كنت امشي ولا اركض ولا شوه..حصلت نفسي جدام الفندق..لطوف هدي اعصابج ما بيصير الا الخير..لازم اخبر سلطان قبل لا ايمر وقت طويل..الصياح الحين ما بيردهم لازم اعرف اتصرف مثل ما قالت ضبابه..ما لقيت عمري الا جدام شقتهم...دقيت الجرس بس ما حد ايرد..مره مرتين ثلاث..و في كل مره اتخنقني العبره اكثر..والله ماروم اتحمل ياخوفي سلطان بعده مارد..شوه اسوي شووو..دقيت الباب بإيدي خلاص اليأس دمرني..انفتح الباب..
احمد: منوه انتي...
فجيت النقاب ماشي وقت الحين للمغايض: انا لطيفه احمد
احمد: انزين ادري انج لطيفه من عيونج اللي ما تقول الا عيون قطوه... شوه بلاج شوه تبين؟؟
شكله توه طالع من الحمام...لانه مب لابس الا وزار و فانيله..و حاط الفوطه على جتوفه...
لطيفه: اسمحلي يايتنك الحين
احمد: ما عليه توني ظاهر متسبح..ما سمعت الجرس الين ما ظهرت من الحمام
و في لحظه...انفجرت بالصياح..
احمد: لطوووف..شوه مستوي..حد استوا عليه شي؟..يدتيه شي بلاها؟
++ ما رمت انطق بكلمه..
احمد: لطوووووف...بترمسين ولا لا ؟؟؟؟ لطووووف ارمسي
++ انهرت..خلاااااص..غلطتيه..الحين كيف بقوله..ما حسيت بعمري الا انا يالسه على الارض و حطيت ايديني على ويهي و يلست اصيح...
نزل احمد على الارض...مسك ايديني الثنتين...و سحبهن عن ويهي..حط عيونه في عيوني..و صرخ
احمد: لطيفه
من شدة الصوت...خفت اكثر..ووقفت صياح..بس ما رمت اوقف شهقاتي..كنت خايفه من اللي بيصير..و خايفه من احمد اكثر..حطيت عيني في عينه
احمد و بهدوء: لطوف ارمسي...خليتيني بلا عقل..شوه اللي استوا؟؟؟!!!!!!
لطيفه: كن..كنا..كنا فالحرم و عقب اصص اصص الصلاه طلعنا..كان عندي وضحا و عمران
++ ما رمت اكمل رديت اصيح..بس تذكرت احمد..و اني كل ماتأخرت ازيد الطين بله
لطيفه: يوم طلعنا من الحرم ضاعو..دورتهم ما لقيتهم..و الله اني ما خليت مكان
احمد: منوه عندهم ؟
لطيفه: ماحد..كانو عندي انا بس
احمد: و باقي الحرمات وين؟
لطيفه: يدتيه ما نزلت..و الباقيات سارن عند فاخره اختك بيتعشن اهناك
احمد: وين بالضبط ضاعو؟
لطيفه: عند باب اجياد
نش احمد و لبس كندورته.. شل موبايله و حط السفره على جتفه..
احمد: لطيفه سيري فوق..ولا تصيحين تسمعيني ولا ولا؟؟ بعدين لا تخبرين يدتيه..انا بسير ادورهم اكيد بنلقاهم..لا تصيحين فاهمه؟؟!!!
هزت لطيفه راسها
احمد و هو يعلي صوته مره ثانيه: انزين ولا لا ؟؟
لطيفه: انزين
++ نفذت اللي قاله احمد..دشيت الشقه يدتيه راقده..الحمدلله..طحت على الاريكه اللي فالصاله و يلست اصيح...الين ما هديت..اكيد احمد بيلقاهم...عقب ربع ساعه..ما حسيت الا احمد داش و ماسك في ايده وضحه و ضبابه وراه..ركضت صوب وضحه و انا اصيح لويت عليها و يلست ابوسها..مادري حسيت انه الروح ردت فيني
احمد: بس عاد بتزيغين البنت..سيري وضحا داخل
دش احمد و يلس على الكرسي و سارت ضبابه داخل مع وضحا..
لطيفه: وين لقيتها ....و بعدين وين عمران.؟
احمد: اذا تميتي اتصيحين ما برمس...
لطيفه: خلاص و الله ما صيح..بس وين عمران؟
احمد: عمران عند اميه و فاطمه..يوم ضاع ظهر من البوابه و شافته فطيم و شلته معاها
لطيفه: و ليش ما خبرني خلني اتخبل؟؟
احمد: فاطمه اتقول انه موبايلج مب عندج..و قالن اكيد انج بتعرفين انه عمران معاهن و يونها عشان ما تخوفج طرشتلج مسج عالموبايل..شكلج ما شفتي التيلفون من دخلتي الشقه؟
لطيفه: لا...و وضحا...كيف ليقيتوها؟؟
احمد: وضحا عوده و فاهمه..سألت ناس من الامارات شافتهم...و يابوها الين عند الباب شفناها انا و ضبابه و يبناها...خلاص ارتحتي؟؟
لطيفه: مادري
احمد: اندووج..هاذا عصير بارد يايبنه حقج..بس من الصياح..خلاص خبلتيبنا..شربيه و سيري ارتاحي و ما في داعي الحرمات يدرن عن شي... انا بنزل ان بغيتن شي سون تيلفون
لطيفه: ان شالله....
و طلع احمد...بصراحه..عمري ما حبيت احمد كثر هاللحظه..ريح قلبي الله يريحه..

ولا غيرك فهالدنيا فتني..و حملي ثقيلات النوايب..انا يا شوق حبك ذابحني..فدتك الروح دامنا حبايب


الجزء التاســـــــــع"""

إيه أحبك هاذا حظي اللي انكتب..دربي اللي امشيه و ادريبه تعب..إيه احبك و انته في عيوني سهر.. و انته وسط القلب حرات و قهر

بدا العام الدراسي اليديد...و بدت معاه الحشره و الطواري هاذا كله لانه سلطان و ضبابه ثانويه عامه..ضبابه ما عليها خوف رغم انها علمي..بس سلطان الله يستر منه..رسيب..بس دام انه حط فكرة العرس في باله شكله شاد حيله من الخاطر، عويش اختيه اخر سنه فالتقنيه و بتفتك..شكلها بتعرس على طول ما شي شغل او غيره خصوصا انها مخطوبه، مادري ليش ابويه يرفض اننا نشتغل..عيل عشان شوه نكرف و ناخذ شهايد؟؟!!..الحمدلله انه خلانا ندرس و نكمل الجامعه!! هاذا الاسبوع انا و فطيم ما علينا دوام لانه الجامعه بالعاده تبدا بعد المدارس باسبوع ولا ثنينه و فطيم اتبات اهنيه عندي فالبيت عشان انسير مع بعض السوق و نستعد للجامعه..
الساعه سبع الصبح...
فاطمه: يا سلام علينا الجامعه الاسبوع الياي..و نحن سهرانات الين الصبح..كيف بنظم رقادنا الحين؟؟
لطيفه: عااااادي....بس بصراحه سعيد صالح جتلني من الضحك..يخرب بيته شفتيه يوم ايقول حق امه شيلي الفستان عشان تغري ابوه
فاطمه:هههههههههههههه سبال يبا ايخرب امه، لطوف انا بصراحه يوعانه..
لطيفه: انسير تحت بنتريق و بنرد نرقد..
فاطمه: يالله بسير ابدل
لطيفه: وين وين وين...تعالي محد فالبيت اينش هالساعه..سلطان ايداوم ثمان و نص الشيخ الحصه الاولى مسولها لبسنج،..لبسي شيله صلاه و يالله بنحول..خاطريه في سندويجات لبنه و زيتون..

++ نزلنا تحت بنتريق...و البيت هااااادي لقينا الخدامه مزهبه الريوق بس كان في حد فالصاله غيرنا!!! فيه ريال قاعد فالصاله و يالس يتريق؟؟؟؟!!!!! ما عرفته لانه لحيته شوي طويله، بس اول ما دشينا هو ألتفتت صوبنا
لطيفه: وااااااااااااااااااااااااااااااااااي...خلووووووووف ....فديتك متا رديت؟؟؟؟
ركضت لطيفه صوبه و لوت عليه و يلست اتصيح...و فطيم واقفه على الباب و اتطالع
خليفه: بس بس عاد من الصياح خيستيني.....لازم هالموال كل ما رد
لطيفه: بس هالمره غير ....فديتك خلصت و افتكيت، شياك ضعفت جيه و اتغيرت؟؟!!
خليفه: لازم كورس التخرج يكرفوونا كرااف...
لطيفه: شقايل اترد البلاد و ما تخبرنا؟؟؟ و منوه يابك من المطار؟؟ فديت روووحك يووعان و يالس تاكل فول شوه ايشبع هاذا؟؟
خليفه: بدت عاااد لطوووف، خير الله وايد و الاسراف فالطعام حرام إن المبذرين كانوا اخوان الشياطين، و بعدين دخليج ارحميني من اسئلتج ياي مدوووووووخ، نزلنا ترانزيت فرنسا اربع ساعات صيانه للطياره، و ياي مررررره راسي منجلب...
انتبه خليفه انه في حد واقف عند الباب
خليفه: سمحيلي اختيه ما شفتج.....( خليفه و بإرتباك)شحالج ضبابه؟
فاطمه و بإبتسامه حنونه:فاطمه( تصحح لخليفه)... بخير الله يسلمك...حمد الله علي السلامه
خليفه و هو موخي: الله يسلمج سمحيلي ما عرفتج تحريتج ضبابه ما شالله تتشابهن

++جذاب اصلا ضبابه و فاطمه ما يتشابهن ابد ولو اي حد غريب شافهن ما يقول انهن خوات!!!!، بس بصراحه كان عندي امل انهم هلاثنينه ايردون حق بعض، بس شكله اي امل تلاشى، احسد فاطمه على طولت بالها و طيبة قلبها و كأن اللي سواه خليفه فيها هيــــــّن خاصه انه خليفه كان يعرف انه فاطمه اتحبه!!!
خليفه: سمحليه تعبان بسير اتسبح و ارقد، و لطوف اعرف تراج ام لسانين مب تربعين و تخبرين امايه اني اهنيه خليني ارقد و ارتاح، بس وعني عند صلاه الظهر..
لطيفه: انزين عاااااد لازم تحرجني، ما عليه اذا ما نشيت بوصي كشميرا اتوعيك
خليفه: لا لا لا ، لا تخلين البشكاره انا امرتج انتي و بعدين شوه ناويه ترقدين عن الصلاه انتي؟؟
لطيفه: لا بس..
خليفه: بس شوه...ان الصلاه كانت على المؤمنين كتابا موقوتا
لطيفه: ان شالله و طلع خليفه.....
لطيفه: شفتيه كيف متغير..؟؟؟ فاطمه: لا ما شي متغير فيه خليفه هوه نفسه خليفه
لطيفه: ما شفتي اللحيه؟؟؟؟ اتقولين السديس، و كل شوي يقرا عليه قرآن جنه بيدعوني للاسلام ولا يقرا عليه جني مسكونه؟؟؟
فاطمه: هههههههههههه...شكله اتدين
لطيفه: الله يعينا بخير...شكله ...
فاطمه: شكله شوه؟؟
لطيفه: مادري مادري بس ما رتحت..ياخوفي منه
~~~~~~~~~~~~~~~~~~~~~~~~~~~~
سلطان: صح النوووم...جان كملتن رقاد بعد؟؟
لطيفه: سلطان فكنا من الحشره...توها ثلاث الظهر
سلطان: شعليكن لا دوام ولا شي الا سهر طول الليل و رقاد طول النهار...و هوامه فالاسواق...صدق البارحه سايرات ميغا مول؟
لطيفه: سلطان فكنا من الصدعه..الجامعه بتبدا لازم بنتشري اغراض..ولا انته بتحرسنا..بعدين تعال انته منوه قالك؟
سلطان: وضحووه
لطيفه: قلتلكم هالوشايه ما نبا انشلها بس كله منكن انتي و شمسووه
سلطان: شوه شوه شوه....لا يكون فازعات الشارجه ارواحكن ؟
فاطمه: شمسه معانا
سلطان: سيرات من دون امايه ولا عمتيه ما شي تفهمنا الرمسه ولا لا ؟؟؟ و صحارى سنتر محرم عليكن..
لطيفه: ما شالله دار الافتاء عندنا اهنيه و انا مادري..
فاطمه: عادي شاورنا عمير و ما قال شي قال برايكن...اقول سلطان شوه مسوي فالدراسه؟
سلطان: الله يغربل الثانويه...شكلي انا ما بكمل الين اخر السنه من الحين طفرت من علم النفس
فاطمه: تراه اللي مر عليك مر علينا الا كمن شهر و بتفتك
سلطان و هو يولع صلب زقارا: لووعه جبد...
فاطمه: هههههههههه....و الله ذكرتني بهاذيج الايام السودا..انته خل شهر اربعه يوصل و بتخطف عليك الايام و لا بتحسبها الين ما يقولوك النتيجه...سلطان كم تتوقع اتيب؟؟
سلطان: و الله اتوقع شي و خمسين و دور ثاني علم نفس و جغرافيا
لطيفه: بسم الله فال الله و لا فالك..شد حيلك و فكنا من الحشره...وين بتسير انته الحين؟؟
سلطان: مادري اهم شي اشرد عن الدراسه بسير العين مول ويمكن اخطف المغرب على العزبه الركابين من ثلاث ايام عدي بهن..
فاطمه: لو تدريبك ضبابه انك اتهوم فالعين مول بتحشر الدنيا
سلطان: لا و الله سالمين حاشرني يبا يشتري لابتوب و يباني اسير وياه..ولا انا مالي حايه فيه
لطيفه: سالمين هاذا خراب...يا بوي انته لا تطالع عليه هاذا عادي عنده ايخيس فالمدرسه و يعيدها عشر مرات..وشوه لزوم اللابتوب يعني من زود ثقافته؟؟
سلطان: و انتي شوه ايخصج فالريال؟؟...يبا يغازل بعد شوه..
لطيفه: عاد اللي يسمع...ما عرفه انا سالمينوه...امبونهم عيال الحاره ما يطلع منهم حد نابغه..بس عليهم اذا نجحو فالثانويه
سلطان: دخيلج دووم يتخبرني عنج ذالني ذل على الفلعه اللي فلعتيه بالحصاه يوم هيه صغير حشا يا لطوووف مدفع شليتي راس الريال
فاطمه: وشوه ايخص المغازل فالكمبيوتر
سلطان: تستهبلين يونج؟؟ الجات بعد شوه..على قولته البنات فالجات على افا من يشيل خاصه بنات القبايل..احسن عن لا ييلس ايدورهن فالمولات يلقاهن جاهزات فالجات.
فاطمه: هاذا سالمين بيسمم لك افكارك
سلطان: لا تسمم ولا غيره..دام ضبابه جدام عيني مالي حايه فالمغازل ولا غيره
لطيفه: عاااااااااااااااااااااش بو مييد اسميه الا شالنك الهوا
سلطان: لا حد ايقولها شي...بيكبر راسها بعد علينا...الا هيه شوه مسويه فالدراسه؟
فاطمه: الله لا يرويك...البيت كله مشتل من حشرتها جنه الامتحانات الشهر الياي..اتدور مدرسين ولا يمكن اتسير المعهد..
سلطان: شوه شوه شوه....مدرسين ريااااايييل ما شي...تسمعن ولا لا ...و سيرات المعهد ما شي بعد ،تبا اتسير بنسير رباعه اما غير لا ؟؟
لطيفه: شوه لا انته بعد!!!...ثااااانويه عاااااااااااااااامه ...تفهم ولا لا ؟؟ وبعدين شوه رباعه انته ادبي و هيه علمي
سلطان: اوهووووووو، كل شوي ثانويه عامه، لا تطلع السوق انته ثانويه عامه، لا تسهر انته ثانويه عامه، باجر بتقولولي لا تآكل انته ثانويه عامه!!!!
فاطمه: هههههههههههههههه....اقولك اذا تبا مدرس علم نفس انا بدلك على مدرس رهههههههههههيب..استاذ عبدوه
سلطان:لا تقولين هاذاك اللي كشته اتقولين رودس محشوش؟؟ بعدين ما با مدرسين من عندج اللي يسمع يايبه 99 و انتي مناك الا سبعين
فاطمه: لا و الله...أنته تحلم بها النسبه هاي
سلطان: و الله يا ييب اكثر عنج
لطيفه: و الله ما تروووم
سلطان: ما عليه بينا الايام و على هاللحيه اذا ما يبت اكثر عنج
لطيفه: ههههههههههه....دامنك مخاوي اينشتاين اوه سوري سالمين اكيد بتبيضون الويه..
( لطيفه و هي تتلثم بشيلتها)و بعدين طفها هالزقارا حشا فطستنا صنانة البتاني اهون عنها
سلطان و هو ينفخ الدخان على لطيفه: خلوني ادوخ انا ثانويه عامه و يحق لي ما لا يحق لغيري..و بعدين و الله لو اخشج في باط بتاني انهم ليرقدوونج شهر في العنايه..يالله شي في خطركن؟؟ البنات: لا سلامتك
فاطمه: اقولج انسير اليوم البيت...ياختي من رمست شمسوه البارحه و انا مب مرتاحه

""" لطيفه: يعني انتي ما تعرفين شموووس ... اتصيح على اتفه الاسباب..
فاطمه: انزين شوه بتخسرين خلينا انسير..بعلمج طريقت تشيز كيك
لطيفه: انزين خلينا انسويه اهنيه لازم انسير بيتكم يعني؟؟ ولا عشان خليفه فالبيت اهنيه
فاطمه: لا الوصفه هناك....و انتي تدرين انه خليفه خلاص مثل خويه، خاصه...
لطيفه: خاصه شوووووووووو
فاطمه و هيه اتأشر على قلبها: ريحانه فووووووووادي
لطيفه: ردينا على الخنفسانه...ياخوفي اتعلقين في وهم....يالله انسير امري لله..
~~~~~~~~~~~~~~~~~~~~~~~~~~~~~~~
فالمدرسه.....
شرينه: يالله و اخيرا رن الجرس...يالله متى بيي اليوم اللي بيقولولنا فيه باجر النتايج و بنفتك..
ضبابه: يا سلام تونا مكملين اسبوعين من بدت الدراسه و انتي تشتكين؟؟
ريد: و الله نحن مب ويوه علمي...شكلي انا بحول ادبي..
ضبابه: خلي عنج هالرمسه...شوه تحولين خلاص ثانويه عامه هاي.. بنكمل و بنييب النسب اللي تبيض الويه
شرينه: وانا شوه ايفهمني بالوراثه ما وراثه...من استويت و انا اكره الاحياء الله يغربله...
ضبابه: اقول ريدووه باجر الريوووق عليج تراه
ريد: شوووفن اذا فاز نادي العين اليوم فالكن طيب..وان ما فاز انا باجر ما بداوم و قولن حق ابله الكيمياء اني مريضه..لاني ما بدرس ولا بمتحن
شرينه:برايج انتي ....اصلا انتي مكتوب على يبهتج...راسبه و تبقى فالصف الثالث ثانوي
ريد: بسم الله من فالج...اهم شي ورق العنب انا وصيت ايمان وجدي اتسويه
شرينه: وووووووووووووووع...و الله ما كلت من مالها المصريه..
ضبابه: لا لا و الله انه مال ايمان حلووووو حامض و تخلطه مع الروب... قلتلها تلبس قفازات يوم اتسويه
ريد: الله يعينها من شروطكن..اهم شي بطاطا عمان و الدقوس و الروب و السندويجات عليه انا
شرينه: شوه بيستوي عليها يعني...فلوووس تاخذ عليه مب بلاش
ريد: يالله اقولكن انا بسير البشكاره محتشره عليه
ضبابه: اقولج هاتي ريوق ايبيض الويه باجر شما المزروعي بتمشي ويانا
شرينه: شوه شوه شوه...بنات اول ثانوي انا ما دانيهن
ضبابه: حرام عليج ...شوه بتسويبج يعني
شرينه: سوالف الاعجاب انا ما دانيها...بعدين ما بنوبلج انتي كل شهر معجبه...بتخبرج حد تم من بنات المدرسه ما عجب فيج؟؟!!
ضبابه: شرينه البنت اتطرشلي رسايل من شهر تبا تمشي معايه
شرينه: شفتي ...تبا تمشي وياج انتي ....مب نحن
ضبابه: شوه يعني ما تبني امشي وياكن؟؟
شرينه: محد قال شي..خلاص خليها شما هانم اتشرف بتخبرج سويلج سكرتيره انتي اتنضم لج المواعيد مع المعجبات و تستلم الرسايل و الورود
ضبابه: ههههههههههههههههه...تعالي اشوف ايمي ما يت الين الحينه..ما تبيني اوصلج؟؟؟
شرينه: هيه و الله اول مره يتأخرون عليه
ضبابه: قومي قومي بوصلج
شرينه: لا لا لا...انا شرينه اخر العنقووود ينسووني فالمدرسه!!! و الله ما سرت الين ما تيي سيارة البيت
ضبابه: لا تعاندين ....الدنيا حر و الظهر و الشوارع فاضيه قومي بوصلج
شرينه: برايج اذا بتسيرين انتي...مستحيل كيف ينسوووني كيف...و الله بسوي مصيبه اليوم فالبيت..ثلاث سواقين فالبيت ابا اعرف كيف ينسوووني..
ضبابه: صبري بسير ايبلج موبايل براهيم و سويلهم
شرينه تتصل شرينه: الله يغربلهم...عبدالرزاق ما يشله...بسوي حق حمزه..ألوه حمزه..وين انته؟؟؟ عطني اياها
ضبابه: ها شوه ؟؟
شرينه: عبدالرزاق ما يرد مغلق...و حمزه مودي لميا اختي بوظبي عندها موعد..
ضبابه: و الثالث؟؟
شرينه: الخام .....ايرن و ما يرد عليه...برايج انتي اذا بتسيرين...لميا بتتصرف بتطرشلي اي حد
ضبابه: لا لا ما عليج الحين بخليهم ايسيرون ايبون عمران من النموذجيه و انا بيلس معاج
هارون الحارس: شوه هذا ليش اليوم زياده فيه تأخير...ليش سياره مال دبابه سير؟؟؟
ضبابه: دبابه تدهسك قول امين، سياره مال انا سير جيب اخو مال انا...سياره مال شرينه ما يجي..شوف هارون يوم يجي سياره خبر نحن بيروح داخل غرفه مال انتظار
هارون: رووح سوي تيلفون...سااائه تلات الهين..يالله جلدي..
ضبابه: انزين بترووغنا بعد...المال مال ابونا و القوم حاربونا
تحرطم الحارس و روح عنهن....عقب عشر دقايق..سمعت ضبابه صوت هرن سياره برا المدرسه
هارون: يالله تعال شوف فيه سياره برا
ضبابه: ما عليه
طلعت ضبابه اتشوف من اللي يدق هرن..لانه شرينه كانت اتصلي..الحبيبه مب متغشيه على اساس انه اللي يدق هرن اكيد دريول..و ضبابه بالعباه و الشيله اتخبل خاصه انها طويله و مازره و عظمتها حلوه..و مطلعه شوي من قصتها الطويله اللي تغطي ويها..بس ما كان الدريول اللي ألتفت و شافها اول ما فتحت الباب!!..عينه طاحت عليها قبل لا هيه اتشوفه..خاصه انه الجو برا كان شمس..ضبابه حطت ايديها على عيونها عشان اتشوف زين منوه اللي فالسياره..كان ريال...يخرب بيته من جمال عليه..كان منزل الدريشه شوي مب كلها.. لابس سفره و عقال ولابس نظارات سموك رماديات...بس شوووه جمال..شوه خشم..شوه حواجب..ضبابه دوخت من شافت جماله..و قلبها ايدق دق..بس مش عشان جماله ولا عشان جاذبيته اللي اطيح الطير من السما...لانها حست انها خانت سلطان يوم شافها ريال غريب.. و بعدين هو من شاف ضبابه و طاحت عينه على جسمها..ما رفع عينه تم امبحلق فيها..حست بعيونه بياكلنها من تحت نظاراته....على طول ركضت داخل المدرسه...بس كانت متأكده انه هالريال مب غريب عليها! !!
ضبابه: اقول شرينه تعالي سياره برا..
شرينه: مب سياره البيت؟؟
ضبابه : لالا..سياره عنابيه
شرينه: ما شفتيه انتي منوه؟؟؟
ضبابه و بإرتباك: لا السياره عاكس كيف تبيني اشوفه يعني..
شرينه: مرسيدس كوبيه؟؟
ضبابه: يمكن
شرينه: خــــــــــــــــــــــــــــــــــــــيبه اكيد هذا اخويه شبـيـب ، غربلات لميوه قلنا بتتصرف بس ما لقت الا شبيب اخويه
ضبابه: انزين شوه فيها؟؟
شرينه: شبيب يدرس فالتقنيه و عنده دوام فهالوقت،اوكي ضبابه انا بسير لا ياكلني.اسمع صوت سياره اكيد سيارتكم....
طلعت شرينه و ركبت مع اخوها السياره و طلعت عقبها ضبابه و ركبت سيارتهم و ردت البيت و قلبها ايدق بشكل مب طبيعي و مخها فاقد التركيز من بعد اللي شافته اليوم، متأكده متأكده انها شافته قبل بس وين ماتدري؟؟!!
~~~~~~~~~~~~~~~~~~~~~
العصـــــــــــــــــــــــــــــــــــر
ضبابه:فلم شوه هاذا؟؟
لطيفه: مدرسه المشاغبين
ضبابه: يالله منكن!!!! يمكن المره المليون اللي تشوفنه ما تعافنه؟؟
فاطمه: مستحححححححححيل البارحه خلصنا الجزء الاول و اليوم الثاني...
لطيفه: الله يغربل سعيد صالح و سويلفاته
ضبابه: شرايكن بهالقميص؟؟ شوه احلا التنوره الجينز ولا الشيفون؟؟
لطيفه: جربي الجينز اول و تعالي بنشوووفج
فاطمه: شوه لطيفه ما سمعتي اذا سلطان بيخطب ضبابه رسمي ولا لا ؟؟
لطيفه: و الله مادري بس انا اللي اعرفه انه خلاص محيرنها، حتى سمعت ابويه مره ايقول انه قوم محمد بن خليفه خطوبها بس هو رفضهم على اساس انها خلاص محيره حق سلطان.
فاطمه: اها يعني بنسمع ان شالله عرس اخر الصيف ولا الشتا؟
لطيفه: لا لا لا ما عتقد، ياختي مفرخه هاذيلا منوه ايوزهم، يعني من وين بيصرف عليها؟؟
فاطمه: بس انا سمعت خالي ايقول حق امايه انها اتحط في بالها انه ضبابه ممكن اتعرس عالصيف الياي ولا الشتا طبعا اذا ما عزم اخويه احمد يعرس..
لطيفه و بشهقه: شوه؟؟!!!!!!....( بس هدت اعصابها عشان ما تثير الشكوك) ليش انتو خطبتوله؟؟
فاطمه: امايه تباله حسنا بنت حارب اخت علي، من ردينا من العمره و هيه تشاوره و اتزن عليه لانها تبا اتيوزه الصيف الياي الله لا يقول، عشان تلحق اتزهبله..
لطيفه: اها..... و الله حسنا صراحه حلوه و اعتقد انها على ذوق احمد مررره بتيوزله، و هو شوه قال؟
فاطمه: و الله شوه اقولج يا لطفين، اول شي يوم قالتله عرس اتشجع و حسيت انه امرره بيقول بنعرس فالشتا بس يوم قالتله امايه عن حسنا...مادري قالها بيشاور عمره وبيرد عليها..
لطيفه: الله يوفقهم ان شالله ...
فاطمه:لطيفه....و الله و الله في سماه اني زنيت عليه عشان ياخذج...ياختي ما يناسب أحمد غيرج انتي...
لطيفه: لي ما يباك لا تصيح تبغيه
فاطمه: بس انتي تحبينه!!! مادري فالفتره الاخيره وايد يسألني عنج
لطيفه: اذا على الحب هيه نعم...انا ما حبه مره احبه الف...بس شوه بيفيدني حبي له؟؟؟
فاطمه: ما عليج انتي...انا بشوووف شغلي وياه بزن عليه ليل نهار
لطيفه: لا لا لا لطيفه فديتج...خلاص احمد ما يباني و انا ما بدش حياته بالقو...


++ هاي اللحظه اللي كنت خايفه منها، اعرف انه بيعرس و بيخطب بس مب بهالسرعه، اي سرعه الريال بيدش السبعه و عشرين جريب ألين متا يعني بيتم عزابي، ادري ادري بس ما روم اتخيل ما روم اتخيل انه بيعرس، انطعنت طعنه في قلبي، انه اييك الخبر على غفله و من اعز انسانه عندج تقولج انه نور عيونج بيروح خلاص بيعرس و انا مب قادره اسوي شي شعور قاسي اه ليش القساوه؟؟؟، آآآآآآآآآآآآآخ مقساها من لحظه، ما توقعت اني بتأثر لهدرجه!!! خاصه اني مسحته من فكري وبالي ،بالعكس في لحظه اتحريت نفسي اكرهه و ابغضه بعد اللي سواه فيني، بس الحين اكتشفت اني احبك يا أحمد و الله اني احبك و انته مب داري!!
ضبابه: شوه رايكم؟؟؟ حلو الاحمر صح؟
فاطمه: حلو بس الوردي كان احلا...بعدين انتي ليش فالّـــــــه شعرج؟
ضبابه: متسبحه و اريده يجف
لطيفه: ضبابه دوري دوري ابا اشوف شوه طوله؟؟
درات ضبابه
لطيفه: ماشااااااااااااااااااااااااااااااااااااااالله ، احيده الين تحت ظهرج بشوي...ما شالله ألحين شوي و بيسحب على الارض شوه تسويبه فالمدرسه؟؟؟، لو شافه سلطان بيتخبل!!!
ضبابه:فديته و فديت خباله... ياختيه شوه اسوي اقصه اقصه بس ما شي فايده بسرعه يطول فالمدرسه اعقصه و اخشه تحت المريول يوم ألفه يعورني راسي منه....اوووهووو منوه مسوي الحين؟؟ فاطمه: سيري شليه بسرعه...يالله لطوف نشي انسير المطبخ
لطيفه: توكلي
ضبابه: ألوووو
أحمد: الوووو، ضبابه؟
ضبابه: هلا احمد....
احمد: اقولج، سيري بسرعه الميلس و شغلي المكيفات و دخنيه، بسرعه انزين ريال بيي اهناك و حطن الدله و الفواله
ضبابه: ما عليه، ببدل ثيابي و بسير
احمد: شوووووو، لا لا بسرعه الريال الحينه واصل البيت...ماباه ايدش و ايشوووفج بسرعه
ضبابه: ان شالله ...
احمد: يالله مع السلامه
ضبابه: بحفظ الله..
شمسه: ضبابه...دخيلج شلي سيف وياج صدعني من كثر ما يصيح
ضبابه: شي يعورج؟؟؟
شمسه: لا بس تعبانه شوي....و بعدين ما تعرفين سيف و نحاسته بليز شليه
ضبابه:بندخنه بعر بوووش ولدج هاذا جاد النحاسه اتخف شوي...يالله سيفان يالله تعال مع عموه بندخن الميلس.
فالمطبخ
فاطمه: فديتج لطووووف علميني؟؟
لطيفه: تحلللللللللللللللللللللللللمين، هاذا العصير تركيبته سر ما حد بيعرفها..
فاطمه: ليش عاد؟؟؟ خبريني و الله و الله انه امايه اتخبرني انه الحريم فالعيد اللي طاف يوم شربنه في بيتكم يلسن يمدحنه...يالله عاد خبريني كيف سويتيه...
لطيفه: فاطمه لا تحاولين...
فاطمه: ليش عاد؟؟؟ اتصدقين طعمت فيه طعم قشطه ولا دريم ويب
لطيفه: شوه هو كيكه؟؟؟ لا لا ما بخبرج عاشر المستحيلات اني اخبرج
فاطمه: اصلا ما شي عاشر المستحيلات
لطيفه: لا شي..عصيري..تعرفين بسميه عصير كوين لطيفه و ببيع الوصفه لكافتيريا "شباب العين" بشوفه ينجح ولا لا ؟؟
فاطمه: حشا يالمذله ما حد يبا يعرف شي من عندج و شربيه ارووووحج
لطيفه: ههههههههههههههههههه...يالزعووووووله...فطيم فديتج لا تزعلين و الله بعلمج اياه
فاطمه: يالله؟؟
لطيفه: هيه بس مب الحين
فاطمه: عيل متا
لطيفه: يوم يشرب منه بعلي المصون، بعدين بكشف شوه سر الخلطه
فاطمه: اوووهوووووو...خليه ايي الريل قبل، يون بعلي المصون،،خوزي خوزي لا اصنج بصينيه الكيك
لطيفه: ههههه اصلا هو من يشرب منه على طول بسحره و بيي يخطبني عشان جذيه بوديه الكافتيريا ربج اسحب لي واحد من الشباب مقاليع العين...سمعتي اللي سمعته...جنه كان حد يالس يسمعنا
فاطمه: ماحد هاذيلا الا سكنج...
لطيفه: و الله و الله اني سمعت حد يضحك..المهم انا بسير اودي العصير فالصاله و بشغل الفيديو
طلعت لطيفه و حطت العصير فالصاله و شغلت الفيديو و عادته...وهي راجعه المطبخ شافت احمد يركب الدري
احمد و هو يكتم الضحكه: السلام عليكم
لطيفه:و عليكم السلام
احمد: شحالج لطفين
لطيفه: بخير و نعمه..و من صوبك
احمد: ما نشكي باس....سمحيلي مستعيل..
لطيفه: بالحل...

يا دمعة عيني في فرحي و دمعة عيني في أحزاني.. يا حب تالي العمر اهلا نطرته سنين لي جاني..بشيلك في وسط عيني يا أغلا حب لاقاني و فقلبي يا فرح قلبي و شبابي اللي رجع ثاني

~~~~~~~~~~~~~~~~~~~~~~~~~
فالميلس...
ضبابه: السيافي حبيبي شغل الليت..
سيف: مابا
ضبابه: سيفوووه بتسمعها الرمسه ولا بخبر عمي احمد عليك بخليه ايبيعك في سوق الصبيخه..
سيف: بتعطيني ما بتعطيني حلاوه؟؟؟
ضبابه: اذا شغلت الليت بعطيك حلاوه اللي في حجره عمي احمد توكي؟
سيف: توكي...
فتحت ضبابه الميلس..و شغلت المكيفات و يالسه اتدخن...
ضبابه: خلاص سيف باباتي سكر الليت..
سكر سيف الليت و طلع برا يلعب..عقب عشر دقايق فجأه اشتعل المدخن ضو...
ضبابه: سيفوووووووه....شغل الليت بسرعه بسرعه...
بعد ما طفت الضو...ردت مره ثانيه اتزيده دخوون..بس الليت سكر ....يالله من سيف يالس يلعب يعني
ضبابه: سيفوووووه يالله شغل الليت ما شوف انا بسرعه...
( اشتغل الليت) بس مب سيف اللي شغله!!!! لانه ضبابه شافت سيف يعلب برا فالحوش من دريشه الميلس، عيل منوه اللي شغله؟؟؟!!!!! ألتفتت شوي شوي لانها احساسها ايقولها انه مب سيف ولا واحد من البيت، اكيد اكيد هاذا الريال ربيع احمد.....و بالفعل كان ريال واقف على باب الميلس عدال سويج الليت و نظره حيره على يهه!!!
-----: هووووود
ضبابه بسرعه اتغشت بس شوه بتغطي الجسم كله باين الحبيبه لابسه تنوره و قميص: هدااااا
----: سمحيلي الشيخه، انا انا .....تراج انتي قلتي سكر الليت اتحراج اترمسينيه، بعدين شفت المدخن شب ضو شغلته ، سمحيليه ......
ضبابه: لا مسموح الشيخ بالحل امبونيه ارمس الصبي.. قرب احمد سار فوق و احيده الحين بيي ...
ما ينلام الريال اتصنم من شافها...هيه نفسها فالمره الاولي و الثانيه و اليوم الثالثه..بغا ايسلم ولا يهوّد من قبل بس استحا و كان بيرد يظهر و بيتريا احمد فالسياره، بس يوم شاف المدخن ايشب ضو اضطر انه ايشغل الليت عشان اتطفيه ولا تنحرق، و من كثر ما خبلبه جمال هالبنت و حلاتها اللي تذوب استحا و رد سكر الليت، اتم اولا و اخيرا اخت أعز ربعه!!!!
~~~~~~~~~~~~~

فاطمه: لطوووووف....وين العصير؟؟؟؟
لطيفه: و الله اني حطيته اهنيه....شوه هالنظره ايه شوه يعني بشرب انا جيك كامل ؟؟!!!
فاطمه: أنيسه وين عصير في مني اول؟؟
أنيسه: أرباب أحمد شيل داخل مجلس....
فاطمه: ياااااسلاااااام
أنيسه: في ريال مناك شوف فوت بول
لطيفه: برايهم...انيسه صبي عصير باقي داخل ثلاجه حق فاطمه
فاطمه: و انتي ؟؟
لطيفه: مابا من دريت انه احمد شرب منه انسدت نفسي
فاطمه: هههههههه.....تخيلي عاد يشرب منه احمد و يصبح باجر خاطب عندكم
لطيفه: بيبطي....من سنين انا جدامه ولا افتكر يعني الحين يعني بيخطب!!!
فاطمه: لطفين.....نصيب و الله اني ازن عليه ليل نهار بس هو نحس
لطيفه: طبينا من هالسالفه...
ضبابه و هيه يايه تركض صوووبهن: الحححححححححححححححححححححححقن عليه
لطيفه: سمالله شياج؟؟
ضبابه و هيه حاطه ايديها على ويها: رححححت فيها ياووووووويلي وووووويلاااااه
فاطمه: ضبابه اذا ما بترمسين فكينا من التولويل جنج مصريه مضيعه ذهبها
ضبابه: شافني ربيع احمد
لطيفه: بس....عادي انزين جان قربتيه
ضبابه: فطووووم لطوووف حراااام عليكن....شافني و انا متزرزره و فاله الشعر بعد، الله يغربلني وين ابا فاجه شعريه و رابعه الميلس....ياووويلي من احمد..و هو الخايس يوم شبع شووف هودّ عقب شوووه
لطيفه: عزات الريال اليوم مابيبات من شافج جيه..
ضبابه: لطوووف تتمصخرين انتي؟؟
لطيفه: و الله اني ما تمصخر جان شافج و انتي جيه متعدله الله يعين حاله
فاطمه: و انتي شوه مربعنج الميالس
ضبابه: احمد قالي سيري و دخني..اوووهووووو و الحل يعني؟؟
لطيفه: غربلات عدوج البنات يتمنن ايشووفن الرياييل و ايطيحنهم، و بعدين خلاص شوه بيستوي يعني
ضبابه: تعالن تعالن شوفن السياره و بعدين بتعرفن من شوه انا خايفه
فاطمه: مرسيدس شوه يعني اول مره اتشوفين مرسيدس
ضبابه: لا بس ما تذكركن بشي هالسياره؟؟ ثنائي و اخضر و عاكس؟؟!!!!
لطيفه: ياااهي طويله ولها ذيل....لا ما تذكرنا بشي يالله عاد بترمسين؟؟
ضبابه: تذكرن اللي شفناه في البي اتش اس قبل لا نسافر العمره....هو نفسه هاذا و اليوم شافني فالمدرسه بعد يوم ياي ايشل شرينه
فاطمه: لا تقوليلي اخو شرينه ال......
ضبابه: هيه...
لطيفه: و شوه يابيبنه الشيخ اهنيه؟؟!!!....
فاطمه: من ربع احمد هاذا
لطيفه: من ربعه ولا تعرف عليه من شافج الشيخه؟؟؟!!!
ضبابه: لطووووف الخامه شوه هالتفكير.؟؟؟؟؟ شوه يعني انا اعرفه و دازتنه يتعرف على خوانيه
لطيفه: لا تقوليني كلام انا ما قلته...ادعي ربج ما يقول حق الديج شي، شايفنج كذا مره الحين شوه بيقول عنج يعني؟؟؟!!!
ضبابه: لطيفه خلي عنج هالرمسه اللي مالها معنا، انتي تعرفين اني احب سلطان، و مستحيل مستحيل انه غيره بيدش قلبي و عيني
فاطمه: بس خلاص سكرن الموضوع...ل
طيفه انسير فوق انشوف شمسه شوه فيها...
~~~~~~~~~~~

--------------------------------------------------------------------------------



فاطمه: لطوف الكلام اللي قلتيه حق ضبابه قوي، وانتي تعرفين انه مب ضبابه اللي بتحط غير سلطان في بالها
لطيفه: لا تلوميني، فاطمه انتي اتعرفين انه ضبابه اختج ملكه جمال و انه سلطان ماسك عمره عشانها، يعني تعرف انه ريال ممكن ايدش في اي لحظه وين تبا هيه طالعه جيه؟؟!!
فاطمه: بس انتي اتعرفينها انها ما كانت قاصده
لطيفه: خلاص انزين...
فاطمه: تعالي بنحط المدخن في حجرة احمد
لطيفه: سيري انتي و انا بسبقج عند شمسوه
فاطمه: تتهربين
لطيفه: من شوه اتهرب يعني؟؟!!!
فاطمه: يالله عيل انسير بنحط المدخن و بنظهر في حجره احمد....

++ دشينا حجرته...الله يالريحه..حلوه ولا انا يتهيألي..كل شي اشوفه في احمد حلو...الله يا ايام عدت علينا و نحن نلعب في حجرته، اتجدمت من التواليت قمت امسك العطور و اشم عطر عطر...لفت نظريه صوره على منظره التواليت...بحلقت فيها كانو شله من الشباب وايدين و متجمعين و يسون حركات عشان الصوره ،اللي يضحك و اللي ايول و اللي ايسوي حركات على ربيعه ، بس احمد الوحيد اللي لفت نظريه كان واقف ولابس جينز كحلي و قميص اسود بدي و الشعر حاطله جل،و الله انه بينهم شيخ، رباعته كل واحد مسوي حركه اتضحك الا هو واقف وقفه شيوخيه و رافع واحد من حواجبه بس، اه يا احمد يوم شفت حواجبه و الضربه اللي في حاجبه الايسر غمضت عيوني بقو اريد امسحه من بالي...
فاطمه:هاذا يوم كانو فالقولدن كوست في استراليا العام....لطفين تبين الصوره شليها
لطيفه: لا و الله...شوه اباها يعني!!! ....لا يكون اتحريني ميته على اخوج؟؟
فاطمه: لا اتحرا ولا شي ادريبج اتموتين عليه شليها ما عليج منه ما بيحس بيتحراها ضاعت..
لطيفه و عشان اتغير الموضوع: يالله ما كثر الباتشي اللي عنده...الين الحين اخوج مدمن حلاوه...أحيده ايموت على الفانفير
فاطمه:فانفير مال اول....شوفي الادمان انتي ثلاث سلال باتشي و الرابعه منزلنها الميلس..
لطيفه: شوه هاذا على الشبريه؟؟
فاطمه: شوف عينج هديه...
كان صندوق و في داخله هدايا اغلبها عطور عربيه و فرنسيه و اشياء ثانيه مب امبينه لانها ملفوفه بورق عنابي و ذهبي...
لطيفه: ما شااااالله الين الحين البنات يهدنه
فاطمه: خايسات لو يستحن جان ما قامن و هدن ريال غريب مسودات الويه...تلقين مسويتله سوا ولا طبوب فيه لو شافتها امايه بتحشر الدنيا
لطيفه: هههههههه..انزين ليش منقهره
فاطمه: ياختي يقهرني بنات قبايل و عرب و الله و الله لو اقولج شوه اسمها هاي اللي مطرشه هالهديه و منوه ابوها بيشيب راسج..ياويلي على العصا المحنايه اقطعبها ظهورهن
لطيفه: ايبـــــين على ذوقها انها راهيه...
فاطمه: انسير يالله اسميني بمووت من القهر
++ طلعت فاطمه عقب ما غرست سجين حاده في قلبي..اعرف انه احمد من يوم يومه راعي مغازل و بنات بس بس...و الله مادري اول ما شفت فاطمه طالعه ركضت لا اراديا صوب التواليت و شليت الصوره و خشيتها في ما مخبايه على الاقل ايتم لي شي اصبر عيني به...


أشوف الناس في عيوني و من بدهم اشوفك غير..و احس مثلك فهالدنيا ابد ما يصير..في عينك سحر ياخذني و يخليني معك اسير..و احس عمري وقف عندك و ايامي وراك اتسير


دقينا على شمسه بس ما ترد...هالحرمه مب طبيعيه من ردينا من العمره...دشينا عليها..لقيناها طايحه على الشبريه و اتصيح...ركضنا صوبها...لا يكون اتستوابها شي؟؟؟
لطيفه: شمسه ....شمسووووه..شوه مستوي شي يعورج؟؟
فاطمه: شمسووووه فديتج لا تصيحين...قوليلنا عمير شي بلاه شي استوا عليه؟؟!!!
هزت راسها بالنفي
لطيفه: فددددددددددديتج يا شسمه انج ترمسين خوفتينا ارمسي؟؟؟
فاطمه: و راااااااس السيااااافي ترمسين شمسووووووه ارمسي دخيلج قلوبنا طاااحت؟؟؟
شمسه: ســـــــــــــــــــــعيد....و ردت اتصيح مره ثانيه..
لطيفه: ياااااااااااااااااااااااااااااااويلي...ياويلي ويلاه شوه بلاه سعيد دخيلج يا شمسوووه ارمسي لا تقوليلي سوا حادث ،ارمسي فديت روووحج ترمسين، احيده فالدرب ارمسي دخيلج!!!!!



"""الجزء العاشــــــــــــــــــــــــر"""

لطيفه: الله يخليج يا شمسه ارمسي حرام عليج ارمسي...شوه ياه سعيد....شوه اللي استوا؟؟؟؟ لا تقوليلي مات دخيل والدينج قوليلي حي ؟؟؟؟
فاطمه: يا لطيفه عيني خير...قولي لا اله الا الله.....
شمسه: سعيد بخير و ما فيه شي...
لطيفه: عيل شوه؟؟ شوه اللي صار و خلاج اتصيحين
شمسه: سعيد طلق حمده
لطيفه: شوووووووووووووو....شوه يعني طلقها؟؟؟
فاطمه: سمحولي انا بظهر....جان بغيتن شي زقرني
شمسه:لا لا فطيم يلسي، خلاص الحين اللي استوا استوا... اليوم طرشلها ورقة الطلاق...
لطيفه: انزين شوه السبب...؟؟؟ شوه الطلاق لعبه؟؟؟؟بيردها غصب عن خشمه، بيردها ام عياله هاذي
شمسه: شوه ايردها انتي بعد؟؟!!!! اقولج طرشلها الورقه خلاص طلقها فالمحكمه...لا شي ايردها ولا غيره
لطيفه: الله يهديه الله يهديه....ليش عاد ليش سوا جيه؟؟؟!!!! و عياله؟؟؟ اذا ما خاف ربه في ام عياله شله ما يخاف ربه في عياله؟؟
شمسه: لطوف الله يخليج لا تزيديني اروحي اللي فيني كافيني
لطيفه: و الله ما دبر الين ما عرف شله سوا جيه بكيفه يلعب ببنات الناس؟؟؟ يوم هو مب قد العرس ايورط بنات العرب ويانا ليش؟؟؟
فاطمه: خلاص يا لطيفه، اللي استوا استوا و كثر الكلام ما بيرد حمده الحين...اصلا كلنا انعرف انه سعيد امبونه يبغي مريم بنت خالي مبارك
لطيفه: و هم ما بغونا شوه انسوي يعني؟؟؟؟ نخترعله مريم ثانيه؟؟؟؟ يوم هو ايحيد عمره ما نساها ليش ايزن على راس امايه بالعرس؟؟؟!!!!
شمسه:يا حليلج يا حمده و الله انها ما قصرت فيه، من عرفناها و هي تبا ترضيه سوت المستحيل عشانه بس هو نحس ...هو اللي خلاها تغلط في حقه...
لطيفه: و العيال شوه مصيرهم؟؟؟ حمودي و خلوووودي خلاص ما بنشووووفهم مره ثانيه؟؟...الله يعينج يا مايه على فراقهم حرام عليه حرام عليه بيحرمنا منهم...و بعدين شوه تغلط في حقه؟؟ يوم هيه طول عمرها مخليه عمرها خدامه عند ريوله..عمرها ما رفعت حسها عليه ولا قد قالتله لا، مب كفايه عايشه وياه جنها عايشه ويا الكرسي ما يرمسها بالشهور و اذا رضا عليها و تكرم و رمسها ايرمسها من ورا خشمه شوه ذنبها هالانسانه؟؟؟!!!!
فاطمه: يا بنات الحلال اكيد في سبب يمكن ما تفاهم معاها؟؟ و يتفارق معاها و هوه عنده ولدين اهون عن لا يكون عنده خمسه ولا سته، صلن على النبي و يمكن هاذا الامر احسن لهم هم الاثنين
لطيفه: شمسوه انتي ما رمستيه ما قلتيله ليش سوا جيه؟؟
شمسه: رمسته....و خبرني بكل شي...قالي حاولت وياها بس ما قدرت اتحملها، كل شي ايقارن حمده بمريم، و اصلا هو مقرر انه يتركها من عقب ما يابت خالد و ما بينهم شي من ذاك اليوم و حمده اتعرف هالشي زين و متقبلتنه و الانفصال بينهم كان بالتراضي
لطيفه: مستحيل بالتراضي ما في حرمه تبا اتكون مطلقه ما في حرمه تريد اتربي عيالها بعيد عن ابوهم
شمسه: العيال بيشلهم سعيد
فاطمه: بس المحكمه ما بتخليه؟؟!!!الحضانه من حق الام..
لطيفه: شموووس وراس السيافي اتقوليلي ليش طلقها...
شمسه: ما قدر يتفاهم معاها
لطيفه: مستحيل مستحيل ايطلقها منيه و الدرب
فاطمه: خلاص يا لطيفه شوه بتستفيدين يعني اذا عرفتي شوه السبب
لطيفه: فطوم و الله اذا كل ريال ما تفاهم مع حرمته قال بطلقها ما صارت حياه يعني، هاذيلا بينهم عيال و طلق بكل سهوله !!!!
شمسه و بعد فتره هدوء: جاكنها
لطيفه: شوه؟؟؟؟شوه جاكنها؟؟!!!!
شمسه: فهميها مثل ما تبين تفهمينها...طلعن الله يخليكن اريد ارتاح شوي
لطيفه: و الله يا ترمسين.....شمسه فديت روحج قوليلي مب اللي في بالي
شمسه: مادري لطوف الله يخليج راسي بينفجر طلعن و خلني ارتاح...
لطيفه: مستحيل حمدوه تغلط هالغلطه؟؟؟
شمسه: لا مب مستحيل حمده بشر و انسانه، عايشه معاه عيشه الجحيم لا يرمسها ولا شي، اصلا ما بينهم رمسه ولا تفاهم ولا شي لا يلومها اذا سارت و دورت الحب والحنان عند غيره، كله منه هوه هو اللي خلاها تغلط هالغلطه...قامت و رمست غيره
لطيفه: بس هيه انسانه متزوجه؟؟؟ كيف تغلط هالغلطه؟؟؟!!!!كيف اترمس انسان حقير فالتيلفون و هيه عندها ريل
شمسه: ليش هالريل عاطنها كل حقوقها؟؟!!! مجابلنها؟؟؟ و هالحقير يمكن تهيألها انه عنده الحنان...
لطيفه: بس ما يعطيها الحق انها اتخونه
شمسه: لا يعطيها كل الحق...انتن ما تفهمن...لانكن مب معرسات..الحرمه اذا قفا عنها ريلها و هو ما يباها خلاص اتبيع الدنيا برخيص
فاطمه:انزين هاي مب نهايه الدينا و هي مب اول وحده ولا اخر وحده... بعدين يا لطوف وايد حريم معرسات و بعيالهن تحتهن و هن يرمسن....و الله و حده ايوقولولج اترضع و هيه اتغازل
لطيفه: شوه اتقولن انتن...هاي خيانه اتعرفن شوه معنى هالكلمه؟؟؟!!!!
شمسه: ريال ساهي لاهي عن حرمته و ام عياله...ايغازل جدامها..و هي ساكته ما نطقت بكلمه...ايسافر عنها بالشهور و ما يسأل عنها!! اي حياه كانت عايشه هالحرمه..و تلومينها بعد؟؟!!!
لطيفه: و سعيد يوم عرف شوه سوا؟؟؟
شمسه: ولا شي، واجهها و اعترفت....قالها ردي بيت اهلج وورقت الطلاق بتوصلج....و اذا ما تبين مشاكل ولا شوشره بين الاهل ولا فضايح العيال ايتمون عنده هوه ....
فاطمه: اهم شي انهم افترقوا متفاهمين
لطيفه:لا حول ولا قوة الا بالله....ليش يا ربي...
~~~~~~~~~~~~~~~~~~~
بعد مرور شهرين.....
لطيفه: اقول فطيم حولي عندنا اتغدي و قيلي و العصر ردي البيت
فاطمه: ما فيني بسير ارقد تعباااااااانه....ما صدقت الاربعا يوصل عشان ارد بسرعه من هالجامعه و ارتاح
لطيفه: انزين تراج بترقدين اهنيه يالله يالله حولي....
فاطمه: على شرط؟؟؟
لطيفه: تم
فاطمه: اتغديني من مطعم الديوان
لطيفه: فالج طيب بنت سيف...شكلهن حبوب فتح الشهيه يابن مفعول...يزاك الله خير يا خليفه...يالله نزلي
فالبيت...
لطيفه: كشميرا.......كشميروووووووووووه....
كشيمرا: سو في مدام لطيفه؟؟؟
لطيفه: كهربجي الدش شوه ايسوي اهنيه؟؟؟
كشميرا:ما في معلوم بس ارباب هاماد(حمد) يقول يريد تصليح...
لطيفه: سلام عليكم....
سليم: و اليكم سلاااااام كيف هالك لتيفا
لطيفه: تمام...اقول سليم شوه اتسوي انته اهنيه دش ما في خربان
سليم: ارباب همد اتسلي و كالي يريد اهت ( احط) نايل سات..
لطيفه: ليش كلش قنوات موجود داخل عرب سات؟؟؟
سليم: لا بس هو كالي يريد كنات نجوم
لطيفه: شو شو شو؟؟؟
فاطمه: الحقي على شيبتج يا لطوف، خالي يبا نجوم بعد شوه يبابها....راااااح الشيبه
لطيفه: غربلاتج حطيتي الضو في فواديه.....لا لا لا سليم خلاص ما يريد نايل سات خلاص احذفه
سليم: بأدين ارباب همد بسوي مشلكه انا ما يقدر
لطيفه: لا لا ما في مشكله انا مسؤول يالله شل قشك و طلع....ناقصين قناة نجوم نحن بعد
فاطمه: ييي هاااا لعبت بمخوخهم هالقنوات
حمد: السلااااااااااام عليكم
لطيفه+ فاطمه: و عليكم السلام.......ووايهنه
حمد: ما شالله ما شالله ياليواري....غديتن ظبا ما شالله عليكن من متنتن شوي
لطيفه: ابويه صل عالنبي لا تنضلنا عينك قويه...
حمد: لا اله الا الله...جان اضربكن بعين و اتعرسن
فاطمه: هههههه تبون الفكه ثركم منا خالي
حمد: امررره بيوزكن فالعرس الجماعي الشهر الياي
لطيفه: ابووووووويه حرام عليك انهون عليك...نحن بنياتك
حمد: لا لا لا بالصراحه....انتن غلامتين ما بفجكن بسهووله اما الباقي امررره بيوز ما عندي كاني ماني....وين سار سليموووه هزركم صلحه الدش
لطيفه: سليم روّح و الدش مب خربان
حمد: هيه....هزرج حطها قناة نجوم؟؟؟
لطيفه: لا ما حطها ايقول انه دشنا جديم ما تركب عليه هالقناه
حمد: عساني بلاه من دش....وينه سويله و خليه اييب واحد يديد وايحط قناة نجوم
لطيفه: و انته شوه تبابها هالقناه الماصخه
حمد: يي هااااا.....نبا انشووف البرتقاله
لطيفه: شووووووووووووووووووووووووووووووووو....بويه شوه تباها هالغنيه....مب زين اتشوووفها انته ريال حاي بيت الله

حمد: انزين شوه بيستوي؟؟؟؟ بنشووووفهن هالغزلان يتمايلن....
فاطمه: خالي حرام اتشوووفهن نحن البنات ما نشوفهن
حمد: و انتن شوه دراكن بالحلال و الحراااام....ربعي لطوف ازقري عليه خليه ايرد ايركبلنا هالقناه
لطيفه: و الله ما سرت تبا اتشوووف هالخايسااااات....
حمد: سيري يوم اقولج سيري....
لطيفه: و الله ماسرت و ان ركبتوووووها هالقناه و الله ياكسره
حمد: يا لطفين يا بنتيه عيني خير....
لطيفه:بوووويه حبيبي,,,عيوني,,,,تاج راسي,,,,,الغالي طبك منهن هاذيلا ما بينفعنك فالاخره،،،، في خاطريه اعرف انته وين شفتها؟؟؟
حمد: شفتها في ميلس عبيد بن سالم
لطيفه: يييي هاااا يالشوووواب محد هين....هاذا شيبه في اخر عمره ريل فالدنيا و ريل فالقبر....شوه يباها
حمد: يا بنت الحلال فكينا من الصدعه....
سلطان: شوووه هالحشره....مستحيل ابوووويه ايغايظ روووح قلبه السباااله لطوووف....اووووه السلام عليكم
لطيفه+ فاطمه:و عليكم السلاام
لطيفه: جاني انا سباله فانته الشيخ شراتي سبال ....تعال سلطان شووووف بوووويه يبا ايشوووف البرتقاله تعال قووله حرام
سلطان: منوه ايقول حرام...بس بوويه هالغنيه ما تظهر الا على قناه خاصه
حمد: هيه ادريبها تظهر على قناة نجوم
سلطان: اوب اوب اوب ثره الريال امرررررررره......وين شفتها انته بويه
حمد: لا اله الا الله..مباحثيه مستوين اليوم .....برايه بسير اشوووفها في عزبه بن سالم مسجلينها فالفييديو و بنشوووفها على راحتنا
سلطان: تعال ببووووويه تعال مركبينها نحن في الميلس
حمد: لا و الله ؟؟!!!!
سلطان: هيه نعم...عيل انته لو شفت نانسي عجرم شوه بتسوي؟؟؟
حمد: اتبهي نانسي عقرررب مادانيها غاديه عوانه....شوووف انته البرتقاله مازرات و غاديات ظبا
سلطان: ههههههههه..حرام عليك جانك خليت هالغزيل نانسي عقرب
فالميلس...
ربعت لطووووف و شلت الريموت مال التلفزيون..
لطيفه: و الله ما خليكم اتشووفووونها
سلطان: صووومي ثلاث ايام....خوزي لطوف لا ادزج دزه اتمنين انج ما انولدتي
لطيفه: بووووووووووووووووووووويه قوووووله
حمد: بنتيه فكينا من الصدعه...وينها ما شووووفها
سلطان: صبر بووووويه....بنطرشلهم مسج...بنقولهم الشيخ حمد يقولكم البرتقاله حالا
حمد: هيه قووولهم عاجلا عاجلا...
لطيفه: هاي البرتقاله هاي ابوووويه....اتشوووووفها خلصت
حمد: لا لا لا هاي مب البرتقاله هاي مالت المزروعي...
لطيفه: و انته شدراك انه هاذا مزرووعي
حمد: ما تشوووفين عويناته....هاذيه هاااااااااااااااااااااااذيه طول سلطان طوووول عالصووت...يا حي الحيااااااااااااااه بهالشوووووووف...
سلطان: بويه بويه شووووف شوووف هاذي ام اصفر يخرب بيتها عليه جسم...
حمد:الا هاذا الخرب وين يبا في نصهن؟؟؟
لطيفه: الللللللللللللللللللللللللللللللله عليه ايخبل....احلا شي في هالاغنيه اللي يغني..ِشوووفووو عيونه ولا ضحتكه...يا ويل حالي عليه
التفتوا سلطان و حمد صوب لطوووف بنقمه و بنظره الله لا يرويكم
لطيفه: ليش اتطالعوني جيه؟؟؟!!!!!....حلال عليكم و حرام علينا!!!!.....شفتووووو شرات انتو ما ترضوونها لنا نحن ما نرضا انكم اتشوووفووونها
و طلعت لطيفه عنهم.....
العصر الكل متجمع فالصاله...
لطيفه:ماشالله عليج يا فطيم.....ما تغلبج طبخه....شوه هالسندويجات اللي مسويتنهن ايخبلن...انسير الصاله
فاطمه: لا لا لا انا بسير البيت...استحي ايلس في نصكم
لطيفه: شوه تستحين بعد...تراه سعيد اخويه الا شرات عمير اخوج...و سلطان ما تستحين منه...منوه يعني خليفه؟؟؟ ما عليج منه هاذا هاذا من رد البلاد ما يرمس وايد
فاطمه: شدراني....ولا سويت تيلفون حق سلامه عشان اتطرشلي المحاضرات
لطيفه: ما عليج انتي سيري ودي الصينيه و انا بسويلها الحين
فالممر لطيفه اترمس سلامه و مر عدالها خليفه ياي من المسيد...وقف عدالها الين ما خلصت من الكلام
لطيفه: مرحبا خليفه شي في خاطرك
خليفه: هيه....من وين لج هاذا الموبايل؟؟؟
لطيفه: شوووو
خليفه: هاذا اللي في ايدج مال منوه
لطيفه: مالي
خليفه: شووووووو...شوه مالج...كيف انتي بنت و عندج موبايل؟؟؟!!!!
لطيفه: و الله انا مب مظهرتنه بالدس....مالي و البطاقه مظهرنا بويه اليه....
خليفه: بس التيلفون بدعه
لطيفه: شوووووو....شوه بدعه بعد؟؟!!!! تراك انته تستخدمه شمعنا انا
خليفه: الريال مب عيب انه يستخدم الموبايل...لانه ضروري اما انتي بنت و مب معرسه شوه من الحايه لج فيه؟؟؟؟ قوليلي ....شفتي انه بدعه...و بعدين انتي كيف اتجرأتي و طلبتي موبايل؟؟
لطيفه: لا اله الا الله....كفرت انا؟؟؟؟ اصلا الموبايل مب مالي....مال يدتيه ضبابه و انا كنت عندها في سويحان ويوم رديت العين حلفت عليه الا اشله عشان تطمئن عليه لانه الا انا و الخدامه مع الدريول
خليفه: شوووووووووو...و انتي و الخدامه بس؟؟؟ من دون محرم؟؟؟؟ شوه هالفوضا هاي؟؟؟؟ ليش اتردين اروووحج
لطيفه: ياولد الحلال مب رووحي معايه الخدامه....
خليفه: ولو.... يوم اتحيدين ما حد محرم ليش بالاساس اتردين
لطيفه: خليفه خليفه انته ليش جيه اتغيرت؟؟؟؟ تراك انته عايش اهنيه و لا عشان كم سنه اللي درستهن برا غيرنك.؟؟؟ و انته تعرف انه سعيد يشتغل في بوظبي ، و بويه مش موجود و سلطان دوم مشغول منوه تباه اييبني من هناك ؟؟؟؟ اتصلك هناك في بريطانيا و اقولك تعال شلني ما عندي محرم ايردني؟؟
خليفه: جان بتي اهناك؟؟
لطيفه: كان عندي امتحان فاليوم اللي عقبه....
خليفه: و يوم رديتي...جان رديتيه الموبايل؟؟؟
لطيفه: حلفت يدتيه اني مارده....خاصه انها عيوز و ماتعرف تستعمله...بس فوق هاذا خذلها سلطان واحد غيره و حط بطاقتها فيه و طلعلولي انا بطاقه
في هاللحظه مرت عايشه عدالهم لابسه تنوره و قميص بدي و متزقرته علاخير....و اتدور كشميرا عشان تيبلها العباه...
خيلفه: شو شو شو شو هاذا اللبس؟؟؟؟ شوه هاللبس العاري؟؟؟
عايشه: اوهووووو مستعيله انا بسير الدوام مب فاضيه....تولىّ لطوووف انا مالي خص؟؟؟
خليفه: لا حول ولا قوة الا بالله
لطيفه: شو نقدت بعد؟؟
خليفه: شوه هاللبس....غاديه من الكاسيات العاريات
لطيفه: لااااااااااااااااااا اله الاااااااااااااااااااا الله......خليفه الغالي هيه ما بتسير جذيه؟؟؟؟ بتسير بعباه محتشمه و اتغطي كل شي....
خليفه: و اي دوام هاذا اللي يبدا اربع و نص العصر؟؟؟!!!!!!
لطيفه: الغالي عايشه في كليه التقنيه و مرات ايكون عندهم برزينتيشنات بعد العصر افتر نوووون على قولتهم...
خليفه: و الله انكن غديتن خراب من سرت عن البيت...
و روح عنها خليفه الصاله و هي تتبعه....الكل متجمع و فاطمه يالسه على طرف و متحجبه...راحت لطيفه و قعدت عدالها...سلطان منسدح على راس امايه..و سعيد يالس يقرا الجريده..و بويه يشرب قهوه و وضوح يالسه في حضنه..اما خليفه يالس على طرف و يالس يقرا كتيب ديني...
سعيد: شحالج فاطمه و شحال خواتج؟؟
فاطمه: بخير الله يسلمك ايسرك حالهن
سعيد: شوه مسويه فالدراسه...امشيات فالجامعه ولا متعبتنكن؟؟
فاطمه: الحمدلله ماشي الحال
سعيد: انتي ولطوف نفس التخصص؟؟
فاطمه: هيه نعم
سعيد: بس مب وحده علمي والثانيه ادبي؟
فاطمه: دشينا تخصص مشترك..نظم معلومات جغرافيه
لطيفه: طبعا ما تصبر عني...
حمد: لا الله كلنا ما نصبر عنج...
لطيفه: شفتووووو ...وايه يعلني ما خلا منك يا بوسعيد
سلطان: لا اله الا الله من هالخقه...شوي شوي على عمرج
لطيفه: ليش شوي شوي...برايني اتخقق
سلطان: افا ..... تخققي تخققي يا بوي امبونه القررررررررررررررررررررررررررد في عين ابوه غزال
لطيفه: بويه تسمعه؟؟
حمد: ما عليج منه...و انته يوم في خاطرك شي جبل صوب عيوزك ...اتبزا عليها
سعيد:و انته سلطان شوه مسوي فالدراسه؟؟
سلطان: رقيص الحمدلله امتحانات نص السنه الاسبوع الياي
سعيد: و انته ماشالله الهوامه سادتنك
سلطان: تراه امتحانات نص السنه مب محسوبه..شله اكظ على عمريه
سعيد: يا بويه انته وراك شهاده..لا تم محسوب و مب محسوب
سلطان: كل شي اخر السنه
سعيد: بنشووف انزين شوه بتسوي
سلطان: ما عليه اما يبت هاذيج النسبه اللي تبيض الويه و بتعذورن عنها
حمد: اسميك بتبطي
سلطان و هو اينش مضيق: شوه يعني؟؟؟ ثور اتشووفني جدامك...
سعيد: يالله بالنجاح انته
سلطان: و الله ياييب نسبه عاليه
سعيد: كم يعني...50...60
سلطان: لا انشالله فووق
حمد: ماظنيه
سلطان: اووهوووو و الله انكم اتكسلوون بالواحد...ماعليه ان ما يبت فالسبعين
سعيد: سبعين مره وحده!!!!!!
عفرا: مب صعبه على بومييد
سعيد: ما عليه ان نجحت امرره هديتك عليه انا...لا تحاتي
سلطان: لا لا ..لأا ابغي هدايا ولا شي ابغي اعرس
عفرا: شوووووووووووو.....وابويه شياك ولديه سمالله عليك
سلطان : شوه اتشوفيني مستلبس؟؟؟ بغيت العرس لا هو عيب ولا هو حرام
سعيد: و مين بتصرف عليها الحرمه ان شالله
سلطان: بيحلها الف حلال...بشتغل بالثانويه
حمد: اسميك بتبطي اتدق الين ما تحصل على وظيفه
سلطان: فيك الخير انته بوسعيد بتيبلنا واسطه
حمد: و الله ما سمت ويهي جدام العرب و انته عندك الا ثنويه
سلطان: شوه عيل تبوني اكرف دراسه بعدني فالجامعه...حمدوا ربكم اني وصلت الثنويه
سعيد: دش الشرطه ولا الجيش....
سلطان: ما فيني عالكراف، ولا الشغل ما شي الا في بووظبي..وين بصبر عن حرمتيه
سعيد: حرمتك شلها وياك


سلطان: لا لا قلتلكم من اخلص بعرس....و الجيش والشرطه يبالهن سنين لين التخرج و انا ما فيني اتم ادوام في بوظبي و اعطن على حرمتيه الا اخر الاسبوع
سعيد: ما عليه انته دش التقنيه و درس سنه و نص انجاز و بيبلك انا واسطه و بشغلك اهنيه في مطار العين
سلطان: صار...بس اني املج على ضبابه
عفرا: وااابووووووويه...شوووووه؟؟؟
سلطان: هيه عشان اروم اظهرها ولا ارمسها فالتيلفون
حمد: ملجه قبل هاي مب من سنتنا يابويه ما شي ملجه الين قبل العرس بسبوووووع
سلطان: اووووهووو يالتعقيدات
سعيد: و انته منوه مانعنك عن لاترمسها ولا تشوووفها
سلطان: اشوووفها بس مب على راحتيه واقفيلي شرات الشيااطين
سعيد: ههههههههههههه...
عفرا: نش نش عن ريلي يالهيز....ربيناك و اخر عمرك اتقولنا شياطين...
سلطان: افااااااااا...زعلتي...هاتي راسج بحبه
عفرا: نششش عني بسير اشوووف عباس ما سقاهن النخل يباهن الهرم ايموووتن
سارت عفرا و اتواقعت مع عباااس كالمعتاد...
عباس: شووووووفي انتي زياااده مشكله انا و الله العزيم انا كل يوووم سوي اسقي ماي...بس هاذا ماماه لتيفه يقول مافي سوي ماي...انا ايقول عفرا بيسوي جنجال هيه ايقول لا
لطيفه: عنلاته الهرررررررررررررررررررررررم يتبلا عليه..انا قلتله لا تسقي الياسمين دوم عن لا يجتله... مالي خص فالنخل
سلطان: سمعووو البشكار انتو.... يزقر لطيفه ماماه و اميه مسولها طاااف يزقرها حاااف
حمد: امبووووونها الا هيه لطيفه اللي شاله البيت
سلطان: صخ عن لا تسمعك العيووووز و اتحشر الدنيا
خليفه: يا امايه عيب لا ترفعين حسج جيه جدام الطباخ ...صوت المرأه عوره....و هاذا انسان غريب
عفرا و هيه داخله: وااااابويه تباني اشوووفه يجتل النخيل جدامي و انا بسكت له....و انته شعندك الا امررره من رديت الا حرام و حرام
خليفه و هو ايهز راسه: الله يهديج
سلطان و هو يهمس لخليفه : ما عليك ما عليك انا اعرفلها زين
سلطان: امايه
عفرا: يا لبيه
سلطان: لبيتي حايه...بس اميه ما عليج امر لا تعلين صوتج على عباااس
عفرا: وابووويه لحقت اخووك انته
سلطان: لا لا امـــــــــــــــــــــــــــــــــــــــايه ...نبغي مصلحتج نحن....تراه و الله بيحطج في باله و بيسري عليج و بيقطعج شرات ما قطع هاذاك البتاني الرميثيه
عفرا:واعثرتيه.....ايبهي الهرم ثرني شوه مسويتبه؟؟؟
سلطان: اميه تراه البتاني يوم اتخبرووه عن الجريمه...قالهم هيه زياده قرقر...و تصارخ عليه...قال انا ما تحملت زغدتها من حلجها و قطعتها
عفرا: اهب هباه الله....غربلات عدوك يا سلطان الحينه ما ايسر ارمسه اخافه يسري عليه
سلطان: ههههههههه...امره لا ترمسينه شهر
عفرا: و الحلال؟؟؟؟
سلطان: طبيه الحلال ...الحياه غاليه..
عفرا: هيه نعم يا بويه الحياه غاليه....
سعيد: اميه تراني انا ورا باجر بسافر سنغافوره و عقبها اليابان شغل ...شي في خطركم؟؟
عفرا: لا سلامتك بويه...و هلك بويه ما بتيبهم اهنيه
سعيد: زين و الله ذكرتيني بسير اييب العيال باجر
عفرا: زين يا بويه تولهنا على حمده و العيال
سعيد: انا بييب العيال بس و امهم برايها عند اهلها
حمد: ليش يا بويه....شبلاك على حرمتك؟؟؟ شي مستوي بينكم؟؟؟
سعيد: بويه انا الحرمه طلقتها...و العيال بييبهم اهنيه عندكم
كل الانظار اتجهت صوب سعيد...صدمه!!!! استغراب!!! و استهجان!!!
حمد: شوووووه...شوه طلقتها يابويه؟؟؟شي مستوي بينكم؟؟
سعيد: اللي استوا استوا من زمان مب من اليوم ولا البارحه...
عفرا و هيه خانقتنها العبره: بس يا بويه هاذي حرمتك ام عيالك و ستر بيتك
حمد: و جان شي مستوي بينكم كل شي ينحل بالتفاهم...يا ولديه ما يصير سيده طلاق...انته قولنا شوه مسويه الحرمه شوه مشكلتكم و نحن ان شالله بنشوف لها حل....ترانا نحن والدينكم و اللي يصعب امبينكم بنحاول نحن فيه...
سعيد: لا تحاولون ولا الله قاله....
عفرا و هيه اتصيح: ليش يا بويه؟؟؟..الحرمه زينه و ما بدت زله منها مررره..الحرمه زينه فينا و زينه في عيالها و مب عووفه...ما قد شفنها منها الا الافعال الطيبه
حمد: عين خير يا بويه...و البنت بنت عرب و ناااس...ولا شفنا منها الا كل خير...و ام عيالك ردّها و خلها في بيتها محشومه و مستوره...
سعيد: خلاص الرمسه ما تفيد الحين..الحرمه أنا قنعان منها...و ماباها...و الطلاق طلقتها بالثلاث..ولا تعيدون و اتزيدون فالرمسه...انا ريال و شوري في راسي..و سمحولي بسير ورايه خط..
حمد و هو يصفق ايد بإيد: لااااحوووول ولا قووه الا بالله...شياه الولد؟؟ ما صدقناه يفج و ينسا بنت عمه...قلنا عرس و نسيها و ياب العيال و استقر....انا لله و انا اليه راجعون..شهالمصيبه اللي حلت علينا!!!!

و نش كل واحد ايشوووف اشغاله خاصه انه المغرب قرب ايأذن..الشبيبه كل واحد ركب سيارته ولان بها السوق ولا سار لدوامه...اما بويه و امايه ساروا الحجره شكلهم بيعيدون و بيزيدون في سالفت سعيد ...مب جنهم ايعرفون انه سعيد عنيد و شوره في راسه و مستحيل انه ايرد حمده... سرنا انا و فطيم نتمشا فالحووش..أريد هالضيقه اتخوز عن بالي...مادري منوه الغلطان؟؟؟ سعيد...ولا حمده...ولا القدر اللي حطهم في طريق بعض!!!
لطيفه: اقول فاطمه...
فاطمه: هلا ...
لطيفه: سمحيلي .....بس جني لاحظت انا من يلسنا الين ما نشينا و خليفه ما شل عينه عنج
فاطمه: شوووو!!!!!! لا لا الله يهديج تتوهمين انتي
لطيفه: ادري انه ما في داعي اني اقول هالكلام...بس و الله و الله في سماه انه كل ما ارفع عيني في عينه اصيده و هو ايطالعج...
فاطمه: انزين عادي شوه فيها يعني...تبينه يحط لزقه على عيونه عشان ما يشوفنا!!! بعدين تراج انتي يالسه عدالي اكيد بيشوف اخته
لطيفه: ادري ادري بس ...شوه اقولج...ما في داعي احط هالافكار في بالج..بس فاطمه...لو لو يعني لو خليفه بغاج بتوافقين؟؟؟
فاطمه:لطيفه شوه بلاج انتي اليوم؟؟؟ شلي هالاوهام من بالج...اخوج عمره ما بغاني ولا افتكر فيني..الحين يعني بيحس!!!
لطيفه: انزين انا قلت لو....بعدين انتي كبرتي و اكيد تغيرتي في نظره
فاطمه: لا
لطيفه: شوه اللي لا
فاطمه: لا اخوج ماباه....و النفس طابت منه..و اكيد الله بيعوضني
لطيفه: الله كريم...مالومج اذا قلتي تكرهينه
دشت سيارة البيت و نزلت منها عايشه متغشيه رغم انه كان ليل....زقرناها ما ردت علينا شلت اغراضها و ركضت داااخل...رحنا انشوف شوه فيها
لطيفه: امايه شفتي عايشه
عفرا: شفتها...ياغير يوم ارمسها ما ترد عليه...و متغشيه و شاله قشارها و ربعت داخل...سيرن شوفن خويتكن جان شي يعورها؟
لطيفه: ما عليه
فاطمه: برايها يمكن تبا ترتاح
لطيفه: لا مستحيل ليش ما ترد علينا اكيد عايشه فيها شي؟؟؟ ياربي من هالبنت انا متأكده انه وراها بلوووووه؟؟!!!!!!!

"""الجزء الحادي عشر"""

لطيفه: انسير انشوف شوه فيها..
فاطمه: لطيفه يمكن عايشه تعبانه خليها ترتاح و عقب صلاه العشا بنسير انشوف شوه فيها..
لطيفه: لا لا انا متأكده انها وراها مصيبه...قلبي ناغزني من زمان..عويش مب هيه الاوليه
فاطمه: شوه بيستوي الله يهديج..يمكن زفتت فالامتحان ولا حد قالها شي
لطيفه: بس انا قلبي مب مرتاح...فاطمه البنت اتغيرت استوت دووم اتصيح و دوم ساكته ما ترمس حد خلينا انسير شوه فيها..
فاطمه: يعني عويش من عرفناها عنطووزه و فيها ريحه خقه...و دوم عازله عمرها عن العرب..عنبوه اختج هاي مفروض تعرفينها اكثر عني....بس امري لله انسير انشوفها..
سارن لطيفه و فاطمه فوق عند عايشه، دقن الباب مره و مرتين وثلاث بس ما شي رد!! الباب كان مسكر بس مب مقفول زين..فجنه شوي شوي و دخلن داخل..
لطيفه: عايشه شي يعورج؟؟
ما شي رد...اتقربن منها، عايشه كانت راقده على الشبريه و متلحفه و....تصيح!!!!
لطيفه: عويش.....عويش شوووه فيج؟؟؟؟
ما شي رد..عايشه كانت اتصيح صياح غريب...صياح ايقطع القلب..صياح ما فيه شك انه اللي استوا شي مب هين..شي جايد...
لطيفه: عويش فديتج رووحج ترمسين؟؟؟ قوليلي شوه فيج؟؟؟شي ايعورج؟؟شي مستوي؟؟؟
زادت شهقات عايشه و الدموع اتغطي ويهها المحمر..دموع حاره..دموع حسره و قهر و ألم..
فاطمه: عووويش...حبوبه قوليلنا شوه فيج؟؟
عايشه و هي اتصيح: مم....م..ماااات....ماااات و خلاني بروّحي في هالدنيا...ليش ليش ايموت..لطوووف فد..فديتج قوليله ايرد والله و الله ما زعله..بس قوليله ايرد و الله و الله....
لطيفه: منوووه اللي ماااات؟؟؟ يالله يهالمصايب من وين ولا من وين تطلعلنا؟؟؟ عويش شووه مستوي منوه اللي ماااات...ارمسي حرام عليج قلبي وقف..
عايشه: الله يي...يسا...يسامحه...حرام عليه و الله حر..حرام
لطيفه: لاحووووووول..و بعدين يعني عويش ارمسي دخليج ترمسين...
فاطمه: لطووف شوي شوي على البنت..قومي قومي خليني اشوف شوه فيها..( قامت فاطمه و قعدت عدال عايشه على الشبريه)
فاطمه و هيه تمسح على راس عايشه و تمسح لها دموعها: عايشه قومي وشربي شوية ماي،قومي و قوليلنا شوه مستوي..بس ما شي اي ردت فعل من عايشه بالعكس انهارت اكثر و زادت دموعها و شهقاتها اللي تقطع الفواد..انتبهت فاطمه انه عايشه ماسكه بين ايديها جريده و لاويه عليها بقو و اتصيح..شلت فاطمه الجريده و جلبتها...
فاطمه: غريبه هاي جريده اليوم...شوه تباها؟؟؟ ليش جيه لاويه عليها؟؟!!
لطيفه: هاتي اشوووف لمحت تعازي فالصفحه الاخيره هاتي اشوووف ...
و كانت المفاجأه : " بقلوب مؤمنه بقضاء الله و قدره تنعى عائله السيد محمد بن...ال....، ابنها المأسووف على شبابه غانم محمد ال... الذي وافته المنيه مساء امس في حادث اليم و تقبل التعازي في منزل والده الكائن بمدينه أبوظبي منطقه... انا لله و انا اليه راجعون"
فاطمه: عويش...كنتي اتعرفينه اللي مات؟؟؟
هزت عايشه راسها بالايجاب..و بدت شهقاتها اتخف شوي شوي...
لطيفه: شوووووو...شوه يعني اتعرفينه؟؟ عويش الله يخليج لا يكون اللي في بالي..مب ناقصين مصايب نحن
فاطمه: لطووف اذا بتمين جيه طلعي برا الغرفه احسن...
لطيفه: شوه يعني تبين اشوووفها مسوده ويهها و اسكت...ياربي من وين ولا من وين
حطت فاطمه راس عايشه على ريولها و قعدت تمسح على شعر عايشه الين ما هدت شوي و شهقاتها بدت تخف..
فاطمه و بتردد: عايشه...كنتي اتعرفينه...كنتي اتحبينه؟؟
هزت راسها عايشه بالايجاب مره ثانيه و دموعها غاسله ويهها..دموع حسره و غصه و بخص
لطيفه: شفتي شفتي....قلتلج مسوده ويهها...
فاطمه: لطيفه و بعدين يعني؟؟؟
عايشه و هيه اتغطي عيونها بإيدها: برايها خليها اتقول اللي اتقوله...و الله اني استاهل...ليش يا ربي ليش...خذته عني؟؟ اللي احبه ماات تعرفين شوه يعني مااات...ما بشوووفه مره ثاااانيه...ولا بسمع صووته فهالدنيا ابد...مااات و دكوووه تحت الترااااب...ياووويلي يا ويع في قلبي..كيف برقد اليوووم على الشبريه و تغفي عيني و غانم اهناك اروووحه تحت التراااب...ياويلي ياويلي من هم ضواني...آآآآآآه يا قلبي ..بمووت يا لطيفه بمووت ...
فاطمه: عويش حبيبتي لا تقولين جيه...قولي قدر الله و ما شاء فعل..هاي الدنيا..هدي اعصابج و شربي شويه ماي....
شربت عايشه شويه ماي..و هدت ....بس دمووعها ما وقفت ثانيه..و شهقاتها مثل السيوف اللي تطعن القلب فاطمه: هاي الدنيا حد ساير و حد ياي...عويش ارمسي و قوليلنا ربج ايخف شي عليج..و اذا ما تبين ترمسين براحتج..هاذا شي يخصج..
عايشه: آآآآآآآه يا فاطمه....شوه تبيني اقولج...حبيته و الله عاقبني على هالشي و شله عني في غمضت عين..راح يا فطيم...ناظر عيوني فارق الدنيا..خلاص لا له حس ولا نصخ في هالدنيا..لا يسمعني ولا اسمعه..سار و خلاني بروحي..ليته حي ليته يمشي على هالارض ولا يكون تحتها و هو في شبابه..آآآه الله ياخذها من حياة عقبك يا غا...غانم..و ردت عايشه اتصيح بكل الالم اللي في قلبها و روحها
فاطمه: فديتج يا عويش لا تقولين جيه...قولي الله يغفرله..لا تقطعين قلوبنا...
لطيفه: بس عويش بس الله يخليج...انتي شقايل عرفتيه؟؟
مرت نص ساعه قبل لا تهدا عايشه و توقف دموعها..عايشه: كن..كنا..مره متأخرين فالكليه انا و عليا و عبير اللبنانيه عش..عشان بروجيكت..رحنا انا و عبير نييب كووفي و يوم ردينا..لقينا عليا داشه الجات و محتشره..
(( عبير: ولِهِ عليا يالله خلينا انشوووف البروجيكت
عليا: اوكي اوكي صبري دقيقه خليني اشووف شغلي فيهم هاذيلا اللي ما يستحون ولا يخيلون..عنلاتهم من دشيت و هم مستلميني
عبير: لا يكون هم اللي امبارح عمالين يسبوا فينا
عليا: الا هم المقاليع...عبيرووه دشي دشي الله يخليج.
عبير: خليني اشوووف اليوم شوه بدهم يئولو...و الله لا اشرشحهوون..ولِهِ عواشي دشي شوي آزرينا
عايشه: اتخسن ....انا انزل مستوايه و ادش جات!!!!
عبير: تعي تعي عواشي تعي شوفي هايدا الزير عم بيسبني فالعام و عم بيغازل فالرسائل الخاصه!!! شوه عجيب هالزلمه!!
عايشه: اشوف اشوف..ههههههههههه
عبير: شوه عم بيئول ما عم بفهم...هيك عم بيئول شي محلي..تعي عواشي اوليلي شوه عم بيئول
عايشه:هههههههههه... يالس ايقوولج شعر بالبدوي...قوليله قوليله: احبك زود عما الناس حبت و حبي لك يا غناتي عباده.. احبك عدد ما الحجاج لبت.. و احبك عدد الرمل و زياده
عبير: بليز عواشي دشي...شوفي شغلك فيهن..و الله عم بيئهروني...
عايشه: مستحيل
عبير: طب ليش..دشي و راح نعمل شلّه...بليزاول و اخر مره..و ما في حد راح يعرف مين انتي
عايشه: ما فيني
عليا: بليز عواشي انتي تعرفيلهم دشي شوي بس شوي....انتي ما تنغلبين في المصطلحات البدويه..دشي
عايشه: ما عليه...انتن شوه نكاتكن؟
عليا: انا " ملكه جمال الخسفات"
عبير: و انا " احلا عبده" و انتي شوه بدك تختاري؟؟
عايشه:غربلات عدوج يا عبيروه مسميه عمرج هالاسم و انتي غاديه غندووره والله لو يشووفوونج انج ما تتفججين منهم.... يالله انا " جب ماحد له خص فيني "
عليا: يالله تراهم هاذيلا هم الشله الفاسده :الزير و الغاوي و راعي العزبه و قانص الغيد و المياس..عندج اياهم))
عايشه: دشيت...ما كنت حاطه شي في بالي..ولا لي نيه خبيثه..قلت بدش عشان خاطر عليا و عبير..و منيه بنخطف الوقت الين ما تيي السياره..و صدق كانت اول و اخر مره ادش فيها الجات
فاطمه: و....و منوه منهم اللي اللي توفا؟؟
عايشه و دمعه تنزل من عينها: غانم كان اسمه قانص الغيد...
فاطمه: كيف عرفتيه؟
عايشه: ما شي اول ما دشيت كان السب عالاخير..بس من دشيت انا..مادري عرفت اسكتهم و اوقفهم عند حدهم رغم اني ما سبيت ولا شي..اول ما دشيت غا..غانم كان ايسب بس من بديت ارمس صخ و انا مادري انه يلس ايراقبني شوه اقول...عقب دش على الرسائل الخاصه
(( قانص الغيد: اقوووول جب...شوه هالنك...حتا ما اعرف كيف ازقرج....ممكن؟؟
جب ماحد له خص فيني: لا الخاص اللذي طلبته مغلق او خارج نطاق الخدمه..بليز اجلب ويهك
قانص الغيد: هههههههههه...انزين دقيقه بس...دقيقه اوكي..لا تعصبين...انا...اباج
جب ماحد له خص فيني: شوووه..عنلاتك
قانص الغيد: هههههههه...قصدي اباج في كلمة راس
جب ماحد له خص فيني: شوه تبا يالله قول و خلصني
قانص الغيد: شوفي يا بنت الناس...انا من الصبح اراقبج..و ايبين عليج انج بنت عرب و قبايل من رمستج..احسلج اظهري من الجات دامنها هاي اول مره لج..
جب ماحد له خص فيني: جب انته ما لك خص فيني
قانص الغيد:ما عليه...بنعديها..اهم شي يالله الحينه ظهري من الجات بسرعه...
جب ماحد له خص فيني: لا و الله الجات جات ابوك؟؟
قانص الغيد: لا حووووول...شوفي لا يغرج انه ربعي الحين محترمين حالهم عقب شوي بيجلبون و بيسبون فاظهري احسن عن لا تشوفين الي ما يسرج...و بعدين ماباهم ايرقموونج
جب ماحد له خص فيني: فارج فارج..
قانص الغيد: ما عليه بفارج بس انتي قبلي يالله بسرعه...ما بيلس اترياج وايد ))
عايشه: و بالفعل ظهرت سيده...مادري مب خوف...بس مادري يمكن شعور بالفرح لانه ما بغا حد يرقمني!!
فاطمه: و بعدين كيف حصلج؟؟
عايشه: ما شي مره كنت داشه الماسنجر ولقيته ضايفني بس انا ما انتبهت و سويتله ادد
لطيفه: سبحان الله !!!!
عايشه: و الله و ربي في سماه..انتن اتعرفن انه الام اس ان مالي فيه اكثر عن خمسين بنت كيف بميز يعني اذا كان بنت ولا ولد...ضفته من دون لا اشوفه
فاطمه: و بعدين عطول كلمج؟؟
عايشه:لا...تصدقين من ضفته كملنا شهر انا اشوفه اون و هو ايشوفني اون بس ما انتبهت ولا كلمته..الين ذاك اليوم...يوم دش و انتبهت ان الايميل غريب
(( روّح وراحت روحي( غانم) :و عليكم السلام.. احيد السلام ببلاش مب بفلوس...
روحي تحبك(عايشه): ما ظني سلمت....بعدين منوه معايه
روّح وراحت روحي: جب انتي مالج خص فيني
روحي تحبك: شوف جدامك ثلاث ثواني يا اتقول منوه انته يا بلوك و دليت
روّح وراحت روحي: انزين عادي بيلس اضيفج الين ما تلوع جبدج...ولا بهكر على جهازج))
عايشه: ماشي طلعت من الماسنجر و سكرت في ويهه..و ما دشيت تقريبا اسبوعين...
فاطمه: و هو شوه سوا؟؟
عايشه و بإبتسامة حزن: طرشلي ايميل" السلام عليكم...دشي الام اسن بسرعه..حسبي الله عليج لج وحشه"
فاطمه: دشيتي؟؟
عايشه: لا ...بس هو تم كل يوم ايطرشلي اغاني و شلات...عقبها طرشلته ايميل لاني ما تحملت الوضع" سلام...يا تقول منوه انته يا بخبر عليك اخويه اللي يشتغل في جهاز الامن...باي"
فاطمه: و الله؟؟!!! و هو شوه سوا؟؟؟
عايشه: ولا شي بس رد عليه بايميل" سلام...يون بخبر جهاز الامن..ماماتي اليهال ما يهددون..انا جهاز الامن بكبره عندي...لا تنسين المرضعه قبل لا ترقدين..باي"..يوم قال جذي تحاشيت الماسنجر بكبره..و في مره من المرات دشيت الساعه ثنتين فليل بغيت افضي الايميل من ايميلات ربيعاتي عن لا يهكر عليهن بعد..سبحان الله جنه متيّم اول ما دشيت دش...و هالمره كان حاط نفس النك اللي فالجات فعرفته
(( قانص الغيد: اليهال شوه ايسون واعين الين الحين؟؟
روحي تحبك: انته؟؟
قانص الغيد: هيه انا...بسم الله لا يكون شايفه يني
روحي تحبك: بعدك حي؟؟
قانص الغيد: اهبي حد يتفاول على روحه بالموت؟
روحي تحبك: شووووه..روحه؟؟!!!!
قانص الغيد: هيه روحج ولا عندج شك..وينج انتي يالسباله امرره مالج شوف؟ عايشه مب عايشه مستانسه ولا لا ؟؟؟))
عايشه: هنيه انا خفت..تحريته عرف اسمي...بس عقب اكتشفت انه كان يسأل عن حالي..فحبيت اغير الموضوع


((روحي تحبك: الحمدلله..بخير و سهاله...الا في واحد دمه ثقيل مأذني ( فيس يغمز)
قاص الغيد: عنلاته السبال...و شوه يبا منج؟؟
روحي تحبك: و انا شدراني...ما عرفت شوه اسويبه...من زمان اقوله فارج بس مب فايد فيه
قانص الغيد: اهااااا...انزين حليله يمكن يحبج..محد يدري يمكن منيه مناك دوري في قليبه انتي ( فيس شيطان)
روحي تحبك: ههههههههه..حشا يهالحب جاااهز عندهم الشباب في مخابيهم...اصلا الشباب كلهم جذابين ما شفت واحد في حياتي ايحب من خاطره ( فيس معصب)
قانص الغيد: لا و الله عيل من وين يحبون الشباب من ريولهم يعني؟؟؟
روحي تحبك: انزين بسم الله شوي شوي على عمرك لا تعصب
قانص الغيد: هههههههههههه......احلا شي في الدنيا انك تلقى ناس تستهم عليك يوم اتعصب( فيس يغمز)
روحي تحبك: شوووف اخويه....انته من وين يبته ايميلي الله يخليك قولي..فديت رووحك اتقولي..و بعدين انته شوه تبا مني يعني..الله يخليك فكني و خلني في حالي..بليز احذفني و انا بحذفك
قانص الغيد: آآآآآآآآآه....يا بلا بوووك يا عقاب
روحي تحبك: شوه بلاك
قانص الغيد: عيديها ...دخيلج اتعيدينها
روحي تحبك: شوه هيه؟؟؟ قلتلك احذفني
قانص الغيد: لا لا اللي قبلها...حسبي الله عليج تلعبيبي لعبه
روحي تحبك:اووووه غلطه مطبعيه.. المهم اخويه خلني في حالي و الله انا ورايه رياييل لو يدرون اني ارمس ريال بيقطعوني تقطيع))
عايشه: و الله و الله اني من كثر ما اندمجت زلت مني هالكلمه..مادري هل كانت زله لسان ولا زلة ايدي باللي في قلبي
لطيفه: ما قالج من وين ياب الايميل؟؟
عايشه: قالي انه ضغط علي عبير و هددها الين ما عطته ايميلي
لطيفه: عنلاتها ما فيها امان هاي..
عايشه: لا لا لا ...غير انه هددها..قص عليها و قالها اني انا عطيته الايميل بس هو نساه..و هي صدقت
فاطمه: و بعدين شوه استوا؟؟
عايشه: من عقب كلامي ما دش الام اس ان ابد...بس كان كل يوم ايطرشلي رساله ولا اغنيه..مادري كنت كل يوم اتريا رسالته بفارغ الصبر..تعلقت به و انا مادري..حسيت اني اذا ما شفت رسالته في يوم بمووت..مادريت اني بديت احبه ولو بكم كلمه اللي ايقولي اياها كل يوم..
فاطمه: و بعدين؟؟؟ ما صار شي؟؟
عايشه: لا...اختفى شهرين تقريبا..من دون لا يقول اي شي..اختفى ولا دريتبه حي ولا ميت..صاحي ولا مريض..حسيت بعمري بيـــّن بتخبل..منيه قلت احسن هاذا الشي لمصلحتيه..و منيه الشوق ماكللي فوادي و الخوف عليه خلاني ما حس بعمري..عشت شرات الهايمه علا هالارض جسد بلا روح
فاطمه: لهدرجه؟؟؟ انزين هو وين كان...
عايشه: و اكثر بعد...مره كنت فالكلاس و دش
(( روّح وراحت روحي: صباح الخيرات...ِ شوه عاملين اليوم؟؟
بوظبي تسأل عن اطيافك: بسم الله انته من وين طلعتليه؟؟؟ بعدين انا فالكلاس الحين لاتأذيني
روّح وراحت روحي: عيل و الله ياظهرلج قروون في راسج))
عايشه و بابتسامه حزن و قهر: و تم كل شوي ايوقف الجهاز عليه..الين مامر السير عدالي وشافني على الماسنجر و طردني من الكلاس...طلعت و دشيت من كلاس ثاني
(( روّح وراحت روحي: جيه الناس تطلع من دون لا تستأذن
بوظبي تسأل عن اطيافك : كله من بصايرك الشيخ..طردني السير من الكلاس...استانست عااااد
روّح وراحت روحي سمايلي فيس) اتصدقين على الاخير...لاني اباج اتجابليني انا ارووووحي..ولا تقولين شيخ ماحد شيخ غير بوخليفه
روّح وراحت روحي: ليش سكتي؟؟؟ تبيني اطلع؟؟ بعدين شوه هالنك هاذا؟؟
بوظبي تسأل عن اطيافك: شوه فيه...اصلا هاي اغنيه راشد الماجد؟؟
روّح وراحت روحي: لمنوه حاطتنه ان اشالله ؟؟؟!!!! يالله قولي
بوظبي تسأل عن اطيافك: حق ناس غالين على قلبي..
روّح وراحت روحي: لا و الله.....وايد عايشه الدور انتي...يالله يالله غيريه...و بعدين ايكون في علمج محد غالي في قلبج غيري انا...يالله بسرعه اشوووفج غيريه..
روحي تحبك: اشوفك وايد متعنطز..شوي شوي على عمرك من الخقه...و بعدين انته ما يخصك باللي احطه..))
عايشه: عصب يوم قلتله جذيه..و طلع و سكر الام اس ان من دون لا يقول حتى باي...هاذيج الساعه حسيت انه قلبي وقف...ما صدقت على الله انه ايدش و اشوفه مره ثانيه..قمت و خربت كل شي..لعنت عمري الف مره هاذيج الساعه..و انا متأكده الف مره انه كلامه صح لانه ما كان حد غالي في قلبي غيره..اول من دش قلبي..و اول من قاله قلبي احبك..
فاطمه: ما رجع مره ثانيه؟؟
عايشه: رد...في نفس اليوم عقب ربع ساعه..بس هالمره كان مغير النك
(( بوظبي تسأل عن اطيافك: وين سرت انته؟؟
الروّح دايم الى المحبوب مشتاقه: و انتي شوه ايخصج؟؟
بوظبي تسأل عن اطيافك: اهااااا...اوكي انزين..يالله فداعت الله
الروّح دايم الى المحبوب مشتاقه: وين وين ...ايه صبري شوي..مب اتقولين السير طردج من الكلاس
بوظبي تسأل عن اطيافك: هيه
الروّح دايم الى المحبوب مشتاقه: عيل يلسي شوي...رديت عشانج
بوظبي تسأل عن اطيافك: اقول
الروّح دايم الى المحبوب مشتاقه: اتخبري...
بوظبي تسأل عن اطيافك: وين اختفيت انته..
الروّح دايم الى المحبوب مشتاقه: متا الشهرين اللي خطفن؟؟
بوظبي تسأل عن اطيافك: يب
الروّح دايم الى المحبوب مشتاقه: سافرنا ميونخ انا و الربع...يالله من حلات الجو ما بغينا انرد
بوظبي تسأل عن اطيافك: انزين الناس يوم اتسافر ايقولون ايوادعون مب مررره اتسير جيه
الروّح دايم الى المحبوب مشتاقه: ليش استهميتي عليه؟؟؟
بوظبي تسأل عن اطيافك: ايقولون..اقولك..ليش كل نكاتك فيهن كلمه روح؟؟..
الروّح دايم الى المحبوب مشتاقه: مادري بس جيه...يمكن لاني احس انه روحي ما بتطول وايد
بوظبي تسأل عن اطيافك:لا تقول جيه مره ثانيه...دخيلك))
لطيفه: مستحيل انه ما قال انه يبا ايرمسج فالموبايل..
عايشه: مب الموبايل بس...الا بغى ايشوفني..بس انا ما طعت..
لطيفه: و عادي عنده؟؟
عايشه: اكيد لا ..كل الشباب من يتمجنون فالماسنجر ايزنون على الموبايل...بس انا رفضت و اتزاعلنا وايد بسبت هالشي...قطعنا بعض ثلاث شهور..عدن عليه بصعوبه...عشتهن جني عايشه في جهنم الحمرا..عرفت اني اللي امر فيه من عذاب يزاتي لاني خنت ثقت اهليه فيني..و اللي ياني هين بالنسبه للي يستوي للبنات..بس و الله اني حبيته و الله يشهد لا حبيته حب زيف و خداع حبيته من خاطر صدوق
فاطمه: و بعدين...كيف قدرتي تتحملين لو انا ما اقدر اتحمل وبرد
عايشه: انزين ردينا لبعض بالصدفه..و اتفقنا انه مايرد ايرمسني في هالموضوع مره ثانيه...عدت الايام الين مره حسيت انه خلاص ناوي على الفراق و عزت نفسي منعتني من اني اترجاه انه ما يخليني رغم انه قلبي كان يتقطع قطعه قطعه...
((روحي تحبك: غانم بتسير بوظبي اليوم..
روّح وراحت روحي : لا هالويكند ما بسير يوم السبت عندي ميد تيرم بيلس اهنيه عند يدتيه فالعين عن لا اسير بوظبي عند الاهل و التهي عن الدراسه و ارسب..
روحي تحبك: كم باقلك انته؟
روّح وراحت روحي: الكورس الياي و بفتك ان شالله ..
روحي تحبك: شوه اتخصصت انته؟
روّح وراحت روحي: علوم سياسيه
روحي تحبك: زين و الله..اقول غانم ..شي في خاطرك بظهر انا
روّح وراحت روحي: وين وين..ما كملتي ربع ساعه من دشيتي
روحي تحبك: بسير اشتري حق العيد اغراض ناقصتني..
روّح وراحت روحي: وين بتسيرين بالضبط
روحي تحبك: بسير العين مول بسرعه و برد...ساعه بالكثير وبرد لا تطلع
روّح وراحت روحي: العين مول و الخميس فليل؟؟ ما شي سيره...
روحي تحبك: غانم بسير اشتري نعول حق العيد
روّح وراحت روحي : قلتلج لا يعني لا...شوه المول متروس شباب و ما با حد يتعرضلج
روحي تحبك: بسير اشتري نعلان و برد
روّح وراحت روحي: مب لازم
روحي تحبك: شوه تباني اعيد بزنوووبه؟؟!!!!!
روّح وراحت روحي: روحي... قلتلج لا يعني لا ...
روحي تحبك: خلاص انزين بخلي اختيه تيبلي
روّح وراحت روحي: ايكون احسن ..انزين روحي انا بظهر الحين..بسير الحلاق و بسير اييب ثيابي من الخياط..اقول انا في ايام العيد ما بدش الماسنجر فلا تستهمين عليه..لاني بكون مشغول ولا بلقى فرصه ايلس على الكمبيوتر..لا تحاتين متا ما لقيت فرصه بطرشلج ايميل..
روحي تحبك: انزين العيد بعده اسبوع من الحين بتقطعني؟؟
الروّح دايم الي المحبوب مشتاقه: هالايام مشغول انا شوي...سمحيلي
روحي تحبك:برايك الله يحفظك
الروّح دايم الي المحبوب مشتاقه: شوه زعلتي؟؟؟
روحي تحبك: و ليش ازعل لي ما يبانا ما نباه
الروّح دايم الي المحبوب مشتاقه: لا حوووووول....اقولج انا الحين مستعيل ما ريد اسير و انتي زعلانه
روحي تحبك: ليش ايهمك زعليه؟؟؟

الروّح دايم الي المحبوب مشتاقه: ااااااه....ما تتخيلين لاي درجه...المهم يالله شي في خاطرج؟
روحي تحبك: لاسلامتك))
فاطمه: و بعدين
عايشه: ولا شي قبل العيد بيومين لقيت ايميل من عنده" سلام.. روحي شحالج؟ اقول سيري محل جناين حفيت اللي فالمويجعي..و خذي الاغراض اللي باسم غانم ال....، اذا ما خذتيهن تراني لا اعرفج ولا تعرفيني..و مبارك من عيدج مقدما..باي"
عايشه: عرفت انه يبا ينهي كل شي ويبا يعودني على الفراق..احترمت قراره وا بتعدت بكل هدوء..لانه من عقبها لا طرش ايميل ولا شي
فاطمه: وشوه الاغراض اللي مطرشنهن
عايشه: بوكس من بلو مارين فيه نعلان و قمصان و اغراض ثانيه ..البوكس مثل ما هو فالكبت مااستخدمت اي شي..
فاطمه: انزين و انتي شوه سويتي
عايشه: تلومت منه..حبيت ارد له الهديه..ادري انها غلطه...بس مب ندمانه عليها..كانت ليلة العيد..ما عرفت شوه اخذله فيها خاصه انه الريال اتكون اغراضه محدوده..طرشت عبير تاخذله من باشوتي لبستين..اتخيلي ما عرف قياسه سرت و خذت قياس نعال سعيد اخويه و قلتلها تاخذله نفس الشي..و طرشتها تاخذله عطورات من باريس قاليري...و حطيناله اياهن في نفس المحل..و طرشتله ايميل" سلام..غانم لك اغراض في نفس المحل بسمك...و رفجه انك تاخذهن لا تردلي اخر طلب لي عندك..فداعت الله"
فاطمه: و عقب؟؟
عايشه: ولا شي..انفصالنا كان شكلي..يعني كنا انتواصل بالايميلات بس..حتا كلامنا فالايميل كان رسمي وايد
فاطمه: و انتهى الوضع جيه؟؟؟ بس حسيت انه يحبج.. معقوله ما سوا شي!!!.... ما تصرف؟؟؟
عايشه: ردينا لبعض بالتدريج بالماسنجر..ألين ما سرنا العمره..احتشر..يون لازم ارمسج فالموبايل..قلتله و فهمته...بس يون ما بيرمسني الا فالعمره..و من ارد بنرد للماسنجر..لانه اسبوعين وايد انه ما يشوفني فيهن..حاولت وياه منيه مناك بس ما شي فايده...غانم كان عنيد وايد...و اللي يحطه في باله ايسويه..
لطيفه: و كيف انتهى الوضع؟؟
عايشه: ولا شي..اصر اني ارمسه و انا قلتله صوتي ما بتسمعه..كفايه اني اشوفك فالماسنجر..قالي يا اني ارمسه فالتيلفون ولا اني مابشوووفه مره ثانيه ولا احلم اني ارمسه مره غير....
فاطمه: و رمستيه؟؟؟!!!!!
عايشه: لا....اذا انا غلطت غلطه فما في داعي اتبعها بغلطه اكبر...
فاطمه: اي حب هاذا اللي بيعيش بين فراق و لمه فراق و لمه؟؟!!!!
عايشه: انا حطيت في بالي انه كل شي انتها..بس بعد ما رديت من العمره لقيت غانم مره ثانيه و كلمني عادي فالام اس ان...اتخيلت انه بيقطعني ولا خلاص انه كل شي انتها..بس كل شي رد مثل ما كان..بس اسلوبه كان جاف شوي..استوا ما يسولف ولا شي..يدوب ايدش ايسلم و يسألني عن احوالي و يطلع..عرفت انه حاط في خاطره بس كنت متأكده انه قراري هو اللي كان صح...
لطيفه و هي اتجلب الجريده و بشهقه قويه: عووووووويش....هالاسم مألووووف...محمد بن...ال....، مب هاذا اللي ماسك منصب كبير فالشرطه؟؟؟
هزت راسها عايشه بالايجاب
لطيفه و هي تهز راسها بعجب و صدمه: مب.....مب هم نفسهم اللي ...اللي خطبوا عندنا؟؟؟!!!! اللي بغوج لكن سعيد ما وافق
عايشه و دموع حاااااره تغسل ويهها: هيه هم.....
فاطمه: يالله يعني يا و خطبج؟؟!!!!! كيف عرف منوه انتي و بنت بمنوه اكيد انتي ما قلتيله..!!!!!!
عايشه: لا ما قلتله بس الشباب ما يغلبهم شي..غانم شاطر فالكمبيوتر و هكر..ما بيغلبه انه يسأل عن تحويله النت بأسم منوه .!!!! ولا حتا بيوصي حد ايبله الرقم مال الخط من اتصالات
فاطمه:انزين كيف خطب اهنيه !!!!!....شوه هو ما لمحلج...
عايشه: لمح بس انا ما فهمتها
((الروّح دايم الي المحبوب مشتاقه: اقول روحي؟؟
روحي تحبك: هلا
الروّح دايم الي المحبوب مشتاقه: انتي مب مخطوووبه؟؟
روحي تحبك: رسمي لا...
الروّح دايم الي المحبوب مشتاقه: شوه يعني رسمي...ما رسمي.. انخطبتي ولا لا
روحي تحبك: قبل كنت محيره حق ولد عمي بس ما ستوا نصيب
الروّح دايم الي المحبوب مشتاقه: ليش؟؟
روحي تحبك: ما شي اخويه كان يبا بنت عمي اخت اللي محيرني بس استوت ظروف و انفصلت العايلتين عن بعض..و دام اخويه ما خذ بنت عمي.... ولد عمي اكيد ما بياخذني
الروّح دايم الي المحبوب مشتاقه: هيه بس الحين انتي مب مخطوبه
روحي تحبك: قلتلك رسمي لا...لانه واحد من ربع اخويه اللي يشتغل وياه فبوظبي رامس عليه انه يباني
الروّح دايم الي المحبوب مشتاقه: منوه هاذا بعد؟؟؟
روحي تحبك: واحد محيربي من هل بوظبي
الروّح دايم الي المحبوب مشتاقه: بس ما خطبج؟؟
روحي تحبك: علّيه حِـــيَرَ...بس خطوبه لا
الروّح دايم الي المحبوب مشتاقه: احسن يالله يعلج ما تعرسين قبلي...يالعيوووز....
روحي تحبك: بسم الله فال الله ولا فالك..
الروّح دايم الي المحبوب مشتاقه: بسم الله يالبنات من حد ايبلهن طاري العرس تواكلن...خلاص خلاص انزين انا بتعطف عليج و بخطبج..يالله الخميس الياي عشانا عندكم
روحي تحبك: امررره فالك طيب...بنعقر الجعدان...بس عليها كشميروووه يوم بتضويك..
الروّح دايم الي المحبوب مشتاقه: وايه فقدتج ...منوه كشميروه هاي بعد
روحي تحبك: بشكارتنا...
الروّح دايم الي المحبوب مشتاقه: اتخسين..ما عليه ما عليه..اما يوزتج عبدالرحمن دريولنا بلوووشي كبر الدرام بيعفصج عفاص...امبوونه من زمان مشترط يبا وحده عانس
روحي تحبك: عانس في عينك..انا توني الا 22 سنه..و قلتلك مخطووبه..ما بترياك انته الين ما تتمنن عليه بدريولكم
الروح دايم الى المحبوب مشتاقه: اوكي يوم هاي رمستج...يالله ..انا بطلع باي))
فاطمه: و طبعا اخطبوا عندكم بس لقوج محيره حق فري المحيربي..شوه سوا غانم بعدها؟؟
عايشه: ما شي كان انفصال نهائي بينا..ما شفته عقبها ابد..ولا سمعت عنه اي شي..لا خبر لا ايميل ولا اي شي...عدن خمس شهور من بعدها...ألين ما كان البارحه...( و تغمض عايشه عيونها بقو...و تصيح صياح كله الم و لوعه...صياح المتعذب...صياح لا شك فيه انه الحب اللي في خاطرها حب صافي و حقيقي)
فاطمه و هيه خانقتنها العبره: يعني ما شفتيه قبل لا يتوفا...ما رمستيه؟؟؟
هزت عايشه راسها و هيه تمسح دموعها: الب...الباا...البااااارحه شفته على الم اس ان..كلمته و ليتني ما كلمته...اااااه يا فاطمه ما نسااااها كلماته...ولا بنسا صوووته...ياووويلي بمووت دخليكم ابا انساه...شلووه من قلبي ....فديت روووحه
(( روّح و راحت روحي: غريبه على النت اليوم؟؟؟ شحالج رووحي؟؟
روحي تحبك: بخير و من صوبك؟
روّح و راحت روحي: ايسرج الحال...شحال الاهل ..
روحي تحبك: بخير ايسرك حالهم
عقب فتره صمت
روّح و راحت روحي: اتصدقين عاد؟؟
روحي تحبك: هلا
روّح و راحت روحي: كنت داش احذف ايميلج....ابا احذفج من حياتي كلها
روحي تحبك: اها...شو تتريا الين الحين ما حذفتني...ولا اقولك عطني الباسورد و انا بحذف نفسي بنفسي
روّح و راحت روحي: ماله داااعي هالكلام...و انتي تعرفين غلاج في قلبي
روحي تحبك: غانم الغالي ما في داعي له هالكلام...اعتقد انه علاقتنا خلاص انتهت
روّح و راحت روحي: وشوه تبيني اسوي اكثر عن اللي سويته..هلج و ردونا...ما يسدج اني بغيتج من خاطريه
روحي تحبك: لا تزيد المواجع..
روّح و راحت روحي: ااااااه...خلي كل شي على الله...اتصدقين اول مره اتقوليلي الغالي...
روحي تحبك:غانم شوه بلاك اليوم انته مررره مب طبيعي...شي يعورك ؟؟ شي مضايقنك؟؟
روّح و راحت روحي: مادري حااس بضيقه في صدري...و متملل مادري شوه يايني
روحي تحبك: صليت العصر؟؟
روّح و راحت روحي: الا صليت و قريت قران بس مادري شوه اللي حالبي من اصبحت اليوم
روحي تحبك: بسم الله عليك...
روّح و راحت روحي: بس...هاذا اللي قدرتي عليه...قولي على الاقل حبيبي ...روحي اي شي..
روحي تحبك: و شوه بيفيد هاذا كله...الا بيعذبني و بيعذبك
روّح و راحت روحي: هيه و الله..بس خاطريه اتقولينها....يوم انا وصلنا اخر الدرب.. قوليها و انا متأكد انها من خاطرج..قوليها و ريحيني من هم فيني معذبني...الحين من متا نحن انعرف بعض؟
روحي تحبك:من سنه و اربعة شهور...
روّح و راحت روحي: اسميني ما بنساهن هالشهور...بغيت انساج بس ما رمت..حشا بتخبرج شوه فيج زود عن البنات؟؟!!
روحي تحبك: اللي في قلبي من صوبك..ما ظني يعرفه قلب بنت غيري ...
روّح و راحت روحي: اقووول روحي....عندج مايك؟
روحي تحبك: هيه ليش؟؟
روّح و راحت روحي: اقولج ركبيه..
روحي تحبك: شوووووه....غانم الله يخليك خله هاليوم يعدي على خير ما فينا نتزاعل و انته ارووحك متضايق
روّح و راحت روحي: انزين اوكي ركبيه انا بتكلم وانتي لا تتكلمين...يالله بسرعه عشان الحق ارد العين اليوم...
روحي تحبك: بتداوم باجر؟؟
روّح و راحت روحي: هيه باجر عندنا اخر امتحان فاينل...
روحي تحبك: اها...
روّح و راحت روحي: يالله بسرعه لا تغيرين الموضوع ...ركبي المايك....قلنالج ما نباج ترمسين بس شغليه ابا ارمسج
روحي تحبك: اوكي...دقيقه بس
روّح و راحت روحي: ما عليه بطرشلج هالفايل شوفيه الين ما تركبين المايك...اسميه طماشه( كان فايل فيديو ايضحك)
روّح و احت روحي( غانم بالمايك): احم احم....غانم بن محمد ال....، اربع و عشرين سنه..جامعه الامارات..علوم سياسيه... ممكن نتعرف..
روحي تحبك( عايشه تطبع بالمسانجر): بسم الله بسم الله من صووتك..حشا ما توقعته جيه..
روّح و راحت روحي: بسم الله ردي الشهاده لا تنضليني...عيل شوه تبيني شرات هاذيلا الطفوس اللي يتليغنون..
روحي تحبك: اقولج سمعي صوتي و قوليلي رايج...كح كح: روّح و راحت روحي تتبع موطاه ثراه..تسأل عنه و تنوحي ما حد ياب اخباره
روحي تحبك:صوتك حليو...بس بليز لا تنزل شريط اخاف عيال اخويه يسمعوونك ما يباتون الليل ( فيس يغمز)
روّح وراحت روحي: فديت صوووت الصبيعات اللي يطبعن
روحي تحبك: ههههههههه...بس الغزل ممنوع
روّح و راحت روحي: يالله عاد ارمسي شوي شوه بيستوي عليج...اهون عليج من الصبح ارمس عمريه..انزين قولي شحالك بس
روحي تحبك: No Way
روّح و راحت روحي: خلاااص انزين ذليتينا....اقووول شغلي الفايل....( و كان الفايل صدق ايفطس من الضحك)
روحي تحبك: حشا شوه ايسووون هاذيلا ...
روّح و راحت روحي: شوفي المفلع انتي الله ياخذ الخبال..ههههههه..شوفي شوفي كيف بيطيح على ربيعه....ههههههههه
روحي تحبك: ههههههههههههههههههههههه
روّح و راحت روحي:هههههههههههه..الله الله ياخذهم..ههههههههههه...ههههههههههههههه( اول شي غانم كان يضحك ضحك عادي بس بعدين ضحك هستيري فيه لوعه و قهر و الم)
روحي تحبك:ههههههههه( عايشه و بالغلط ضحكت و طلع صوتها فالمايك....صخ غانم): اووووووبس
روّح و راحت روحي: يالله فديت هالحس...عديها دخيلج اتعيدينها
روحي تحبك ( طباعه): تحلم انا اصلا خلاص مكعت(طفيت) المايك... احسن ونس عمرك بروووحك
روّح و راحت روحي: اهون عليج؟؟
روحي تحبك: خافي الوجدان يخفق باسم خلي..و روحي الولهى من فراقه حزينه..حب صادق حب قلبي مب تسلي..ضامي لحبك و يرويني حنينه



روّح و راحت روحي:ودي بكلمه يا حبيبي..قلها و قلبي لك يجيبي.. يا جارح قلبي بحبك.. ليتك في هالدينا نصيبي
روحي تحبك:اربع حروف و ايزيد حبي.. اربع حروف و ايفز قلبي..انته الغلا ميزك ربي..قلبي انا منك صويبي
روّح و راحت روحي: يالله الغاليه...ورايه خط العين..اقول يوم بوصل يمكن ادش ..جيه على 11 فليل اترياج؟
روحي تحبك: ما عليه اذا قدرت بدش..
روّح و راحت روحي: تمام..يالله عيل اشوفج على 11 شي في خاطرج
روحي تحبك: ما شي غير سلامتك ... و شوي شوي عن السرعه
روّح و راحت روحي: ما عليه يالله فداعت الله
روحي تحبك: الله يحفظك
روّح و راحت روحي: اقول اقووووول....
روحي تحبك: لبيه
روّح و راحت روحي: عايشه.... أ ح ب ج ))
عايشه: و مادش....طلع من حياتي..طلع من هالكون كله....طلع و خلاني...مب حرام عليه...مب حرام عليه ايسير عن هالدنيا و ايخليني بحب ثجيل ما يروم قلبي على حمله...آآآآآآآه ياويلي شوه بسووووي...قوووللي و ارحمني...قوللي شوه اللي بيطلعه من قلبي و من عيني و من فكري...آآآه يا فاااطمه...أحبه و الله اني احبه...قوولوووله اني احبه...دخيل والدينكم قولوه و خلوه ايرد...ياربي ارحمني برحمتك..
و غاصت عايشه في بحر اسود لا له ساحل ولا مينا...بحر هم و قهر و الم....غرقت بدموعها على حسره تعتصر قلبها..
فاطمه و هيه خانقتنها العبره..و الدموع اتسيل من عيونها: بس يا عايشه بس الله يخليج..لا تقطعيلنا قلووبنا
ركضت لطيفه صوب عايشه و لوت عليها..و مسحت لها دمووعها...و دموع لطيفه ما وقفت: فديت روووحج لا تقولين جذيه..خذه الله منج و من اهله و ناسه..الله يعلم بحال امه..صبري عمرج ودعيله و ادعي لامه بالصبر...انا لله و انا اليه راجعون
عايشه+ فاطمه: و نعم بالله....



"""الجزء الثاني عشر"""

- الفصل الاول-
عدن أسبوعين من سالفه عايشه اختيه...كنت خلالهن ما قدر ارقد الليل..كنت احس بعذابها..على الاقل اللي حبته لو فارق الدنيا سمعت منه اغلى كلمه..سمعتها منه و لو كانت اخر كلمه..اما انا؟؟؟ فانا تايهه لا اعلم شوه مستقبليه و شوه اللي بيستوي لي..الايام اللي فاتن كنت ارقد عند عويش فالحجره..مش عشان اخفف عليها!!!! ولكن عشان اخفف على عمريه...ألم تسرب لي و أنا اعيش وياها لحظات الحب الاخيره..تحاول عايشه تنسا حب وافي انتزعته الاقدار منها..وانا احاول اتناسا حب غادر اطلب من الاقدار انها تنسيني اياه!!

لطيفه: السلاااااام عليكم...مرحبا مرحبا الساااااع بهالشوووف...في ذمتيه انه شوفتج اتخوز الضيقه من البال
اليده ضبابه: امرررررحب لاهاااان....وايهت لطيفه يدتها و حبتها على راسها
لطيفه:يعلني هب بلاج.... شحالج يدتيه؟؟؟
ضبابه: بخير و سهاله....أمّين يايه؟؟
لطيفه: منها هاي اللي تسحت البنات...من الجامعه يدتيه...
ضبابه: يالله عساكن بلاها...شوه تبنها انتن؟؟؟ أمرره تربعن للشقا بريولكن....
لطيفه: ههههههه يدتيه يوم نحن لا ولد ولا تلد شوه تبينا انسوي اهنيه؟؟ ....مبرووك الرحمه
ضبابه: الحمدلله يا بنتيه هاي رحمه من الله...الا وينها فطيم مالها شوف خطفتيها البيت؟
لطيفه: لا يدتيه فطيم ما دوامت اليوم البارحه جالعه ضرس العقل و تعبانه منه
ضبابه: لا اله الا الله جان فطيم و عقلت!!!
لطيفه: يدتيه متى يتي من سويحان؟
ضبابه: اليوم الصبح...فزعت للدختور البيطري
لطيفه: شعنه؟؟!!!
ضبابه: يا بنتيه الهوووش ضاربنه العنقز...ولا ريتله حيله..و اتولهت على عيال سعيد وينهم مالهم شوف؟؟
لطيفه: يالله يعله بلاهن ما لقا الا هوشج..يدتيه حمد و خالد ما ايون الحينه الين الساعه اربع العصر ما يخلصون
ضبابه: لا اله الله...شله؟؟ شوه يباهم يفرصهم و هم بعدهم يهال...و في ذمتج دربوح يدوام بعد؟؟؟
لطيفه:ههههه..هيه فديته دربوح ايداوم.. يدتيه شوه نسويبه سعيد ما رمناه الا يبا ايحطهم في مدرسه خااصه.. قلناله يهال هاذيلا ما يابه..اروحج يدتيه انتي اهنيه؟؟؟
ضبابه: امبووونه سعيد من طاح و هو نحس...لا امبونها وضحا اهنيه و امج ..شوفي هالصنع انتي...شوه ايسون..
ضبابه كانت ماسكه مجله ملحق استار اكاديمي...و اتأشر على الصور
لطيفه: ههههههههه..منوه عطاج اياها هالمجله انتي؟؟؟
ضبابه: الوضيحي...جان ريتي اتقولي تبا اتسير عندهم و تعيش هياهم.... وين ثرهم هاذيلا؟؟
لطيفه: يدتيه هاذيلا يغنون في لبنان...تسمعينها شوه اتقول؟؟!!!! هاذا كله من بزا بويه خربها خراب
ضبابه: مسوده الويه تبا تربع أبنــــــــان هيه؟؟؟ جادنها من الصبح يوم اقولها كلي من الشفايا اللي يايبتنه ماطاعت اتقولي يدتيه هاذيلا ما يطيعون ياخذون المتان !!!!!!
لطيفه: هاه يدتيه وين بتسيرين؟؟
ضبابه: بسير اتمسح و اصلي الظهر...
ودت لطيفه يدتها داخل عشان اتصلي...و هي طالعه فوق عشان اتبدل..سمعت صرخه!!!!! و انه شوي و وضحا طالعه تركض
لطيفه: وضوووووووووح....وضووح شوه بلاج
وضحا: الحقي الحقي لطووووف الحقي
لطيفه: يعلني بلا ويهج ارمسي.....قوووووولي شوه بلاج؟؟؟
وضحا: الحقي....امايه انزلقت فالحمام و طاحت
لطيفه: شوووووووه...وين وين؟؟؟؟
وضحا: تراني قلتلج فالحمام...الحقي لطوووووف
ركضت لطووف و وضحا صوب حجرة امهم...دشت لطيفه الحمام و لقت امها ياسله على ارضيه الحمام و قابضه ريلها...
لطيفه:أمااااااااااااااااااااااااااااايه...شوه ياج؟؟؟ لا تنشين لا تنشين
عفرا: ما بلاااني شي...
لطيفه: امايه لا تنشين صبري صبري الين ما شلج
وضحا: ماماتي ماماتي لا تقومين انتي ريلج اتعورج...صبري بروح اخبر سلطان
عفرا: لا لا تخبرين حد ما فيني شي...الا ضاربتني دوره و بتخوز عني
قامت لطيفه و مسكت ايد امها و ساندتها عليها عشان اتشلها و تحطها على الشبريه
عفرا: فجيني اقولج فجيني..ما فيني شي...
لطيفه: وين ما فيج شي و انتي ما ترومين اتنشين على ريلج.. يمكن انكسرت.. ثرها طيحت الحمام هيّـنـه؟؟!!
عفرا: شياكن انتن محتشرات...
لطيفه: امايه الله يهديج ما ترومين اتنشين خلينا نزقرلج سعيد ولا سلطان و انشلج المستشفا..هاتي يدج وانا بشلج
عفرا و هي اتمط ايدها و بعصبيه: مابااااج انتي..ماابااااج ازقرلي بنتي ...زقرلي عويش
اطالعن لطيفه و وضحا بعض دقيقتين باستغراب..و حست لطيفه بالاحراج..نزلت عيونها بسرعه عن نظرات وضحا اللي كلها تساؤلات...
لطيفه: وضوووح....سيري بسرعه زقري عويش و هاتي عباة امايه و انا بسير ازقر سلطان
وضحا: ما عليه ماماه لا تتحركين
طلعت وضحا تركض صوب عايشه...و لطيفه صوب حجرة اخوانها...راحت صوب حجره سلطان بس شكله مايا من الامتحان الين الحين سارت و دقت على سعيد الين ما نش و تلبس و سار صوب حجره امه وشلها وساروا عايشه و امايه و سعيد المستشفا..و يلست لطوف و وضحا فالبيت عند يدتهن...
ضبابه: اقووووولج سويلهم تيلفوووون...الحينه تسويلهم...
لطيفه: يا يدتيه قلنالج ايصورون ريلها...و سعيد مغلق تيلفونه
ضبابه: و شعنه يغلقه؟؟؟ انزين سوي حق عويش تخبريهم شوه سوت
لطيفه: يدتيه تراه داخل غرفه الاشعه ما يشغلونهن التيلفونات...
وضحا: و عويش نسته تيلفونها ما شلته
ضبابه: يعل الله يغربلهن من تيلفونات....و انتن يوم عاطينكن كل وحده تيلفون شله ما تشلنه؟؟!!!!
لطيفه و هيه تبا تضرب وضحا على راسها: يدتيه لا تلومينها من العيله ما عرفت كوعها من بوعها...
وضحه: ااااااايه....
و عقب نص ساعه انه سياره سعيد واقفه جدام البيت
وضحا: هاذووم وصلوووو وصلووووو....
دشت عفرا و سعيد ماسكنها من طرف و عويش من طرف ثاني..
ضبابه: سلااامااات سلااامااات...
عفرا: الله يسلمج يا عمتيه

ضبابه: عنبوه يا عفرا شقايل انزلقتي ... الحمام هاذا ..جان اتقبضتي زين؟؟
عفرا: شوه اسوي يا عمتيه كله منها البشكاره مسوده الويه غاسلتنه ولا نشفته...و انا بعد ما حيدّتها انها مغسلتنه ..هبطت مستعيله بلحق على الصلاه انزلقت ..
ضبابه: رب ما انكسرت ريلج؟؟
سعيد: لا يدتيه الحمدلله...التواء بسيط...
ضبابه: انفدعت يعني؟؟
سعيد: لا شوي اقوى بس الحمدلله ما شي كسر...يالله انا بسير فوق لاحد يحطلي غدا مابا..لطيفه؟
لطيفه: لبيه؟؟
سعيد: يوم ايي وقت ظهرة العيال من المدارس وعيني
عفرا: شعنه يا بويه ارتاح انته الدريول وبشكارتهم بيبونهم وط راسك دام اليوم اجازه عندك...
سعيد: لا ابغي اشووف مدرسينهم و اسال عنهم ..و واعدنهم اوديهم اليوم الفروسيه..لاتنسين لطيفه
لطيفه: ان شالله...ما تباني اسير وياك؟
ضبابه: لو انته مخلي امهم عندهم جان الحينه هيه سادتنهم الا انته امرره ما تنرام
سعيد و بغياض: هيه نعم ما نرام...و طاري الحرمه ما بغي اسمعه جدامي
ضبابه: ييي هاااااا يا ولديه...شوه مسويتبك بنت العرب نافرنها؟؟؟ شوه ناقد عليها انته؟؟؟
سعيد: لازم انقد عليها شي؟؟؟ ماباها عايفنها
ضبابه: ما عفتها الا منيه و الدرب...الا ماخذلك غيرها و داسنها...هناك في هاذيج الدار امبوونكم من اتسيرون هناك اتدسوونهن عندكم فالشقق
سعيد: لا حوووووول ولا قوووووه ....و نش سعيد مضيق
عفرا:شياج عليه يا عمتيه.؟؟؟!!!!!
ضبابه: وابووويه تبوني اشوفه متلته لا حرمه اتسد عياله ولا تحاضيهم و تبني اسكت..يا بويه جانج انتي وريلج زقوق و راضين بحاله انا امررره ما بسكت.... ولا ايرد حرمته الاوليه ولا يوزته غيرها
عفرا: الله يهديج..بسير داخل انا
نشت لطيفه و مسكت امها الين ما دخلتها الحجره و حطتها على الشبريه و لحفتها..
لطيفه: شي تبين امايه قبل لا اسير...
عفرا: هيه...و اشرت بإيدها على المكان الفاضي من الشبريه..سارت لطيفه و يلست..
عفرا: امايه لطيفه لا تحطين في خاطرج...امبوني يوم اضيق اعقها الرمسه..انتن كلكن بناتي...
لطيفه: فديتج امايه..انا الين ما موت مانساه فضلج عليه..عنبوه انتي اميه و مالي غيرج في هالدنيا..و انا ادري انه عويش شوي سبشل عنا ....ههههه
عفرا: لا لا ما شي سبشل عندي...بس مادري شوه حلبّيه هاذيج الساعه
لطيفه: ما نبغي غير سلامتج و شوفتج انتي وبويه طولي بعماركم...باست لطيفه راس امها و طلعت من الحجره...
طلعت لطيفه فوق الحجره..و هي خاطفه شافت حجره عويش مفتوحه و عايشه منسدحه على الشبريه..دشت عليها لطيفه و سكرت الباب وراها...
لطيفه: هاه عايشه....شي يعورج؟؟
تصلبت عايشه: لا الحمدلله ما شي باس...شفتي الرحمه؟؟
لطيفه: الحمدلله رب العالمين...من زمان ما نزلت علينا امطار جذيه...
عايشه: هيه و الله...آآآآآه ....امايه رقدت؟؟
لطيفه: احيدها فالحجره...عايشه بعدج متضايقه؟؟ اعتبريها صفحه و انتهت من حياتج..خلاص شوفي المستقبل و الماضي طبيه...
عايشه: ادري...مادري احس بالمطر جنه غسل همومي و احزاني..ادري يا لطيفه اني غلطت..مانكر هالشي..و لو ماكانت النهايه بهالطريقه يمكن اتكون بطريقه اسوأ...
لطيفه: كل شي مكتوب عند رب العالمين..و ما يطيح رمش الا بعلمه
عايشه: و نعم بالله...بس يوم افكر بكل شي صار..كيف اتعرفت عليه..بكل الكلام اللي دار امبينا..اقول كيف اتجرأت؟؟!! كيف تناسيت كل ناسي و اهليه و جازفت بسمعت اهليه؟؟!!! الله رحم انه غانم الله يرحمه ولد ناس و عرب و انتهى كل شي بينا دون لا حد يدري...
لطيفه: هاذي الانترنت و بلاويها...عايشه السالفه مب سالفة حد درا و لا لا ... ولا سمعت اهل ولا لا ...السالفه انه في شخص ورا هالشاشه مادري هل هو انسان صدوق ولا لا؟؟!!! خايف ربه ولا لا..كم كلمه من الكلام اللي قاله صح؟؟ الثقه معدومه..حب الانترنت يا عايشه عمره قصير..و الصدق فيه اذا ما كان معدوم فهو نادر..اهم شي انه كل شي انتها على خير...
عايشه و دمعه تنزل من عينها: ادري..ما تتوقعين منوه شفنا اليوم فالمستشفا؟؟
لطيفه: منوه؟
عايشه: مطر ولد عمي مبارك...مريم فالعمليات
لطيفه: شووووووووووه....بعدها؟؟؟ توها فالشهر السادس؟؟
عايشه: تدرين انها حامل؟؟!!!! شدراج؟؟
لطيفه: العلاقه بيني و بين مريم ما انقطعت..ارمسها بين فتره و فتره و احيدها اتقولي حامل..
عايشه: و انتي عادي عندج اترمسينها؟؟!!!
لطيفه: عايشه..مريم مالها ذنب فاللي استوا كله..و مريم ضحيه للعادات و التقاليد مثل سعيد..و بعدين هاذا نصيب..المهم شوه سوت رب البيبي بخير؟
عايشه: لا....الياهل مات...و مريووم فالعنايه المركزه..
لطيفه: ليش؟؟!!!!! عويش قوليلي دخيلج شوه اللي استوا؟؟؟ لا يكون الخام سوابها شي؟؟!!!
عايشه: ماشي...كنا طالعين و سعيد شاف مطر عند مدخل الطواري...سار و سأله شوه بلاهم..قاله مريم تعبانه و دخلوها العمليات...و الجنين في خطر..
لطيفه: اكيد التيس سوابها شي...دوم تشكيلي منه الخاااااااايس ودي اجتله
عايشه: منوه هو؟؟
لطيفه: ريلها الخااام بعد منوه!!
عايشه: ليش
لطيفه: الله ياخذه ليتني اجتله بس... دوم يضويها سكران و يضربها..الله يلعنه
عايشه: شووووو؟؟؟؟ و ليش ما تخبر حد هيه؟؟ ليش ساكته على الوضع!!!
لطيفه: ما تباه عايفتنه و عايفه شيفته الكلب...الا قالت بصبر عشان اللي في بطنها...
عايشه: اها...عشان جيه يوم سعيد شاف امها تم يلعن و يشعن و ايقول كله منها..
لطيفه: رب ما سوا شي سعيد؟؟!!!! ياربي بالستر
عايشه: اسميه شرشح ام مريم تشرشيح...انتي السبب و كله منكن انتن..و هاذا اللي يسمع شويرات الحريم و كلام من جيه...
لطيفه: يا فضايحنا فيهم...
عايشه: لا تلوومينه سعيد مقهوووور و ما صدق لقا فرصه ايفج غيضه...
لطيفه: و الحينه شووووه؟؟
عايشه: احيدها الحاله خطيره...بعدين..
لطيفه: شووووو
عايشه: ماشي ماشي...اكيد هيه تعبانه
لطيفه: عويش مب عليه انا ....شي ياها مريم؟؟!!! شوووو بلااااهااااا
عايشه و هي تهز راسها: ما بتييب عيال امررره...شلو اعضائها
لطيفه: شوووووو.....لا اله الله ...لا اله الا الله...حشا شوه سوابها السبال...
عايشه: مادري...يايبينها المستشفا متأخر...لانها كانت فاقده الوعي و يوم تمت امها اتسويلها و مالقت حد ايرد سارت لها البيت و لقتها امررره خلاااص بين الحياه و الموووت ...نزيف و كدمات على ويهها...
لطيفه: حسبي الله و نعم الوكيل..شوه هالحاله لا سعيد ترقع ولا هيه ترقعت..كله منهن كله منهن..الحريم يوم يدخلن فالسالفه ما تسير في زياده...شوه يبونهم جان خلوهم ياخذون بعض..
عايشه: هاذا اللي الله كاتبنه..و مطر يلعن و يشعن..حالف انه ريلها لا يشووفها ولا يسمع صووتها دامنه حي
لطيفه: احسسسسسن....نفاد ينفده...برايج عويش انا بسير ارقد شويه...عيزنا من هالهموووم
~~~~~~~~~~~~~~~~


العــــــــــــــــــــــــــــــــــــــصر....
لطيفه: عوووووووووويش.....يالله عاااااد سلطااان حاشر الدنيا...
ضبابه: يييي ههااااااا...شوه هالبغيم هاذا...شوه حالبج؟؟
لطيفه: يدتيه بنسير انشوووووف البطحاااا(الوادي)
ضبابه:اي بطحا؟؟ و منوه بيوديكن؟؟؟
لطيفه: ايقول سلطان بيودينا صوب بطحا السماحيات...و بطحا معيشيق
ضبابه: خيبتكن بطحا السماااحيااات ما يرت من عشرين سنه الحين...قرّن ما شي سيره تبن تنفدن
لطيفه: يدتيه ما صدقنا انشوووف المطر و نروح ريحته...ما بتسيرين ويانا انتي؟؟
ضبابه: لا لا بسير صوب شمسه...تولهت على السيافي..
لطيفه: وين تبين عندهم....امررره السياافي غدا ما يسّر نحس و ابزي
ضبابه:كله من البزا... بوديه عند عقيده بخليه ايوسمه في علباه...
لطيفه: هههههههههه....دواه
عايشه: يالله شليت شوي فطاير..
لطيفه: يالله....يدتيه نشي جان تبين انوصلج بنخطف على فطيم و بنشلها ويانا
ضبابه: زين
++ الجو اليوم رررررهيب...قلنا بنطلع انتحوط فالجو شوي..طلعنا صوب بيت عمتيه بخيته بنشل فاطمه ويانا...
لطيفه: صيّح هرن ما تعرف انّا هنيه...
سلطان: لا حووووول الين ما تظهر يبالها ساعه...لازم فطيم بتحط جحال و شادو و ديرم..قبل انتن والحين فطيم ...لو بعدكن بوووش يالسين نطنفكن...
لطيفه:اطوروا الناس ايسموونه روج.. بعدين رمستها مساعه اتقول جاهزه..بس يمكن الين ما تسلم على يدووه
و عقب خمس دقايق طلعت فاطمه و هيه متلثمه دخلت السياره
فاطمه: السلاااااااااااااااام عليكم
الكل: و عليكم السلاااام
سلطان: وين ضبابه عيل؟؟؟
فاطمه: ما قلنالها
سلطان: شووووووو....عكيفكن هوو!!!!!!!!!!
فاطمه: أحيدها راااااقده
سلطان: انزين شله ما وعيتنها؟؟؟؟
فاطمه: ما فينا...من يت اليوم من الامتحان و هيه اتصيح...حشا الا امتحانات نص السنه و حاشره الدنيا الله يعينا عليها اخر السنه شوه بتسوي
سلطان: الله يلعنهم هب امتحان يايبين اليوم من صعوووبته..سيري سيري وعيها خليها اتغير جو
لطيفه: ما بتطيع اتنش دامنها زعلانه على الامتحان
سلطان: و انتي شدراج؟؟؟
فاطمه: سلطان هيه قايلتلي لاحد يوعيني... من ردت الين العصر و هي تصيح
سلطان: يعل ما من مدرسه..جانها صيحت ضبابه...تبن اتسيرن قوللها ولا ما شي سيره بلاها... ما تبن يالله حولن بسير انا...
فاطمه: لا حوووووول
سلطان: لا حوووول ألف هب مرره...يالله انقفضي
++ نزلت فاطمه اتقول لضبابه و توعيها و عقب ربع ساعه نزلت الشيخه ضبابه..
ضبابه: السلام عليكم
الكل: و عليكم السلااااااااااااام
سلطان: مرحبا مرحبا بالشيووووووخ..في ذمتيه انج ما خربتي
لطيفه: ماحد شيخ اهنيه
سلطان: جب انتي...امررره دوم رازه بويهج
فاطمه: شابت روسنا من اللي تسووونه...بس عاد خيلو
سلطان: و انتي شوه منطرنج من ورا...و يا هالغز الوارم..ما تقول الا خاز باز
فاطمه: و الله ما كان خاز باز
سلطان : خلي عنج شله مستحيه اتفجين الغشوه عيل؟؟!!!...لا تلثمين فجي فجي الشيله
فاطمه: ما بفجها تبا تتطنز ادريبك...
سلطان : و رفجه بوخليفه يا تفجينها
لطيفه: سلطاان حرام عليك لا تحرج البنت جالعيلها ضرس العقل و غزها ورام
سلطان: كاااااااااااااااااااااااكاكاكاكاكا.....في ذمتج...كككككككككككككككك....يحليلج يا فطامي جان انتي و عقلتي..لا تعقلين يوم انتي خريش احلا...و انتي شوه يخصج (سلطان ايكلم لطوف و هو ايدز راسها بإيده) موكلينج محاميه عنها؟؟!!!!!
فاطمه: مب منك من اللي يسير وياكم...
سلطان: افاااااا زعلتي؟؟
فاطمه: هيه
سلطان: لا لا عنبوووه فطيم اسووولف وياج انا...( سلطان و هو ايطالع ضبابه من المنظره) شحالج ضبابه..
ضبابه: طيبه طاب حالك..و من صوبك؟؟
سلطان: امرررره لا تخبرين..من قالولي انج رديتي اليوم اتصيحين...ما هنت لي عيشه ولا رقاد..
ضبابه: الله يلعنهم...حشا امتحان تعجيزي...ما عرفت احل شي
سلطان: انزين ما يرزا تصيحين عسب ورقه...هاذا الا امتحان نص السنه..عيل و الله لو شفتي ورقة امتحاني رديتها بيضا...الله يغربل "الطفله الخايسه"
لطيفه: شوه هاي بعد؟؟
سلطان: قصيده..و شدرانا بالشعر نحن!!! ما عرفت احل شي
فاطمه: قصده قصيده الطفله البائسه
سلطان: انزين الا هن العورا و المنكسره...امرره هب اتحطين في بالج الامتحانات هاي الا امتحانات تجريبيه..
ضبابه: هيه بس حرام عليهم امررره ما عرفت احل شي...شوه بسوي اخر السنه
سلطان: عيل شوه بتقولين عني انا..رسبت في ثلاث مواد باقتلي اخر فرصه..ولا بيحرموني من امتحان اخر السنه
ضبابه: لا و الله؟؟؟
سلطان : هيه نعم...الثلاثي الكوكباني : علم النفس و الجغرافيا و الاقتصاد
ضبابه: و الانجليزي شوه سويت فيه؟؟
سلطان: لالا الانجليزي ما شي خوف منه...سبع سنين اللي كارفنهن فالشويفات يابن مفعولهن
لطيفه: طاعي نتي ايقوولها و بكل فخر...وين بتودينا انته الحين؟؟
سلطان: و الله مادري...اقول الشيوخ وين تبين اتسيرين؟؟
فاطمه: لا و الله و نحن شوه اتشووووفنا سمنديقا؟؟؟
سلطان: حمدن ربكن انتن حد عطاكن ويه و طلعكن...هاه ضبوب شي بقعه في خاطرج تبين اتسيريلها؟؟
لطيفه و هيه تهمس لضبابه: ا-ل-ب-د-ع
ضبابه و بدلع: سلطان ....
سلطان: لبيه..
ضبابه: ودنا البدع...
سلطان: مالقيتي الا البدع؟؟!!!!...ما عليه ان شالله...
عايشه: لو نحن طالبينك بتعقرنا ...
سلطان: هيه نعم الا بعقركن و بوزع لحمكن بعد على هل الحاره كلهم...تبن المطعم.؟؟؟
فاطمه: هيه دخيلك بمووت من اليوع
سلطان:حشاااااا.....ينكم عاااد الصوماليات قوم المجاعه
فاطمه: انزين انا بدفع عن عمريه..
سلطان: هههههه...اللي يسمع عااااد...
++ وقف سلطان جدام المطعم اللي في بدايه مدخل البدع...و نزل على اساس يطلب..عاد اتخيلوا انتو البدع و الجو امطار؟؟!!! المكان ما تحصل فيه شبر فاضي من الشباب...لو بتفر حصاه بتضرب الف راااس...الا دراجات و سيارات...عقب شوي انه الهندي ياي صوب السياره..لطيفه و هيه تنزل الدريشه و تلثمت بالشيله
لطيفه: هاه شوه فيه؟؟
الهندي: ايقول ارباب شوه يريد جاي ولا عسير؟؟
لطيفه: بنات تبن جاي كرك ولا عصيرات؟؟
الكل: نبا جاهي كرك
فاطمه. و قوليله يمزره حليب...

--------------------------------------------------------------------------------



لطيفه: شوف يريد جاهي كرك و حط زيااااااده حليب ريمبوو...و حط زياااده شكر سيم سيم دبس
الهندي: تيكي..
لطيفه و هي توهها اتسكر الدريشه انه واحد من الشباب توه طالع من المطعم..و يبا يركب سيارته البيك اب اللي عدال سيارتهم...
الريال: 7******....موبايل تراه...و دش الريال السياره و طول على المسجل..
لطيفه يوم سمعته ايقول جيه نزلت الدريشه: عنلاتك مسود الويه اترقم بعد!!!!...
الريال: هيه نعم برقم...عندج مااانع
لطيفه: وااااايه فقدتك تيس برم و ايرقم
عايشه: لطووووووف الله يخليج سكري الدريشه و الله و الله ليعقرج سلطان
لطيفه: تبيني اشوووفه ايرقم و اسكتله
الريال: انا ما لقيت مووونه ارقم مصريه...ما شفتي عيونج انتي؟؟؟
لطيفه: جب انته انا أأصل عنك...قوم بالكرورز
فاطمه و هيي تسحب لطيفه: لطووووف غربلات عدوج هاذيلا ما ينعطون ويه...دخلي قبل لا يشووفج سلطان
لطيفه: فجني عليه مسود الويه...
ضبابه: لطوووف بس عااااد....تبين اتروحين في داهيه انتي اليوم...الله ستر انه مطول على المسجل عن لا يسمعج سلطان
لطيفه: ياختي يقهرووووني...
++ رجع سلطان و هو شال السندويجات و الجاهي...
سلطان: اندووكن عااااد اللي بتخيس بعمرها
فاطمه:أأأأأأأح يالجاهي..حاااااار....جبيته على السيت...
سلطان: لا و الله......و الله يا تمشينه بشيلتج
عايشه: أأأع الحينه بتم ريحت السياره ميوووخنه
سلطان: عساني بلاكن من بنّي....وين ابا فازعبكن...
فاطمه: حووووو..حوووو...اسولف وياك
سلطان: يوم انتن مزر سياره متا بتخطفن؟؟؟ بعد يا حيها عويش مخطووبه و بتخطف الداعي انتن رقيه و سبيجه
لطيفه: لا وووووووووووووووالله....لا اتم اتوذا منا انته...اهلنا و راضيبنا
سلطان: انتن اللي بياخذكن الله يعنيه...قذا
فاطمه: لا و الله عاد نحن شيخات بس عليه اللي بيضوينا
سلطان: فطيم...
فاطمه: هلااا
سلطان: الحمدلله اني اصغر عنج
فاطمه: ليش؟
سلطان: عشان ما يوزووني اياج غصب....الحمدلله انه هاذيج الغرشووب نصيبي
فاطمه و بطنازه و تحرك ايديها زياده عن اللزوم: ها ها ها ....يون اصغر عنج!!!! ابويه انته اكبر عنا بسنه..شووف الجواز زين..مستر رسيب....بعدين...ما عليه ما عليه ان ما سرت عنكم بعيد و بتم اتصيحون اتذكروني
سلطان: بتبطين....بعدين شوي شوي على عمرج امبووونج الا كبر التيله وين تبين محتشره
فاطمه: بتشووووف...و بتقول وين ايامج يا فطيم
سلطان:انتي حدودج ايران يون بسير بعيد عنكم...شوه ناويه اضويلج شيرازي ايهربج بالطراد؟؟ صدق انكن ناقصات عقل و دين
الكل: ههههههههههههههههههههههههههههههههههه
عايشه تتمصخر: اقول فطيم..انا البارحه حلمتج راكبه طياره و اتقوليلنا باي باي..يمكن ياخذج سلطان بروناي
ضبابه: هيه و انا حلمتج..انج يالسه تركضين صوب الطراد بعيد عنا ويوم انقولج تعالي اتقولين ما تبينا
لطيفه:هيه هاذا يخت سلطان بروناي ايقولوكم كله من داخل مطلاي باسم فاطمه بالذهب.. و اشوفج فالحلم اتقوليلنا علاااوي علاااووووي
فاطمه: ما عليه ما عليه اتمصخرون...بتيكم ايام ما بتلقون حد تتمصخرون عليه..
سلطان و بنقمه: و منوووه هاذا علاوي( فاطمه غصت بالحليب و قامت اتكح)
لطيفه: أأأأأأأ....انا قلت علاوووي...لا حشا...انته اللي ما سمعتنيه مادري ..أأأأ..جني سمعت فالاخبار انه سلطان بروناي اسمه علي...لطيفه و عشان اتغير الموضوع: وين تبا انته الحين؟؟؟ اشوفك ظهرت من البدع
سلطان: تبن ادخلكن داخل..مينون انا؟؟!!!! دام ضبابه طلبت البدع دخلتكن الحدود و بس عليكن..بوديكن صوب معيشيق...ايقولون عرايين هناك..
لطيفه: يااااااااااي...اسميني داااق في رااسي مجبوووس عرايين و فقاع
سلطان: امررره ولا يهمكن بنوديكن الامارات الشماليه عقب الامتحانات بس عليكن انتن الطبخ..ايه كريجا موافقه؟؟!!!
فاطمه: الحين انا قووم كريجا؟؟!!!! امبوونا ايرانيين شوياكم غيرتو الموجه...و جانه على الطبخ امررره فالكم طيب..
سلطان: ياخي الايرانيات حلوات و انتي ما تشاهدين...
فاطمه: هاااااااااااااااااااااااه...الحين انا ما تشااااهد..وقفني وقفني برد
سلطان: ما شي تكاسي اتردج
فاطمه: مااااباااااا غصب اتردووووني...
و في هاللحظه سلطان كان مشغول ايغايض فاطمه...و فجأه لفت عليهم سياره صالون صغيره..و بغت تدعمهم من طرف اللي يالس فيه سلطان و ضبابه..فاضطر سلطان انه يلف بقو و طاحن البنات كل وحده على ربيعتها
البنات:واااااااااااااااااااااااااااااااااااااااااا ااااااااااااااااااااااااااااااي
سلطان: صصصصصصصصصصصصصصصصصه...شوه هالبغيم هاذا؟؟؟
لطيفه: سسس...سلطااان بغينا نندعم....شوي شوي خاف ربك
سلطان: هاذا عنلاته الهندي قوووم كريجا لف علينا و الله و الله يهزبه الهرم( و يسرع سلطان صوب السياره و يتقرب منها و ينزل الدريشه)
عايشه: ايه سلطان لا تفضحنا...برايه برايه نحن الغلطانين..
سلطان: عنلااااااته..هو اللي لاف علينا..( سلطان و هو ايظهر راسه من الدريشه): عنلاااااااتك مسوووود الويه تبا تدعمنا....ما فيي مخ...ما في عيووون( و هو ايأشر على عيونه)....عنلاتك يالسبال مب منك من اللي لقفكمم سياير...( و الهندي من الطرف الثاني يتحرطم)...
عايشه: فديتك سلطااان بس بس عااااد فشلتنا شووف العالم كلها اتشووفنا
لطيفه و تبا ترفع ضغط سلطان: عندك ايااااااه....عيل لو دعم ضبابه اليوم و نفدت شوه بتسوي بلاها؟؟!!!!
ضبابه: هااااااااااااااااااااااااااااااااااااااه؟؟؟؟اتفاول ين عليه!!!!!
سلطان: الا ألحقه.....الخااااااام( و لحقه سلطان مره ثاااانيه بس هالمره من ورا و تم ايصيح هرنااااااات بصوره مب طبيعيه الين ما تخبل الهندي من الازعاج و لف على الاسترااااحه) يعلها طرشتك
لطيفه: ههههههههههههههههههههههههههههههه....حليله طفر
++ اهم شي وصلنا معيشيق و شفنا البطحا...اما يوووم كان عجيب..الجو مغيم و محمر..و النفاف ما وقف دقيقه..و العالم كلها مشتله البر..دخلنا سلطان في واحد من المخارج و سرنا صوب البر...و في منطقه بعيده عن العالم وقفنا على راس العرقوووووب....
سلطان: فطططططططيم شوفي شوفي المنظر شوفي لا يفووووتج( سلطان كان فوق العرقوب ويمشي السياره على عرض)....
فطيم: سسس.....ٍلطططططططط....حرااااااام و الله و الله بمووووووووت...و الله و الله ما تنزل سلطاان حلفت
سلطان: جني عااد امتحنت انا من حلفتج....
عايشه: سسسلطاان خااااف ربك....بننجلب....حرام وقف وقف و الله يا حوّل..و حولت عايشه تركض
فاطمه و من الزيغه..نقزت من الدبه الين الكراسي اللي فالنص..و هيه اتصااارخ نزلووووووووووني...وين ابا سايره وياك انته؟؟؟ اسميني انا الخبله.....ابااااا اماااااااااااايه...ردوووووووووني...
نزلت عايشه و تمت تتمشا ورا السياره خاصه انه سلطان قام يمشي على دوبه...
سلطان و هو ايظهر راااسه من السياره: عوووووويش هاااذكوووه عريووووون زبيدي شليه شليه
عايشه: وين؟؟
سلطان: لفي لفي ...هيه هيه
جان تنزل فااااطمه بسرعه وشلته قبل لا تشله عايشه
عايشه: حراااام عليج....قالي انا...
فاطمه: هههاي من سبق لبق
و ردت فاطمه السياره و كل شوي ايقول سلطان عن مكان عريون..يا تحول فاطمه ولا لطيفه
سلطان: عنلاااااتكن جان ترامن...ضبووووب ضبووووووب ...الحقي الحقي...فوق هاذااا الند بسرعه سيري
و نزلت ضبابه بسرعه تركض صووووبه...بس لطيفه سبقتها
سلطان: همبااااااااه....يالخاااامه وين تبين رازه بالويه؟؟؟؟ رديه على ضبابه
ضبابه: مابا مابا زعلت...
سلطان: ما عليه انا بأدبهن( و هو يغمز حق ضبابه من المنظره)...خخخخخخيبه شوفن شوووفن الزبيدي...
فاطمه+لطيفه: وينه وينه؟؟؟
سلطان: اتشووووفنه....فوق فووووق الحقن الحقن
نزلن فاطمه و عايشه و لطيفه يتراكضن اللي تحصله اول..مادرن انه سلطان ايقص عليهن و ماشي بالاساس
سلطان: اقوووووووول ايه يالهوووش...نحن بنسير و انتن لحقنا بريووووولكن
لطيفه: لا لا لا حرام عليك..و ركضن صوب السياره عشان يركبن بس سلطان روح عنهن..و ما تم حد فالسياره الا ضبابه و هو و عايشه ^_*...و بعد مسافه بعيده بس مب وايد..نزل سلطان و ضبابه ساروا يتمشون ...
لطيفه: ليش مخليتنهم يتمشون رواحهم؟؟
عايشه: وين ابا عذول في نصهم؟؟
فاطمه: يا سلااااااااااااااام عيل مخليتنهم يتمشوون تبينه يغازلها؟؟؟
--------------------------------------------------------------------------------



عايشه: بسم الله يالحسد....ياخي خطيبته برايه ياخذ راحته وياها..بذمتج متا يلسوا معا بعض ولا فضفضوا لبعض؟؟؟!!
لطيفه: شوه ايفضفضون بعد؟؟؟
عايشه: خلنهم في هالجو الرمانسي يمكن يبا ايقولها احبج ولا شي...
فاطمه: لاااااااااااااا و الف لااااااااااااا....ايقولها احبج و انا بعدني ماحد قالي اياها ما يصير..لازم يترياني
لطيفه بمزح: حسبي الله علي بليسهم طالعي الضحك انتي...في ذمتيه انه قالها شي مب سيده..شوفي شوفي كيف مستحيه...
عايشه:هههههههه....حرام عليج ايرويها رسائل وسائط..
فاطمه: انزين ما عليه....بس عاد انسير عندهم بمووت من اليوع
لطيفه و هي تلهث: يالنذاااااااااله
سلطان: الحين النذاله...ما قلتن نذاله يوم انتن تاخذن عرايين ضبوب
فاطمه: و الله مب باسمها...
عايشه و هيه تطلع من السياره: حد يبا فطاير؟؟؟
سلطان: هاتي هاتي...اول مره عويش تتصرف تصرف منطقي!!!
عايشه: لا و الله...تتطنز...حفظتلك كم كلمه و ياي تتفلسف يون منطقي!!!
سلطان و هو ايغني:المنطق اللي يقول انه العين لأول اطلقها ربان السفينه.. لا حشا ما قصدج انتي...سمحيلي بس هاذي اللي يالسه عدالج ..هاي اللي عيونها حمر
عايشه و هي تتلفت خايفه: وين وين؟؟؟بسم الله بسم الله ....
سلطان: هههههههههههههههههههههه...صدق يوم قالوا البنات البنات ازق ( اخوف) الكائنات..غنوا يالسبالات تي تي تي تي
فاطمه و هي اتصااارخ: اااااااااااااااااااااااااااااااااااااااااي
سلطان: الحقن ..... ربيعتكن انلدغت...يالله عساه بودفن و تورم ريلج بعد...شعندج؟؟؟
فاطمه:لااااا تغني....طبلتيه انخبقت
سلطان و هو ايطب فاطمه بالتراب: عنلااااتج....
فاطمه: سلطااااااااااااااااااااان...حرام عليك مساعه متسبحه...شوه هاذا شعريه الحين كله تراب
سلطان: انزين احسن فركيبه غزج و بيخوز الورم...
نشت عايشه و شغلت على المسجل و طولت...و كانت غنيه عيضه كلمات بوخليفه " ابسم عسا تبسم حياتك"..و زدات الربشه على الاخير....و ظهرت لطوف عصا سلطان من السياره و عطتها سلطان..
لطيفه: يالله يالله بووميييد...عطنا شوي من هاليابس
و نش سلطان ايووول...و عايشه و فاطمه ايصفقن..و لطوف نشت اتيوول معا خووها
فاطمه: اندووج لطيفه هاليدعه( خشبه)...يولي يولي....اما ضبابه يالسه على طرف و ميته من المستحا خاصه انه سلطان,,يتجدم جدامها و يأشر بالكلمات عليها..
" هنيت يا سيدي بصفاتك..و انا غنيبك من الملايين..كل يوم بي تكبر غلاتك..و ألقاك دوم بعيني اتزيد"
بعد ما خلصت الغنيه سلطان:يالله يالله انسير انسير الليل هاذا
لطيفه: بعدنا شوي شوي نبا نلعب فالغدير..
سلطان: شووو..يالله يالله اركبن ولا ترا و الله اللي ما بتركب بنسير عنها تبنهم ايسكرون الشبج علينا؟؟!!..بس رن تيلفون سلطان و شكلها المكالمه ضروريه فألتها عنهن..و ربعن البنات صوب الغدير اللي على نهايه البطحا
فاطمه: تعيش لطوووف و يعيش الصروال الدق...
ضبابه: يعيش يعيش الترااااااااث
لطيفه و هيه ترشهن بالماي...: شوه تتطنزن...اللي ماله ماضي ماله حاضر
عايشه: وااااااي....اخاف انزلق...
لطيفه: ياويلي على البنطلوون الجينز...و اللعبه زين فالماااي...بس بتخبركن بمووت انا من البرد
ضبابه: انزين جان لبستي؟؟
عايشه: لا و الله...عشان انتعشا من لحمها اليوم
فاطمه: الا هيه خواااافه
لطيفه: ايه طماطووه لا تستفزيني...تراني بلبس المره اليايه
فاطمه: خلي عنج ما ترومين
لطيفه:و الله اني اروووووم...و انا بنت حمد
عايشه: انزين لا تحلفين..
لطيفه: ما عليه ماعليه الايام بينا...
سلطان: ايه يالله يالله بسرعه اركبن

"""الجزء الثاني عشر"""

- الفصل الثاني -

لا باس يالخلان لا باس صبري وصل ذا اليوم حده.. ارحم و شوف و ريح الناس شوف اللذي صادق بوعده

ردينا البيت قبل صلاه المغرب بشوي..ركبنا فوق انا و ضبابه و عايشه و فاطمه..صلينا و نزلنا تحت انسولف مع يدتيه ضبابه...اللي كانت ضيف شرف على يلستنا و تراقب اللي انقوله و نحن ما ندري ^_^
ضبابه: عيل وين سار سلطان؟؟
لطيفه: اظني سار الخيمه عند الطيور... شرايكن انسير اهناك احيده عباس موري الضو؟؟
ضبابه: يالله اخاااف من الطيوور انا..ماروم ماروم اسير اهناك..بس جان سلطان اهناك رويحته انسير عنده
فاطمه: لحظه اشوف احمد مسوي تيلفون
فاطمه و هي ترمس احمد عالتيلفون:الوه..مرحبا احمد.. انزين ماعليه ان شالله ...تمام يوم بسير البيت بخبرها
لطيفه و هيه تلعب بطرف شيلتها: شوه بلاه؟
اليده ضبابه و بابتسامه خبث: كلن يهيل الضو من صوب قرصه
فاطمه: ما شي يوصيني على شويه اغراض..شوه اتقولن؟؟
عايشه: انقول يالله انسير الخيمه..بنقرّص و بنسوي جاهي الضو
اليده ضبابه: هالنحس هاذا بعد...رمسنه خواته انتن اكيد انه بيسمع منكن..شاب راسه و هو بعده ما عرس
ضبابه: هههههه...يدتيه من نيبله هالطاري يتشرد
اليده ضبابه: امرررره حيات المرحوم يده من انقوله شي و هو ما يباه ايقفي عنك...و ربيعه الا شراته..وين سار ماله شوف؟؟؟
عايشه: منوه يدتيه؟؟
اليده: خليفه
عايشه: ساير بوظبي ايخلص اوراقه عشان الشغل..
اليده ضبابه: شدراني بهم هالعيال مارمناهم على العرس هاي عوينه و صابتهم...
لطيفه: بعدهم صغار يدتيه شوه عايلنهم على العرس و همومه
اليده ضبابه: صغاار؟؟ عنبوهم جانه كل واحد منهم بلحيته..حرام يني ان شفتهم ياحلف عليهم ايعرسون فالصيف
فاطمه: يدتيه ما شي عرس بالغصب..الحين كل واحد منهم شوره في راسه
اليده ضبابه و بعصبيه: اااشووووووه؟؟!!!!! شوه بالغصب هاي بعد؟؟!!! هب اتخلني احلف اني ايوزكن كلكن في ليله وحده ( و اشأرت على البنات كلهن من لطيفه الين فاطمه)...
فاطمه: يالله يدتيه حلااااته يوم بيكونن ثلاث عرايس في ليله وحده( تقصد ضبابه و لطيفه و عايشه)
لطيفه: ريل عويش قبيلي ما بيطيع ايعرس هياهم
اليده ضبابه: و منوه ياب طاري المحاربه الحين...اطريكن انتن..( أشأرت على ضبابه و لطيفه و فاطمه)
فاطمه: أشووووه يدتيه؟؟؟ انا ماباه خليفه
اليده ضبابه: اسميني الا بسويلج شور انتي بعد..ماشي ضبابه لسلطان و لطيفه لاحمد و انتي لخليفه..
لطيفه: شووووه شوووه شوووه....مالقيتي الا احمد...يدتيه احمد شرات اخويه ما فكر فيه
اليده ضبابه: و الله ين عدتنها هالرمسه غير مره يا احلف اني ايوزكن فالصيف و اقطعكن عنها الجامعه..ضاويتنا هالرمسه بعد الا ماباه و و اشوفه شرات اخويه
فاطمه: انزين...العرس مب غصب..والله جان مالي رغبه فيه الريال ما بنجبر عليه
اليده ضبابه: بتنجبرين و انتي سودا الويه...
لطيفه و هيه تصاصر فاطمه: اص اص لا تعاندينها لا تحلف انها توزينا عليهم غلامين..فكينا.. انسير يدتيه برا عند الضو
اليده: لا لا ما قهره البرد...بيلس اهنيه اتريا خليفه بسلم عليه و بسير...
لطيفه: يدتيه خليفه يمكن يبطي..
اليده: مب سايره اليوم الين ما ايي خليفه و ارمسه عن العرس هاذاك الهيز رمسته اليوم..
لطيفه و فاطمه: شووووووه
اليده: هيه رمست احمد عن العرس اليوم و حلفت عليه انه اذا ما عرس جريب انه خشمي ما يصك خشمه دامني حيه...
فاطمه: جان عندج حرمه غيري حق خليفه هيه...اما غير لا ...يدتيه مب غصب العرس..
اليده:ثرني في شوركن انا...
++يأسنا..يدتيه عنيده و اخافها تحلف عليهم..بس في كل الحالات انا واثقه من خليفه و احمد..بيقصون عليها بكم كلمه و بينهون الموضوع على خير.. خطفنا على المطبخ و خذنا لوازم الجاهي و طلعنا برا..و انه سلطان يالس عند اطيوره و ايعشيهن..
سلطان: الشيوخ بعدهم اهنيه ماروحوا؟؟
ضبابه: ماشي امتحان باجر اليمعه
سلطان: هيه و الله...فكاك..شوه عندج يوم السبت
ضبابه: احياء
سلطان: ياحيج...سلااااامي عليج يا لطووف امره ييتي على العوق...صبيلي كوب
لطيفه: فالك طيب بو مييد...
و عقب شوي نش سلطان و شل الطير من على الوكر..و تم كل شوي ايقربه من لطووف
لطيفه: سلطااااااااااااااااان..حرام عليك.....شله عني ...خوووووزه
سلطان: هههههههههه...شوه بيسويبج يعني؟؟؟ يا انج اتحطين ايدج على راسه ولا بفجه باجر على فيرانج
لطيفه: فكني سلطاااان...والحليان لا تي صوووبه...حرام عليك
سلطان: حشا جانه هالفار غالي عندج هالكثر..ايه بنات وحده منكن تيي بسرعه...نشن هاتن المنقله
ولا وحده من البنات اتحركن
سلطان: عنلااااااتكن بني مزر بيت ولا وحده فيها خير....ايه فطيم نشي احيدج راعيه فزعه
فاطمه: دخيلك سلطان....آنس ضرسي يعورني مافيني(حجه!!!)
سلطان: يالله ياللواته...ايه عويش نشي نشي بسرعه
عايشه: أأأأأأأأ....انا بسير اسمع امايه تزقرني
سلطان: عنلاتج...ردي والله يا تردين
عايشه: ما عليه ما عليه بسير خمس دقايق و برد
سلطان: عنبوه شوه بيسويبكن؟؟!!!! مالت عليكن...
فاطمه: ما عليه شله ما تزقر على ضبوب يوم نحن ما فينا خير!!!!
سلطان: اصلن ضبابه شيختكن...نشي ضبوب
ضبابه: أأأأأ...سس..سلطان اخاف
سلطان و بصوت فز الطير من نبرته: اشوووووه...ثرج الا شراتهن انتي؟؟!!!!
ضبابه: لا لا خلاص خلاص...
قامت ضبابه و هي حليلها اتنافض من فوق الين تحت..قلنا بنشووف اذا الحب على اصول ولا لا ؟؟ بتتحمل عشانه ولا لا ؟؟ شوه تتوقعون..
سلطان: هيه جيه اباج....اتشوفين هاللحمه اللي تحت...قصي قطعه صغيره و و قربيها من منقاره
ضبابه و من دون تردد سوت اللي قاله سلطان
فاطمه: ياااااسلااااااااااااام...وين سااار الخووووف...هاذا كله عشان الزير سلطان
سلطان: جب انتي.....اليهال ما يرمسوووون
فاطمه و بطنازه: ها ها ها ...
سلطان: دواج انتي احط هالطير في ثبانج
فاطمه: و رررررررررررررررررفجه....سلطان سلطان بليز
سلطان:ههههههههههه
لطيفه: متا السفر سلطان؟؟
سلطان: عقب الامتحانات ان شالله
ضبابه و بشهقه: وين بتروووووح؟؟
سلطان: السعوديه
فاطمه: وين تبا
سلطان: جب انتي
ضبابه: لييش بتسير؟؟؟ ما بترتاح شوي
سلطان: شوه اسوي من ايرد ابويه بنسير السعوديه القنص..تعرفين الشتا و المقناص لا بد منه..خاصه انه السعوديه اقرب عن باكستان
تم سلطان كل شوي ايعلم ضبابه...و يراويها كيف اتحط البرقع على راس اطير و كيف اتشله..و هيه حليلها ما قالت شي اتطبق كل اللي يقوله..و لطيفه و فاطمه ايسولفن و مخلياتنهم في خبر كان..
فاطمه: طاعي طاعي انتي الرومانسيه
لطيفه: هاي ضريبه اللي تحب بدوي
فاطمه: هههه الله يهنيهم
لطيفه: امين..بس مب جنهم زودوها...شوفي شوفي انتي
سلطان و ضبابه صاخين و كان كل واحد منهم يمسح على جناح الطير بالدور و كل واحد ماشل عينه عن الثاني

يا بو عيون سود و انعاس راعي الهوا لازم اتلده..شوق و غرام و صادق احساس شوقي لكم ماقدر اعده

فاطمه: عنلاتهم الغزل عيني عينك
لطيفه: ايه ضباااااااابه....سلطاااااان... بس ماشي استجابه
لطيفه: ايه عنلاااااااتكم...توايهو توايهو بعد!!!! شوه نااااااقص...و الحبيبين في عالم ثاني و ضبوب تبتسم كل شوي جنها مسحووووره...ندري انه سلطان وسيم...بس شوه اول مره اتشووفه!؟؟!!!!!
لطيفه: خليهم خليهم بنشووفهم الين شوه بيستمرون؟؟
فاطمه: لا ووووووووالله...عنلاتهم امررره ما يحشمون..لو حد ايشوفهم الحين بيسفرونا..
نشت فاطمه صوب ضبابه و مطتها من شيلتها
فاطمه: ايه ايه....شيااااج استلبستي...الخلوووووه حرام نشي نشي يالله بنسير البيت
سلطان: بسم الله يالعذاااااال...يون خلووه...وين خلوه و انتي بليس و ربيعتج اهنيه!!!
فاطمه: لا والله تبونا انخليكم رواحكم!!!
لطيفه: جدام عيووونا و هاي سواياكم لو انخليكم شوي شووه بتسوووون؟؟؟؟
طلعن فاطمه و ضبابه لانهن بيسيرين البيت...و دريولهم واقف
فاطمه: يالله لطيفه ردي السلام على خالتيه عفرا..ان شالله باجر لقانا
لطيفه: وين في بيتكم
فاطمه: لالا لا باجر بنسير البر بعدنا..جان الجو بعده جيه...بنخطف عليج الساعه اربع العصر زهبي عمرج
لطيفه: تيكي...باجر اشوفج ان شالله
فاطمه: على خير...

++ رديت البيت و انا افكر و افكر و افكر..دشيت غرفتيه و سكرت الباب انسدحت على الشبريه..و حطيت منوعات ميحد..و يلست افكر..معقوله سلطان ايحب ضبابه كل هالحب؟؟!!! في حب لهدرجه؟؟ معقوله انه انسان يحب شخص ثاني بس هل من المعقول انه الحظ يسعفك و الطرف الثاني ممكن يحبك؟؟؟ اظني مستحيل.. و اذا كان موجود فعمره قصير..هاذي انا من استويت و انا اعشق احمد..وشوه استفدت؟؟!!! فاطمه..اتموت على علي و اتهاذيبه ليل نهار..و شوه استفادت؟؟ عايشه يوم حبت و انحبت..طار عنها في غمضت عين..يارب يارب انك اتخلي ضبابه لسلطان و سلطان لضبابه..نفسي اشووف حب ايعيش جدام عيني...يارب..احسلي اوطي راسي خاصه اني احس انه حلجي يعورني و حرارتيه مرتفعه
بالباجر...
سعيد: وين بها لطفين؟
لطيفه و هي اتمط العباه على تحت عشان ما يشوف سعيد شوه لابسه: أأأأأ...بسير البر مع عمتيه بخيته
سعيد:هيه...و منوه بيوديكن
لطيفه: الحين دقلي تيلفون...الدريول..ليش شي بلاك؟
سعيد: خالد اسمعه يكح...مادري ابغي اوديه المستشفا
لطيفه: هيه سعله فيه...من يومين وديته عند الدكتور نبيل حلاوه..
سعيد: لا و الله..شله ما قلتلي؟؟؟!!!!
لطيفه: عنبوه يا سعيد انا عمته!!! تباني اشوفه مريض و اخليه..عاد خاصه دربوح ما يهون علينا
سعيد: وشوه قالج الدكتور
لطيفه: هاي الحياطه اللي تضربه من يوم هو ياهل...احيده على البخار عند عويش
سعيد: شكله متعلق عويش وايد
لطيفه: امرره لا تخبر...انزين سعيد شي في خاطرك اسمع ايدقون هرنات اكيد هم
سعيد: لا سلااامتج
++ الله ستر و عدت على خير...لابسه بنطلون جينز و بدي و عليه عباه مسكره!!! حد قالهن يتحدن لطيفه انا يوم احط شي في بالي اسويه..بس ما توقعت اشوف حد...لانه بويه مسافر و سلطان ساير بوظبي مع خليفه لمعرض الصقارين...مادري من وين طلع سعيد..اهم شي ما انتبه..ولا ...جان سرت في سابع داهيه..و بعدين عموه بخيته ما تقول شي..خطفت بسرعه على المطبخ التحضيري و شليت سله حاطه فيها غرشه من عصيري الخاص..و سندويجات تونه و ما يونيز..طلعت بسرررررررعه و شليت الشال مالي لاني حاسه بحما و نفضه بس ما قدر افوت هالسيره...شفتهم موقفين السياره و كلهم ركوب..بس....بس عموه بخيته يالسه من جدام؟؟؟!!!! عمير محد ساير مع حرمته بوظبي..لا يكون؟؟!!!!!..هو ما غيره الديج...عطيت بريك و كنت برد داخل البيت بس شكلهم شافوني..الخامات ادريبهن..كله منهم..شوه بقول الحين..كيف بتصرف..نزلت عمتيه الدريشه..فاظطريت اسير صوبها و اسلم عليها...

لقياك يمحي عني الياس و ارتاح به بالعمر مده..غالي معي و ادراه ياناس مدراة من دارا موده

لطيفه: شحالج عموه؟
بخيته: بخير ربي يسلمج...شوه سوت ريل امج اليوم
لطيفه: الحمدالله بخير( لطيفه و هيه تتصنع الكحه) كح كح.... شحالك احمد..
احمد: بخير و من صوبج
الخام ولا رفع عينه في عيني اتشوووفوونه!!!!! لطيفه:اقول بنات فجن الدريشه
نزلت فاطمه الدريشه و في عينها نظره اعتذار...
فاطمه: يالله اركبي
لطيفه: أأأأأ....لا لا انا ما بسير...
بخيته: ليش؟؟؟
لطيفه: عمووه انس عمريه مب صاحيه
أحمد: عيل شله لابسه عباتج...
لطيفه:أأأأ..ب...لاني بسير العياده..كح كح
فاطمه: ماشي عياده تفتح القايله يالله اركبي
لطيفه و شوي و بتزغد فاطمه من حلجها: لا لا ...اترياه ايأذن و بسير..برايكم جان بتسيرون
سيف: خالوووووه يالله خالووووه تأخرنا بعدين البطحا بتروح عنا
بخيته: اركبي عن خاطر السيافي..
لطيفه: ماروم عموه...حما فيني ( و الله اني ما جذب)
احمد و بحزم: انزين درينا انج مريضه..اركبي اركبي..يوم بنرد بنخطفج على العياده..اركبي
++ استسلمت للامر الواقع..شوه اسوي يعني..احرجني..اذا اصريت على الرفض بنكشف..بركب على الاقل احقق رغبتيه في خنق فطيم على هالموقف السخيف..قمت و قرصتها من تحت لي تحت
فاطمه: أأأأأأأأأأأي
لطيفه و بنبره خبث: شعندج؟؟؟ و بهمس: ارمسي جان فيج خير
فاطمه: ماشي ماشي...فاطمه و هيه تصاصر لطيفه: و الله و الله اني ماكنت ادري انه هو اللي بيودينا
لطيفه: جب يالجذااابه
ضبابه و بهمس: و الله حليلها ما تدري يوم نش من الرقاد و شافنا قال انا بوديكن..
لطيفه: هو اللي قال و لا انتن اللي عزرتن عليه!!!!!!!!!!!!!!!!!!!!!!!!!!!!!!!!!!!
ضبابه و هيه تغمز حق لطوف: من درا انج بتسيرين عزم...
لطوف و هيه تضرب ضبابه بالكلينكس على راسها: جب يالجذابات
سيف: خالوووووه...ليش تضربين عمووه ضبابه...
++ بعد هالياهل وين يبا راز بالويه..شكلهم اليوم كلهم متعاونين عليه حتا السيافي حبيبي مستقوي..تأففت و رفعت عيني لا اراديا صوب المنظره اللي جدام كرسي الدريول..بس شفت شي ما يسر..شفت احلا عيون ناظرتهن عيوني في حياتي...آآآآآه شوه هالبلوا...ياربي وبعدين يعني!!!! عيونه كانت تسألني و بكل براءه و على غير العاده: شوه فيج يا لطيفه ؟؟؟ رديت على سيف و انا ما شليت عيني عن العيون اللي آسراتني
لطيفه: ماشي عموه ذبابه تبا الكلينكس ...عطيتها اياه بالغلط على ويههاا
بخيته: احمد فديتك خطفنا على بقاله سيف سويدان
احمد: ان شالله
سيف: عمي احمد ابغي اسوق السياره
احمد: تعال تعال يلس جدامي..(احمد و هو يرمس راعي الدكان): شوف هات واحد كرتون فانفير..
لطيفه: لاااااااا....احمد لا اااا لا تحطه جدامك...
احمد: شله ؟؟
لطيفه: ما عليك منه حمار..مره ركب جدام الدريول و لف بالسكان و الله ستر ما ندعمنا
احمد: هاذاك الدريول مب انا
لطيفه و بنقمه: كيفك
احمد: ادري بكيفي عيل بكيفج؟؟
لطيفه: لا عكيف الياعده
احمد: حشا غاديه ملبق اليوم..مساعه يونج مريضه و محمومه!!!!
لطيفه: اف
احمد: ولا لا يكون الحما انتقلت للسانج
لطيفه: يعلني اموت انزين...ارتحت
احمد: ايقولون
بخيته: شياك عالبنت انته؟؟!!!
احمد: دواها
لطيفه: فاتح صيدليه ولدج عموه
احمد: و الله كل مقوي عندي دواها
فاطمه: اقول لطوف مسكي كيمره الفيديو شوي...و تمت فاطمه اتدور اغراضها
لطيفه: هاتي..
++ الكيمره كانت تشتغل..و بما اني يالسه ورا عموه..شغلتها و اتصنعت انها ما تشتغل..و ركزت على طرف ويه احمد..و انا اسوي زوم ان و زوم اوت...و افكر اقول ياربي شوه هالبلوه اللي ابتليت بها..شوه فيه حلو يعني؟؟ شوه فيه غير عن الشباب؟؟ ليش ليش كل ما فكر اني طلعه من مخي ألقا عمري احبه اكثر و اكثر..ياربي و بعدين يعني؟؟؟ الين متا المعاناه....سكرتها و عدت اللي صورته ابغي احذفه..ياليت لو اقدر احذفه من قلبي بكبسه زر..رفعت عيني لا اراديا صوب المنظره مالت الدريول..وو!!!! شفته...عينه كانت عليه..شوه يالس ايراقبني..خليه ايراقب..ايراقب!!!!!! ليش لايكون شاف شوه كنت اسوي!!!
احمد: بس...شبعتي..ولا اعدل الوضعيه
لطيفه: يالغرور
احمد: مزيون من حقي
لطيفه: الله يعينك على ما ابتلاك
احمد: امين
فاطمه: اقول احمد
احمد: شووه؟
فاطمه: شغل المسجل
++ آآآآه...يعني كشفني..الحين هو يعرف بشوه احس صوبه..شوه شعوره صوبي؟؟ طنازه... ولا شفقه..ولا ايقول شوه هالبلوه!!! في هاللحظه رن تيلفون احمد و رد عليه

--------------------------------------------------------------------------------



حمد: هلااا مرحبا الساع...تمام..وين؟؟؟...لا و الله..دووم دبي عاد..بس بس من هالهوامه..هيه الاهل..هيه هاذوه جدامي..سيف..تكلم تكلم حد يبا ايرمسك
++ من قال حد...حسيت بطعنه...ليش حد!!! ليش ما يذكر اسم..لو كان ريال اللي متصل عادي بيقول..اه يا احمد اه...كافي تعذيب..
فاطمه و بهمس: سوت مسوده الويه
لطيفه: منوه
فاطمه: انسي انسي الموضوع
ضبابه بشوي شوي: ربيعته يعني منوه...هاي اخر وحده..يونها فقدتها اتموت على السيافي يالله يعله بلاج
احمد: ضبابه بس من الرمسه الفاضيه
ضبابه: ما قلت شي
احمد: جذبتي
لطيفه و بقهر: ههههههههههه....
سيف: امايه بخيته..هاي هندووووه...اتقولي يابت لي هديه من دبي..
بخيته: أشووووه...احمد بعمرك ان ضويت شي لسيف..جانك بالي عمرك لا تبلي غيرك...مافيني على السوا
احمد: ههههههه..انزين بتسمعج
بخيته: خلها تسمع...يعلني ما حلمهن
سيف: وين انتي الحين...الله..وديني عندج..انزين..باي ...عمي احمد هندوه تباك
احمد: اهلين...هههههههه...شوه قلتيله....لاه؟؟ ما عليه اوكي..بينا كول..برايج..باي
سيف: عمي احمد,,,يالله انروح جيمي مول...صح بنشوف هندوه اهناك
احمد: مب دووم عاااد...امررره اشوفك علقت

+++ هاذا اللي يهمني..نظرت الالم في عينها..الحزن في محياها..ما تعرفين يا لطيفه بفرحتيه بعذابج..القهر اللي اشوفه بيجتلج ما يساوي نقطه من القهر اللي حسيتبه يوم سمعتج اتقولين احبه لواحد غيري..دواج..ما شفتي شي يالهمباه...اللي باييج اكثر..عيل بأي حق.. طول عمرج اتحبيني و في لحظه تجلبين على واحد الله يعلم منوه هو!!! اباج اتحسين شعوري و انا اريد احط ايديني على حلجج و اجتلج..ما بيبرد فوادي غير حسرتج..
بخيته: احمد...بويه...لف لف منيه..
فاطمه: ايه لطيفه....شوه قلتي ؟؟
لطيفه: اقول شووو
فاطمه: اووهووو يعني انا من الصبح ارمس عمريه...اقولج شوه رايج الخميس الياي انسير دبي
لطيفه: مالي نفس
ضبابه: لا تلوومينها...مب في حاله
لطيفه: تتشمتين حضرتج!!
ضبابه: لا و الله حشا...لطوف شوه يعني ما تعرفينه احمد؟؟...حولن حولن الين متا بتمن في السياره
نزلن البنات...و فرشن الحصير و حطن عليه الفواله..سارن بخيته و ضبابه و معاهن سيف يتمشن..اما احمد فشل موبايله ايكمل اللي قطعناه عليه..وسار بعيد..اما فاطمه و لطيفه فسارن فوق واحد من العراقيب و قعدن
فاطمه: الله يهالمهب محلاها...اسمني امووت عالشتا...ياربي يالبرد..
فاطمه: لطوووووف بس عاااااد....يونج اول مره تعرفين انه يرمس..
لطيفه: لا مب اول مره..اعرف احمد زين..بس جيه جدامي !!! عنبوه اخوج هاذا ما فيه احساس مافيه دم!!!
فاطمه: شوه تبيني اقولج يعني؟؟؟ و الله انه مشكلتج ما عرفتلها حل...شوه تبيني اسوي و انا ماسويته
لطيفه و بقهر: ماباج تسوين شي!!! ولا بسوي شي...بس اباه هالصخر يحس شوي..عنبوه لوهو ميت بيحس...لين متا يا فاطمه يعني لين متا صبري بيتحملني..عفتها هالحياه..كرهتها و كرهت عمري..
فاطمه: أأأأه يا لطيفه...لطفين حبوبه..لا تقولين جيه تراج اتعذبيني...همي من همج و فرحيه من فرحج
لطيفه: خلاص يا فاطمه...انا تعبت من اخوج هاذا..هاذا انسان بليد..ماعنده احساس...بعده لو يكرهني كره العما المفروض انه يحن عليه..انا قررت
فاطمه: شووو
لطيفه: اول واحد يخطبنيه بوافق..ولا بترياه هالخام هاذا..هاذا ما يحس..بعرس و بشوف نصيبي مع غيره..
فاطمه: لطوووف حرام عليج..لا تقولين جيه..لطفين ايسدج انه اليوم احمد مصدّع و تعبان من راسه و انتي اتعرفين انه فيه صداع نصفي حتا الدوام مرات ما يداوم بسببه.. و ما بغا ايسير و حاولنا وياه بس من درا انج بتسيرين عزّم...و اليوم ما شفتيه كيف ايغايضج في السياره؟؟؟ تتوقعين انه هاي شخصيت احمد؟؟ ريال بلحيته ببيلس ايغايضج!!! لطوف احمد من ايشوفج ينجلب حاله..مادري شوه يستويبه..يعني لو انتي ما تطرين على باله بيحقرج ولا بيعطيج ويه صح ولا لا ؟؟ مادري انته حره بس لطوف من ردينامن العمره احمد متغير كليا من صوبج..!!!!!
لطيفه: الا بقول و نص..و كلامي هاذا انتي شاهده عليه..والله و الله في سماه اي واحد بيتقدملي اني يا وافق عليه..بس يا فاطمه بس تعبت منه..ما اجذب عليج بعدني احبه اكثر عن هالعالم كله( لطيفه و هي اتأشر حواليها)...باخذ غيره و بنساه ياربي بس بس مليت من هالحاله
فاطمه و هي ترفع التراب بين ايديها و تنزله بين صبوعها: عيل انا شوه اقول؟؟؟؟ قد شفتي حد بنحاستيه؟؟!! كل ماحب حد يشرد عني..حبيت اخوج و حقرني..حبيت علي ولا ادري عنه شي..لطط..لطووف بس انا تعبت...بموووت يا لطوف ( و انفجرت فاطمه بدمووع حاااره)...
لطيفه: بس فطامي بس فديتج لا تقولين جيه...
فاطمه: عيل شوه تبيني اقوووول...يارب خلني بلا مشاعر..اكره عمري و اكره الساعه اللي حبيت فيها..
لطيفه: بس الحب مب بأيدنا يا فطيم
فاطمه: لا مني انا البقره...احب الناس ليش و هم ما بيحبوني؟؟!!!
لطيفه: منوه ايقول انج ما تنحبين..انتي تعرفين انج انخطبتي مرتين..و ردوهم هلج لانج كنتي صغيره..و جمال ماشالله عليج حلوه ما تشوفينه هالسبال الديج حلو لانه يشابهج..ما شفت فيج شي مب حلو..و كفايه شخصيتج..بس عليه اللي بياخذج..يافاطمه انتي طيبه قلبج ما شي منها....
فاطمه: عيل ليش خلاني؟؟؟ ليش يوم شافني بعينه؟؟؟
لطيفه: شباب اليوم خياس..ما يبون البنت الحشيمه..يبونهن هاذيلا القوايا..و انتي شوه ياب هالسالفه على بالج؟
فاطمه و هي تشاهق: فخووور اتقولي انه بيخطبوله الحين...
لطيفه: عنلااااااته....انزين يمكن بيخطبوونج..
فاطمه: لو بيخطبوني جان قالت فخوور..قالتلي انه هييره حاطه عينها على وحده و اترياه ينزل عشان اتكلمه
لطيفه: نصيبنا على الله مب عندهم هاذيلا الخياس..بتشوفين بتشوفين...وينه احمد ما شوفه؟؟؟
فاطمه: ريوس بالسياره وراح...تعالي انسير عند ضبابه اشوفها تلعب فالغدير
لطيفه و هي تفصخ عباتها: انسير عاد اليوم بلعب عكيف كيفي
فاطمه:هااااااااااااا....غربلات عدوج...شقايل تلبسين جينز؟؟؟؟ محد شافج من خوانج
لطيفه: الشرده نص المريله على قولتهم...حد قالكن تغايضن..اللي احطه في بالي اسويه
فاطمه: يااااا حظج....غربلات عدوج حد يلبس بنطلون بيريشكا فالبر؟؟؟انسير انسير اهناك
لطيفه:شسوي هاذا الموجود... يالله سباق؟؟
فاطمه: يالله
وركضن لطيفه و فاطمه عند الغدير..هموم هالبنتين تثقل قلوبهن..لا بأيدهن شي ايسونه ولا يوصلن اللي يحبنهم!!!!
+++ وقفت السياره..في نفس المكان اللي خليتهن فيه..مادري بديت احس بالذنب..يا احمد البنت يوم حبتك حبتك و هيه ياهل...مب ملزوومه اتحبك طول عمرها..وانته ما قد حطيتها في بالك..لا لا لا انا لطيفه حطيتها في بالي الحين..مب يوم بغيتها تربع اتدور غيري!!! ماعرف باي صفه دخلت قلبي..مب متأكد اذا كانت حبيبه..محتاج شي يثبتلي هالشي..لا يااحمد...شوه حبيبه انته بعد..قصوري على اخر عمري لطوف بتذلني على حبها..مادري مادري المهم الحين انها في قلبي..حب ولا مب حب..ما عندي دليل على هالشي!!!!...لا و المشكله كل ما تذكر نظره الحسره في عينها احس بقلبي ينقبض..لا حووول وبعدين يعني هالياهل تلعبي!!! المصيبه الحين اني من سكرت عن هند و انا اعد الثواني اريد اشوف ويهها..اريد اشوووفها...اول مره احس انه هند بلوه على قلبي مالي رغبه فيها..رغبتيه اهناك عند عرب عيونهم عسليات..نزلت و لقيت امايه و البنات يالسات على الغدير...يالله...لطيفه..بغيت اسير عندهم و ربي في سماه ماروم اقبض عمري..ماروم اوقف نبض قلبي من يشووفها..بس لطيفه كانت حاطه شيلتها على جتوفها..ولا بنطلوون!!!!! عنلاااااااتها...اللي يعيبني في لطيفه قدرتها انها اتسوي اللي مايروم غيرها اتسويه..لطيفه بالنسبه لي تحدي ولازم اكسبها..يلست على الحصير و يلست اكل من فواله لطوف عنلاتها مب عصير اتسويه من حلاته.. عقب اشويه الكل اتجمع عند السياره...
سيف: عمممممي احمممد....ما شفت البحر...حلو
احمد: البحر!!....الله يغربل هالتربيه...بتستويلنا حضيري بعدك...غدير اسمه
سيف: عمي احماااااااد....الماي قوي و حلو تعال نسبح فيه
احمد: في شورك ثرنيه....منوه مسونه هالعصير..( شوفو الاستهبال)
لطيفه كانت يالسه و متسانده على السياره و منخشه ورا فطيم..بصراحه شكلها صدق تعبانه..
فاطمه: لطووف
احمد: و انتي ما فيج لسان ترمسين؟؟؟
++ حسبي الله و نعم الوكيل...و بعدين يعني!!! و الله والله اني احس بالبرد دخل في عظامي..و الحما لاعبتبي لعبه..شوه يبا فيني بعد..احس بعمري خلاص مهلوسه اخاف ارد عليه اعق كلمه قويه...
لطيفه: لا فيني بس ما سمعتك..
احمد: وين سلطان ماله حس اسويله و ما يرد عليه؟؟
لطيفه: محد ساير ويا خليفه بوظبي...هاذا المعرض مال الصقارين
احمد: لا و الله...و شله ما يقولون بنخاويهم؟؟!!!!
لطيفه: و انا شدراني..
احمد: انتي اصلا تدرين بشي؟!!
لطيفه: لا بقره ما عرف شي...
ابتسم احمد و هز راسه...


ا
++ المهم بقره ولا غيره انا الحين مب قادره امسك عمري بمووت يا نااااس من المرض بس مستحيه اقولهم ردوني البيت..لا اردايا ساندت راسي على جتف فطيم...و حسيت بالدنيا جدامي اتدور و اتدور..و اشوفهم يتكلمون و ايسولفون وانا في عالم ثاني...و الله مادري كم خطف من الوقت..
فاطمه: لطيفه لطيفه نشي نشي بنسير.....اوووووف يا راسج حشا لابق ضووو...
++ مادري كيف ركبت السياره..ووين ركبت..وشوه اللي صار..احس بعمري انتفض..و لا ادرك شي من اللي حواليه...كل اللي اشوووفه ظلااام دااااامس...بعد فتره فتحت عيوني..جني غفيت!!! احس راسي ثجيل اول شي حسيتبه...الكائن اللي لابس كندوره بيظا و طاوي السفره..لا لا لا شكلي صدق مهلوسه..تصلبطت عقب ما ادركت اني كنت راقده على ريل فطيم..بس وينهم؟؟؟ وين ضبابه و عموه؟؟؟ كنا انا و احمد و فاطمه و سيف يالس من جدام...
لطيفه: وين نحن؟؟!!!...كح كح
احمد: ابشريبها فقدت الذاكره...ههههه
فاطمه: احمد خاف ربك...بس جنها اتهاذي...
لطيفه: شوه اهاذي؟؟؟!!!! احمد لفيت عن بيتنا كح...وصلوني انا قبل اذا ما عليك امر..
احمد: سايرين صوب المستشفى...
لطيفه: شووووووه....لا لا انا بخير ما فيني شي...ردوني ما فيني شي والله..كححححح
فاطمه: شوه ما فيج شي و انتي من ردينا و انتي تهاذين و تنتفضين...و ما وقفتي من السعال
لطيفه: في ذذذذذذذذذذذذذذمتج؟؟؟؟و تقربت لطيفه من راس فاطمه و همست: حلفي اني ماقلت شي؟؟؟ دخيلج
احمد: لا لا ما خليتي شي ما قلتيه امررره الفتي قصص..ههههههه
فاطمه: لطوف اتعرفين رقم ملفج في مستشفا الامارات؟؟
لطيفه: لا لا مابا مستشفيااات
احمد: عيل تبينا انردج البيت جذيه...ما تهونين علينا بعد
لطيفه: لا لا مابا مستشفا الامارات سيده يعطون مغذي بسبب و من دون سبب...كحكح
احمد: ههههههههه...عيل ما شي من العيادات الحكوميه فاتح...اليوم اليمعه
لطيفه: ردوووني البيت...
سيف و هو يالس من جدام: خالووووه انتي وايد مريضه لازم اتروحين مستشفا..ولا عمي احمد بيهد عليج
لطيفه: ما عليه من عمك..احمد ردني البيت..مابا المستشفا شوه هاذا مب يايبه ويايه شي لا فلوس ولا بطاقه
احمد: فطيم سكتيها بنت خالج....بينعيز عنج عيل؟؟؟ شوه بيستوي عليج لو دفعنا عنج...وين تبين الحين؟؟؟
لطيفه: انزين بسم الله...مب جيه قصدي..خلاص انسير عياده مبارك
احمد: وين هاي بعد؟؟
فاطمه: احمد تعرف العماره اللي فيها ياس للعطور الفرع الجديم...العماره اللي عدالها
احمد: اخخخخخ....هاي عياده هنوود...يا بنت الحلال خلينا انسير بج المستشفا
لطيفه: دخيلك احمد...هناك دكتوره سونيا هيه تعرفنيه زين...
احمد: اوكي...
++ وصلنا العياده...و انا احس بعمريه انه الحاله بدت تسوء مره ثانيه...و الكحه اتزيد..وقفنا فالمواقف اللي ورا..نزلنا بس عند المصعد التفتت ادور فطيم مالقيتها...شوه بسير العياده انا و احمد بس!!!!!!
لطيفه: وووووين فطيم؟؟؟
احمد: بسم الله باكلج انا؟؟؟ الحين بتيي بتلبس سيف نعوله و بتيي
لطيفه: انزين خلنا نترياها..
احمد: بنسبقهم عشان نمسك الدور
+++ خايفه ولا مستحيه....مادري ما صدقت القا هاللحظه عشان استفرد بها..ما بسويبها شي..بس اريد احس برد فعلها و نحن رواحنا...دخلنا العياده..تقريبا كانت فاضيه..ماشالله كل اللي فالعياده ايعرف لطوف..دخلنا على الدكتوره... وين ابا؟؟؟ بس ما بخليها اروووحها..اخافها اتطيح ولا شي يستويبها..تخاف ولا بس رغبه ما تعرف شوه سببها
لطيفه: اهلين دكتوره سونيا كيف حالج.؟
سونيا: تمااام لتيفا كيف هالج؟؟
لطيفه: تمام كحكح... متا يجي انتي من الهند؟؟
سونيا: اتنين شهر...كيف هال ماماه و سولتان؟؟
لطيفه و هيه تلتفت صوب احمد اللي يلس على الكرسي المجابلني: هههه...اتمووت على سلطان من يوم هو ياهل...كحكح ترانا ما نتعالج الا اهنيه..تماااام سلطان الحين ريال كبير بسوي شادي كحكح..كيف حال عثمان ولد مال انتي؟؟
سونيا: الهمدلله ...مافي داخل مومباي...سير لوندون عشان يجي دوكتور
لطيفه: زين زين....كحكح
سونيا: مين هاذا يور هازبند؟؟
لطيفه و باندفاع: نو نو نوووووووووو....
سونيا و هيه تهز اسها: أأأأأأ....ماشالله لتيفه انتي كبير الهين متا يجي عروس؟؟..اووو لتيفا انتي زياده كح..تعال تعال بيشووف .....
++ الله يلعنها قفطتني...يعني لازم تحرجني جدام الديج..المهم انه هو مب مهتم يالس يلعب بالموبايل..الحين هاي تبا تفحص صدري بالسماعه شوه الحل يعني؟؟؟؟ كيف اقوله يطلع
لطيفه: كح كح....اااا ....احمد...طلع شوي لانها بتفحصني
احمد: ها....سمحيلي ما شفتها...
+++ طلعت وليتني ما طلعت..ما كنت اتوقع انه لطيفه اجتماعيه لهدرجه..لا مخليه فراشه ولا دكتوره..لطوف كل ما ييلها تكشفلي جزء يديد من شخصيتها...مادري ليش انحرجت يوم سألتها الدكتوره عن العرس,,,لطوف بعدها صغيره و المفروض ما تنحرج...ليش.؟؟ لا يكون؟؟ لايكون بعدها اتحس شي صوبي..!! معقوله..يارب
بعد ربع ساعه طلعت لطيفه و هي مدوخه شوي يمين و شوي شمال
فاطمه: ها لطووووف...تعالي تعالي بقبضج...اشوفج دايخه تعالي يلسي على الكرسي
احمد: لطيفه عطيني الوصفه...
فاطمه: بتخبرج شوه عطتج هيه....اشوفج ما ترومين توقفين على ريولج
لطيفه: تت....تعرفين هاي الابره مالت الزجام...مادري...مادري احسني مدوخه..خلينا انسير السياره
فاطمه: لحظه لحظه ارتاحي شوي الين ما يدفع احمد الحساب و اييب الدوا..
لطيفه و هيه تضرب فاطمه على جتفها: و انتي يالحماره..وين سرتي و خليتينا رواحنا...
فاطمه: اااااااي....هاي و انتي مريضه جيه..ماشي..شوه عيبتج الحركه؟؟؟ خليتلكم الجو رمانسي..شوه رايج؟؟ قوليلي قوليلي شوه استوا بينكم؟؟؟
لطيفه: يون رومانسي....الله يغربل رومانسيتج البايخه...ماشي..هاذا احمد ..أأأ..فطيم ابغي ازووع..دايخه
فاطمه: شوووو ماشي!!!....وانا اللي تحججت بالسيافي...اووهووووو...هاذا احمد نحس..
لطيفه: غريبه احمد ما احتشر عليج؟؟
فاطمه: قلتله سيفووه بغا محل بو عشر و عشرين ووديته..يعني ما شي نتيجه!!!!!
++ طلعنا من العياده..خلاص خلاص ما حس بشي..ما حس بريولي..دايخه..شكلها الابره يابت مفعولها..حاسه بانه ريولي متخدرات..و راسي ثقيل..يزاها الله خير فطيم ماسكتني من ايدي ..و فديته ناظر اعيوني صرفلي الدوا...و قالي ما تهونين عليه..و نظره الاهتمام في عيونه اتجذب كل تصرفاته السودا معايه احبه و الله اني احبه...بس شوه الافكار!! لايكون من الصبح اهاذي انا..وصلنا تحت و المصيبه انه اللفت زادني لووعه و دووخه..شفت احمد يسبقنا ايشغل السياره و يركب السيافي..اول ما نزلت من الرصيف..حسيت اني نزلت في مكان بعييد و عميق..مادري بس هالشعور ريحني من التعب و المشي...
فاطمه: احمممد....احمممممد...الحق الحق علينا...اغمي عليها...لحق دامني...دامني ماسكتنها قبل لا تطيح
احمد: شووووه؟؟...وينها ...
+++ شوه ياها؟؟؟ الله يغربلها من حاله..حاس باللوم فيها..من شفتها اليوم و انا مستلمنها بشراع و ميداف..اول ما درت على السياره صوب فطيم كنت متوقع انها مغما عليها..بس انه ايكون ويهها مسود..و ايدينها زرق..تيبست..الله يغربل هالوضع..تميت واقف و مبحلق..شوه ياها..توها بخير...يارب يالله حسيت بانه قلبي طاح بين ريولي..لطيفه ميته!!! ما فيها حس..ما فيها حياه..شكلها ميته..لا لا شوه ميته انته بعد..فال الله ولا فالك ما صدقت اني أحبها و القا حبها في قلبي متسيد اتمووت!!!!! شوه اتخرف انته..شليتها من طرف و فطيم دخلت ريولها داخل السياره...شغلت المكيف بسرعه و طلعتلها ماي من ثلاجة السياره..
فاطمه و هي تمسح ويه لطيفه: لطووووف...لط...لطووف بس عاد ارمسي..قومي حرام عليج قومي..احم..احمد اخافها ماتت
احمد و هو ملتفت بكبره من الكرسي اللي جدام: شوه ميته انتي بعد!!!...ين عديتها هالرمسه بعمرج..رشي رشي من هالعطر في شيلتها
سيف: ليش خالوه لطيفه ما تتكلم...ماحبك عمي احمد ما حبك...ليش ضربتها..بضربك بضربك لطووف قومي
عقب شوي..تحركت لطيفه هزت راسها بس ما فتحت عيونها..فاطمه: لطووف لطووف واعيه انتي
لطيفه: هيه هيه بخير انا ما فيني شي ردوني البيت
احمد: انزين فجي عيووونج....
لطيفه و هي اتغشي ويها بالشيله: ماروو..ماروووم
احمد: ليش!!! ليش شي يعورج...حوليها حوليها فطيم بنردها العياااده
لطيفه: للا لا ...لا..و الله مافيني شي...بس...بس ماروم احط عيوني في عيونكم..( لطيفه و هي خانقتها العبره)....قاااافطه...منكم

+++ اه...اهين..و الف...رديت على السيت و حطيت ايديني على عيوني...يعني حيه..ماماتت..الحمدلله..اول مره احس بهالشعور..اه يالطيفه ثرج غاليه..و غاليه..والف غاليه..توبه اقولج شي مره ثانيه..توبه اعذبج مره ثانيه..لانه عذابج عذابي..و فرحج فرحيه..عرفت ليش اليوم ما هنت لي السيره..ليش ما ستانست..لانج انتي ما كنتي مستانسه..خلاص يا لطيفه خلاص لج وعد مني اني اسعدج ما بقا من حياتي...

++ رديت البيت و انا ميييته..من التعب..من المرض..من الحب..خلاص خلااااااص..انا احبه..ولا بحب غيره..خلاص احمد محفور في قلبي..ما شي حل انساه الا اني افارق هالدنيا ولا هو يفارقها..لا لا يارب اتخليه..لاني الين ما موت ...و انا اعرف انه قلبي ما بينبض الا باسمه...
احمد: شوه اتسوين ضبابه الين الحين واعيه الساعه ثنتين فليل..ما وراج امتحان باجر
ضبابه: هيه بس خلصته يالسه اطالع الفليم اللي صورناه اليوم ...
احمد: فاطمه ماردت من بيت خالي
ضبابه: لا تقول بتبات عند لطووف...صدق لطوف اغما عليها؟؟
احمد: هيه بس ياويلج ان قلتي حق حد...
ضبابه: ليش؟؟
احمد: بس ...يالله يالله نشي..نشي..وراج امتحان ...
+++ نشت ضبابه سكرت الكيمره و الليتات اما انا سرت المطبخ شربت ماي و رديت الصاله..لفتت نظريه الكيمره...اشغلها؟؟!!! شوه تباها...اكيد لطوف طالعه فيها...ابغي اشوفها..شغلتها كانت اللقطه اتضحك...لطيفه بالبنطلون و مسويه قرنين بشعرها..و الله اللي ايشوفها..ايقول طفله فالروضه..شكلها ضبابه اللي تصور لانه فطيم واقفه عدال لطيفه ورا الاشخره..شوه ايسون؟؟؟ اه شكلهن ايمثلن مشغلات الوك مان على اغنيه خالد عبدالله " عهدن علي اني اتمم كلامي" و مسويات فيديو كليب يون فاطمه البنت و لطيفه المغني..ههههه..متا بيكبرن هالبنتين على هاللعب..تميت اركز على لطوف و هي اتمثل..و يونها زعلانه و فطيم تراضيها...هههههههه..عقب شوي اتقربت ضبابه بالكيمره على لطوف و فطيم ماسكه الموبايل يونه ما يكروفون و اتسوي لقاء مع لطيفه...و عيون لطيفه اتقول كلام وايد....
فاطمه: مس همباه.....
لطيفه بطنازه: لا لا لا ...مب همباه اسمي...اسمي البقره هنووده
فاطمه: بسألج سؤال و عليه ثلاث اختيارات...و اذا جاوبت لج مليون عريون
لطيفه: ههههههه...ان شالله يالله بس لا يكون لغز لاني غبيه ما انفع ....
فاطمه: اوكي اوكي...سؤالج ايقول..لو تقدملج واحد يخطبج منوه بتختارين..؟؟؟
لطيفه: شوه هالسؤال العبقري ما شي اختيارات...
فاطمه: فيه...الاختيارات: 1 احمد 2 احمد 3 احمد
في هاللحظه ارتسمت صدمه كبيره على ويهه لطيفه..و قربت ضبابه الكيمره على ويه لطيفه..حسيت بحيرتها..شوه هالسؤال البايخ يا فطيم..بس بصراحه كنت اتمنا اعرف شوه الاجابه
لطيفه: ما يصير انسحب او مساعده الجمهووور
فاطمه: سيفوووه ...ساعد خالوه لطيفه
سيف: قولي قولي ( و هو يصارخ) احمممممممد سييييف ال.......، توكي؟؟
+++ اشكر فنك يا ولد...الولد قلبه على عمه...فديت روحه
لطيفه دارت بعيونها نص دووره..اتفكر..كنت متوقع اي شي اي شي..بس
لطيفه: ما ترتضي نفسي مذله و حقران بردها عمن سعالي بذلي..نفسي عزيزه ساميه فوق يا فلان أبعد من نجوم الثريا محلي...و حطت لطيفه ايدها على العدسه مالت الكيمره و راحت
+++ أه يا لطيفه شوه سويت...شوه سويتبج..خلاج تكرهيني هالكثر...لهدرجه..بس ردها اكدلي انها تحبني..و الله و الله يا لطيفه...اني بخليج اتحبيني شرات قبل و اكثر....
ضبابه: احمد!!!!!!!!!.....مب حرام اتشوف البنت بلا شيله!!!!!!!! حرام البنت مأمنه فينا
احمد و هو يلتفت صوب ضبابه حط سفرته على جتفه: صدقيني يا ضبوب ما بفرطها هالبنت...نصيبي و الله نصيبي...بس انا كنت عمي...
+++ نصيبي...يا لطيفه..هاذا اللي اعرفه..في اقرب فرصه انشالله ..بتكونين لي انا بروحي..هاذا اللي قلبي و عقلي يقدر يجمعه الحين..
احمد: تصبحين على خير


قلبي وليع و دوم حساس حساس لك يفضي بسده ..و شوقي عليكم ماله قياس اكبر من احساس الموده


""" الجزء الثالث عشر"""

عدت الايام بسرعه..و اليوم اخر يوم امتحان فاينل و خلاص بيخلص هالكورس..بالنسبه للاوضاع فكانت هاديه جدا..أتجنبت اسير بيت عمتيه بخيته لاني الين الحين حاسه بالفشله..يعني ما لقيت يغما عليه الا جدام احمد و فالسوق!!!! مالي ويه اطلع جدامه...بييلس يتطنز ادريبه..
فاطمه: مب جنهم اتأخروا اليوم؟؟؟
لطيفه: دريولنا نحن محوصب...ماظني يخطف علينا...دقيتي حق ابراهيم انتي؟؟
فاطمه: هيه مرتين عشان أأكد عليه...بس مادريبه وين سار الهرم؟؟ اخيس شي عندي يوم يتأخرون في اخر يوم...
لطيفه: شوه مسويه ضبابه فالامتاحانات؟؟
فاطمه: الين الحين اوكي باجر عندها كيميا و خلاص...احيدها فالمعهد..بعد هاي منوه بييبها؟؟
لطيفه: نشي نشي اسمع ينادون على أسامينا...
++ طلعنا..و لقينا سياره البيت موقفه مادري منوه ياي ايشلنا..اول ما فجيت الباب..كان سلطان يالس و ايدوخ
سلطان و بعصبيه: هالكثر الين ما تطلعن؟؟؟!!!!!
لطيفه: انزين بسم الله...شوي شوي علينا...اصبر الين ما سكر الباب شوه عايلنك؟؟ ولا لحظه بركب جدام
سلطان: لا لا لا اركبي اركبي ورا مستعيل انا
فاطمه: السلام عليكم..
سلطان: و عليكم...ورايه المباراه..الله يلعنهم
لطيفه: يالله جانك حارق اعصابك عليهم...
سلطان: عنبوهم جانهم ما نخلي بقعه ما نربع وراهم و يخسرون من فريق كحيان
لطيفه: خلصت المباراه؟؟
سلطان: لا بعدها..و خسرانين بجولين..
لطيفه: لا لا ما عليك منهم العيناوين قدها...بيجلبون النتيجه...بس لا تسرع انته شوي شوي ...
سلطان: الين ما فركن فالبيت و ارد النادي قدها خلصت..
لطيفه: انزين وين الدريول؟؟؟
سلطان: اميه و عمتيه سايرات دبي العزا...منوه تبنه اييبكن يوم مجيد محوصب
فاطمه: خيبه عيل ضبابه منوه بييبها؟؟؟
سلطان: لا حوووووووول....وين هاي بعد؟؟؟
فاطمه: فالمعهد...اللي في شارع خليفه
سلطان: اشوووووو؟؟؟؟؟ قلت المعاهد تربع لهاذاك المعهد
فاطمه: سلطان حليلها الكيميا صعب و سايره عند معلمه اهناك يمدحوونها...
سلطان: انزين هاي الا امتحانات نص السنه....ماله لزوم المعهد
لطيفه: تباها ترسب يعني...
سلطان: خلاص انزين خلاص
++ حشا سلطان غادي ملبق..ما نروم ننطق بكلمه و من ركبنا الين ما وصلنا المعهد و هو كل شوي ايطفي زقارا و ايولع غيره..وصلنا المعهد..و قفنا و بركنّا فالباركنات اللي عطرف.. بس ضبابه اتأخرت شوي..
لطيفه: الله يهديك سلطان جان بركنت جدام المعهد عشان اتشوووفنا..
طلعت ضبابه متحجبه بس مب متغشيه و متلثمه بطرف الشيله..اول ما تقربت من السياره اتغشت..
نزل سلطان الدريشه: من جداام من جدام...
ضبابه: السلاااام عليكم...و حطت كتبها من جدام
ردينا السلام الا سلطان...اللي ريوس بسرعه و بعصبيه
لطيفه: شوي شوي سلطان..
سلطان: جب انتي...( سلطان و هو يلتفت صوب ضبابه): شوه الشيخه فرحانه بويهج يوم ما تم واحد من الشباب ما شافج...ارتاح فوادج الحين..ما دريبها انها هاي سواياج ولا جان من زمان ادبتج
ضبابه و بشهقه: سلطااااان حراااااام عليــــ.....
سلطان: اصصصصصص ولا كلمه....مسوده الويه نصخج ماريد اسمعه
ضبابه و هيه حاطه ايدها على ثمها: شووو...
سلطان و هو يطالع ضبابه و عيوونه تشع من الشرار و حاط صبعه على ثمه: جاااااااااااااب..حسج ماريد اسمعه...و لمي ثمج...ثركن مسودات ويوهكن من ورانا..و الله و الله يا ضبابه ان سمعت انج شبرت برا البيت شبر واحد سايره معهد ولا غيره لا تلومين الا عمرج!!!!
++ سكتنا عشر دقايق عشان نمتص غضب سلطان..بصراحه ضبابه كانت في موضع ما تنحسد عليه..سلطان عسل بس يوم ايعصب ينجلب شي ثاني...عقب ما هدت النفوس..
ضبابه و صوتها متقطع: قبل لا تعق كلامك اللي يقطع...اباك اتعرف انه فالباركن كانن سيارتين استيشن و سود و نمرهن خضر..شوه تباني اعفد في اي سياره؟؟( و هي تشهق)..و شدراني يوم انه ماحد نزل و قالي ولا طرشتولي بشكاره.. تباني جيه من الله اعرف شوه منهن سيارتنا؟؟!!!!
سلطان: خلاص خلاص الرمسه الحين ما تفيد
ضبابه و هيه تشاهق من الصياح: تفيد ولا لا ؟؟؟ ما يخصنيه عيل ليش تصارخ و اتهد...حرام عليك ظلمتنيه
سلطان: خلااااااااااص اقووولج... شوه ما تفهمينها الرمسه انتي؟؟!!!! ما بينا كلام
لطيفه: حرام عليك سلطان مب جيه اتفاهم النااااااس...خل عندك اسلووووب شوي
سلطان: جب انتي .... ما يخصج
فاطمه و هيه تهمس للطيفه: خليهم خليهم يتفاهمون بروحهم..مشكلتهم ولازم ايحلونها..خليهم يتفاهمون
ضبابه: سلطان انا ماشوف زين...و قلتلك كانن سيارتين متشابهات..شوه اسوي يعني..انته قولي..قولي..
سلطان و هو ايولع صلب زقارا: مشكلتج...وين نظاراتج؟؟؟
ضبابه: و الله و الله اني نسيتها فالبيت..و عيوني فيهن حساسيه ماروم البس عدسات..و بعدين و بعدين انا فجيت الغشوه عند باب المعهد بس يوم حيّدت السياره اتغشيت!!!!
سلطان: لا و الله صاطعتلي بالويه جدام الشباب...اصلا انتي وين تبين هالمعهد ما تشوفين الشباب كيف مازرينه؟؟!!! ظاهرتلي بويهج في شارع خليفه!!!! قلت المعاهد ما لقيتي الا هالمعهد..مب عليه خريطج
ضبابه: سس...سلطان حرام عليك كل ربايعيه اهنيه...
سلطان و هو ايوقف السياره جدام بيت عمتيه: فكيني من الرمسه اللي مالها معنا... وما بيني و بينج كلام دام هاي سواياج...
ضبابه: خاااااف ربك...ليش تفكيرك اسود...سلطان حرام لا تزعل...انزين انا اسفه..اسفه
سلطان:في اي بنك اصرفها اسفه؟؟!!!! ( و هو يلتفت الصوب الثاني عن ويهه ضبابه)
ضبابه و هيه اتصيح: حرام عليك و لله حرام ....و نزلت ضبابه و هي اتصيح و شلت شنطتها و نست كتابها و نزلت فاطمه
فاطمه: مشكور عالتوصيله سلطان
سلطان: العفووو..
تحرك سلطان...و هو معصب...وصلني البيت..و قبل لا انزل
لطيفه: سلطان...مادري كيف بتغضي عينك اليوم و انته ظالمنها...خاف ربك..الله يعلم بحالها الحين..و رد على البنت كتابها خلها اتذاكر منه...باي

++ شوه هالحاله..ضبابه و سلطان من بد كل الناس يتزاعلون!!! حرام و الله حرام..قلبي متقطع على ضبابه..ادري انه سلطان عنده حق..و يبا مصلحه ضبابه..و انه ما سوا جيه الا لانه يحبها و يغار عليها..بس المفروض انه ما يظلمها..اكيد ما كانت متعمده..مب كفايه انه ضبابه الخقاقه قالت اسفه!!! بس شوه يبا بعد!
بعد يومين...عالماسنجر...
لطيفه: شوه ضبابه الحين؟؟
فاطمه: و الله مادري عن حالها..من يومين و هيه قافله على عمرها..مادري قلبي يعورني عليها
لطيفه: و انا اكثر...الله يهديه اذا هو معصب على المباراه شوه ذنبها هيه..؟؟؟
فاطمه: شدراني...
لطيفه: اقولج شو الشي الضروري اللي كنت تبيني فيه؟؟
فاطمه: ااااه يا لطفين...
لطيفه: حوووووووووووه....شفري شفري...علا الماسنجر نحن...شوه بلاج؟؟
فاطمه: علي
لطيفه: شووووو بلاه؟؟؟
فاطمه: خطبوله...خلاص خلاص خطبوله
لطيفه: حلفي..
فاطمه: من يومين خبرتني فخوووور..ياربي ليش ليش...
لطيفه: خلاص يا فوفو شليه من بالج كم مره قلتلج انا...بس انتي الله يهديج ما تسمعين النصيحه..و بعدين من يومين عندج خبر ولا تقوليلي!!!!! وين المخوه بينا؟؟؟
فاطمه: تراني كنت منصدمه
لطيفه: ولو!!! انا توام روحج شراتج ماتغبين شي عني..( فيس معصب)
فاطمه: لولو حرام عليج...اللي فيني يكفيني...من دريت و انا مب في حاله..و ما ريد حد يلومني في حبه..
لطيفه: لا و الله الحين يايه اتقولين هالرمسه و انا من زمان اقولج مالج حايه فيه...
فاطمه: لولو...عيل حتا انا من زمان اقولج طبيه الديج..و انتي الين يومج اتموتين فيه
لطيفه: مب بكيفي
فاطمه: ولا انا!!!!!....المهم انا فكرت فالموضوع..وانا اللي اخترعت هالوهم و عشته..
لطيفه: شوه يعني
فاطمه: ماشي بنساه...و الله يهنيه في حياته...بس احبه...يالله شوه اسوي..فديت ريحانة فوادي
لطيفه: يامن اشتراله من حلاله عله...حالي من حالج
فاطمه: عندي لج بشاره...يدتيه ضبابه باجر بتيي العين و بتبات عندنا اسبوع
لطيفه: لا و الله؟؟ يالله يعلني ما خلا من هالطاري...بس بييبها اهنيه عندنا
فاطمه: مب بكيفج...امايه تبا اتوديها اتسويلها فحوصات
لطيفه: ليش شي فيها
فاطمه: جيك اب بس..اقولج سمعي سمعي هالاغنيه... اسميك يا الاجتبي ييت عالعوق..
لطيفه: اوهوووو لا تقوليلي عيضه مافيني...
++ و فجأه علق الكمبيوتر حاولت فيه منيه مناك بس ماشي فايده...اوهوووو و الحل يعني..بسير اشوف خليفه خليه ايصلح لي اياه...هندسه كمبيوتر على الفاضي!!!!
لطيفه: خليفه....خليفه
خليفه: هلا لطوف شوه فيج؟؟
لطيفه: تعال بسرعه شوف الكمبيوتر علق و اباك اتصلحه..
خليفه: عنبوه معلق وما تعرفين اتصلحينه!!!!!( خليفه و هو يغايض لطيفه)و انتي شوه خانتج في هالدنيا
لطيفه: خانتيه اني اطفربك...يالله بسرعه فطيم اون
خليفه: رمسيها فالتيلفون مابيطيح نصج
لطيفه: مب نصي اللي بيطيح الا كلي...قوم عاد ...تيلفون البيت الله يهديها عمتيه من تقبضه ما تفجه و تيلفونها خربان فره سيفوه فالماي..
خليفه: ههههههه...اول شي قولي فديتك
لطيفه: علموك اتذل انته بعد!!! فديتك
خليفه: حبيني على راسي..
لطيفه: يي هااااا....حشا لو بعدك الكعبه...بتنش ولا لا ؟؟؟
خليفه: اكيد بنش...لاني لو ما عدتله بتاكليلي فواديه..جدامي( و هو ايدز لطوف على جتفها)

لطيفه: بسم الله يالشباب ماثقل مزحكم..شوي شوي يا بوي الا جتفي هو مناك ما يقهر
++ يلس خليفه ايشوف شوه المشكله ...شكلها المشكله عويصه..لا حوووول..هاذيج الحين بلقاها منطحنه...
لطيفه: هااااا...خير شوه بلاه؟؟
خليفه: ماشي بس متفيرس
لطيفه: اشووووووه....من وين بييه الفايروس و انا مادش شي فالنت الا الماسنجر
خليفه: لا و الله انزين الا هو الماسنجر بو البلاوي؟؟
لطيفه: مارمس حد غير فطيم و يمنوه و سلاموه
خليفه: ماشالله ما نسيتي حد...انزين هن ما يطرشلج فايلات؟؟
لطيفه: مثل؟؟
خليفه: يعني...فيديو اغاني ...اتسيترا..
لطيفه: شوه هاي سيسترا...لا لا فطيم اتطرشلي اغاني
خليفه: اسميج صدق بقره انجليزي...لا تستقبلين اغاني الا يوم اتسويلهن اسكان
لطيفه: لا و الله جني فهمت شي عاد انا من رمستك..عطني الزبده
خليفه: لا حووووول..كيف افهمج..
لطفيه: اييك الشور..صكه صكه..خله يرقد بفايروساته..باجر بسير عندهن..
خليفه: تعالي تعالي..حاليا يشتغل..بس الفايروس موجود بصلحلج اياه بعدين..
بالغلط دق خليفه على النافذه مالت الماسنجر..و فطيموه الحبيبه محتشره..اول شي لمحته..
فاطمه:اه يوم يقول" لا تعذب فواد يحبك وده يعيش العمر قربك ارفق عليه و خاف ربك ولا تكون يالمحبوب جافي" ياوووويلي ويلاه يا لطووووف...امررره عوقي..
++ اول ما لمحت انه خليفه بعد شاف شوه كاتبه فاطمه..قمت بسرعه و حطيت ايدي على الكلام ادريبها البقره بتكتب اسم علي...وانا ما فيني اوديها في داااهيه...
لطيفه: خلاااااص خلاص مشكوووور مستر خليفه..تقدر تتوكل الحين..طلعت من الماسنجر و سكرت الكمبيوتر
التفتت خليفه بالكرسي صوبي..و في عينه نظره خبيثه..
لطيفه: ايه شياك اطالعني جيه..و الله و الله انها كانت فطيم..بس انته اتعرف البنات يوم يتجمعن شوه ايقولن..يعني ...أأأأأ...خصوصيات نسائيه...ولا تبا اتشووووف..اخافك تقفط..تعرف يعني شوه اقصد..
خليفه: ههههههههه...ماشالله عليكن...امره لو تعرس وحده منكن شوه بتسوي ربيعتها
لطيفه: هاهاها...شدراني بنحط اعلان فالجريده انا نبا اخوان..
خليفه: عشان يلعنون الساعه اللي خذوكن فيها
لطيفه عشان اتغير الموضوع: شوه سويت بخصوص الشغل انته؟؟
خليفه: الين الحين ماشي رد...
لطيفه: عنبوووووه يوم قلنالك خل ابويه ايرمسلك حد ما طعت...نحاسه
خليفه: انا يوم بشتغل بشتغل بشهادتيه ما بشتغل باسم بويه...عندي فكره و يالس ادرسها الحين
لطيفه: شوه بتسوي..
خليفه: ماشي انا و ربيعي بنسوي مشروع..بنفتح محل تصليح للكمبيوترات هو عليه راس المال و انا بشتغل فيه...
لطيفه: اشووووه...اخر عمرك بتشتغل كهربجي!!!! لا لا لا يا بوي انا برمس بويه جان انته ما تروم..خذلك وظيفه في وحده من هالدواير اللي مازره العين ولا البلديه..ولا شوف الجامعه..يابوي انته شهادتك من برا..و شغل الحكومه مضمون اكثر..
خليفه و هو يمزح: الله و الله فكره الجامعه ما يت على بالي..اتصدقين بدرس البنات...شيت و الله فكره فنانه
لطيفه و بإنفعال: اشووووووه...لا لا لا لا ...البنات بيتبلن عليك...شل الجامعه من بالك..خلك كهربجي احسن
خليفه: برايني ببدا من الصفر احسلي..و الله الموفق..اقول لطيفه؟؟
لطيفه: هلا
خليفه: ما انخطبت فاطمه...
لطيفه: ليش؟
خليفه: طالعوا اسألها و اترد عليه بسؤال...جاوبي و بس
لطيفه: لا لا ...مادري مادري..لا تقولي حاط البنت في بالك
خليفه:ليش لا...بنت عمتيه..حشميه..حليوه..وين بحصل احسن عنها...
لطيفه: لا لا لا لا ...خل البنت في حالها
خليفه و بعصبيه: ليش ان اشاالله...ناقص ايد ولا ريل...
لطيفه و بانفعال: جداااام عيووونكم طول عمارنا...ما بغيتونا..لا تذل البنت اكثر عنه جيه
خليفه: لا تعممين..انا غير و احمد غير..لطيفه انا التزمت..و ابغي الستر
لطيفه: دوره عند بنت غير...مب كفايه مذلتك لها...عنبوه تحرق رسايلها جدام عيونها
خليفه: لا حووووول...طيش المراهقه..تعرفين وحده اتطرشلي رساله و اتقولي احبك ..كبر راسي
لطيفه: ما قالت لك احبك...لا تتبلا على البنت كتبتلك قصيده لا غير..و انته الشيخ شوه سويت؟؟!!! حرقتها بالولاعه جدام عينها...عنبوه مب جيه النصيحه
خليفه: اللي استوا استوا...مادري من شفتها اخر مره..مارمت اشل عيني عنها..ما فيها شي زود عن البنات ادري...بس مادري ..ماعرف..يعني جذبتني..و الله اني مابغيت ابحلق فيها..بس كنت اخذ قراري و اشاور عمريه فيها..
لطيفه: خليفه فديت روحك..خل البنت في حالها..لا تحرجها..لانك اتعرف انك اذا خطبتها بيضغطون هلها عليها..و بيجبرونها عليك..
خليفه و بعد لحظه تفكير: شوفي لطيفه انا ما باخذ البنت غصب..بس بعد لا تنسين ان ما فيني شي ينعاب ولا اني انرفض بسبته..خليفه و هو يتلتف صوب الستاره اللي تحركها المهب...لطيفه..البنت ما تباني صح؟؟؟
لطيفه: مب جيه....بس...مادري و الله ماردي
خليفه: خلاص ردج وصلني...الله يوفقها..
++ و طلع خلاني في حيره..طلع بعد ما سمعني تنهيده تقطع الفواد..هل اللي سويته صح؟؟ هاذا اخويه..و فاطمه بعد اختيه..ما ريد لهم الشقا..و انا شاورت فاطمه و هي برضاها قالت ماريده..ماباهم يتعذبون..يارب هل اللي سويته صح؟؟!!!..عقب نص ساعه نزلت تحت..و صريخ حمد ولد سعيد اخويه شال الدنيا..و لمحت خليفه و هو يالس يلبس جاكيته و يتسفر...شكله بيظهر..
لطيفه: خليفه
خليفه: هاه؟؟؟
لطيفه:أتصدق انته احلا مطوع شفته في حياتي..بعدين لا تتعطر بتستوي فتنه
خليفه: لطفين هاتي من الاخر
لطيفه: أأأأأأ...خلووووف لا تحط في خاطرك..اللي تباه سوّه هاي حياتك..
خليفه: عن شوه اتكلمين انتي؟؟
لطيفه و هي اتمسك بطرف الجاكيت: عن فطيم...
خليفه: و شوه بلاها فطيم؟؟
لطيفه: اوهوووو...عن شوه كنا نتكلم من شوي...
خليفه: خلاص انسيه الموضوع لا تحنين عليه...سيري شوفي حمد اسمعه ما يبا يدرس و مطفر بالمدرسه
لطيفه: لا حووووول...هاذا يوم يتعلق الياهل بأمه..قلناله سعيد خلهم عند امهم ايام المدراس و فالاجازات هاتهم..
خليفه: خافي ربج تبين تجتلين امايه انتي؟؟!!!!
لطيفه: عيل هالوضع ما يعذبهم!!!! انته ما تسمعه كل يوم فليل شوه ايسوي حمد..ايبات ايصيح يبا امه..
خليفه: لا حووول ولا قوه..برايج بسير انا شي في خاطرج؟
لطيفه: سلامتك...و شوي شوي عن السرعه
خليفه و هو ظاهر: متأكده انج مب امايه...
لطيفه: متأكده..لاني لو امك عفرا..اول ما بتركب السياره بسويلك و بقولك وين وصلت؟؟؟
خليفه: ههههههههه
++ أأأأه يا خليفه...و أأأأأه يا فاطمه...و ااااه يا سلطان..الوضع العاطفي لاقرب الناس اليه ما يطمن..مادري ليش احس انه شي بيستوي..و شي جايد..ياربي سترك..طلعت اشوف حمد و مشكلته مع المدرسه كلمه منيه و كلمه مناك هديت اعصابه و قلتله هالويكند بتشوف ماما..يالله من سعيد الين متا بيعذب هالاطفال!! بروح اصبغ شعريه..كخطوه اني امسح الماضي..امسح احمد من ذاكرتيه و قلبي و عقلي..
بالباجر..فالسياره
لطيفه: يالله الغاليه ما شبعتي راسي دار..و جبدي لاعت من هالعمانيين شوي و بيعفدون داخل السياره
اليده ضبابه: اصبري بنتيه شوي..يوم هاذا الثور عباس مودنا وين تبينا انخلص..الحين من نص ساعه و هو ايدور قصاب..
لطيفه: يدتيه..قلتلج..انسير البيت و انا اهناك عندي رقم قصاب فنان فالدفتر..انسير لاعت جبدي من الجبره(سوق المواشي )
اليده ضبابه: يالله يعلني ما خلا منج يا بنتيه..منوه ايوديني و ايردنيه غيرج..سويله عباس و قوليله يالله انرد
لطيفه و هي اتحب راس يدتها: وايه يعلني افداج يا يدتيه..امره لو الود ودي مافارقج دقيقه..فنر بيتنا انتي
اليده ضبابه: يالله يا بنتي الله يستر عليج..و يرزقج بالريل الصالح و اشوف عيالج قبل لا اموت
لطيفه: يالله يعلج تبطين حيه..بتشوفين عيالي و عيالهم بعد..ان شالله..
++ اليوم..و من الساعه ثمان الصبح..لقيت يدتيه تحت فالصاله و حاشره الدنيا تباهم ايوعوني عشان اسير وياها السوق..اي سوق الله يخليكم..ودتني عند المبرزات و اشترت لها تلي و جحال..و بعدين ودتني كارفور رشوه عشان اتسكتني و اشترينا شويه اغراض..و اخيرا الجبره..اشترت فروت و ذبايح..هاذا كله لانها بتيلس اسبوع عندنا..بدال لا نحن انضيفها هيه تبا اتضيفنا..فديتها تتلوم منا!!..اول ما وصلنا البيت شميت ريحة المشاكل..لا و المصيبه انه حزب الامه متجمع فالقعده الزجاجيه المفتوحه على الحوش..ماشالله ابويه و امايه و خواني و خواتيه كلهم..وو..و شفت سياره الديج البي ام موقفه..هاذا شوه ايسوي اليوم اهنيه!!! غريبه..ولا من شكل وقفته مع سعيد اخويه حسيت انها مصيبه..سعيد ايكلم احمد بجديه..و احمد موخي براسه يسمعه..اللهم اجعله خير..اي خير..نزلنا و طبعا اول ما نزلت معشوقه الجماهير اشتلوا الكل صوبها..يدتيه شخصيه سياسيه هامه
وبما انه عباس الطباخ هو اللي يسوق..شحف سياره احمد..
اليده ضبابه: حوووو..حوووووو...قمّحت(كسرت) سياره الولد...يعلك ما تربح ان شالله
عباس: ما في مشكله سيااااره بعيد بعيد
لطيفه: وين بعيد و انته طيرت صبغتها...يعلني ما حلمك ما لقيت الا سياره احمد
ضبابه: هيه بعدين هاذي سياره مال احمد بتركب فيها لطيفه عروس ان شالله..
عباس و هو ايهز راسه: اووووو...ان شالله ..لتيفا ارووووس سيم سيم اهمااااد...كليفا اروووس سيم سيم فاتيما
لطيفه: شوه هاذا كلام زياده عيب
ضبابه:برايه ...حليله
سلطان: مرحبااااا الساااااااااااع....بعيوزنا
يدتيه و هي تضرب سلطان على جتفه: عاز حيلك..بعدني انا الا شباب..
سلطان و هو ايحب يدتيه على راسها: لاحووووووول..خلاص انا جتفي انطحن..علومج ام حمد
ضبابه: بخير و عافيه
سلطان: الله يحيج
ضبابه: و بك حي..و تموا كل واحد ايسلم على يدتيه..اول ما تقرب احمد من يدتيه انا التفتت الصوب الثاني و اتحركت..يا جماعه الخير ماروم احط عيني في عينه افهموني..و الشرده احسن حل..
سلطان: اشوووف اكياس كارفووور..لا يكون فزعتيها الين هنااااك؟؟
لطيفه: هيه اللي بغت مب انا
سلطان: و في ذمتج سايره كارفور في حجرتين و صاله(وانيت)؟؟
عفرا: هيه شوه فيها...الحين العالم كلها تستخدمهن
سلطان: هيه بس كارفوووور!!!!! و الله يا لطوف انج عجيبه..ربيعي ايقولي مره ساير اييب خواته من المدرسه فيها و حلفن مايركبنها يونهن يتفشلن..حلف انه خلاهن فالمدرسه ولا يابهن
حمد: و انته اتحط لطيفه من مستوا البنات العاديات..يابويه لطيفه غير..فرق ولاما بينها و بين بنات اليوم
سلطان: ابووويه لا تكبرلها راسها ..يدتيه شوه رايج في سواقت عباس؟
ضبابه: خيبه...لوع بجبودنا..من البريكات..و الله انه على جسر السليمي انه عطا بريك..و نقزت و وقعت تحت..وينه مجيد؟؟
عفرا: عمتيه مجيد ضاربتنه الحصبه و بيسافر ..
ضبابه: الله يسقمه..سفروه سفروه قبل لا يعاديكم..جان يبتوا غيره؟؟
سلطان: يدتيه الدريول اليديد فالحجره بس بعدنا ما سويناله فحوصات
ضبابه و هيه تتلثم: امففففففففف..و مخلينه في بيتكم و ما فحصتوه..اسميكم ما تفهمون.. افحصوووه ايقولون الكباتي منتشر فيهم..
أحمد و بأول ردت فعل: شوه الكباتي يدتيه؟؟
سلطان و هو فاطس من الضحك: الكبد الوبااااائي...
ضبابه و هيه تضرب سلطان علة جتفه: تتطنز مسود الويه
سلطان: هههههه...
أحمد: شحالج لطيفه؟
++ وصلني الصوت من حيث لا ادري..شوه اسوي؟؟ ارد عليه..احط عيني في عينه..اتجاهله؟؟ ولا شووه
لطيفه: بخير الله يسلمك..وشليت قشي و دخلت داخل...اذا اريد انساه اتجنبه احسن..دشيت بسرعه داخل بعد مارديت عليه بكم كلمه والله ما تذكر شوه قلت..المهم شردت ..ماريد اواجهه.ماريد اواجه قلبي بشعوري صوبه


+++حسيت انها تتجنبني..ليش؟؟ شوه السالفه؟؟ ردينا على هاذيج الحاله..بس انا ما بخليها وراج وراج يا لطوف..وليتج تدرين شوه سويت اليوم..مادري ملامحها اول ما نزلت و الصدمه اللي على ويهها..كلها ردات فعل خوفتني..مب هاذا اللي اريده منها..لا يا لطيفه..لازم اللي كنتي اتحسيبه صوبي ايرد مثل قبل وا كثر ..
عايشه: ها لطيفه متا رديتوا؟
لطيفه: الحين ليش شي صاير؟؟ شي مستوي؟؟
عايشه: لا الحمدلله..بس تأخرتن و الشبيبه يتريون الغدا..
لطيفه: ما بيستوي عليهم شي...عويش بليز الاغراض فرزيهن و حطيهن فالثلاجه..
عايشه: اوكي ..بس
لطيفه: بس شوه؟؟؟
عايشه: بصراحه ماروم اغبي عليج ...تعالي تعالي الميلس ابا اقولج شي ضروري
لطيفه: بسير ارقد شوي خلوني اقيّل..العصر قوليلي
عايشه: اقولج ضروري اتقوليلي العصر..
لطيفه: من كثر ما قلبي ناغزني ماريد اعرف
عايشه: و اذا قلتلج انخطبتي..
لطيفه: اشوووووووو؟؟؟؟ شوه اتقولين انتي؟؟ شوه اتخرفين؟
عايشه: اقوووولج تعالي الميلس..عن لا يقولون عني وشايه بعد..
++ ما عرف و الله ما عرف..هل اللي سمعته صح؟؟ شوه خطوبه!!!! ماريد ماريد ماريد..و منوه؟؟؟ لا ياربي مب الحين بعدني ما نسيته..معقوله الله استجاب لدعوتيه بهالسرعه..لا ياربي دخيلج..احمد في قلبي و ما قدر اكون حلال ريال ثاني وانا افكر فيه..ماحسيت بالدنيا الا عويش ميلستني على واحد من كراسي الميلس ويالسه عند ركبيه..
عايشه: عنبوه البنات ايموتن من الفرح يوم ينخطبن و انتي ويهج مبيض اتقولين ميته؟؟؟ شوه فيج؟؟
لطيفه: عايشه مابا...مابا اعرس مب الحين..مابا مابا مابا
عايشه: اسميج بقره..شوه مابا..مب كفايه اللي متقدملج ريال اصل و فصل و اخلاق..اما انج عجيبه
لطيفه و هيه اتحس انها لسانها اتشلل و هيه اتقولها: منوه يا عويش..ارمسي ارمسي
++ آآآآآآه.....أأهين و الف...ليش ياربي..ليش بهالسرعه..تميت الف بعيوني فالميلس احس اني مب موجوده..قلبي ايدق بسرعه مب طبيعيه..ايديه ترتجف..وريولي ما حس بهن..ركبيه يتصاكن من الخوف..منوه؟؟ اصعب سؤال سمعته في حياتي؟؟ آآآه يا حزن في قلبي..أليمه هاللحظه و الله أليمه..قولي احمد يا عايشه..خلي شفايفج تلفظ هالاسم و ريحيني..قوليلي انه اللي كان يالس برا..و عيونه ما خازت عن عيوني لحظه هو اللي خطبني..قوليلي احمد دخيلج ارحميني و قوليها..
عايشه: ايقولولج من يومين الرياييل رمسوا في هالموضوع و ماراموا ايخبرونج الين ما تخلصين الامتحانات..ماشالله عليه ريال يمدحوونه و ابويه مستانس و خواني كلهم فرحانين
لطيفه و بصرخه: شووووووووو!!!!! عويش انتي ما تفهمين..اقولج منووووو؟؟؟ قوليلي قوليلي منوه
عايشه: لطيفه قلتلج...شوه ما سمعتيني!!! ولد حارب ال....
لطيفه: لا لا ..عايشه تمزحين..قوليلي تمزحين..قولي..الله يخليج..فديت روحج..
عايشه: لطيفه هاذا موضوع حد يمزح فيه!!!!
لطيفه : انتي شوه سمعتي؟؟
عايشه: ماشي الرياييل رمسوا ابويه و اظني سلطان كان عنده في هاذيج اللحظه..و اليوم شاورا امايه و سعيد..
لطيفه: و انا مالي شور؟؟!!!!!
عايشه: أأأأأأأ....لا لا اكيد لج شور..بس اتعرفين انتي اول شي الاهل لازم ايقررون..و انا اللي سمعته انه فنان ريال و يشتغل..و ما ينطرا اسمه الا و قالوا الرياييل و نعم...
لطيفه: لا لا لا ..ماباه...تسمعين..الا هاذا...الا هاذا...بمووووت بموووت
عايشه: انتي ليش اتقولين جيه؟؟!!! شوه اتموتين..لطيفه شوه اللي صاير و انا ما عرفه
لطيفه: آآآآه شوه اقولج...شوووو..شووو..ياربي شوه هالمصيبه..عويش هاذا اللي اتحبه فطيم بنت عمتيه..ياويلي شوه بسوي شوووو...قوليلي شوه الحل ؟؟ عويش شوه اسوي؟؟
عايشه: يااااااالللله....ياهي مصيبه..مم..مادري أأأأأ....
لطيفه: مالقطتي اي شي غير
عايشه: لا ...لانه بويه دق لاحمد عشان يتغدا وياهم ويوم يا احمد استحيت و دخلت داخل..

++ اسوأ خبر سمعته في حياتي..اليوم هالخبر كتب شهادة وفاه حبي..طز فالحب..طز فيها حياه..ما يهمني اي شي..همي بس هاذيج الانسانه الحساسه..الانسانه اللي حطت امالها في انسان..و اعز ربيعاتها بتاخذه عنها..يا ربي شوه هالبلوه!!! ليش ياربي..من بد كل الناس يتقدملي علي..علي روح و قلب فطيم..ريحانه فوادها..اااه ياقلبي...اه يا حزن يقطعني..الريال فنان ولا فيه عيب..شوه الحجه اللي بلقاها عليه!!! كيف بقول لا في ويه ابويه و خواني..قولولي..عمري ما تمنيت اني اختفي عن هالحياه كثر هاللحظه..ليت الارض تنشق و تبتلعني..ولا اني اطعن اعز انسانه على قلبي من الظهر..ماريد اخونج يا فطيم..ماريد اجرحج..بس شوه الحل؟؟!! كيف برفضه..كيف بقول لا ...ياربي ساعدني ساعدني..دموعي ما كانن يكفن..و حسره قلبي ما قدمت لي حل..و الالم اللي احسبه في جسمي كله..مب قادر يعطيني لمحه امل في اني احل هالمشلكه..من بد كل البنات..ليش اكون انا بس المناسبه لعلي..ماريدك ياعلي ماباك..مش لان قلبي ينبض باسم غيرك..لان قلب غيري ينبض بك..آآآه ....أأأأأه..يارب يارب فرج عني مصيبتيه...

"""الجزء الرابع عشر"""
أحبك كلمه بقلبي تحبك..غرام ما قوا صدري يشيله..و انا اللي لا سجدت اسأل ربك..حبيبن صد عن قلبي يجيله

الجحيم اللي عشته فالاربع ساعات الاخيره..أصعب لحظات حياتي و أقساها..تجلبت يمين و يسار على الشبريه..حاسه بعظامي اتعورني..راسي بينفجر..و جسمي كله متألم..شوه هاذا حلم ولا علم..متا بيخلص هالكابوس..متا بيقولولي انه كل اللي سمعته جذب مب صح..انهرت و انا اصيح و اصيح على اللي صار الين ما ياني الرقاد و غفيت..و رديت و صحيت عشان اواجه اسوأ يوم في حياتي..حسيت بشي ثقيل على صدري..يوم التفتت شفت حمد ولد خويه سعيد راقد عليه..بلبس المدرسه..لهدرجه دش حمد الغرفه و رقد عدالي و انا ما حسيت..ليت افقد الاحساس دوم..ليت افقد الذاكره و افتك من هالعنا..استرجعت ذاكرتيه اخر اربع ساعات من يومي..اخر اربع جمرات اللي انحطت في ايدي..اخر اربع طعنات اللي انغرست في قلبي..شوه الحل؟؟ كيف بواجه اهليه برفضي لعلي!!؟؟ هل بقولهم رفضته لذاته مستحيل علي ما شي فيه ينعاب..كيف بقولهم عشان توأم روحي؟؟!!! رجعت شريط اللحظات اللي كانت اتكلمني فيهن عايشه عن الموضوع..و اكتشفت شي غامض..شي مؤلم..اللي هو..انه رغبتيه في انه ايكون احمد هو اللي خاطبني..مش عشان اتجنب الغدر في فاطمه..و مش عشان اللي يفيض به قلبي صوبه..ولا لاي اعتبارات ثانيه..رغبتيه كانت انتقام و بس..بغيته يخطبني عشان ارفضه مثل ما رفضني..اذله مثل ما ذلني..و ادوس على كرامته مثل ما اهاني..و بعدين بشوف شوه ردت فعله؟؟ هل بيصر انه ياخذني..مستعده اني اقول لاااا و باعلى صوتي ..اذا كان اللي خاطبني احمد..عشان اجتل ذله لي اللي عاش في قلبي سنين طويله!!!!
خشيت راسي تحت المخده و ضغطت عليها بقو عشان امسح هالافكار السودا من راسي..آآآه آآآه شوه بسوي؟؟ ياربي شوه الحل؟؟ رن الموبايل..و حسيته جنه بينفجر في راسي..طنشته بس اللي متصل مصرّ انه يغلس..صك..فكه..ماريد اكلم حد..ماريد اجابل حد..بس رد و رن..اوهووو و بعدين يعني..مديت ايدي و سحبته شفت اسم على الشاشه..زلزل كياني.."توأم روحي طمطم"..اه شكلها حست..او عرفت؟؟ لا لا مادري مادري..لا اراديا مسكت غرشه الماي و فجيتها و جبيتها على الموبايل الين ما سكت..او مات..التفتت على حمد و لويت عليه بقو و دموعي سيول قهر و الم ..صياح خافت من دون صوت..صياح عذاب ولوعه..و غفيت مره ثانيه..
عايشه و هي تمسح على راسي: لطفين...لطفين قومي المغرب بيأذن..و انتي ما صليتي العصر..
لطيفه: عووويش..طلعي و سكري الليت والباب..لا حد يوعيني الين باجر
عايشه: انزين شوه بتستفيدين انتي يوم بتعذبين عمرج؟؟ لطيفه لا تكبرين الموضوع..قولي لا..شوه بيصير يعني..خليهم يجتلونج..خليهم ايسون اللي ايسونه..شعليج منهم..
لطيفه و هيه خانقتنها العبره: ماروم..مم..ماروم اجابل ابويه و اقول لا..في حياتي كلها ما كد قلت لابويه لا
عايشه: تبيني انا اقولهم؟؟
لطيفه: آآآآآآآه...عويش ابغي امووت
عايشه: عوذ بالله من هالرمسه..نشي أأأأ,,فطيم سوت تيلفون عندي و تبا اترمسج
لطيفه: مينونه انتي؟؟!!!! كيف تبيني ارمسها في حالتيه هاذي...
عايشه: حلفتني..شوه اسوي يعني..هاذيه سوت...
لطيفه: ما برمسها..
عايشه: بالعكس..كلميها..شرحيلها موقفج..قومي قومي..
لطيفه: عويش..عويش..اطلعي برا و شلي تيلفونج وياج
عايشه و هي اترمس فاطمه: الو..مرحبا..هيه هاذيه..رمسيها..
لطيفه: مابا
عايشه: اتقولج ما تبا؟؟..اها..لحظه..( حطت عويش التيلفون على السبيكر)
فاطمه بالسبيكر: لطططططططططططططططططططططططفين....لولو..وين اللي بيي اليوم؟؟ شوه هاذا من العصر و انا اسويلج اكلات و كيك..يالله عاد رمسيني..طاعو بولباس..لطفين..و الله و الله و راسي السيافي اذا ما شليتي السماعه و رمستيني اني لا اعرفج ولا تعرفيني..
++ شوه اسوي؟؟ شوه اقولها..شليت السماعه ادريبها فطيم اللي تحطه في بالها اتسويه..
لطيفه: أأ..أألوه
فاطمه:حشا ما بغيتي الليدي ديانا اتردين عليه...شوه هاذا وين اللي بيينا اليوم؟؟
لطيفه: فطيم...راسي ايعورني..ماروم
فاطمه: بتيين و انتي حماره..يالله يالله . .نشي خستي من هالرقاد..و بعدين يالسباله..مبروووووك
لطيفه و بصدمه: شووووو
فاطمه: على الخطوووووبه...و اخيرا و اخيرا..اهون عليج ما تخبريني؟؟
لطيفه: أأ..مادري
فاطمه: بسم الله انزين قولي الله يبارك فيج..
لطيفه: بس عاااد...شوه تتطنزين انتي..؟؟؟ ما عندج احساس انتي؟؟!!!
فاطمه: و سكنهم في مساكنهم..عندي احساس,,ولا اقول ما عندي احساس لاني بطير من الفرحه..بمووووت..فديت رووووحج يا لطووووووف..ماصدق ماصدق
لطيفه: يوم بتشبعين من الطنازه بينا رمسه ثانيه بنت سيف...باي
فاطمه: حووووووووو...فديتج و فديت ريحانه فواديه و فديت هالعالم كله
لطيفه: جب جب يالسباله جب...
فاطمه: عنلااااااااتج...ما عليه ما عليه ما بنسير بيت واحد نحن..ان ما طفرتبج..و ظهرتلج قرووون
لطيفه: فاطمه,,, انتي عن شوه تتكلمين؟؟
فاطمه: ماشي..اليوم احمد ياني الحجره..و قالي عرب خطبوج..تعرفين تيبست..عقب يوم قالي علي بن حارب..خفت لا انش ازغرط من الفرحه..و الله و الله انه عيني خرت دمعتها..لططط...( فاطمه و هيه خانقتنها العبره) لطووف..اتت...اتخيلته ابويه..الله يرحمه..
لطيفه: لحظه لحظه...علي خطبج..علي ما غيره ريحانه فوادج؟؟
فاطمه: هيه...
لطيفه: و انا منوه خطبني؟؟
فاطمه: اخوه الصغير سالم...وو..
لطيفه و هيه اتحط ايدها على قلبها بارتياح: ريحتيني الله يريحج دنيا و اخره..و انفجرت لطيفه بالصياح و لوت على عويش...و فرت التيلفون
عايشه: هاه ...بشري بشري..
لطيفه:وااااااااااااااااااااااااااااء......فديت وجهك يا ربي..ععع..عويش مب علي..مب علي..طلع اخوه اللي خطبني..مب علي..اللهم لك الحمد..وااااااااء
شلت عويش التيلفون: هاه فطيم....لا لا نقعت من الصياح..شدراني شكلها فرحانه..برايج ما عليه..باي
++ ما قدرت اتخيل الصدمه..و الله و الله اني بتخبل..شوه هاذا..اهم شي اهم شي انه مب علي..يعني كل شي انتها..انتها ولا بدا ؟؟ و الله ماعرف بس هانت..سالم ولا علي..اللهم لك الحمدلله..فديتك يا ربي..دشيت الحمام و اتسبحت و غسلت همومي..آآه من هم بغا يجتلني حيه..ما قول اني مب منصدمه انه سالم اخو علي الصغير هو اللي خطبني..بس مادري مادري الوضع اهون اهون بوااااااااايد!!!
عايشه: لطووووووف..خلصتي؟؟؟
لطيفه: عوووووويش..ماحب حد يكلمني و انا فالحمام
عايشه: انزين شوي...شوي بس
طلت لطيفه من باب الحمام مطلعه راسها بس و البخار متجمع على ويها بشكل طفولي..لطيفه: شووووو
عايشه: هاه...مستانسه؟؟
لطيفه: يالبايخه...شوه تبين..
عايشه و برد فعل غريبه صدمتني بس فرحتني..قامت و باستني على يبهتيه: الحمدلله الحمدلله ..اقولج نحن بنسيرمسيد الشيخه امنه محاضره بتسيرين ويانا ولا بتسيرين بيت عموه؟؟ فطيم حاشره الدنيا تباج تيين؟؟
لطيفه: منوه بيسير وياج؟
عايشه: انا و امايه و عموه بخيته؟؟ شوه قلتي؟؟
لطيفه: لا بسير بيت عمتيه..مافيني على لسان فطيم..
عايشه: خلاص عيل شلي حمد و خالد وياج..
لطيفه: تمام..


++ طلعت و تلبست و اللحظه اللي وقفت فيها جدام المنظره..حسيت بقلبي منقبض..شفت شعريه بلونه اليديد صبغته اسود فاحم و فيه لمعه بنفسجيه..مب هاذا السبب اللي خلا قلبي ينقبض..السبب هو ليش انا صبغته؟؟ من يوم انا صغيره كان احمد يتطنز على لون شعريه..مانساها جملته" شوه هالشعر الحليان"..احمد..احمد..خلاص يا احمد انته في درب و انا في درب..ابتعد عني و خلني في حالي..طلعت صورته اللي كنت خاشتنها في سدة التواليت و بغيت اطرها عشان انهي كل شي..اول ما وصلت صوره احمد ما قدرت اكمل..سكرتهاو حطيتها فالكبت..بشوفلها حل بعدين..بحرقها..]ماينجبر قلب على قلب يا احمد [طلعت لبست عيال سعيد و شليتهم معايه..اول ما دخلنا بيت عموه بالسياره انه فطيم يالسه تستقبلنا على الباب..و الابتسامه شاقه الحلج..و الخدود حمر من المستحا..
فاطمه: مرررررحبا السااااااع ملاااااييين ولا يسدن
لطيفه: يالتقردين
فاطمه: و انتي منوه رمسج؟؟ انا ارمس هالغراشيب الكتاكيت...فديت حمودي و خلودي..شحالكم باباه؟
حمد: بخير...وين سيف؟؟
فاطمه: تعال حبيبي ..سيف راح السوق مع عمي احمد..تبون تلعبون مع عمران..سيروا داخل
لطيفه و هي اتبوس فاطمه: علومج الخطيبه؟
فاطمه: و الله اتسرج حالي..شحالج انتي يالخطيبه تو؟؟
لطيفه: تماااموووووو..شفتي شفتي...سبحان الله...اخوان اخوان؟؟ ماصدق
فاطمه: أأأأأ....اقولج انسير انسير داخل...تعالي بخبرج بالساالفه من طأطأ لسلام عليكم
لطيفه: انزين اصبري..بسلم..
فاطمه: لا لا لا لا ...امايه روحت..و شموس سايره مع ريلها السوق..و البيت خلي..تعالي ما فيني صبر
لطيفه: حشا مستلغثه
فاطمه: جب يالسباله
++ بصراحه اول مره احسد فطيم على فرحتها شكلها بتطير من الفرح..هاذا اذا اصلا هيه مب طايره فووق..اول ما دشينا الغرفه سكرت الباب و لوت عليه فطيم بصوره غريبه و صاحت!!!!
لطيفه: اسميج صدق بقره...حد يصيح و هو مخطوب...طماطوووه بس عااااد..بس تراني بصيح انا بعد
فاطمه: لللطووووف..ماصدق ماصدق...علي من بد كل الناس..فديته و الله اني افداه بروحي
لطيفه: يا بنت الحلال نصيبج ...و اللي يكتبه الله مايرده الانسان..شوه شعورج انا خطبونا اخوان؟؟
فاطمه: أأأأأ...مادري مادري..امم..اكيد فرحانه...
لطيفه: و شله اتقولينها جيه؟؟!!!! يالله بنسير بيت واحد؟؟ اتصدقين لو فالحلم ما اتخيل انه هاذا ايصير
فاطمه: تراج قلتيها اللي الله كاتبنه بيصير
لطيفه: انزين يالله يا ام الخبيرات قوليلي شوه عندج امره الكلام بيظهر من خشمج
فاطمه: ههههه..اول شي..اليوم العصر عقب الصلاه..اتخيلي دق عليه عمير الباب..تعرفين عاد انا اتيبست غريبه يعني عمير تعرفين اخويه العود وياي الين الحجره..
لطيفه: و بعدين؟
فاطمه: دش عمير و عقبه دش احمد..و سكروا الباب..ايسولي فلم رعب..لا و عمير ايقول حق احمد انته رمسها..و هاذا ايقوله انته خوها العود
لطيفه: ماشالله يتعازمون عيال سيف
فاطمه: لا لا عمير ما يبا ايشاورني عشان ما اتحرا انه بيضغط عليه او انه غصب..لطووف..مادري بشوه حسيت..تمنيت انه ابويه الله يرحمه هو اللي يقولي..بس فديتهم خواني و الله ما نساها وقفتهم معايه
لطيفه: ايه ايه لا تطلعين برا النص..كملي شوه قالج الديج
فاطمه: ماشي قالي انه علي بن حارب اللي هو نسيبنا..عاد تعرفين يشرحلي يتحراني ما عرفه و هو مايدري اني متخبله عليه...يبا ايخطبنيه..و اني مب مجبوره اوافق..ونحن ما بنضغط عليج و انتي يتيمه و شورج عندج..تعرفين من هالكلام..عاد و عمير كل شوي ايقول..نحن خوانج و اللي ما تبينه ما بيصير..مايدري اني قابضه عمري عن لا طير من الفرح...
لطيفه: غربلات عدوج..لا تقوليلي قلتيلهم هيه موافقه؟؟!!!!
فاطمه: لا لا لا ..خافي ربج استحي بعد انا..قلتلهم الشور شوركم..
لطيفه: وشوه قالو؟؟
فاطمه: هزبني عمير..قالي الشور شورج انتي مب نحن..ماشي قالي اذا موافقه تراها بتييني امايه و بتاخذ الموافقه مني و اذا مب موافقه لازم اقوله بلساني..
لطيفه: تمام و الله..و سولج زفه و انتي بعدج ما عرستي..بس ياحظج يا فطيم على الاقل انتي اتعرفينه اللي بياخذج اما انا امره ما عرف شي!!!
فاطمه: دخيلج..الا قولي شوه اللي كنت ما عرفه!!! فخور من شوي مرمستني عنه و قالتلي اشيااااااء
لطيفه: شووووووو...بس قوليلي قوليلي عن سالم..خبريني كم عمره شوه ايسوي..يعني يعني اي شي؟؟
فاطمه: مادري مادري تخبري فخور تبيني ادقلها؟؟
لطيفه: ويوم انتي استجوبتي اختج شله ما سألتيلي انا بعد؟؟!!!!
فاطمه: مادري..سالم اظني جيه عمره 24 ..مخلص كليه الشرطه..حليو يعني احلا عن علي..اووووهووو و انتي شوه عايلنج بتعرفين لا تستعيلين..
لطيفه: انزين انتي شوه عرفتي عن علي؟؟ جان سألتي؟؟
فاطمه: اول شي قالتلي فخوور انه واااايد فري...زياده عن اللزوم..وو..و انه لو خذني ما بعيش اهنيه
لطيفه: اكيد مب اهنيه بنسير المرموم...ياويلي على فرقا العين و ثراها
فاطمه: لا لا ..يعني بيشلني وياه...و هاذا شرطه..اني لا اشتكي بعدين..
لطيفه: اشوووووو...شوه يعني ما بشووفج؟؟؟ و شوه تشتكين ؟؟
فاطمه: شوه اسوي عاد هذا نصيبي..السنه اليايه يمكن ايحولونه لبنان ولا الجزائر..بعدين تراه تراه
لطيفه: تراه شو؟؟
فاطمه: كان معرس و طلق
لطيفه: أشوووووووووووووووووو....شوه مطلق!!!! لا تقوليلي علي مطلق..شوه تبينه و الله ما تاخذينه
فاطمه: شسوي عاد..حظي جيه
لطيفه: و الله مب ملزومه تاخذينه..مثل ما طلق غيرج بيطلقج
فاطمه: لا لا ...فخور اتقولي انه كان ماخذنها و هو ياهل بو عشرين و هي ام 15 و الحين لا تنسين هو ريال بو 28 سنه..يعني اختلف الوضع
لطيفه: لا لا..خلي مخج في راسج..انتي بنت و بعدج صغيره لا تعقين بعمرج هالعقه اصبري باييج اللي احسن عنه
فاطمه: مااااباااخذ غيره...لا لا لا ...مالي خص
لطيفه: اتشوووفينه هاليدار اللي وراج دقي راسج فيه...لا تقولين عقب ما قلتلج
فاطمه: برايني....اووهووو...لطوووف فهميني احبببببببه..
لطيفه: ياهي بلشه...كيفج الله يهنيج..اقول ما قالتلج فاخره يعني كيف يينا على بالهم؟؟
فاطمه و ويهها غادي طماطه:يونه علي رمسها..و قالها منوه من خواتج اللي تشابه احمد
لطيفه: في ذمتج؟؟؟؟ ياختي هاذا جرئ...و فاخره عادي قالتله؟؟
فاطمه: تخبرته اول شي ليش؟؟ قالها انه انه..يعني شافنيه وو ودخلت باله على قولتها..اتخبرها عني سين جيم..تراه قالتلي انه هو من زمان يبا يستقر بس مالقا اللي يرتاحلها..عشان جيه يبا ايعرف كل شي عني ..و بس..لطفين...انتي ماحد شاورج من هلج؟؟
لطيفه: لين الحين لا !! و ليش ايشاوروني بذمتج..بتوكل و بعرس ابا اشوف عيالي..مادري احسبه سالم انسان فنان مادري ليش بس جيه احساس
فاطمه: و الله مادري...
و في هاللحظه دشت عليهن ضبابه
ضبابه: مرحبااااا بالعرااااايس....شوووو بتتوكلن عنا و بنفتك منكن؟؟
لطيفه: مرحباااا الساااااع بنت العمه..عاااد ترانا نستحي خفي شوي علينا..
ضبابه: عليكن حظ يفلق الصخر اترومن تنخطبن في نفس اليوم..اسميكن ساحرات
لطيفه: هبي هبي من عينج...شفتي عاد خواااان و الله اني ما صدق
ضبابه: أشووووووه...فطيم انتي ما قلتيلها
فاطمه: أأأأ...قلتلها قلتلها..ممم...مادري انسير برا انسير برا يدتيه يالسه فالمنصه..
ضبابه: لطيفه...و بهمس...شحاله سلطان
لطيفه: بخير ايسرج حاله..باجر بيسيرون ...
ضبابه: لا و الله؟؟ بيسير و هو زعلان عليه!! شسوي؟؟ ماباه ايسير و هو حاط في خاطره عليه
لطيفه: برايه طنشيه...انتي مب غلطانه حشا و هو غادي ملبق امررره ما يتوازا(يحتمل)
ضبابه: لطيفه بس انا احبه و الله اني احبه و احب الارض اللي يمشي عليها..شوه اسوي لا هنت لي عيشه ولا رقاد ولا حياه..ليلي نهاري افكر فيه..و حاسه بخوف و روع
فاطمه: بسم الله لا تفاولين عليه
لطيفه: هاذا من كثرما تفكرين فيه...ما عليه بنشوف لج حل اليوم..
ضبابه: الله كريم...

++ طلعنا نيلس برا عند يدتيه فالمنصه..و انا حاسه بنفسيتيه احسن بوايد..الحمدلله على هالوضع..بس بعدني حاسه بعدم الاستقرار..مادري انهم ايقولولج انخطبتي و في اي لحظه ممكن اتفارقين البيت اللي تربيتي فيه و عشتي فيه آمره و ناهيه..مادري صعب..بس هاذا مصير كل بنت و ان ما كان اليوم بيكون يوم ثاني..ريحتني فطيم بكم كلمه اللي قالتلي اياهن عن سالم..24 يعني ماشالله ريال و يشتغل اكيد معتمد على نفسه..الاصعب انه فطيم بتبتعد عني..بس هاذا نصيبها و هاذا نصيبي..و انكتبت نهايه حبي لاحمد بطريقه ما خطرت على بالي ابد..انتها كل شي..وانا مرتاحه..مرتاحه؟؟!!!...ماعرف بس نقطه على السطر.
لطيفه: شمسيتي يدتيه؟
اليده ضبابه: بخير..ازقرن على هنديكن ايوري الضو اليوم امرره البرد ضاوي بعياله..
فاطمه: كريييييييييييييييم....كريم
ضبابه: يالله الحين عااد بيسمعج يوم انتي تزقرينه..ازقري بحيل..
لطيفه: انتي منوين يايبتنها هالرقه؟؟!! يابوي ما تنفع هالرقه في مجتمعنا
فاطمه: انزين بسم الله..ضبابه سيري خليه ايي..و اقولج سووي حق حمديه خليها تيي
ضبابه: ما عليه..انا بسير داخل بسوي بلاليط..
لطيفه: منوه هاي حمديه؟؟
فاطمه: ام راشد...عنبوه حرمت عبيد يارنا
لطيفه: شوه تبنها المصريه...ياختي مافينا على الصدعه
فاطمه: حرام عليج سوالفها حلوه..
لطيفه: بس انا استحي منها
فاطمه: وااابويه عليج..الحين هاي يارتنا من20 سنه و انتي تستحين منها؟؟!!!
لطيفه: على راحتج..انا بسوي حق سلطان النحس...اليوم الا اراضي بينهم حرام عليه و الله انه البنت مسود ويهها من الهم..
اليده ضبابه: عن منوه ترمسن انتن؟؟ عن سلطان
لطيفه: هيه يدتيه
اليده: متا بيسيرون السعوديه
لطيفه: يدتيه باجر بيغبشون عقب صلاه الصبح
اليده: الله يحفظهم..
لطيفه و هي اتكلم سلطان: الو...مرحبا سلطان..
سلطان: مرحبتين..
لطيفه: شحالك؟؟
سلطان: بخير و نعمه..
لطيفه: اقولك..فالسوق انته؟
سلطان: هيه شي في خاطرج
لطيفه: خطف على سينابون و هاتلنا شوي كيك..
سلطان: هب حولج سينابون..انا العب بليارد الحين..تبين فطاطري الزمالك ماعليه غير لا..
لطيفه: حكم قراقوش.
سلطان: اشووووه..ماسمعت ما سمعت
لطيفه: قلت كل اللي تيبه زين..اقولك انا في بيت عمتيه
سلطان: لا حوووول
لطيفه: انزين..بسم الله..تعال عرب اليوم فجووه التقويم و غادين امررره قمر قمر
سلطان: ايه لا تسويلي اغراءات..
لطيفه: بس عاد من النحاسه..تعال رمسها..حرام عليك البنت مستهمه و تعبانه حالتها..و دموعها سكايب
سلطان:دواها..
لطيفه: انزين هيه تخبرت عليك..
سلطان: في ذمتج..قولي قولي شوه قالت؟
لطيفه: اتحب الارض اللي تمشي عليها
سلطان: هههههههه..ما عليه جيه ربع ساعه و بكون عندكم..حطيتيلي الضو في فواديه..يالله فمان الله
لطيفه: الله يحفظك..
فاطمه: شوه ايقولج؟؟
لطيفه: بأيي الحين..لازم نرضي بينهم بس ابا مساعدتج
فاطمه: فالج طيب
++ عقب خمس دقايق انه حمديه ام راشد داخله عليهم..و عقب السلامات يلسنا و سولفنا وياها صدق انه سوالفها ماتنمل..
حمديه: عاد ما لقيت وقت اسويلكم شي..يبتلكم حمام بالفريك مسوينه العصريه
فاطمه: يسلمن ايديج يا ام راشد...ما تقصرين..علومهن حريم عيالج؟؟
حمديه: و الله انهن مغربلاتني( باللهجه الاماراتيه مخلوطه بالمصري)..صدق يوم قالوا مركب الضراير سارت و مركب السلايف غارت
فاطمه: ليش؟؟؟ اكيد الخوجايه ملعوزتنج
حمديه: لا لا يحليلها الامريكانيه..فنانه..الا هاي سميه ملعوزتني وياها.. دوم يتضاربن..و الله انه الامريكانيه نافعتني اتوديني السوق..و تقضيلي اشغالي كلها..اتسوق سياره تراها..
فاطمه: لا و الله عيل سميه يونها بنت اختج..و مبهدلتنج..و شقايل عبيد خلاها اتسوق سياره
حمديه: عبيد الحين خرف ما يفهم..و شورها عند ريلها راشد سامحلها
لطيفه: و امين ضواها الامريكيه؟؟
حمديه: تراه الله يسلمش..سار يدرس في مريكه..و يوم خلص يابها البيت بعيالها
لطيفه: لا اله الا الله..اسلمت عاد؟؟
حمديه: هيه مسلمه و تلبس شيله و عبايه...و الله انها طيبه..
فاطمه: اقول ام راشد عطيني شوي تيلفونج..
لطيفه: شوه تبينه؟؟.... يالفضايح
فاطمه: صبري شوي برويج صوره ولدها اخر العنقود عبدالله ايجنن..حاط صورته خلفيه في تيلفون امه..الهرم ايعرف عمره انه حليو..شوفي شوفي
لطيفه: اللهم صلي على محمد..انس هاذا ولا جن من حلاته..ماشالله طالعي طالعي شقت عينه محلاها..غربلاتج يا حمديه انتاجج حلو...يوزيني اياه؟؟
حمديه: وين بحصل احسن عنش حق ولديه..إلا بوسعيد من ايشوفني يايه اخطبش بيروغني من الدروازه
لطيفه: ليش لا لا ما عليج..ما شالله عليه..كم عمره؟
حمديه:منوه يبا ولديه ولد المصريه.. عمره الله يحفظه تلات و عشرين..تراه ايحب بنت عمه اليازيه..و حاشر الدنيا يباها..بس الله يهديها امها ما بغت قربنا منها..ما وافقت
لطيفه: ليش؟؟؟ حراااام جانه ايحب بنت عمه ...
حمديه: لاني انا امه مصريه..ما يبونا
فاطمه: انزين اللي امه مصريه ولا هنديه ولا اي جنسيه مب عيب..تراه ابوه مواطن و الريال بافعاله مب بنسب امه
حمديه: عاد انا شسوي..الحين حالته حاله..ولا اعرف شوه اسوي فيه
لطيفه: برايه الله بيرزقه باللي احسن عنها...
فاطمه: اتصدقين هاذا يووم كان صغير كان اسمه عادل
لطيفه: اشوووووو...هالمزيون اسمه عادل؟؟ تراكن اتقولن اسمه عبدالله
حمديه: لا لا تراني يوم كنت حامل به كنت مسافره مصر..المينوفيه..و هناك ياني الويع و ربيت..و سميته عادل على والدي
لطيفه: انزين و عقب؟؟
حمديه: يوم رديت البلاد...احتشر الشيبه..و غير اسمه و سماه عبدالله
فاطمه: يزاه الله خير يوم خلف اسمه...ولا جان اتعقد الحين
حمديه: هههههه..لين اليوم ايقولي الحمدلله انكم غيرتو اسمي..
لطيفه: هاذووه سلطان سوا...الو..مرحبا..
سلطان: اهلين..وين انتن؟؟
لطيفه: اهنيه نحن فالحوش..المنصه اللي على اليمين اللي عدال المطبخ من الشرق..
سلطان: لااااااا واللله؟؟؟!!!!!
لطيفه: ليش؟؟؟؟
سلطان: ابسرعه ابسرعه... سيرن داخل..بسرعه ماشي وقت
لطيفه: ليش ليش؟؟؟ سلطان شوه بلاك؟؟؟ شي مستوي؟؟
سلطان: ماشي وقت للكلام الحين..بسرعه الله يغربلكن...سيرن ايقولون العصابه اهناك
لطيفه و بخووف: اشوووه!!!! اي عصابه؟؟؟ سلطان سلطااااان قولي قلبي وقف
سلطان: طالعوا اقولج الحقي على عمرج بسرعه الحين ايقولي واحد من الربع انه عصابه الايدز امره اهناك اتحوط في....... بسرعه بسرعه
لطيفه: اشوووووو
فاطمه: شوووه ايقولج ؟؟ شوه عصابته؟؟
لطيفه: الحقي عصابه الايدز ايقولوج اهنيه فالحاره
فاطمه و هي اتمط التيلفون من لطيفه: سلطان في ذمتك انها في حارتنا؟؟؟
سلطان: هيه فطيم بسرعه بسرعه الله ياخذكن بسرعه ايقولون ايهجمون فالبيوت امره في شعبيتنا..الحين واصل البلاغ عليهم..ابسرعه...ايقولي واحد من الرياييل انه شاف السياره موقفه جدام بيت عمتيه
فاطمه: الشررررررررررررررده...بسرعه بسرعه انسير داخل...
لطيفه:شوفي شوفي هاذيه ليتات سياره عند الدروازه و الله انهم اهنيه يدتيه يدتيه بسرعه بسرعه انسير داخل




اليده : شعندكن؟
حمديه: ما عليش ما عليش هاي الا رمسه ....شعاعات
فاطمه: شوه اشاعات ولا اشعاعات الحين مبلغين عليهم نشن نشن..
لطيفه: و الله انهم هم واااااااااي دخلوا البيت....الشرررررده الشردددده
++ و تراكضن البنات داخل...و تمن اليده و حمديه بس برا
لطيفه: ياااااويلي العيايز براااااا....شوه هاذا؟؟؟ اخاااف عليهن
فاطمه: انزين سيري ييبيهن اصلا هاذيلا مقصه يا خوفي يطعزوونهن و هن ما يدرن...
لطيفه: لا و الله و ليش انتي ما تسيرين؟؟!!!! شوفي شوفي دخلت دخلت سيارتهم..الله يلعنهم..انسير انبلغ الشرطه
فاطمه: هيه و الله صدقج و انا بسير اخبر ابراهيم ايسير عندهن عن لا يقصون عليهن...
لطيفه: سلطاااااااااااااااااااااااااااانوووووه الهرم....تعالي تعالي هاي سيارته..هاي سياره سلطان
فاطمه: انسير عيل برا...دام سلطان عندنا ما علينا خوف...
سلطان و هو مطلع راسه من الدريشه: هاه....الدياي فليتن!!! خسكن الله ياللي ما فيكن فايده...جيه تربعن عن يدتيه و تخلنها...
لطيفه: شووه اتقول انته؟؟؟
سلطان: قصيت عليكن ....انتن مقصه اللي يقولكن يمين يمين يسار يسار
فاطمه: مااااااااااااااااااااااعليه...مب منك...من اللي ياخذ رمسه رياييل منك
سلطان: ايه الطماطه جااااااااااااااااااااب...ريال غصب عن خشمج يالديايه ...
فاطمه: لا و الله و جاااااااااااان اتروع...
لطيفه: يالله تعال حوّل انسير المنصه
سلطان: ما عليه برد على التيلفون و باييكن

++ سرنا و يلسنا فالمنصه..
اليده: شعندكن اترابعتن بلا ذهوون؟؟
فاطمه: يدتيه هاذا سلطان بو الخريريفات قالنا يون هاذيلا الي يعطون تطعيم وصلوا اهنيه عندنا..
اليده: يالله طول عمر بو خليفه..جانه الشنتار وصل الين البيوت..يالله يعل خيره دايم
لطيفه: يدتيه..لااااااااااااااااااااااااااااا...هاذيلا حراميه حاطين فالابر مرض و يبون ينشرونه فالناس
اليده: و اشدراكن انتن؟؟
لطيفه: يدتيه العالم كلها اتقول ما تشووفين العرب مسكره بيبانهم...
حمديه: يا بناتي هاذي شعاعات..يبون ايخربون الامن في بلادنا..يا بويه نحن بلادنا في امن و خير
فاطمه: هيه و الله..حسبي الله عليهم..
حمديه: و لله انه ولديه مباحسي(مباحثي)..و ايقولي هاذيلا يبون ايزعزعون الامن..ولا ماشي كله كذب
فاطمه: هيه و الله صدقج...بس انا سمعت انهم وصلوا العين و اليحر
حمديه: لا لا لا كله كذب ما عليش..قالوا الجحر و الجنوب ومادري وين كله كذب
لطيفه: شوه الجحر هاذا بعد
فاطمه: اليحر اليحر شوه ما تفهمين!!!...
اليده: سويله فديت روحه خليه ايحول ياكل من هالفواله...
لطيفه: يدتيه الحين بيحول...
اليده: سويله يوم اقولج سويله!!!!!
لطيفه: الو...يالله حول يدتيه تباك
سلطان: وين مالها شوف
لطيفه: هاذي عدالي
سلطان: لالا ضبوب
لطيفه: هاذيه الحين بتيي..اشوفها شاله مله و يايه صوبنا
سلطان: تدري اني اهنيه؟؟
لطيفه: لا لا ...اتشوووفها..الحين هاذيه تنزل من الدري..
سلطان: اوكي
++ و طوّل سلطان على المسجل واااايد على حمد العامري.." لا تقول احبك و انته كذاب الله على فعلك يجازيك" و ضبابه اول ما لمحت السياره وخت براسها و مشت سيده جنها ما شافته..
ضبابه: هاذا سلطان لاه؟؟
لطيفه: هيه..ما تسمعين مطوّل على المسجل..
ضبابه و هي خانقتنها العبره: شوه يعني؟؟؟ يبا ايغايضني يحطليه هالغنيه..شوه هاذا ما يحس ما يخاف ربه؟؟!!!
لطيفه: حرااام عليج تعرفين عاد هو يتحرش فيج..يباج انتي تراضينه
اليده ضبابه: حوّوووووول عاااااد....جلبت روسنا بهالغنا
حول سلطان و تم ايول و هو قابض سماعة التيلفون بإيد و صلب الزقارا بإيده الثانيه..
لطيفه: بذمتج مب حلووو...شوفي شوفي ضبابه لا يفوتج..بسم الله عليه
ضبابه: مابا اشووووفه
لطيفه: شووفي انتي الكندوره حليبيه و السفره حمرا...حرام يانج اتشوووفينه شوفي الزين باجر بيسير عنج
ضبابه: اووهووووو...و التفتت ضبابه الصوب الثاني و هيه تمسح دمعتها
فاطمه: في ذمتج دمعت عينج؟؟!!!! و الله ما يرزا عليج...
ضبابه: مالج خص انتي
لطيفه: ياختي لا تلووومينها العشق العشق لعبها لعبه....بومييد تعال تعاااااااااااااال اهنيه...
سلطان و هو ايأشر بأيده على الزقارا و ايهز راسه بالنفي..و كأنه ايقولهن لا لا ماقدر لانه ريحتيه مب حلوه..
حمديه: ماشاالله انتو الشباب في عايلتكم احلا عن البنات...
فاطمه: الله يسامحج يا ام راشد؟؟!!! جاملينا على الاقل
حمديه: لا ماشالله هازا سلطان و اخوش احمد و امبارح شفت خليفه يوم رحت اسلم على عفرا ماشالله احلا عنكن كلهم...
اليده ضبابه: شعنده ينعش؟؟
لطيفه: ههههه يدتيه ايوووول...
اليده ضبابه: اسميه الا داقنه الهوا هالولد..صوبنا صوبنا بومييد...اشله مايي؟
لطيفه: يدتيه يوم بيخلص الزقارا بايي اهنيه..
اليده ضبابه: يعله بلاه هالبلا...بتجتله هالزقارا الله لا قال..
لطيفه: امررره ليله نهاره ايدوخ..ما تشوفين براطمه سووود
اليده: خليه ايي ان ما وسمته في ايده ...بالزقارا
عقب ما خلصت الغنيه..
سلطان: سلاااااام عليكن يا حرمات...ايه بنات وحده تيي تشل الاكل
لطيفه: يالله انسير المطبخ انييب الصحون والسجاجين
ضبابه: و منوه بإييب الاكل؟
لطيفه: سيري انتي..لاني ابا اقول حق فطيم شي خاص
ضبابه: ما بسير..وحده منكن اتسير تييب الاكل من عنده!!!!
لطيفه: انا ضيفه عندكم لا تأمرين عليه
ضبابه: و الله هاذا اخوج!!! سيري فطيم
فاطمه: و انا ضيفه بعد بتوكل و بسير عنكم عقب كمن شهر..
ضبابه: مب سايره لا تحلمن..كيف تبني ارمسه و هو ما يرمسنيه
لطيفه: كيفج اتعرفينه سلطان انتي...نحن بنسير و انتي تصرفي وياه..
++ سرنا المطبخ و يلسنا انوايج من دريشه المطبخ..شفنا يدتيه اترمس ضبابه..و بعدين نشت ضبابه و سارت عنده!!!! بس للأسف ثانيتين شلت الاكل و ردت..يالنحاااااااااسه!!! بس عقب شوي سكر سلطان السياره و سار المنصه و يلس عند يدتيه..
سلطان: هاه الدياي اتشاردتن؟؟ امره ما فيكن فايده انتن..كريم كيف حالك..ماشالله ماشالله ( سلطان و هو يمسك ايد كريم الهندي) زياده عضلاااااااات
كريم و هو ايهز راسه: هههههههه..تمام تمام عشان يجي قوي
سلطان: يوم عندكن هاذا جلندايزر جان خليتنه يحرسكن...
فاطمه: لا يغرك الطول طول نخله و العقل عقل صخله..اتشووفه هاذا يوم يذبحون الذبيحه جدامه ايتم يزاوع
سلطان: اممممف عليه...مرايل على الفاضي..
اليده: بويه سلطان اهبش من هالفواله..
سلطان: الله يهالدياي منوه مسونه؟؟ ( يحليله يبا يتحرش في ضبابه)
حمديه: هازا انا مسويتنه اليوم.. فنان كل منه بويه
سلطان و هو ايطلع الاكل من ثمه: يعله يفضل عنج من اكل...شوه هالعيشه..من الصبح حاشراتني على عيشتها!!!!

لطيفه: لا لا كل من هالمله..هاي الفضيه فيها بلاليط
سلطان: سقم
لطيفه: استغفر الله هاي نعمه( و هي تغمز حق سلطان عشر مرات)
سلطان: اها...في ذمتيه اني ما ذقت شرات هالبلاليط في حياتيه..منوه مسونه؟؟
++ هدووء..ماحد استجاب..كلنا نترينا ضبابه اتجاوب بس النحاسه متبادله!!!! اووووف
فاطمه: هاذا بلاليط كريم...احتراف لاه؟؟
ضبابه و هيه تضرب فاطمه على جتفها: يالجذب!!!!! جاني من الصبح و انا فالمطبخ و فالاخير اتقولين كريم
فاطمه: ويوم فيج لسان جان رمستي..حشا طفرتوبنا..
سلطان: شوه هاذا محطوط وراج فاطمه...
فاطمه: كيرم
سلطان: تمام هاتيه بنلاعبكن دور قبل لا اروووح..
لطيفه: ما يصير نحن ثلاثه!!!
سلطان: افتت عاد مفتي الجمهوريه..منوه ايقول مايوز
فاطمه و بحماااس: شووووه رايكم نلعب فريقين؟؟
سلطان: تمام..فطيم انا و انتي فريق و لطوف وبنت عمتها فريق..
++ اوووف منهم...يعني الحين مايروم ينطق اسمها..ضبابه من القهر لفت الصوب الثاني
لطيفه: يالله ضبابه وزعي وزعي ...انا و انتي فريق يالله بندجهم ( بنغلبهم)
ضبابه: مارووم راسي يعورني..
سلطان: اوكي يالله عيل شي في خاطركن بسير انا..
ضبابه و هيه تلتفت بسرعه..و بصدمه..: وين؟؟
سلطان و هو يكتم الضحكه: ذليتينا..
فاطمه: ماعاااش من ذلك بووميد يلس و الله يا تيلس بنغلبهم و بغسلهن غسال يلس يلس عن خاطريه
++يلسنا و لعبنا فريقين..و اللعبه كانت اتجنن..كلها غش..سلطان ما يعلب زين الا يعدل اللعب حق ضبابه عشان هيه اتدخل اكثر عدد من حبات الكيرم رغم انها مب من فريقه!!!!!
فاطمه: حرام عليك سلطان شوه هاذا الا لطفين و ضبابه ايغلبنا!!
سلطان: حطي البودره..( سلطان و بتعمد ضرب حبة الخمسين صوب قول ضبابه يعني هيه اللي تروم اتدخلها)
فاطمه و هي محتشره: سلطااااااااااااااااااان...شوه هاذا الغش ما يصير ما يصير..ياخي انته تغش لضبوب
لطيفه: اعترفي اعترفي بالهزيمه...
فاطمه: انتي و خوج غشاشين..هاذا يداري شوقه يباها تستانس على حسابي..و فجأه ارتفعت العيون كلها صوب فاطمه..فحطت ايدها بسرعه على ثمها..لانها قالت شوقه بصوت عالي و بقهر..ما يصير...
أنيسه: فاتيما اهماااد سوي تيلفون يقول..يريد انتي سوي حق هو..
فاطمه: سلطان..عطني تيلفونك شوي مافيني اسير الين داخل..
سلطان: اخافج اتلوثينه..
فاطمه: اشوووووو...خله حقك بسم الله...
سلطان: ههههه..اندوووج..
فاطمه: مابا
سلطان: و الله يا تشلينه..
فاطمه و هي اترمس احمد: مرحبا الساع احمد..
احمد: لعلوم؟
فاطمه: طيبه..شوه في خاطرك اتقولي انيسه انك تباني؟؟
احمد: هيه..اقولج بتلقين اوراق على تواليتي عطيهن براهيم..خليه ايوديهن الحين بيت خالي حمد
فاطمه: انزين لطوف اهنيه..بعطيها اياهن
احمد: لا و الله؟؟!!! من متا عندكم؟
فاطمه: امممم من فتره..
احمد:قوليلها ما تبا بيتزا احيدها اتموت عليها..بس لا تقوليلها هيه بروحها ..
فاطمه: يا جماعه تبون بيتزا؟؟؟
لطيفه: هيه هيه دخيلج...منوه بييبها؟
فاطمه: و انتي شوه ايخصج تبين و لا لا ؟؟
لطيفه و بهمس: احمد؟؟ هزت فاطمه راسها
لطيفه: لا لا ما با... تخبريهم هاذيلا جان يبون
احمد: هههههه..اسميها النحاسه متوثقه فيها زين..بييب مارجريتا احيدها اتموت عليها..
فاطمه: تمام و انا هاتلي سيزر سلاد
احمد: اووكي..يالله فداعت الله...فاطمه: فمان الله..احمد: فاطمه فاطمه..هزرج درت؟؟ حد خبرها؟؟
فاطمه: أأأأأ...شكلها...لأ..و الله مادري
احمد: اوكي
فاطمه: برايك مع السلامه
سلطان: شوه بلاه؟؟
فاطمه: ماشي اوراق يباك تعطيهن خالي..
سلطان: يالله هاتيهن لاني بسير الحين..
فاطمه: اوكي يالله..
سلطان: يالله انا بترياج عند الباب..
++ ساروا فاطمه و سلطان عشان تعطيه الاوراق..و ضبابه نزلت راسها بحزن..يأس ..و قهر..كسرت خاطريه..لازم اتصرف لازم..
ضبابه: شوه هاذا!!! الحين بيسير وهو بعده زعلان..لطوووف شوه اسوي..دخيلج كلميه
لطيفه: سلطان نحس..و الله لو ارمسه من اليوم الين باجر ما بيفيد فيه
ضبابه: انزين انا تعذرت له..شوه اسوي اكثر عن جيه!!!!
لطيفه: شوفي..ولا اقول ماشي ماشي..
++ رحت داخل و انا مصممه اني اراضي بينهم..دشيت داخل ادور سلطان..لقيته يالس فالميلس الداخلي و ايجلب الجرايد..اوكي هاذا المطلوب..الخطوه الاولي امنت مكان معزول..الخطوه الثانيه لازم اجمعهم..
فاطمه: وينه سلطان؟؟
لطيفه: ييتي و الله يابج..تعالي تعالي..سيري ازقري اختج ولا تقوليلها اني اباها..
فاطمه: ليش؟؟
لطيفه: اوهووو سيري انتي و هاتيها..
++ طلعت فطيم و زقرت اختها..يت ضبابه..تمام الخطوه الثانيه من الخطه اني اجمعهم على انفراد بس من دون عزله..
ضبابه: شوووو؟؟
لطيفه: تعالي تعالي...و ما عطيتها فرصه دزيتها داخل الميلس..رغم انها تفاجئت ما خفت انها تشرد.. انا كنت خايفه من ردت فعل سلطان اللي رفع عينه بغيض صوبنا..طز المهم يتصافون..خفته يطلع..
لطيفه: فطيم..بليز سدي الباب عن لا يطلع واحد منهم هاذيلا النحوووس...(و التفتت صوب ضبابه و سلطان كل شوي اكلم واحد منهم)..شوفوووو عاااد مب علينا نحن خريطكم!!!! يالله الحين اتراضووووون و خلونا انقص الحيّه..و ايطيح الحطب..لا تكابرون..يابوي..احم احم..انتو انتو تراكم اتعرفون( و الله ما قدرت ااقول انتو اتحبون بعض..بس هاذا الواقع) يعني انتو اللي بينكم مب بسيط و حرام اي اي ..
فاطمه و هي محتشره و اتحرك ايديها زياده عن اللزوم: و حراااام ايضيع..صح ولا لا ؟؟ شوفو جداكم خمس دقايق بنخليكم رواحكم...بس شووووفووو..مب رواحكم بنلايم ( بنحرك) الباب..و نحن اهنيه ترانا يعني لا تاخذون راحتكم زياده عن اللزوم( و هيه تلهث جنها تقول خطبه)
سلطان: مسوادت الويه..دوم هاي بصايركن..
لطيفه: بسرعه بسرعه..
++ لايمنا الباب عليهم..و خليناهم بس مب بروحهم بعد ما فينا الخلوه حرام..ماشي ردة فعل..يالله و بعدين يعني..عقب شوي سمعنا صوت ضبابه بهمس..عاد فالبدايه بغينا نحترم الخصوصيه و حاولنا ما نسمع
ضبابه: سلطان..امممم..شوف سلطان..انا غلطانه..و اعترف بهالشي..مادري مادري بس منوه من البشر ما يخطي؟؟!!..انا اخطيت و تعذرت عن اللي سويته..و اوعدك ما سويها مره ثانيه..لو مره ماداوم مب لازم..(صمت قصير) سلطان حرام عليك ارمسك انا..و انته مره مب عاطني ويه..حتا ما حطيت عينك في عيني
سلطان: اسمعج تراني!!! شوه تبين بعد...بس عليج يوم سمعتج..
ضبابه و خانقتها العبره على الاخير: سلطان..حرام عليك..و الله انا تعبانه..عيزت من هالحاله..و الله ما تهون عليه باجر بتسير و انته زعلان..تباني اموت يعني!!! سلطاااا...و صاحت ضبابه..سلطان.و الله و الله اللي بينا شي...شي مب هين..حرام حرر...حرام انضيعه على شي مااا..ير..يرزا


++ في هاللحظه بصراحه قلبي عورني لدرجه اني ما قدرت امسك عمريه..كنت بدش عليهم..التفتت صوب فطيم..لقيتها هالبقره دموعها اتهامل..بغيتها تعيني لقيتها تبا حد يعنيها!!!
سلطان: ضبابه...ضبابه ارمسج انا؟؟ ردي عليه..
ضبابه: لل...و بشهقه..لبيه..
سلطان عقب تنهيده: لا تصحين ما تهونين عليه اشوف دموعج!!!

تذكر قلتلك مره احبك..عهد من يومها شايل ثقيله..و وفيت ولا نسيت ايام حبك.. و هاذي عادت النفس الاصيله
و نش سلطان و سكر الباب اخخ يالقهر شوه بنسمع نحن!!!!!!!!!!! حرام حرام و الله حرام ابا اعرف شوه بيستوي لا
ني بصراحه ما اضمن سلطان..عقب خمس دقايق بالضبط فج سلطان الباب بقو..لدرجه انه فطيم طاحت و انا فوقها..
سلطان: رقيه و سبيجه ...دوم هاي بصايركن..
فاطمه: انزين بسم الله ماسمعنا شي..
سلطان: أحسن..و طلع سلطان..بس عند الباب..التفتت و بأحلا ابتسامه شفتها في حياتي: يالله شي في خاطركم الشيوخ؟؟
ضبابه و الويه غادي طماطه..: لا سلامتك..
سلطان: يالله فداعت الله..
فاطمه: شوه قالج شوه قالج؟؟؟
ضبابه: بسم الله يالفضول...ماشي ماشي
لطيفه: اوهووووو المهم تصافيتو ولا لا ؟؟؟
ضبابه و ويهها احمررررررر: هيه تصافينا
فاطمه: ااااااااااااااااااااايه حلفي انه ما استوا شي بينكم؟؟
ضبابه و بشهقه: خااافي ربج...شوه بيستوي يعني..نخاف ربنا نحن!! ماشي مادري مادري و ركضت ضبابه برا عشان تتهرب عرفنا انهم تراضوا و تصافوا و اكيد كل واحد اعترف للثاني بللي يحسه صوبه..الله يهنيهم..طلعنا برا عند الضو الجو اليوم بااااااارد و الكل متجمع برا لقينا شمسه اختيه و يلسنا انسولف وياها
لطيفه: ماشالله يالكرشه...شوه ماصورتي شمسه؟؟
شمسه و هي تنسدح: لا لا ما صورت..اخافه ولد..ماريد اصور
لطيفه: شوه بسيتوي عليج يعني لو كان ولد
شمسه: لا لا الله لا يقول...دخليج سيف و مكفني بدال القرنين مطلعلي ثلاثه..ابغي بنووته جيه اتشابه عمتها ضبابه
ضبابه: لا لا لا تبين بنت..ابا اكون انا اخر بنت فالعايله
شمسه: بس عاد من البزا حرمه انتي و بتعرسين...و تبين تتدلعين بعدج!!
فاطمه: مالت علينا نحن اللي ما حد يدلعنا..اقووووووول
شمسه: قولي
فاطمه: شرايكم نلعب لعبه الاشعار
شمسه: اسميج الا متفيقه انتي
فاطمه: يابوي انتي ما تنلامين ويا هالكرشه..اتقولين فالتاسع و انتي الا فالسادس
لطيفه: ايه ايه بسم لا تحسدين اختيه..بعدين في كل مره انا اللي افوز فما في داعي انا نلعب
شمسه : لا لا العبنها و انا بحطلكن خمسميه للي بتفوز
فاطمه: تمااااااااااااااااااااااام..
لطيفه: لا لا انا اتريا مسلسل الحقيقه و السراب..ما فيني
فاطمه: انزين بعده ربع ساااعه بليز بليز خلينا نلعبها..
ضبابه: خلنا نلعب عشان نفتك من حنه فطيم ...
++ لعبنا عشان انخطف الوقت..كل وحده تعطي حرف و الثانيه لازم تييب بيت شعر يبدا بهالحرف و اللي تتأخر اوت..عاد نحن مندمجات على الاخير و فاطسات من الضحك..و ما حسينا الا و سياره داشه..
اليده ضبابه: منوه هاذا اللي ياي الحين؟
فاطمه: يدتيه هاذا احمد
اليده: من وين ياي هزركم؟
فاطمه: ساير السوق وشال سيف وياه..
++بصراحه مايا على بالي اني بشوف احمد اليوم..ماعرف كثرة الاحداث اول شي الالتباس و عقب الخطوبه و بعدين سالفت ضبابه و سلطان..بس احمد..وين مكانه في كل هالاحداث؟؟!! ولا شي..احمد ولا شي في حياتي..بس المشكله اني مب قادره اشل عيني عنه..نزل سيف من السياره يركض صوب امه اما احمد نزل و عطا كيس الاكل للخدامه..شكله يتكلم في التيلفون و مندمج عالاخير..ساير وراد..شوي يضحك وشوي يميل..و شوي يميل على السياره شوي ييلس على الرصيف..ماعرف حسيت بالقهر..او بالغيره..لا لا يا لطيفه اي غيره انتي بعد؟؟!! من اليوم و رايح ما حد في بالج غير سالم...سالم و بس و هالريال اللي يمشي جدامج و اللي للاسف يمشي في دروب قلبج انسيه..حاولت اتجاهله..بس شكله و هو لابس الكندوره الشتويه السودا و السفره الشال تتراوالي كل ثانيه في كل زاويه..يالله و بعدين يعني!!!

رسمت الشوق بي نبض يحبك..على لوحة حسن طيفك جميله..غروب الشمس فيها مثل خدك..مثل عين اللذي فارق خليله

اليده ضبابه: و الله اني احسبه يمشي في فواديه هالصبي
شمسه: عنبوه يايدتيه الحين احمد صبي؟؟
اليده ضبابه و هيه اتأشر على قلبها: هاذا لفواد لو تعرفنه...غير بوشهاب غلاته في قلبي..متا بيعرس و بشوف بذره قبل لا اموت
لطيفه : عنبوه يايدتيه لاتقولين جيه ..الله يطول بعمرج..لطيفه و بهمس..ماشالله هالريال دكتوراه فالمغازل
فاطمه: حرام عليكن لاتظلمنه..يمكن ايرمس حد من ربعه
شمسه: في ريال ايرمس ربعه بهالطريقه..!!! ههههههه ماشالله عليه..
بعد السلامات...
+++ لطيفه بعدها موجوده..بس شكلها مب طبيعيه معقوله فاطمه قالتلها!!! مب هيه لطيفه الاوليه لطيفه ام لسانين لطيفه المقوي اللي يوم تلقاها مرحبانيه و شاله الدنيا بسوالفها..هاي انسانه ثانيه..غريبه..ماعرفها مب هاي لطيفه اللي دشت قلبي..مب هيه ابد..ما حطت عينها في عيني..ردت عليه من غير نفس شوه مستوي؟؟!!
فاطمه: أحمد أحمد لا تبدل نتريا الحقيقه و السراب..
احمد: لا وا لله مافينا انوازي المصاروه..الحياله على شوه ايون؟؟
ضبابه: على دبي الجديمه..خلهم خلهم هاذيلا لطوف اتابعهم من الصبح..
احمد: لاه؟؟ اتصدقين لطوف عاد انتي يوم بتكبرين و اتعيزين بتغدين شرات فيفي عبدو
+++ماشي ردة فعل من لطيفه جني مارمست ما تكلمت..لطيفه مب من النوع اللي يسكت اذا حد غايضه شوه فيها..شوه سالفتها هالبنت؟؟
ضبابه: حرااام عليك...شوه ياب اللي ياب؟؟ ايه لطفين شله انتي ساكته دافعي عن عمرج
لطيفه: ماهمنيه..
شمسه: لطفين!!!!! شوه هاذا شوه مسويه بشعرج انتي؟؟؟
لطيفه و هيه بسرعه تتحجب:أأأأأ ماشي..حسبي الله على بليسج شوي شوي لازم اتسمعين يدتيه!! صابغتنه
ضبابه الصغيره: اشوووووه..حرااام عليج؟؟!!! لووونه كان حلووو
لطيفه: حلو!!! الله يخليج متعقده منه!!!
فاطمه: و ليش ان شالله؟؟؟
لطيفه: ماشي من يوم انا صغيره وحده من ربايعيه في المدرسه اتقولي شعرج لونه مب حلو اتقولين حليان( اول ما قلت هالجمله احمد اصطلب في يلسته و ارتسمت على ويهه ابتسامه غريبه..اكيد عرف اني اقصده)
فاطمه: حلا راسها انشالله ...اتصدقين عاد هو حلووو لونه عليج وايد خاصه انج بيضا بس مادري جيه مكبرنج..اول اتبينين بيبي!!!!
شمسه: يالله كملن كملن...وين وصلنا..ضبابه انتي اوت لانج تأخرتي يالله فاطمه هاتي البيت
فاطمه: لطيفه انتي اخترتي حرف التاااء؟؟ تصدقين عاد صعب
شمسه: يالله عيل انسحبي
فاطمه: و الله ما نسحبت تبين اتربحين اختج..امممم..تكلم يا بعد عمري تكلم كلام العين ما يطفي لهيبي..هاه منووووو قدي؟؟ يالله لطفين دورج حرف اللام...
مرت فتره و لطيفه ماشي استجابه..كيف برد عليهاو انا مخي مب قادر ايركز..تفكيري كله عند هاذا اللي يالس على طرف و سالب فكري و روحي و قلبي..ياربي ياربي ساعدني و انساه..
شمسه: هاه لطيفه تنسحبين؟؟
لطيفه: امممم...لي خطف قلبي بمخاطيفه..غر و الحيات مقرونه ..صادني الحلوه تواصيفه..بابلي السحر في عيونه..
سادت فترة صمت..جنه الكل فهم انا شوه اقصد بهالبيت..حتا احمد فز..اسميني صدق بقره..ليش سويت جيه؟
ضبابه الصغيره و عشان تكسر جو الارتباك: شت يا لطفين اسميج مافيج حيله..بابلي السحر في عيونه..يالله اختاري حرف..
لطيفه: امم م..حرف الجيم..
فاطمه: شووو..حرام عليج هالحرف صعب..غيري غيري
لطيفه: ما تبين انسحبي..
شمسه: شوه قلتي بتنسحبين
فاطمه: لا لا لا لا عطني فرصه..مرت فتره طويله و فاطمه ما حصلت بيت...
فاطمه: اوهووووو صعب هالحرف..
احمد اعتدل بيلسته..و بردت بفعل ما حد توقعها: جرح في جاشي مخبنه ..و الخوافي ضربهم خافي..لي محب مني و منه..حب مثل الجوهر الصافي
++ مادري ليش كل الانظار اتجهت صوبي انا؟؟..شوه لا يكون يتوقعون انه احمد يقصد بهالبيت انا!! انقهرت..شوه يالس يستهزء بي يعني!! هو اكيد يعرف اني انخطبت ماله لزوم كل هالفهلوه..اووووف الا اردها له..
لطيفه:عادي اتمادى فالغرور مثلك ترا يتجاهله..ما حب انا ميت شعور و الحب ما تستاهله..
++ مادري شوه سويت..بس اللي فهمته انه البيت اللي قلته سوا فوضا لانه فطيم اطالعني و هي فاجه حلجها..و ضبابه اتعض لسانها..اما احمد فنش متغيض فووول..شل اغارضه و سار داخل و هو اينافخ؟؟؟؟؟




قلبي وليع و دوم حساس حساس لك يفضي بسده ..و شوقي عليكم ماله قياس اكبر من احساس الموده


""" الجزء الثالث عشر"""

عدت الايام بسرعه..و اليوم اخر يوم امتحان فاينل و خلاص بيخلص هالكورس..بالنسبه للاوضاع فكانت هاديه جدا..أتجنبت اسير بيت عمتيه بخيته لاني الين الحين حاسه بالفشله..يعني ما لقيت يغما عليه الا جدام احمد و فالسوق!!!! مالي ويه اطلع جدامه...بييلس يتطنز ادريبه..
فاطمه: مب جنهم اتأخروا اليوم؟؟؟
لطيفه: دريولنا نحن محوصب...ماظني يخطف علينا...دقيتي حق ابراهيم انتي؟؟
فاطمه: هيه مرتين عشان أأكد عليه...بس مادريبه وين سار الهرم؟؟ اخيس شي عندي يوم يتأخرون في اخر يوم...
لطيفه: شوه مسويه ضبابه فالامتاحانات؟؟
فاطمه: الين الحين اوكي باجر عندها كيميا و خلاص...احيدها فالمعهد..بعد هاي منوه بييبها؟؟
لطيفه: نشي نشي اسمع ينادون على أسامينا...
++ طلعنا..و لقينا سياره البيت موقفه مادري منوه ياي ايشلنا..اول ما فجيت الباب..كان سلطان يالس و ايدوخ
سلطان و بعصبيه: هالكثر الين ما تطلعن؟؟؟!!!!!
لطيفه: انزين بسم الله...شوي شوي علينا...اصبر الين ما سكر الباب شوه عايلنك؟؟ ولا لحظه بركب جدام
سلطان: لا لا لا اركبي اركبي ورا مستعيل انا
فاطمه: السلام عليكم..
سلطان: و عليكم...ورايه المباراه..الله يلعنهم
لطيفه: يالله جانك حارق اعصابك عليهم...
سلطان: عنبوهم جانهم ما نخلي بقعه ما نربع وراهم و يخسرون من فريق كحيان
لطيفه: خلصت المباراه؟؟
سلطان: لا بعدها..و خسرانين بجولين..
لطيفه: لا لا ما عليك منهم العيناوين قدها...بيجلبون النتيجه...بس لا تسرع انته شوي شوي ...
سلطان: الين ما فركن فالبيت و ارد النادي قدها خلصت..
لطيفه: انزين وين الدريول؟؟؟
سلطان: اميه و عمتيه سايرات دبي العزا...منوه تبنه اييبكن يوم مجيد محوصب
فاطمه: خيبه عيل ضبابه منوه بييبها؟؟؟
سلطان: لا حوووووووول....وين هاي بعد؟؟؟
فاطمه: فالمعهد...اللي في شارع خليفه
سلطان: اشوووووو؟؟؟؟؟ قلت المعاهد تربع لهاذاك المعهد
فاطمه: سلطان حليلها الكيميا صعب و سايره عند معلمه اهناك يمدحوونها...
سلطان: انزين هاي الا امتحانات نص السنه....ماله لزوم المعهد
لطيفه: تباها ترسب يعني...
سلطان: خلاص انزين خلاص
++ حشا سلطان غادي ملبق..ما نروم ننطق بكلمه و من ركبنا الين ما وصلنا المعهد و هو كل شوي ايطفي زقارا و ايولع غيره..وصلنا المعهد..و قفنا و بركنّا فالباركنات اللي عطرف.. بس ضبابه اتأخرت شوي..
لطيفه: الله يهديك سلطان جان بركنت جدام المعهد عشان اتشوووفنا..
طلعت ضبابه متحجبه بس مب متغشيه و متلثمه بطرف الشيله..اول ما تقربت من السياره اتغشت..
نزل سلطان الدريشه: من جداام من جدام...
ضبابه: السلاااام عليكم...و حطت كتبها من جدام
ردينا السلام الا سلطان...اللي ريوس بسرعه و بعصبيه
لطيفه: شوي شوي سلطان..
سلطان: جب انتي...( سلطان و هو يلتفت صوب ضبابه): شوه الشيخه فرحانه بويهج يوم ما تم واحد من الشباب ما شافج...ارتاح فوادج الحين..ما دريبها انها هاي سواياج ولا جان من زمان ادبتج
ضبابه و بشهقه: سلطااااان حراااااام عليــــ.....
سلطان: اصصصصصص ولا كلمه....مسوده الويه نصخج ماريد اسمعه
ضبابه و هيه حاطه ايدها على ثمها: شووو...
سلطان و هو يطالع ضبابه و عيوونه تشع من الشرار و حاط صبعه على ثمه: جاااااااااااااب..حسج ماريد اسمعه...و لمي ثمج...ثركن مسودات ويوهكن من ورانا..و الله و الله يا ضبابه ان سمعت انج شبرت برا البيت شبر واحد سايره معهد ولا غيره لا تلومين الا عمرج!!!!
++ سكتنا عشر دقايق عشان نمتص غضب سلطان..بصراحه ضبابه كانت في موضع ما تنحسد عليه..سلطان عسل بس يوم ايعصب ينجلب شي ثاني...عقب ما هدت النفوس..
ضبابه و صوتها متقطع: قبل لا تعق كلامك اللي يقطع...اباك اتعرف انه فالباركن كانن سيارتين استيشن و سود و نمرهن خضر..شوه تباني اعفد في اي سياره؟؟( و هي تشهق)..و شدراني يوم انه ماحد نزل و قالي ولا طرشتولي بشكاره.. تباني جيه من الله اعرف شوه منهن سيارتنا؟؟!!!!
سلطان: خلاص خلاص الرمسه الحين ما تفيد
ضبابه و هيه تشاهق من الصياح: تفيد ولا لا ؟؟؟ ما يخصنيه عيل ليش تصارخ و اتهد...حرام عليك ظلمتنيه
سلطان: خلااااااااااص اقووولج... شوه ما تفهمينها الرمسه انتي؟؟!!!! ما بينا كلام
لطيفه: حرام عليك سلطان مب جيه اتفاهم النااااااس...خل عندك اسلووووب شوي
سلطان: جب انتي .... ما يخصج
فاطمه و هيه تهمس للطيفه: خليهم خليهم يتفاهمون بروحهم..مشكلتهم ولازم ايحلونها..خليهم يتفاهمون
ضبابه: سلطان انا ماشوف زين...و قلتلك كانن سيارتين متشابهات..شوه اسوي يعني..انته قولي..قولي..
سلطان و هو ايولع صلب زقارا: مشكلتج...وين نظاراتج؟؟؟
ضبابه: و الله و الله اني نسيتها فالبيت..و عيوني فيهن حساسيه ماروم البس عدسات..و بعدين و بعدين انا فجيت الغشوه عند باب المعهد بس يوم حيّدت السياره اتغشيت!!!!
سلطان: لا و الله صاطعتلي بالويه جدام الشباب...اصلا انتي وين تبين هالمعهد ما تشوفين الشباب كيف مازرينه؟؟!!! ظاهرتلي بويهج في شارع خليفه!!!! قلت المعاهد ما لقيتي الا هالمعهد..مب عليه خريطج
ضبابه: سس...سلطان حرام عليك كل ربايعيه اهنيه...
سلطان و هو ايوقف السياره جدام بيت عمتيه: فكيني من الرمسه اللي مالها معنا... وما بيني و بينج كلام دام هاي سواياج...
ضبابه: خاااااف ربك...ليش تفكيرك اسود...سلطان حرام لا تزعل...انزين انا اسفه..اسفه
سلطان:في اي بنك اصرفها اسفه؟؟!!!! ( و هو يلتفت الصوب الثاني عن ويهه ضبابه)
ضبابه و هيه اتصيح: حرام عليك و لله حرام ....و نزلت ضبابه و هي اتصيح و شلت شنطتها و نست كتابها و نزلت فاطمه
فاطمه: مشكور عالتوصيله سلطان
سلطان: العفووو..
تحرك سلطان...و هو معصب...وصلني البيت..و قبل لا انزل
لطيفه: سلطان...مادري كيف بتغضي عينك اليوم و انته ظالمنها...خاف ربك..الله يعلم بحالها الحين..و رد على البنت كتابها خلها اتذاكر منه...باي

++ شوه هالحاله..ضبابه و سلطان من بد كل الناس يتزاعلون!!! حرام و الله حرام..قلبي متقطع على ضبابه..ادري انه سلطان عنده حق..و يبا مصلحه ضبابه..و انه ما سوا جيه الا لانه يحبها و يغار عليها..بس المفروض انه ما يظلمها..اكيد ما كانت متعمده..مب كفايه انه ضبابه الخقاقه قالت اسفه!!! بس شوه يبا بعد!
بعد يومين...عالماسنجر...
لطيفه: شوه ضبابه الحين؟؟
فاطمه: و الله مادري عن حالها..من يومين و هيه قافله على عمرها..مادري قلبي يعورني عليها
لطيفه: و انا اكثر...الله يهديه اذا هو معصب على المباراه شوه ذنبها هيه..؟؟؟
فاطمه: شدراني...
لطيفه: اقولج شو الشي الضروري اللي كنت تبيني فيه؟؟
فاطمه: ااااه يا لطفين...
لطيفه: حوووووووووووه....شفري شفري...علا الماسنجر نحن...شوه بلاج؟؟
فاطمه: علي
لطيفه: شووووو بلاه؟؟؟
فاطمه: خطبوله...خلاص خلاص خطبوله
لطيفه: حلفي..
فاطمه: من يومين خبرتني فخوووور..ياربي ليش ليش...
لطيفه: خلاص يا فوفو شليه من بالج كم مره قلتلج انا...بس انتي الله يهديج ما تسمعين النصيحه..و بعدين من يومين عندج خبر ولا تقوليلي!!!!! وين المخوه بينا؟؟؟
فاطمه: تراني كنت منصدمه
لطيفه: ولو!!! انا توام روحج شراتج ماتغبين شي عني..( فيس معصب)
فاطمه: لولو حرام عليج...اللي فيني يكفيني...من دريت و انا مب في حاله..و ما ريد حد يلومني في حبه..
لطيفه: لا و الله الحين يايه اتقولين هالرمسه و انا من زمان اقولج مالج حايه فيه...
فاطمه: لولو...عيل حتا انا من زمان اقولج طبيه الديج..و انتي الين يومج اتموتين فيه
لطيفه: مب بكيفي
فاطمه: ولا انا!!!!!....المهم انا فكرت فالموضوع..وانا اللي اخترعت هالوهم و عشته..
لطيفه: شوه يعني
فاطمه: ماشي بنساه...و الله يهنيه في حياته...بس احبه...يالله شوه اسوي..فديت ريحانة فوادي
لطيفه: يامن اشتراله من حلاله عله...حالي من حالج
فاطمه: عندي لج بشاره...يدتيه ضبابه باجر بتيي العين و بتبات عندنا اسبوع
لطيفه: لا و الله؟؟ يالله يعلني ما خلا من هالطاري...بس بييبها اهنيه عندنا
فاطمه: مب بكيفج...امايه تبا اتوديها اتسويلها فحوصات
لطيفه: ليش شي فيها
فاطمه: جيك اب بس..اقولج سمعي سمعي هالاغنيه... اسميك يا الاجتبي ييت عالعوق..
لطيفه: اوهوووو لا تقوليلي عيضه مافيني...
++ و فجأه علق الكمبيوتر حاولت فيه منيه مناك بس ماشي فايده...اوهوووو و الحل يعني..بسير اشوف خليفه خليه ايصلح لي اياه...هندسه كمبيوتر على الفاضي!!!!
لطيفه: خليفه....خليفه
خليفه: هلا لطوف شوه فيج؟؟
لطيفه: تعال بسرعه شوف الكمبيوتر علق و اباك اتصلحه..
خليفه: عنبوه معلق وما تعرفين اتصلحينه!!!!!( خليفه و هو يغايض لطيفه)و انتي شوه خانتج في هالدنيا
لطيفه: خانتيه اني اطفربك...يالله بسرعه فطيم اون
خليفه: رمسيها فالتيلفون مابيطيح نصج
لطيفه: مب نصي اللي بيطيح الا كلي...قوم عاد ...تيلفون البيت الله يهديها عمتيه من تقبضه ما تفجه و تيلفونها خربان فره سيفوه فالماي..
خليفه: ههههههه...اول شي قولي فديتك
لطيفه: علموك اتذل انته بعد!!! فديتك
خليفه: حبيني على راسي..
لطيفه: يي هااااا....حشا لو بعدك الكعبه...بتنش ولا لا ؟؟؟
خليفه: اكيد بنش...لاني لو ما عدتله بتاكليلي فواديه..جدامي( و هو ايدز لطوف على جتفها)

مشكوووره